نخيتكم تكفون اخاف اروح واتوهق (الصمان2)ادخل

[الخبير الفني]

السلام عليكم ------------ على عجل من امري ودي ان شاء الله امشي بكرى ولا بعده بس انا متخوف جدآآآآآآآآآآآآآآآآآآ اني ما القى شقق واصير تعبان من الطريق انا وعيالي التاريخ الحين 1432/8/17يعني قمت الزحمه ابي لوسمحتوا اللي راح قبلي يذكر لي الشقق اللي استاجر انا ابي شقه صغيره انا والمدام وطفل في ابها والباحه والسعررررررررررررررولو حصل الرقم انا من زمان عن ابها لي 10 سنين مارحت فاماعرف شي ابد واطلعت على ردود اخي الصمان2 ومواضيعه كل شي بس مابي دليلل الشقق بدون السعر ولا هل السكن زين ولا لا ابي من التجرررررربه الشخصيه لتعم الفائده:D لاتتاخرون على تكسبون اجري ودعوه في الطريق دعوة المسافر مستجابه ان شاء الله

[فيافي شقراء]

شف مجمع الزامل محافظين وممتاز أول طريق السودة يجيك على اليسار وأنت طالع وخذ رقم هاالهندي حقهم 0563120732
وعندك ليالي أبها أول طريق الطائف إذا لفيت من عند أبها مول يجيك على اليمين وأبها مول على الدائري

[الخبير الفني]

مشكور اخوي فيافي شقراء طيب لوسمحت كم السعر هل حقيقي ياصل 700 وطالع الميزانيه ماتساعد طيب هل فيه زحمه ولا عادي

[فيافي شقراء]

الزامل شقق موحدة كبيرة فيها 3غرف و3دورات مياه ومطبخ وصالة ومجلس والسعر ب 800
وليالي ابها غرفتين وحمام وربع مطبخ ب 650
لكن شف لك القرى المجاورة مثل آل يزيد أو الواديين المهم القرى القريبة تلقى شقق أو بيوت تؤجر بسعر رمزي وأسأل مكاتب العقار

[فيافي شقراء]

من ناحية الزحمة مايحتاج لكن لاتروح مع الناس شف لك أي طريق وسيد معه تلقى محلات زينه

[الخبير الفني]

مشكور اخوي فيافي -----------الشكر ايضآآآ موصول لاخوي شيهون طيب تنصحن ما اروح لابها اغير الوجهه ولا اتوكل واروح انا اتضايق واتنرفز من الزحمه

[الخيمة والذرا]

اهم شي لا تسكن في ابها نفسها ...اطلع للخميس او القرى حقت ابها مثل ماقال اخي فيافي الوديين تراهن اقرب للمنتزهات وارخص واجد

[الخبير الفني]

طيب اخوي فيافي والله ادري ازعجتك بس زمل للسفره اخاف انام بالسياره من الزحمه هل اغير الوجهه عن ابها او اتوكل واروح

[فيافي شقراء]

توكل على الله وربك بيفرجها
ولك ان تتجه إلى النماص تبعد عن أبها حوالي 150 كم
ومثل ماقلت لك استعن بالله واللعن الشيطان ووسع صدرك

[الصمان 2]

وعليكم السلام ورحمة الله وبركاته


حياك الله أخي / الخبير الفني في منتديات مكشات .


سبق أن زرت أبها في صيف 1431 هـ


وكانت أسعار الشقق رخيصة نوعا ما ، لأنني ذهبت وقت الاختبارات النهائية للطلاب .


وأتصلت قبل قليل على السكن الذي سكنت فيه من قبل ... فرد الموظف بأن السعر 400 ريال

وقد سكنت فيها من قبل بـــ 200 ريال .

وهي تقع في أبها ، على الحزام الدائري .


ويمكنك الاطلاع على هذا الموضوع :


..:: دليلك إلى شقق وفنادق أبها ::... (http://www.mekshat.com/vb/showthread.php?t=307694)




فقد أخترت رقما عشوائياً لأحدى الشقق .... ورد الموظف أن السعر 300 ريال .


وسوف أرسل لك بيانات الشقق على الخاص .


وتوكل على الله وأعزم على السفر .




ويمكنك الرجوع إلى هذا المواضيع لزيادة المعرفة والإطلاع :



(( أحداثيات وصور بعض المنتزهات في مدينة أبها )) (http://www.mekshat.com/vb/showthread.php?t=316283)



::


السفر إلى أبها عن طريق مخرج طريب ( صور مع الإحداثيات ) جديد (http://www.mekshat.com/vb/showthread.php?t=314894)





//



ولا تنسانا من التقارير الرائعة .


أتمنى لك سفراً سعيداً




والله يحفظك في حلك وترحالك .







.

[أبوعابد 22]

أفادك أخوي الصمان 2 ولا يهنون الربع ماقصروا

[الخبير الفني]

مشكوزووووووور اخوي الصمان 2بيض الله وجهك ماقصرت وانا قد مر رت على الروابط قبل وسويت له حفض عندي لانه مفيده جدآ وطمنتن الله يطمنك ويريح بالك انت والجميع والااخ فيافي مايهون ماقصر جزاه الله خير تعرف الواحد لااصار حار ماودك يسافر اخاف اروح لاشفت الزحمه اهون وأرجع
م

[الخبير الفني]

بعد ان و صلت الباحهه وانصدمت مما رايت من زحمة الناس عدت ادراجي الئ الطائف ولم اذهب لا ابها ذهبت الئ حديقة دلغان في الباحه ووجدت الزحمه شديده جدآ ولم اجد مكان وفي الطريق وقفنا نص ساعه بسبب تعاند من سيارتين كل واحد يبي يمشي يمشي هو وبالااخير نزلوا وتضاربو امام العالم وللحديث بقيه عن آجار الشقق