انتاج سيارة غزال 1 واخيراً..!!!! فيديو.

[احمد الشمال]

السلام عليكم


كيف حالكم


جبت لكم مقطعين عن سيارة غزال السعوديه


واتمنى انها تنال اعجابكم مثل مااعجبتني لكن الزجاج الامامي شكله مااعجبني.!




jC34tZOB2vo






UQPX733TR5A





وبالتوفيق ان شاء الله للجميع.. أخوكم : أحمد

[Abo gssar]

الله يعطيك العافية
بس مدري ليه احس خليط شركات شبك بي ام رفارف رانجلر خلفية بليزر ......
اخاف اذا نزلوها السوق واحتجت قطع لها قالوا لك انتظر نطلبها لك طلبيها من المانيا ههههههه

[سلفاريو]

بدايه موفقه
بس السرعه 240 لالالالالالالالالالالالا
والضغط 70 لالالالالالالالالالالالالالالا
اما عليها صوت فلشر
الشكل العام هجين والمضمون الله يعلم
شكرا لك

[الليث الذهبي]

ياخي نسمع عنها ولا شفناه فالشوارع
اتوقع انها دعدعه علشان يقولون من قدنا صنعنا سياره

[سليمان الربيعان]

عقبال ما نصنع قنابل نوويه وطايرات وسيارت نافس اليابان والمانيا ههههههه
الله يقويهم ويعينهم ان شاء الله

[محب للمكشات]

اهم اجزاء السياره اللي هي المكينه من شركة مرسيدس ... لو انهم كثفوا جهودهم بقلب السياره(المحرك ) فقط كان تعتبر اكبر انجاز لدوله السعوديه .. ولا الهيكل كل دوله تقدر تصمم

بالتوفيق ان شاء الله للجميع

[ابن الاصيل]

ماشفناها الابصور

[ibrahim_20]

يعطيك العافيه

[* ابو باسل *]

تبي تلحق شركات التأمين الوهميه امن وادفع ويوم يصير عليك حادث لاقدر الله تجي تدور الشركه ماتحصلها والمشكله انها معتمده من المرور يعني بالعربي يبون يبيعون السيارات ويرجعون الخساره ويدبلون الربح وبعدها اذا خرب عليك شي تروح تدورهم يقولون لك قفلوا الشركة .

[الشهابة]

ربعنا يبي يبيعونها بـ 300,000 ريال يبون يربحون من اول سياره ..

بعدين من وين جايبين التصميم .. BMW على FJ على جيب هونداي على جيب كيا على كم قطعه من هنا و هنا حطوها كلها في الخلاط و طلعوا لنا هالمسخ ..

بس بنشوف الايام وش تبدي .. و اتوقع يخلونها في البدايه استخدام حكومي عشان الدعايه !!!

[أبو مسفر]

شكلهم ما صنعوا الا هالسيارة الخضرا

صراحة شكلها من الموديلات القديمة جداً

[أرمادا]

^^^

يااا سااتر وش هالتحطيم ياناس ..

روحي شوفوا المواقع الاجنبيه لما الواحد يسوي انجاز الكل يحط راي ويضيف تعديل وتحسين علشان المنتج يطلع باحلا شي ..

هنا بس تحطيم وتحبيط ولا واحد منكم قال كلمه تشجيعيه .. كل شي يبيله وقت السماوات والارض ما خلقت بيوم .

ويكون بعلمكم شركة فولكس فاجن العملاقه اللي تصنع البوغاتي واللامبرجيني والاودي والبنتلي اول بداياتها تهجين المكائن تصنع بالمانيا وهم ويصنعون الهيكل والحين وصلت للعالميه ..

لا تحطون حيلكم بس بالتحطيم فكروا بتطوير المنتج ..

