يا أهل الخبرة في الباثفندر - فزعتكم ! !

[همّام]

سلام الله عليكم جميع

مشكلتي باختصار في الهوك الخلفي والأمامي للجيب الباثفندر .
لأن مشبك الواير أو السلسلة مرتفع كثير والصدام ربل خبركم ،
وأنا إذا شفت المحتاج ما أصبر( ما أدري لقافة ولا فزعة ) ،
الله لا يحرمنا وإياكم فضلة ، ،
فأي سحبه أو فزعة لأي واحد يخلف الله على البوية ،
فزعتكم يالنشاما ترى صدام الموتر تمخش وحالته حالة . .


وتسلمون لأخوكم ومحبكم // همّام

[راعي الرجم]

اخي الكريم حياك الله

فية موضوع شفتة قبل مدة في هذا المنتدى
كيف تقوم بتصليح هوك
ويتكون من ماصورة 2 بوصة من الحديد القوي حق الحفارات
و50 سم زاوية حرف الواي سماكة 2.5 ملي الموضوع جيد بس نسيت في اي قسم لاكن اعتقد المبتكرات
وفية رسم هندسي جيد
بالنسبة لسحب السيارات البايفندر ليس قوي يستطيع سحب السيارت المغرزة حسب تجربتي

[همّام]

راع الرجم

شكرا للرد الجميل

وهذا رابط موضوع كابتن جربوع عن الهوك
http://www.mekshat.com/vb/showthread.php?p=224566#post224566

لكن بودي أن أستفيد من الهوك الموجود في السيارة أصلا بدون لحام ، بس أبيه ينزل شوي

ثم انتبه تغلط على الباثفندر وتقول ما يصلح للسحب ، ترى اللي يعزونه واجد

هههههه

الموتر له معي 6 شهور تقريبا لكن ما شاء الله عليه ما يقول لا ،،،

لا وبعد أزيدك من الشعر بيت تراه تماتيك مهوب عادي

أكرر شكري لك أخوك // همّام

[أبوناصر]

الحل سهل جدا أخوي

أنا كنت مثلك

مريت على محل حديد وطلبت منه حديده أطول من الهك الي فيه

وفتح فيها بالأكسجين فتحه للسحب وصارت أطول

وسويتها في جهه وحده ورا يسار وهي بحول الله تكفي

إذا ودك بصورها أحطها لك قريب

[نمر بن حثلين]

نفس الموضوع متعبني ياخوي همام قد سحبت واحد وانشق الصدام

وليتك ياخوي ابو ناصر تلحق علينا بالصور

وشكرا

[همّام]

الفزعة وأنا أخوك يا أبو ناصر

أسعفنا بالصور

ولا عليك أمر ياليت تصور بعد ارتباط الحديدة بالشاص


حتى يكون أوضح لا هنت


أخوك // همّام

[راعي النيسان]

اخي العزيز انا شريت هذا الهوك جاهز من القصيم لكن سعره غالي شوي شريته ب ( 750 ) ريال ولكن اعتقد انك بكل سهوله تستطيع عمل واحد مثله عند اي ورشة حداده

وتراه قوي جدا سحبت به فورد اكسبدشن متعلق على حاجز ترابي متعلق على الشاصي
وكثير جدا من السيارات اللي مقرسه في الطعوس

هذه صورة الهوك


http://www.00a00.com/files/203/photo/IMG_00409.jpg



تحياتي