ياعل هالعادات ماتنقطع ياحي ياقيوم ( استراحة على طريق حائل الجوف ) صور

[قرناس حائل]

السلام عليكم ورحمة الله وبركاته
تحية طيبة وبعد :
الحقيقة شدني لكتابة هذا الموضوع هو ماشاهدته وانا قادم من الجوف إلى حائل
بيت شعر كبير على يمين الطريق و أنت متجه إلى حائل بالمقربة من مفرق الأبرق
حوالي 180 كم من مدينة حائل
كنت وأنا قادم من منطقة الجوف وقت الظهيرة وقررنا المقيال في هذا البيت
فوجدت الشيء الذي سر بالي ونفسي بشدة
فحبيت أن تشاركوني هذه الصور التي وأن دلت فإنما يدل على كرم تللك المنطقة
- لست هنا بصدد التشهير أو الدعاية -
وإنما دعيت الله من كل قلبي أن لا تنقطع هذه العادات
فنبدأ من هنا وهذه هي اللوحة المعنية
واعذروني على ردائة التصوير لأنه من الجوال


http://www.mekshat.com/pix/upload05/images222/mk27510_fghhh.jpg


اول ماتمسك ردمية الأبرق بعد أريل الجوال مباشرة يقع هذا البيت طبعا هذا الأريل


http://www.mekshat.com/pix/upload05/images222/mk27510_pppp.jpg


وهذه صورة البيت تظهر هنا من بعيد


http://www.mekshat.com/pix/upload05/images222/mk27510_hjjjjj.jpg
وهنا بعد ما أدخلت الموتر بالظل


http://www.mekshat.com/pix/upload05/images222/mk27510_jnjb.jpg


http://www.mekshat.com/pix/upload05/images222/mk27510_nbv.jpg


وهنا يظهر لنا معاميل القهوة والشاهي (صلح قهوتك واللي تبي )
http://www.mekshat.com/pix/upload05/images222/mk27510_qqwer.jpg
http://www.mekshat.com/pix/upload05/images222/mk27510_qqwer.jpg
http://www.mekshat.com/pix/upload05/images222/mk27510_yugyu.jpg


حتى هنا عزبة الطبخ والماء والذبايح


http://www.mekshat.com/pix/upload05/images222/mk27510_uuu8.jpg
حتى الذبايح موجودة


http://www.mekshat.com/pix/upload05/images222/mk27510_[llpkpo.jpg


والفرش بعد اذا بغيت النومه أو التقييلله




http://www.mekshat.com/pix/upload05/images222/mk27510_pokio.jpg
هذا شراع الماء اللي يبي يغسل ,,,,,,
http://www.mekshat.com/pix/upload05/images222/mk27510_yguyyf.jpg



هنا الظاهر انه مروش



http://www.mekshat.com/pix/upload05/images222/mk27510_ddfss.jpg


وفي الختام لا يسعني الا أن أقول جزا الله خير من قام بهذا الفعل الطيب
والله لا يحرمه الأجر أن شاء الله
واذا أراد أحد منكم احداثية للموقع فانا جاهز ,,,,,,,,,,


تقبلوا نحياتي

[أبوعابد 22]

مشاء الله وانا اخوك الي بسالك هل في احد في الخيمه يعني اهل الخيمه او الابرق

[gomr-15]

والله غريبه صدق وين اهل الخيمه او اهل المكان

يعني هذي استراحه لي واحد يجي غريب ولا وش السالفه ؟؟

انا اتوقع انا الخيمه ذي مجلس يمكن لقرية الابرق

وهل في احد قلطكم ولا انتم جيتو وما حصلتو احد

[موهبة]

وعليكم السلام ورحمة الله وبركاته
جزاك الله خير يا قرناس حائل على الموضوع.
غير مستغرب الكرم الحاتمي من ناس الكرم عندهم ما له حدود.
واللي سواها إن كان قصده بهالحركة مضياف لأهل السبيل ولا أهل القرى المجاورة أو غيرهم, أقول بيض الله وجهه.

كلما ضاق صدرك من مصايب الدنيا, سبحان الله تشوف موقف, بعده تقول الحمد الله الدنيا ما زالت بخير.