[yazn2322]

وعليكم السلام ورحمه الله وبركاته
المقاطع هذي قديمه جدًأ ,,

[comابوسليمانwww]

باض الديك ههههههههههههههههه
بالتوفيق ان شا الله

[مخاوي العشه]

اهم اجزاء السياره اللي هي المكينه من شركة مرسيدس ... لو انهم كثفوا جهودهم بقلب السياره(المحرك ) فقط كان تعتبر اكبر انجاز لدوله السعوديه .. ولا الهيكل كل دوله تقدر تصمم

بالتوفيق ان شاء الله للجميع


يعني الحين بظنك أن تويوتا أول ما بدت صنعت محركاات

[زمن عابر]

أحلى شيء اللوحة KSU يمكن غيروا KSA عشان مايظلمون الدول المشاركة أو " الصانعة"

[مخاوي العشه]

ربعنا يبي يبيعونها بـ 300,000 ريال يبون يربحون من اول سياره ..

بعدين من وين جايبين التصميم .. BMW على FJ على جيب هونداي على جيب كيا على كم قطعه من هنا و هنا حطوها كلها في الخلاط و طلعوا لنا هالمسخ ..

بس بنشوف الايام وش تبدي .. و اتوقع يخلونها في البدايه استخدام حكومي عشان الدعايه !!!


ياخي رح شف أكثر الشركات القديمه على بدايتها أغلبها تتشابه بالتصميم

وعندك جيب العشه الربع القديم يشبه تصميم جيب الرانجلر
وجيب الباترول القديم يشبه جيب العشه

والسيارات الصغيره الموديلات القديمه جدا كلها تشبه بعض

الحين الشركات اكتسبت الخبره وصارت تصمم شي جديد
اما الشركه السعووديه لسيارة غزال فهي الا الان مانتجت سيارات
والشركه على بدايتها ولازم تكتسب الخبره من الشركات الثانيه

[مخاوي العشه]

^^^

يااا سااتر وش هالتحطيم ياناس ..

روحي شوفوا المواقع الاجنبيه لما الواحد يسوي انجاز الكل يحط راي ويضيف تعديل وتحسين علشان المنتج يطلع باحلا شي ..

هنا بس تحطيم وتحبيط ولا واحد منكم قال كلمه تشجيعيه .. كل شي يبيله وقت السماوات والارض ما خلقت بيوم .

ويكون بعلمكم شركة فولكس فاجن العملاقه اللي تصنع البوغاتي واللامبرجيني والاودي والبنتلي اول بداياتها تهجين المكائن تصنع بالمانيا وهم ويصنعون الهيكل والحين وصلت للعالميه ..

لا تحطون حيلكم بس بالتحطيم فكروا بتطوير المنتج ..


كلامك صحييييح

هنا مافيه الا تحطييييييييم وتحبيييييط هذا اللي جايدين فيه

يحسبون الصناعه بيوم وليله

يبيلها سنييييييين عشان تكون الصناعه محليه 100 بال 100


عسى الله يوفقهم الطلاب

ومشكووور ياصاحب المقطع

[محطم عنيد]

بس علامها تقل إف جي

أو أنا مخطي ؟؟؟؟؟؟؟؟؟

بس المهم شي طيب وحبة حبة للوصل للقمة

هم خلهم ينزلونها بالأسواق بسعر معقول وخصم خاص للسعوديين

ونجربها والأعطال والإنتقدات مع الموديلات القادمة تحل

هذا رأيي

[GMC79]

هالمشروع اكبر مهزلة في التاريخ واللي يقهرني ذا الناس الي فرحانين فيه

ويجيك واحد يستفهم ويسال هل تيوتا اول ما صنعت سيارة صنعت مكينه ؟؟ اقولك نعم اول ما صنعت صنعت مكينه

بل ان صناعة السيارات اصلها كلها وفكرة اختراعها تدور حول انتاج القوة الذاتية ونقلها الى العجلات - يعني تمشي بدون سحب - وليس على العربه العربات موجوده من الاف السنين يعني زبدة السيارة هي المكينة اللي تمشي العربه بدون ما يسحبها حمار
بل ان فكرة ادخال صناعة السيارات الى اليابان كنت عن طريق نقل سر صناعة المحركات " المكينه القير +الدفرنس" الى اليابان من المانيا وليس صناعة السيارة

