تركيب ماصوره من القزوز وتطيح الموتر

[معاند تمير]

السلام عليكم ورحمة الله وبركاتة



مساكم الله بنور
اخباركم يالربع
لو تكرمتوو عندي استفسارين بسيط على موتري الددسن 2010 خليجي
1-ابي اركبله ماصوره من القزوز الى الشكمان ابي اساىل هل هو ياثر على الموتر وكم احط مقاس الماصوره انا سمعت انك ياتحط 2ونص بوصه ولا 3 بوصه انا ماعندي علم الي عنده علم لا يبخل علينا برايه ويجزاه الله خير .
2- ابي اطيح الموتر كامل يقولون اذا طيحته كامل تكثر خرابته والمقصات والاذرعه وزي كذا ويمكن ياثر على القير وعلى كراسي المكينه قلت اطيح وجهيتة بس ولا اتوقع انه بياثر وابي رايكم يالربع :D
وانشاء الله انكم منتم مقصرين

[ماون ماركز]

الماسورة .. ما فهمت ليش بتحطها ..
قصدك شكمان يعني ..

اذا بتحطها شكمان .. في هذه الحالة لازم تحطها تحت الشاصي وتحت والدفرنش وتحت القير
يعني بتكون نازلة قريبة من الأرض

كيف بتخلي الماصورة تتثنى مع البودي والشاصي والدفرنش والأجهزة الثانية ..
مثل ماهو حاصل مع الشمكان الأن


* تنزيل السيارة .. يدمر كل الموتر .. بدون تحديد

تحياتي

[معاند تمير]

اخوي : ماون ماركز
يعطيك العافيه على المرور
يعني الماسورة بركبها يعني منها صوت وتقوي العزم مهيب تكتمه مثل الدبة وانا بلغي الدبات كلها ومدها بماسورة
طيب تطيحت الوجه تاثر على الموتر

[معاند تمير]

وين الرد من باقي الاعضاء ؟؟؟

[rpk]

حط في بالك ان الماصوره ساده راح تحرق عليك الزيت وراح تخرب عليك البلوف او جلد البلوف والشئ الثالث والمهم راح يضيع عليك العزم والكلام هذا من تجربه وانت لك الخيار

[قلقانش]

يعطيك العافيك أخوى معاند تمير

اذا حاب يكون للموتر عزم وصوت وشغل يحبه قلبك لك أحد الحلول الثلاث

ركب هدرز منيفول سواء كان(السويدي الأماراتي -أو تفصيل مصنع العتيبي-أو تروح للبحرين يفصلونه لك ) لددسن
وطبعا حسب الخبره أقولك

البحرين 100% حديد خفيف ويسخن بسرعة مع الضمان
السويدي 90% حديد وسط لحام ممتاز شغله كد ومد لكن بدون ضمان
العتيبي 80% حديد ثقيل والحسنة الوحيده كونه بالسعودية قريب للصيانة وضمان

من ناحية العزم

وبدون ما تحط على قولتك ماصورة بس من راس الهدرز وخله (دايركت) وشف شلون بتخف المكينة

لكن ما أنصحك فيها لانها تحرق الزيت حرق والمكينة ما يصير بها هواء يضغطها

لكن من جهة ثانية

بما أنك وصلت لمرحلة التفصيل فا يفضل تاخذ سستم قزوز كامل من اي الجهات المذكورة فوق

يفصلونه لك بكنداسة وسطية خفيفه يقالها (كراش ) تعطي الموتر خفة وصوت

غير الشغلات الثانية اذا حاب يكون للموتر ممشى بالخط

مثل الفلتر الرياضي K&N مع ماصورة 3 انش

بواجي رياضية وأسلاك بواجي

وكل هالأشياء تلاقيها بالشرقية كونهم من محبين السرعة في هالسيارة

وبعدها امسك طارتك صح وابشر بالممشى

لكن على العموم وللمعلومة كل الأشياء المذكورة فوق تقلل العمر الأفتراضي للمكينة


وسلامتك

دمت بحفظ الله ورعايته

[معاند تمير]

يعطيكم العافيه على الردود
لكن بسائلك اخوي قلقانش
الهدرز مايلعب بلمكينة او ياثر عليها
طيب الهدرز البحريني كم سعره وش الافضل هو ولا الاماراتي
وهل اذا ركبت هدرز تنصحني في الفلتر الرياضي K&N مع ماصورة 3 انش

بواجي رياضية وأسلاك بواجي وحتى لو ماركبت الهدرز اركبها بتقوي العزم وهل تاثر ولا ماتاثر سواء بلهدرز ولا بدونه

وقول ثانيه يعطيكم العافيه على الردود

[قلقانش]

يعطيك العافية اخوي معاند

تبي النصيحة من أخو

الهدرز حلو ويخفف وبتنطرب لكن( بعد سنتين بالكثير ودع مكينتك بذات اذا كنت تسرع عليها )

الفلتر يعطي عزم ملحوظ اذا كان عليه ماصورة وسيعه 3 انش تدخل اكبر كمية هوى وممتاز لكن( يحرق الزيت)
يعني يبي لك تمشي وتعبي نقصية المكينة واذا انت من النوع اللي ينسى يشيك فا ودع مكينتك وغالبية الشباب يفضلون الفلتر على الهدرز بشكل كبير

البواجي واسلاك البواجي ممتازة ولا فيها عيوب وتعطي دفع كهرب ملحوظ وتعتمد على نوعها يمكن يفيدونك الاخوان بالنوع الممتاز

فا النصيحة فلتر واسلاك مع بواجي وكمبيوتر ددسن 2004 عشان الفاصل وتمشي فوق 170

ولا طربت عمرك وانبسطت رجع الفلتر الاصلي ولا كن صار شي


وبالنسبة للهدرز استفسارك :

البحريني هو الافضل وسعره كامل يتراوح من 1500 الى 2000 وهذا سعر تقريبي شامل قازقيتات مع التركيب والضمان يعني شغل مصنع

الاماراتي / يعطونك اياه بالمحلات وان ركبته احتمال يلقح معك أو ينسم وتلحيم بعد كم شهر لاني جربته بلاندكروزر ولا عطاني الأداء المطلوب

بالتوفيق دمت بود

[معاند تمير]

هلاا يعطيك العافيه اخووي
بس الحين الماصورة 3 انش بس عيبها تنقص زيت ولا لها عيب ثاني
طيب انا موتري مايفصل لنه خليجي يعني ماله داعي اركب كمبيوتر 2004
والله شكلي بركب فلتر وماصوره دامها مااتثر الا بس بنقص الزيت
ويعطيك الف عااااااااااافيه على المرور