المساعد الشخصي الرقمي

مشاهدة النسخة كاملة : ياراعين الأيسوزو سؤال؟؟؟


عاشق ربـع
05/01/2006, 11:27 PM
ياشباب وشرايكم انا انشاء الله نويت اشري ديماكس

بس محتار قير عادي ولا اتماتيك

انا راعي طلعات خفافي واستخدمة للديرة وللسفر يعني كلش وراعي تطعيس ومطامر


وشرايكم والله اني محتار ناس يقولون التمتيك اقوى

وناس يقولون كلش الا الأتمتيك :no2: لا تاخذة خذ عادي احسنلك فا وش رايكم.............
عاشق ربـع
06/01/2006, 12:09 AM
وينكم ياشباب محدن عندة ايسوزو ديماكس
عاشق ربـع
06/01/2006, 01:39 AM
ين الناس ياناس رايكم بس ماطلبنا اكثر
مفتاح التقنية
06/01/2006, 02:20 AM
كيف الحال يالخو

الحين تقول انك تطلع للبر خفافي وبعدين تقول انك راعي مطامر ( ماتجي )

اخوي معه اسوزو قير اتماتيك ويمدحه مررررررة

لكن اقول اذا انت راعي مطامر صدق خذ قير عادي احسن لك
عاشق ربـع
06/01/2006, 02:31 AM
تجي يعني اطامر على خفيف


على العموم مشكووور على مروورك وردك وتعليقك يعطيك العافية
ولـد الدوادمي
06/01/2006, 03:00 AM
اخوي ازينلك بعد عن السوزو وان كانك صامل خذ قير عادي ؟
ذيب حضن
06/01/2006, 06:55 AM
الله أعلم أي سياره تماتيك بتتعب في التطعيس
انكانك في الدوادمي خذ عادي لأن ماهناك زحمات
عاشق ربـع
06/01/2006, 08:21 AM
اخوي ولد الدوادمي

ليش ابعد عن الأيسوزو كل ماشفتها عند واحد نزلي لستتة مميزات يمدحة ولا يسبة

عندك شي عنة يعني هل به عيوب؟؟؟ انكان به شي حطة تكفى..
مفتاح التقنية
06/01/2006, 04:42 PM
لا يهمونك الاسوزو اثبت جدارته لا تايوتا ولا نيسان

اهم اشي نبي الي عنده تجهيزات للاسوزو لا يبخل علينا

مثل الدعامية ولا الطربال واي شي جديد
عاشق ربـع
07/01/2006, 06:00 AM
مشكووور على ردك

انا سمعت انك تلقاء تجهيزاتة بالغرابي
متأمل
07/01/2006, 07:51 AM
السلام عليكم..

أول شي أشتر االأسوزو ;) ممتاااااااااااااااااااااااااااااازة

وما عليك من المثبطين :no2:

وإذا كنت تبي الراحة الأتمتيك والي يقول مهب قوي لا يهمك لأان التمتيك مهب مثل أول قوي ويتحمل

بعدين خذلك دبل ولا تنس تركب فاصل لدبل لأن مكانه غلط

الأكسسوارات هذي هي:

بالنسبة لزعانف ((الدعاسات الي على الجوانب))

أنا درت الغرابي ما لقيت أفضل وأرخص من العليان الي في الريان

حتى العليان الي في الغرابي أغلى بـ 51 ريال

وأي شي جديد أوافيك قريبا إن شاء الله..
:j

وشكرا

تحياتي لـ مفتاح التقنية
مفتاح التقنية
07/01/2006, 01:20 PM
شكراً اخوي المتأمل

لاتنسى توافينا بجديدك

تمنياتي لك بالتوفيق
فتى شنه
07/01/2006, 01:44 PM
غير القير العادي لا تفكر بعدين ترها ديزل ماتجي التماتيك اقوى من العادي

وبعدين ان بعيت الراحه على كلامك خذ باترول والا تيوتا
عاشق ربـع
08/01/2006, 09:05 AM
مشكوووورين على مرووركم