لكن المشكله ان اصحابنا انهم يدعون انهم صنعوا سيارة وهم ماقربوا من المكينه بل انهم بداوا بالعكس صنعوا العربه وتركوا المحركات

وياليتهم هم اللي صنعوا العربه بعد المصيبة كل القطع الخارجية الدي والديكور والمراتب مصنوعة في ما ليزيا وكوريا يعني بالعربي انا ما ادري ربعنا في جامعة الملك سعود وش سوو بالضبط؟

كل اللي سووه انهم خذوا جيب مرسدس وشوهو شكله واسمه وقالو صنعنا سيارة

باختصار المشروع كله بهرجه اعلامية لجامعه الملك سعود وماله اي فايده

[احمد الشمال]

كلامكم سليم كلها تجميع لكن اصبروا ياجماعة الخير بداية الخير قطره


وان شاء الله بيوصلوا لنتائج افضل بأذن الله لكن ليه هالتحطيم :(


ومشكوورين على الحضور الطيب

[مخاوي العشه]

هالمشروع اكبر مهزلة في التاريخ واللي يقهرني ذا الناس الي فرحانين فيه

ويجيك واحد يستفهم ويسال هل تيوتا اول ما صنعت سيارة صنعت مكينه ؟؟ اقولك نعم اول ما صنعت صنعت مكينه

بل ان صناعة السيارات اصلها كلها وفكرة اختراعها تدور حول انتاج القوة الذاتية ونقلها الى العجلات - يعني تمشي بدون سحب - وليس على العربه العربات موجوده من الاف السنين يعني زبدة السيارة هي المكينة اللي تمشي العربه بدون ما يسحبها حمار
بل ان فكرة ادخال صناعة السيارات الى اليابان كنت عن طريق نقل سر صناعة المحركات " المكينه القير +الدفرنس" الى اليابان من المانيا وليس صناعة السيارة

لكن المشكله ان اصحابنا انهم يدعون انهم صنعوا سيارة وهم ماقربوا من المكينه بل انهم بداوا بالعكس صنعوا العربه وتركوا المحركات

وياليتهم هم اللي صنعوا العربه بعد المصيبة كل القطع الخارجية الدي والديكور والمراتب مصنوعة في ما ليزيا وكوريا يعني بالعربي انا ما ادري ربعنا في جامعة الملك سعود وش سوو بالضبط؟

كل اللي سووه انهم خذوا جيب مرسدس وشوهو شكله واسمه وقالو صنعنا سيارة

باختصار المشروع كله بهرجه اعلامية لجامعه الملك سعود وماله اي فايده





لعلمك 60 % صناعه سعوديه 90% تصميم سعودي
ونت تقولي تجميع ما تجميع

طيب شف هالمقطعين

pnIhILJo9d0

38-M8ZJ85NM

أبسئلك

أذا انت بدل هالطلاب او احد هالطلاب
أجتهدت وصبرت وصنعت

وجااك واحد وحطمك واحبطك

ماهو شعووورك واحسااسك

أبي تجاوبني بالمقاطع وعن سؤالي بكل صدق

[GMC79]

^^^

ياعزيزي انا شايف المقاطع وما اتكلم من فراغ

لاحظ في المقطع الثاني في بداية زل لسان الطالب وقال تجميع البدي ثم تلاحق نفسه وقال تصنيع البدي

واكثر ما ضحكني الاثنين اللي ورا قاعدين يلعبون بالصمغ والبوية يعني ترانا نصنع هههههه والله لعب اعلامي غبي

حتى لما تكلم عن الرديتر قال مواد معينه طيب وش هي يابعدي ؟؟؟ ما في جواب لكن انا اجاوبك اكيد من ورش تفصيل الرديترات في الصناعية القديمة والقزاز بيروح لمصنع الزجاج طيب والابواب من وين؟؟؟ والغمارة ؟؟ والرفارف؟؟؟ سكتم بكتم .. طبعا من مصانع كوريا ماليزيا