[الطرس ممدوح]

تسلم يمينك على الصور الرائعه

[جبل راف]

اعتقد ان بيت الشعر ضيافة لاهل الابرق الكرام وعابري الطريق ومادام ماحصلتهم ممكن فيه ظرف والا شي خلاهم يتركون البيت وحتى لو جوا وحصلوك يزيد ترحيبهم فيك اكثر
وسبعة انعام باهل الابرق وحائل عموما من غير نقص ببقية المناطق

العادات والتقاليد الاخيار مايقطعونها ولن تندثر

[الحر الموحد]

وعليكم السلام والرحمه . . حياك الله ياقرناس حايل . . مانقول الا مثل ماقلت ( ياعل هاالعادات ماتنقطع ياحي ياقيوم ) وبيض وجيههم وجزاهم الله خير . . وبيض الله وجهك انت على النقل . .

[القنـاص2008]

رحلة موفقة بيض الله وجهك

[قرناس حائل]

مشاء الله وانا اخوك الي بسالك هل في احد في الخيمه يعني اهل الخيمه او الابرق


حياك الله اخوي

هذي سبيل , يعني زي الاستراحة

تحياتي لك

[قرناس حائل]

والله غريبه صدق وين اهل الخيمه او اهل المكان



يعني هذي استراحه لي واحد يجي غريب ولا وش السالفه ؟؟


انا اتوقع انا الخيمه ذي مجلس يمكن لقرية الابرق



وهل في احد قلطكم ولا انتم جيتو وما حصلتو احد


حياك الله اخوي

هذي سبيل ومثل ما تقول استراحة مسافر

ولا فيه أحد يوم جينا حتى الدلال كانت مغسولة ومبطي ماحد صلح قهوة بهن

تحياتي لك

[قرناس حائل]

شكرا لاخواني المرور الطيب

تحياتي للجميع

[بزاخة]

جزاهم الله كل خير على هالفعل الطيب وما هي مستغربه منهم .... وايضا هناك مضافات على هذا الطريق طريق حايل الجوف واذكر منها عند اتجاهك من حايل الى الجوف يأتيك مفرق عليم العطش يوجد هناك مجلس كبير للضيافه ... وايضا من عليم العطش باتجاه الشرق الى جنوب شرق يوجد مجلس ضيافه بالغضاه على غرار مجلس عليم العطش .. الله يجزاهم بالخير وفعلا الدنيا لا تزال بخير ... تقبل مروري.

[الجندي2005]

ما غريبة ناس كرماء وهذي اطباعهم ،،،،،،،،،،،،،،




،

[قرناس حائل]

تحياتي للاخوان

شاكر ومقدر مروركم الطيب

[روحي بحايل]

انا بقول شي بما اني من حاايل واعرفها زين .....
هالطريقة مشهورة في كل حايل ويسوونها اكثر الناس في مجالسهم بحيث لا جيت لبيت الرجل تلقى الباب مفتوح والمعاميل جاهزة ...
لكن طريقة بيوت الشعر زي ما شفتوها بالصور يشتهرون بها قرى شمال حايل اللي هم:
اهل جبة وما جاورها - الجفر - الخطة - القاعد - الحفير -
واكثرهم من شمر من الشلقان والرمالات وغيرهم ....
ومن هالبيت بيوت كثير أنت طب النفود واحكم بنفسك
هذا اللي انا اعرفه ،،،،

[مقدام النت]

الذبائح على كم ؟ والا مجاني ....
بعدين لايكون ناس توهم نازلين وانتم خشيتوا عرض ههههههه

[Al3rands]

ماهي غريبه على اهل الكرم والجود

[وادي حويره]

جزا الله صاحب الخيمه كل خير
سؤال
ليش مايتكرمون اصحاب الجيوب الوسيعه بعمل محطات على هذا الطريق الحيوي

[YUKON_GMC]

الله يجزا المحسنين خير لكن الزمن تغير والحراميه وقليلين المروه ماخلو للطيب مجال ..

