سعر جيب ربع ميتسوبيشي كم ؟

[anas]

السلام عليكم ورحمة الله وبركاته
من فترة بسيطة وانا ابحث عن جيب رخيص ربع للتطعيس وطلعات البر فقط بسعر لا يزيد عن 15000 ريال

ووجدت ربع جيب متسوبيشي باجيرو موديل 93 واقف في معرض احمر اللون .. ما هو سعره الحقيقي في ظنكم ؟ وراعي المعرض يقول لي 18الف ريال ..
أمر آخر وهو انني وجدت جيب جالوبر هونداي ربع موديله تقريبا 2003 - 2004 .. كم يسوى في ظنكم ؟
وأيهما الأفضل الجالوبر أم الباجيرو ؟ وشكرا للجميع .

[الطرشي]

مساء الخير أخي انس

انا رحت لوكالة العيسائي قبل اسبوع تقريبا وسالتهم عن الربع 2006 وقالوا ((محجوزة لين موديل 2008)) للحكومة امن عام والبريد والوزارت . فاتوقع ان المستعمل بيكون غلى شوي بسبب هالصفقة

لكن انشالله تطيح في واحد نظيف لانه بصراحة موووتر نفود لكن مهضوم اعلاميا

[ابواليزيد]

السلام عليكم
اخوي انس انا كنت ادور على ربع ميتسوبيشي من موديل 2000 وفوق مالقيت الا 2005 وكان سعره فوق الثمانين
بالنسبه للقالوبر فهو ماكينة متسوبيشي بس الموديلات القديمه 92,93 واللي اعرفه ان القالوبر انقطع عندنا من موديل 2001وماعد يجي انا سئلت الوكاله .بالنسبه للقطع القالوبر ارخص من الباجيرو وبالتوفيق

[anas]

الله يعطيكم العافية اخواني ( شين الحلايا ) و(ابو اليزيد) .
ويا اخوي ابو اليزيد انا اليوم الخميس لقيت عندنا في جدة جيب ربع موديل 2001 باجيرو وسعره 51000 والثاني نفس الموديل وسعره 39000 ريال وأقصد بذلك الربع فقط .
وبصراحة ما كان داخل مزاجي الباجيرو الى ان رأيته وهو يطعس ما صف جنبه لا باترول ولا لاندكروزر .. وصدقت اخوي شين الحلايا في انه مهضوم حقه فعلا.... لكن اللي خلا الناس تصرف نظر عنه هو قطع غياره تصور أن الزجاج الأمامي انا سألت عنه ووجدته بـ3000ريال .
اخي ابو اليزيد: اجل يمكن الجالوبر الربع اللي شفته انا موديل 2001 ولانه نظيف مره حسبته موديل 2004 .

[شعيب النميري]

السلام عليكم ورحمة الله وبركاته
مرحبا أخوي أنس (anas) صراحه الباجيرو ممتاز مره بس العيب الوحيد انه قليل في السوق
وان حصلته لقيت سعره غالي وقطع الغيار غاليه شوي بس انها حول قطع غيار الجيوب الثانيه
النيسان والتايوتا .. أما من ناحية الجالوبر عيبه الشرعي انه من هونداي وما يعيش كثير حده سنه او حولها
وسعره يطيح بسرعه اذا بغيت تعرضه للبيع .وفيه واحد من الزملا جربه بس الصالون منه ما مدحه ......
هذا ما عندي من معلومات والله يوفقك ويسهل امرك .....أخوك شعيب النميري ..