المساعد الشخصي الرقمي

مشاهدة النسخة كاملة : الديكور الخشب الداخلي


اخر كلام
17/07/2011, 11:12 PM
السلام عليكم
اسال عن الديكور الخشب الداخلي لسوبر سفاري اللي فوق المكيف والمسجل وين يوجد فيه اصلاح او بيع جديد مع الفيبر اللي على الرفارف
التشليح مالقيته والوكالة قالي سعره 1050 ريال اليوم سالته عنه والغرابي قالي تخشيب كامل بالف ريال ومدري وش بيسوي ماعطاني الا اخشبها لك اللي يعرف اماكن بيعها او طريقة لااصلاحها لاهنتوا يحط عنوان والا رابط ربي يحفظكم
http://www.mekshat.com/pix/upload05/images222/mk124523_img_1181.jpg
زمزم 100
17/07/2011, 11:30 PM
وضع الديكور مأساوي .

في الغرابي محل الإبداع للتخشيب متخصص .

أو خذ رقم القطعة و اطلبها بالنت أرخص لك .
ابوسعودد
18/07/2011, 12:23 AM
نصيحه مني خذ لك حق سياحي اللي يجي لونه اسود ثم وده لمحلات التخشيب

لانه بلاستك قوي مو مثل حق السوبر كنه بسكوت
اخر كلام
18/07/2011, 12:37 AM
وضع الديكور مأساوي .

في الغرابي محل الإبداع للتخشيب متخصص .

أو خذ رقم القطعة و اطلبها بالنت أرخص لك .

من ناحية مأسوي فشويه عليه رحت للغرابي بس مارضى يقول ايش بيسوي بالضبط ومو راضي اشوف شغله سيب السياره يوم عندي هذا كلامه !!
اخر كلام
18/07/2011, 12:39 AM
نصيحه مني خذ لك حق سياحي اللي يجي لونه اسود ثم وده لمحلات التخشيب

لانه بلاستك قوي مو مثل حق السوبر كنه بسكوت

حي الله ابو سعود رايك مبارك ربي يحفظك بس جالس اشوف ايهم اقل تكلفه لان بشتري بلاستك وبعدها تخشيب هل نفس سعر الجديد والا اقل
مدري عندك خلفيه بكم سعر البلاستيك بالوكاله
زمزم 100
18/07/2011, 08:38 PM
فكرة أبو سعود ممتازة ..

و فيه حل ثاني .. فيه محلات تصنيع أي قطعة بلاستيك أو فيبر جلاس للسيارة .



روح للصناعية القديمة مخرج 17 غرباً ثالث إشارة U ترجع طريقك تجيك المحلات ع اليمين أدخل بعد بنك البلاد و اسأل

مثلا ( بروتو بلاس )
اخر كلام
18/07/2011, 09:07 PM
ياهلا بالغالي زمزم
قصدك شارع الامير سلمان ثالث اشارة تحت الكوبري حق الخرج اذا هذا هو اليوم انا عندهم
ولقيت ناس تتعلم اللي يقول معك القطعه واللي يقول بتكلفك طيب كم قال ماعرف هههههههههه واللي من بلاد الشام ويالله يحكي معك بجد انواع الابتسامات مع الحر بس معذورين حر واجار غالي وبلد مافيه حماية مستهلك فلازم يستهلكونا (كنه شطحت شوي )<<<<

اقرب الحلول اني اخذ البلاستيك السوداء يما اخشبها والا اخليها مايفرق الشكل واصورها وانزل صورها بهالموضوع وارسل للشركة رابط الصورة كتنبيه فقط ولو ماحد درى عني بس نقول محاولة
عاشق السيل
18/07/2011, 09:16 PM
1050 ريال .......؟؟ ياويلي ويلاااااااااااه !!!

وأنا كنت ناوي أروح أشتريه من الوكالة متوقع سعره أقل بكثير ،، ومن ناحية التشليح مافيه امل أروح لأني حتى لو لقيته بيصير متهالك واول تركيبة بينكسر !!!

بيني وبينك هونت أغيره أنا مثلك متكسر لكني ماسكه بصمغ أبو جن القوي وماتشوف إلا شطوب بسيطة ولله الحمد بس مشكلتي ما أقدر أفكه لو بغيت أصلح المسجل مثلا لأنه أي حركة بيتنثر ههههههه

تكفى وأنا اخوك قلي كم قيمة العادي البلاستيك وكم قيمة تخشيبه ؟؟

الظاهر مالنا إلا كذا ......
اخر كلام
19/07/2011, 05:50 AM
1050 ريال .......؟؟ ياويلي ويلاااااااااااه !!!

وأنا كنت ناوي أروح أشتريه من الوكالة متوقع سعره أقل بكثير ،، ومن ناحية التشليح مافيه امل أروح لأني حتى لو لقيته بيصير متهالك واول تركيبة بينكسر !!!

بيني وبينك هونت أغيره أنا مثلك متكسر لكني ماسكه بصمغ أبو جن القوي وماتشوف إلا شطوب بسيطة ولله الحمد بس مشكلتي ما أقدر أفكه لو بغيت أصلح المسجل مثلا لأنه أي حركة بيتنثر ههههههه

تكفى وأنا اخوك قلي كم قيمة العادي البلاستيك وكم قيمة تخشيبه ؟؟

الظاهر مالنا إلا كذا ......

ياهلا بعاشق السيل والله يكفيك شر الويل
سعر البلاستيك بحوالي 380 ريال بعد الخصم والتخشيب مدري كم قيمته بس مايقل عن 250- 300 ريال وبشوف الغرابي يمكن عندهم حل ؟؟؟؟