لكن اتوقع ان البيت استراحه لأهل الديره ومراقب من احدهم والا كان اول ماتسرق الذبائح والاسطوانه وحتى الدلال

اليوم صارت تسرق اسطوانات الغاز من بيتك من فوق السور فما بالك في ذبائح على الف ريال ومتروكه بالخلا

[رسن]

والله لو اني من امير منطقة امشي لهم معاش طبع ذا طبع ناس اجواد
الكريم يحبة الله ورسولة والملائكة
عسى الطيب من ربعنا

[path2002]

الله يحفظ لنا ديرتنا واهلها

[محطم عنيد]

ماشاء الله جعلها الله في موازين حسنات صانعها


هذا الكرم اللذي قل في هذا الزمان

ويعطيك العافية وألف شكر ع التغطية

[ابو ريآن]

الله يجعله بموازين حسناته

[عناز الحره]

ولاهو غريب على اهل حايل

[منفلت]

غير مستغرب من اهل الجود والكرم

[XML FLASH]

انتبه و انا خوك لا تكون غلطان _ اللوحه تدل على المسافة الى الابرق
و لا يوجد ما يدل على ان الخيمة سبيل ...!

بعدين الذبايح من يسقيهن اذا الدلة مبطي ما تقهوا فيها احد!!!

[ابو محمد2010]

الله يجزاه خير من عمل هذا العمل

الذي يدل علي كرم اهل هذه المنطقه

شي جميل اول مره اشاهده ودعيت له من قلبي

الف شكر لك اخوي قرناس حايل

[الحصان 1]

ماشاء الله تبارك الله
وبيض الله وجهك على هذا النقل الرائع
والذي يستحق النقل والاشادة والحمد لله اننا بخير
ونرى هذه العادات موجودة عندنا الى الان وليس بغريب
على قبائلنا جميعآ في الشمال وجميع انحاء مملكتنا الغالية

[العراك]

والله انه شي يشرف وينومس ولاهي غريبه على الطنايا كبار الصحون وساع الطعون يعني طيب ومرجله وانا والله عنزي ولاكن والله انه فخر الله يعزهم امين

[ابو سمر]

بدون مجاملة فهذه عادات أكثر أهل منطقة حائل وما جاورها من بادية وحاضرة ، وللأسف أن جهات أخرى لا تستطيع المرور بأراضيهم ، وقد يلحقك منهم أذى، لكن أهل منطقة حائل فأهل الكرم الحاتمي من مئات السنين ..

[ذيب مجزل]

ما غريبة ناس كرماء وهذي اطباعهم ،،،،،،،،،،،،،،

[غزل الهوا]

يعطيك العافية على الموضوع
هذه علوم الرجاجيل اهل الشمال اهل الكرم والنخوه

[النووي 2009]

ماشاء الله تبارك الله

[شموخ بدوي]

الي ما راح لحايل وعاشر اهلها لايقعد يتفلسف علينا
لانه وش عرفه بعلوم اصلا ماعرفها عند ربعة فاكيد يستغرب من هذا العمل او يستكثر هذا العمل لانه مسكين ما احتك بالرجال
انا اشهد ان اهل حايل فيهم الكرم والجود الذي يفوق الوصف
طبعا ماهي غريبة على احفاد حاتم الطائي :f

انا مدرس وعشت في حايل عزالله انهم كرما واجاويد ورجال ينشد بهم الظهر والنعم فيهم بعد حيي هم
وهذ شهادة لله من فتى جهينة

[شفت]

يارجال وش الغريب تراكم بالسعوديه والثانيه بالذات بالشمال

[عناز الحره]

افلحو ياناس
كل واحد له وجهة نضر
وكل ديره وبلد وقبيله وجهه من المملكه فيهااا حقهاا
من الاجواد
وكل ناس لهم سلمهم وعاداتهم
وبالاخير
(((ان اكرمكم عند الله اتقاكم))


هى تقياااا الله اللى ليتنااا نحرص عليهااا
جميعا" لنصبح اكرم الناس

[سما وماء]

بيض الله وجيههم

عز الله انهم يشرفون من جاهم

كفووو والله

الله لا يهينك ياكاتب الموضوع ويجزاك خير

[فيلسوف الحجاز]

ونعم برجال الشمال ... اهل كرم وشيمه وقيمه

[همس الغدير]

مشاء الله تبارك الله

[الدافور 1430]

ماشاء الله جعلها الله في موازين حسنات صانعها

[alkhamaly]

الذبائح على كم ؟ والا مجاني ....
بعدين لايكون ناس توهم نازلين وانتم خشيتوا عرض ههههههه