وايضا ما تكلم ولا بحرف عن الميكانيكا اقل شي المساعدات؟ الاذرعة ؟ اي شي؟ ما فيه

وفي الاخير صجة ولجة و صناعة سعودية

وجواب على سؤالك




أذا انت بدل هالطلاب او احد هالطلاب
أجتهدت وصبرت وصنعت

وجااك واحد وحطمك واحبطك

ماهو شعووورك واحسااسك

أبي تجاوبني بالمقاطع وعن سؤالي بكل صدق



يا عزيزي لوكانوا قالوا الصدق وقالوا تصميم سيارة كان والله ما تكلمت ولا بحرف

لكن يقولون صناعة سيارة سعودية وهم ما سوو شي؟؟ لا والله هذا نصب واستحقار للشعب

[مخاوي العشه]

^^^

ياعزيزي انا شايف المقاطع وما اتكلم من فراغ

لاحظ في المقطع الثاني في بداية زل لسان الطالب وقال تجميع البدي ثم تلاحق نفسه وقال تصنيع البدي

واكثر ما ضحكني الاثنين اللي ورا قاعدين يلعبون بالصمغ والبوية يعني ترانا نصنع هههههه والله لعب اعلامي غبي

حتى لما تكلم عن الرديتر قال مواد معينه طيب وش هي يابعدي ؟؟؟ ما في جواب لكن انا اجاوبك اكيد من ورش تفصيل الرديترات في الصناعية القديمة والقزاز بيروح لمصنع الزجاج طيب والابواب من وين؟؟؟ والغمارة ؟؟ والرفارف؟؟؟ سكتم بكتم .. طبعا من مصانع كوريا ماليزيا

وايضا ما تكلم ولا بحرف عن الميكانيكا اقل شي المساعدات؟ الاذرعة ؟ اي شي؟ ما فيه

وفي الاخير صجة ولجة و صناعة سعودية

وجواب على سؤالك



يا عزيزي لوكانوا قالوا الصدق وقالوا تصميم سيارة كان والله ما تكلمت ولا بحرف

لكن يقولون صناعة سيارة سعودية وهم ما سوو شي؟؟ لا والله هذا نصب واستحقار للشعب

هات لي اثبات ان الابواب والرفارف والغماره
من كوريا وماليزيا

وهات لي اثبااات انهم ماسوو شيء

ههههه يعني ترانا نصنع الله يرج بليسك

[escape_man]

بداية طموحة وان شاء الله من حسن لأحسن .. يكفينا علامة السيفين والنخلة على كبوت السيارة :)

[لزام1]

بس مادامه صناعه محليه ليش لكتابه الي بالطبلون قلينزي او الكنبيوتر مستورد ؟؟؟؟؟؟؟؟؟؟؟؟؟؟؟

[احمد الشمال]

مخاوي العشه و جمس 79 اشكركم على التفاعل وعلى النقاش الطيب والاخلاق الرفيعه بارك الله فيكم ولايهينون البقيه

[VTC 2002]

انا اللي قاهرني الضحك على الدقون هالحين سياره تجميع ويضحكون علينا ويقولون صناعه سعودية لا ومسمينها غزال من كثر الغزلان عندنا المفروض سموها (حاشي)!!؟؟

[ذئب اليل]

مشا الله الحقيقة من الداخل فخمة والشكل الخارجي مقبول لا كن كيف ادئة وسعرة بس لهم سنتين يتكلموان عنها ولا بعد نزلة السوق

[النبع الصافي]

أحلى شيء اللوحة KSU يمكن غيروا KSA عشان مايظلمون الدول المشاركة أو " الصانعة"

هذا سلمك الله اختصار لاسم
جامعة الملك سعود
king saud unvirsity
ksu
والله يوفق الجميع للخير في الدنيا والآخرة

[سلكي نت]

اما صوت الفليشر .......... طق طق طق
ينفع بدال البوري

لكن بجد لاحظتو الباب الخلفي لما فتحه ... مافيه رفرف امام الكفر
يعني لو انفك الباب بالخطا اللي جالس جوار الباب بيطيح امام الكفر

على العموم يقولك اول شدة عوجا
وان نصل متاخريين خير من ان لا نصل
اهم شيء ماتكون اختبارية تجريبية فقط
لازم تنزل السوق وتثبت نفسها