والي عندة زيادة يحط الي عندة...
دسم الشوارب
08/01/2006, 09:38 AM
انتبه واستلم العلم اليقين
وعلى فكره الكلام هذا قلته من قبل
امتنع عن الديزل وانتبه واياني واياك تبعد عن الددسن والهايلكس البنزين
مع اني أفضل الددسن
لأنه معروف وقطع غياره متوفره ورخيصه هذا إذا إذا إذا خرب
قوي ومتماسك والكلام هذا عن تجربه شخصيه
الددسن رفيقي من يوم سقت إلى اليوم إلى بكره إنشاء الله
وكما بلغني قطع غيار الايسوزو غاليه وغيرمتوفره أصلاً
ولاتلقا أحد يصلحه مالك الا الوكاله وبينتفونك هناك
خل نقول ان ايسوزو قوي ومتماسك ولاراح تنشب في المشاكل هذي كلها
ماهي بعيده يجيك واحد مقرود ويصفق موترك الاه منعدم ..الله يستر
وبعدين الديزل غثيث حتى لو كان اقتصادي
1ـ صوت مزعج
2ـ يحتاج إلى تحميه وقت طويل جداً
3ـ يدخن زياده وريحته كريهه وقويه
4ـ في الخط الصفات السابقه تتضاعف
5ـ حتى بعد الانتهاء من المسافات الطويله لاينتهي الموضوع يحتاج إلى الانتظار قبل الاطفاء ليرتاح حضرته
6ـ في المحطات طرنبات الديزل بعيده وتتطلبهم علشان يجون يعبون لك ووصخه وتوصخك وفي آخر الدنيا كنك جربان وقدامك تريله ووراك دنه وجنبك باص وبهذله انت في غنى عنها
وانت شاري موتر علشان يريحك ولاانت تريحه؟
الديزل تداريه وتعذب نفسك علشانه والنتيجه:
1ـ دخان الديزل يسبب امراض الصدر
2ـ صوته المزعج يعطب الاذن والدماغ
3ـ الانتظار عند التحميه وفي المحطات يرفع ضغط الدم... والنتيجه!
الفلوس اللي وفرتها من اقتصادية الديزل تدفع دبلها في العلاج
ويقول الواحد ساعتها ياليتني ارخيت ريالي ووفرت صحتي... وكل شيء بيدالله




<!-- / message -->
http://www.mekshat.com/pix/upload/sign/images/mk21568.gif
عاشق ربـع
08/01/2006, 11:56 AM
يابيي انا سمعت ان هناك فلتر للشكمان تغيرة كل 20 الف كيلو وهو 15 ريال

و الصوت مهب قوي لذيك الدرجة وانا مأخذتة علشان الأقتصاد الي فية والأنة رخيص قيمتة 77 الف اغلى من الهايلكس والددسن

انا باخذة على شان نصبتة وشكلة الرهيب ومركبة

و الصراحة كنت ناوي على هايلكس 2006 وما جازلي شكلة ونويت اغيرة مالقت الا ايسوزو
عاشق ربـع
08/01/2006, 11:58 AM
ومن قالك انة ياخذ وقت طويل بالتحمية فية شفاط 5 دقايق ولا هو محتمي


واعرف ناس عندهم الموتر ومرتاحين لاخرابات ولا وجع راس....
دسم الشوارب
08/01/2006, 07:18 PM
كيفك والله يقويك
لكن شف



http://www.mekshat.com/pix/upload/images13/mk21568_fffff.jpg

http://www.mekshat.com/pix/upload/images13/mk21568_ttttt.jpg

http://www.mekshat.com/pix/upload/images13/mk21568_kkkkk.jpg
دسم الشوارب
09/01/2006, 08:45 AM
الددسن ماتنقصه الركزه الزينه والملامح القويه والمتانه
يعني كلها تكتكة زوايد وابشر بالزود



http://www.mekshat.com/pix/upload/images13/mk21568_kkkk.jpg
http://www.mekshat.com/pix/upload/images13/mk21568_jyyy.jpg
جو الصمان
09/01/2006, 10:43 AM
ههههههههههههههههههههههههههههههههههههههههه
مركب كفرات كبار شكله مايجيب إلا خمسين على الخط
انا معك في قوة الدفرنس لاكن الدفرنسين خجمه لاتوهق الرجال حرام عليك ياخذ موتر ويروح يبيعه على طول
توكل على الله وخذ سوزو هاذاهو معي ماخليت محل الاطبيته ابها الصمات الدهنا وسفرات لا تعد ولاتحصا عليه والديماكس اقل ازعاج ولا يدخن إذا حافضت على فلتر الديزل والله اني رايح على ددسن غماره وهو مركب لوكات والموتر مافيه كلام
وشكرا
جو الصمان
09/01/2006, 10:52 AM
وهذي صوره لعيونكمhttp://www.q8boy.com/uploads/76bab3b6e7.jpg (http://www.q8boy.com/)
ملك المجمعة
09/01/2006, 01:08 PM
السلام عليكم ترا السوزوز كلن يمدحة وانا ابيلك الزين والله خذ اتومتيك والله يعطيك خيره ويكفيك شره ووووووووووووومبرررررررررررووووووووكككككككككككككك