هههههه ياحليلك ياراع النت الذبايح مجاني والبيت مجاني
مستغرب نعم مجااااااااااااني
يالحبيب هذا الكرم الحاتمي :f كرم شمر خوالي وتاج راسي

ربي يحميهم ويزيدهم من فضله كم عندهم والله من سعة الصدر والوناسة

[حمرآن النواظر]

والله ونعم بهم والكرم ماهو غريب على أهل الشمال

[ذيبان210]

والله والنعم باهل الشمال اهل الكرم والمروه احفاد حاتم

وهذه ليست بغريبه عليهم ولا على الرجال

وصفه طيبه وجميله وكما تفضلت اخوي لعل ها العادات ماتنقطع

[mifleh]

يعطيك العافيه

[رمز العطاء]

كلمة حق لابد أن تقال هذه هي عادات أهل النفود الكبير
الله لايخلي النفود من أجناسهم 1000نعم فيهم

[فارس الدوسي]

أقول بيض الله وجيههم

[قناص2000]

الله يعطيك العافية والله وانا اخوك شيء ماهوب غريب على اهل هذي الديار ولا هوب نقص القبايل الثانية

[أبو معاذ 2006]

شكرا لك على هذه الصور

[سيف الظفير]

حايل يا حيي




بالله اهلها و حايل وش تلقى منهم اسئلك بالله


الا الكرم الحاتمي الطائي

[الأطخم]

ونعم والله بأهل حايل وكل من به خير

ماشاء الله

عادات طيبه

عسى الله يرزقهم كل خيرر

الله يبيض وجيهكم ياشمر

[wafi4sa]

بارك الله فيك
وباقرب فرصة إن شاء الله لنا زيارة

[الدوسر ي]

مشكوووووووووووووور

[العزوم]

جزاهم الله خير

وعادات طيبه عسى ماتعدم !! والله يبعد عنهم ضعاف النفوس يعني لو قريب هالبيت من بعض المدن الاخرى مالقيت الا مكان ( الغاز والا الهرافى ) وبالتالي تنحسر وتنعدم هالصفة الحميده

مشكووور

[راعي الغنمات]

الله يستر على هالخيمة وعلى المعاميل وخصوصاً الذبايح من اللي مايخافون الله يسرقونها

[عشقي الصحاري]

مآهي غريبه@
يمكن رجآل فآعل خير حآطهآ @

تحيآتي لك@

[ابوو عبدالله]

ما شاء الله
عز الله ماهي بغريبه على اهل الكرم

فعلا استراااحة مسافر

انا اذكر بالشتاء اللي فات كنت جاي من الجوف الى حايل
يوم وصلت حول جبه
طبعا الوقت باقي شوي ويأذن المغرب

واذا فيه على ايمن الخط فوق النفود جيب واقف
وراعيه يشر لاي سياره تمر
واشرلنا ورجعنا له
ويوم سلمنا ولا الرجال حاط معاميله وقهوته زاهبه
ونجلس ونتقهوى معه ورجال ونعم شرواكم
وانشده وش عندك هنا قال ابد
انا من اهل جبه والعصر اطلع هنا
ومن وقف قهويتوه مثل ما تقول استراحه
وصلينا معه المغرب ومشينا
بس عز الله اني وصلت ديرتي وانا ادعيله
طير العماس عني انا ورفيقي
بيض الله وجهه
حبيت اضيف اللي صار معي على هاك الخط
تأكيد لكلام الاخوان

[ع العمرو]

هذه من ابسط عادات اهل هذه البلاد بعد عمري يالسناعيس.

[أبو ترركي]

نعم بالأجواد , وأشكرك أخي قرناس حائل .

[سيف الظفير]

والله يا بعض الديار ما تمر من ااراضيهم الا جايين لك وش تبي وش عندك انت طرقى ولا عساس خد

سلامي على حاااااااااايل وشمرررررررر الطائية

[أ ب و ع ل ي]

الله يعافيك وجزاك الله خير

أهل الخير مايقصرون جزاهم الله خير

[كاشت نت]

بيض الله وجيههم الاجواد ...

عزالله انهم كفو والسبعة انعام ولاهو قصور بالباقين ....