مع تحيات
ملك المجمعة.
عاشق ربـع
09/01/2006, 01:41 PM
مشكورين على ردودكم وتعليقاتكم


لا كن هل التومتيك يمشي زين بالبر وهل مافية خربات وهل هو يتحمل؟؟؟؟؟
عاشق ربـع
10/01/2006, 10:48 PM
تسلم علىالصورة

اكم
الربذي
11/01/2006, 07:36 AM
هلا عاشق
السلام عليكم
بصراحه اخونا دسم الشوارب خفس بسوق الديزل (قدامك دينا وراك تريله وانت بينهم زين وجهك انت وعائلتك !!!! وكانك جربان وانواع الغبره ) !!ههههه
اخوي بصراحه انا اشوف العادي احسن مو التماتيك لان التماتيك مو حق جر وسحب ومطامر وتطعيس وهكذا ولاانصحك به ابدا ابداا لا العادي (قير عادي ) مع احد الزملا اول ماطلع له حوالى سنتين وشوي مامثله ويمدحه مره وهو العادي مره اللي له فرارات من الوكاله
ويقول 50 ريال توصلك الف كم (1000) وكانه امريكي بالراحه وعزمه حلو فقط صوته وهو بارد مزعج شوي بس اذا احتمى تمام بس ترا يبي كل شوي فلاتر مو زي البانزين زيت واكفخ !!
محب النياق
11/01/2006, 08:51 AM
انا من رايي ا ن سياره البر لازم نكون قير عادي لاني جربت الجيب gxr تماتيك ولانفع .................................

بعدبن الددسن احسن من الديماكس يكفي انه نيسان واقوى وارخص واحسن في البيع......................................

والله يعينك..
Abo Nader
11/01/2006, 07:51 PM
السلام عليكم

شف أخوي توكل على الله بالنسبه لأختيارك و خل عنك كل ذام ترى و الله ممدوح الموتر لي لولا ظروفي و لا كان شريته بس إن شاء الله أخوي يشريه
و تراه بالنفود و الله قوي أعرف واحد يقول أنه به ميزه ممجنوه و الي هي أنه إذا حملت ما يقل عزمه كثير وهذي تكفيك أعرف ناس معهم الموتر واصلين به الدهنا و مقطعين الصمان و مراقين بالخراره المهم...

التميك واحد يمدحه بالنفود بس هو راعي ركاده بس يقول يمشي و ممتاز و العادي أفضل عموما بالنفود


ولا تنسى تستخر و توكل على الله
عاشق ربـع
14/01/2006, 07:41 PM
مشكووورين اخواني


على ردوودكم ............
اسيزو 4x4
14/01/2006, 11:25 PM
خذ سيزو وإنت مرتاح موتر يعتمد علية في كل شي وأفضل ونيت ياباني أنا مجرب كل الونيتات اليابانية ما لقيت أزين من السيزو له معي ما شاء الله أكثر من سنتين وما شاء الله علية مريحني بلا هايلوكس بلا ددسن بلا تكسير ظهر ......
salehhd
15/01/2006, 06:25 PM
السلام عليكم

والله انك صادق يا بو حمود

الايسوزو مركبة مركب سيدان وعزم قوي لاجاك تيربو

والتماتيك اريح في البر لاكن لاغرز الله يعينك واغلب الجيبوب الجديدة قيرها تماتيك

انصحك بالاستخارة ترى من استخار ما خاب
ومبروك مقدماً
عاشق ربـع
16/01/2006, 07:58 PM
مشكووورين اخواني على تعليقاتكم الرائعة.....
exit8a
17/01/2006, 03:07 AM
شف وانا اخوك الموتر ما عليه كلم لافي اشكل ولا ارساوه واقتصادي اما قولت انك تخليه يبرد ما تطفيه هذي اذا صار تريله بس الموتر في اتطعيس يطيح عزمه ولا يبيله واحد يجور عليه وتواضب على الزيت وفلتر الديزل وحمل عليه الي تبي يعجز الددسن والهايلكس يشيلون مثله
انا معي ديماكس بعد هايلكس 93 و 2004 ديزل ولا فيه مقارنه
عاشق ربـع
17/01/2006, 01:54 PM
اهم شي انة يبدع بالبر

مشكووور على مروورك اخوي
ولـد الدوادمي
19/01/2006, 10:20 PM
اخوي عاشق ربع

هو صح الموتر حليو لاكن كم سنه وتبدا مشاكله ويقوا الصوت

وإن كان الموتر بخاطر خذه ولاتشاور احد

والله يطعمك إنشالله من خيره ويكفيك شره

اخوك ولــ الدوادمي ــد