وفعلا زي ماقلت ياعل هالعادات ما تنقطع ابد

[قوقل ارث]

مهب غريبه على اهل الشمال اهل الكرم والجود

[خالد الزومان]

جزاهم الله كل خير على هالفعل الطيب وما هي مستغربه منهم


تقبل مروري. اخوك خالد

[منصور العاطفي]

كفو والله يا هل حايل
والله إني أحبكم بطرياكم الطيب
والطيب ينحب ولو ماتعرفه
وأشكر صاحب الموضوع على بيان
فضل أهل هذه العادة الطيبة

[الخفاره]

بيض الله وجيههم ووجهك ماهي غريبه عليهم جعلهم المعزه

[محمد الدوسري ٢٠٥]

رحلة موفقة بيض الله وجهك

[المنصف5]

مشكوووووور على الموضوع

[ايقاع المطر]

موضوع رائع يبين كرم اهل المنطقة وليس بغريب عليهم
الله يعطيهم الف عافيه على كرمهم الاصيل ويرزقهم جنات النعيم
دمتم بخير

[راعي الجنوب]

الله يجزاه خير وماقصر

[دامح الزله]

يا اخوان راعي البيت رايح يقضي له اشغال وراجع وهذي عاده هل البر يروح يوم او يومين ويرجع .

[كشّات شتوي]

نعم برجال الكرم وأهل الحــمــيـــه**** مقلطين التمر في ظهور الصواني


ونعم رجال الشمال خصوصا شمر والله أهل كرم وفاء ومقام طيب
بيضين وجيها ........ جيناهم سياح ولا نعرف أحد منهم ولقينا
الوجه الطلق والكرم الحاتمي الآصيل ....
والشكر لك على الموضوع وتأكد أن هذا اللبيت للضيوف ومعد
من قبل رجال الكرم ولو إني لا أعرف حقيقته لكن تاريخهم يشهد

[ياهوااا]

الله يجزاهم ألف خير

[smas3160]

جزاهم الله خير والله أنهم كفو

[sultan911]

ما شاء الله تبارك الله يارب ترزقهم من حيث لايحتسبون هذا فعل الطيب يصعب على كثير من الرجال فعله

[عدى معدي]

الشئ الأكيد
إنها ماهي غريبه من أهل هاك الديار....من غير قصور بباقي الديار

[غيث 6]

عزالله ماهي غريبة على اهل هاك الديار ابد

[ناصر القريني]

الطيب ما يستغرب من هله
والقرم منجا والكريم معان

[مسفر ابو حمود]

ما شاء الله تبارك الله

[أبـوالبـــراء]

جزاك الله خير
وعلى قولتك ياعل هالعادات ماتنقطع

[طيار الشمال]

هذا راعيه حاطه استراحه لأي واحد مسافر يمر ويتقهوى فيه عامل على مدار 24 ساعه

[عيون الاحساء]

الله يديم هالكرم

وهذا مو غريبه على العرب الاصيله هذا الكرم

تحياتي

[الفهد القصيمي]

والله كبار وكرماء ورجااال وبس ,,

[ابو محمد المضياني]

اللهم امين

تسلم يدينك على التقرير

[مبارك اا]

هذا طبع العرب على مر العصور الكرم وهذا مايميزهم عن غيرهم

[دنيا بلا معنى]

ماهي غريبه على اهل الشمال الحقيقة وشكرا على الموضوع والطرح الجيد

[لجلك تعنيت]

ماشاءالله تبارك الله

يعطيك العافية

[النايف 31]

يعطيـــك العافيه
ياقرناس حائل

[حي ميت]

بارك الله في من فعل هذا الطيب

ودامت حائل والجوف والشمال كلها بخير وعز

انشاء الله

[نايف770]

اللهم امين يعلها ماتنقطع ياااااااارب

[انسانه؟]

الله يجزاهم خيرويكثرمن أمثالهم ,,
اول مره اسمع باستراحه تكون سبيل ,,
ربي يبارك فيك اخي قرناس حايل على تنويرنا على طباع مازالت تمارس في زمن حنانستغرب وجودها..,

[alwssam6]

ما شاء الله تبارك الله
رحلة رااائعه يعطيك العافيه اخوي

[ذئب الدهناء]

ماشاء الله روعه