الـــــمــــــعــــــاون كيف يجب أن يكون بالسفر؟َ!!

[ملك الفكتوريا]

السلام عليكم ورحمة الله وبركاته




يوم من الأيام نويت أطلع للرياض أسلم على أهلي وأشوفهم وأزور أقاربي وأسلم على أخوياي بعد غيبه



المهم يا أخوان وأنا اللي بمشي ويكلمني واحد من الشباب يقول خوينا بالشقة يبي يخاويك واحنا ثمانية بالشقه وتوني مالي شهر ولا اخذت وعطيت معهم


قلت حياه الله مستحي بصراحة وبيني وبينكم حاط في بالي أمسك الخط لوحدي ما يخاويني غير صوت أبو نورة الله يشفيه



المهم قلت خيره وأروح ويطلع واحد من الشباب ويقول أبو فلان بيخاويك


قلت ايه



قال الله يعينك عليه


قلت ليه:eek:


قال نفسيه وماهو خوي وأنا صرفته قلت معي اربعه


قلت الله يعين وربك يسهل





جاء وركب وقلت له نظامي بوقف عند أول محطه وقهوة كبير( صاحين من الساعه 5 الصبح والحين 3 العصر ) ولا راح أوقف ان شاء الله الا بالرياض أو للبنزين فقط



قال توكلنا على الله



وماسكين الخط وما فيه جيوبنا غير 125 ريال فقط هههههههههههههه



الا الرجال شرواكم راعي سوالف طيبه ويونس وضحك وصلنا

راح لاهله ورحت لاهلي



وبالرجعه مريته ووقفنا بإحد محطات الفحص الدوري اعبي وانزل للبقاله واجيب اشياء نقنق عليها عالخط لان الـ125 ريال تدبلت مرات ومرات ومرااااات:good2:




المهم رجعت الا والرجال دافع حق البنزين واقول له يا ولد مالك داعي البنزين معروف لصاحب السيارة ولو أدري انك بتسوي كذا والله منزل الا وانت معي


قال يا رجال أخوياء ما بيننا هالشئ



وصلنا



الا أحد الرجال اللي راحوا مع اللي حذرني من المعاون معي


يحشون فيه هههههههههههههههههههههههههههه


ربكم ما يضرب بعصى








زبدة البثارة والثرثرة هذي كلها




س / ما هي الأمور التي يجب أن تتوفر في المعاون ؟

س / اللي عنده قصه عن المعاون بالزين والشين يعطينا ؟

[رسيس نجد]

العبره في روايتك ان ليس كل ما يقال عن الناس صحيح
(اعوذ بالله من الغيبه )
اما بنسبه للمعاوني لابد يكون شخص تعرفه وتعرف علومه

[قرم العيال]

والله يقول لك بالسفر تظهر علوم الناس ..

وخويك رجال ذرب وراعي قرامه ..

[جلمود الحره]

سوالف زمان في المعاوني

يحكي بخيت بن عبدالله موقفا كبيرا ونادرا من نوعه لاخيه وهو قائد سيارة قديم ومهندس نادر
في وقته فيقول: كان أخي في رحلة سفر على سيارة فورد من نوع لوري
يحمل معه بعض الركاب وفي منتصف الطريق تعطلت السيارة
وتبين الخلل انه في داخل الماتور عندها طلب من الركاب اعداد الغداء والاستراحة ريثما يحل مشكلة السيارة التي تعطلت بهم في منطقة صحراوية فقام بفك رأس الماطور وكرتيل السيارة ووجد ان أحد البساتم به كسر ولم يجد حلا له فقام بقفل فتحة الرأس التي يدخل منها البستم بقطعة من أحد سيقان الاشجار واحكم اغلاقه وفك عمود المحرك لهذا البستم ثم أعاد تطبيق الماتور مرة أخرى وعندما انتهى الركاب من الغداء والاستراحة قام بتشغيل السيارة وفوجىء بأنها تشتغل على بقية البساتم وسط احتفال وفرحة الركاب وكان انبهار المعاون والركاب من براعة قائد السيارة ومهندسها في نفس الوقت.

ويحكي موقف آخر يوضح معاناة الركاب وقائد السيارة قديما على الطرق البرية فكنا في رحلة بين الطائف ومكة على السيارة لوري موديل 48محملة بالتمر والركاب ونسير على طريق كثير المطبات ويركب في الغمارة برفقة القائد راكبان وفوجئت أثناء المسير بسيارة قادمة مسرعة.
وعندما شعرت باقتراب السيارة المسرعة حاولت تلافيها بوضع رجلي على الكابح ومن شدة الفرامل وكثرة الحمولة على السيارة انفصل صندوق اللوري عنه ووقع على الجهة اليمنى ولم استطع التحكم في غمارة السيارة حيث كانت تسير بسرعة بعد سقوط الصندوق بالركاب والتمر. واستطعت بحمدالله ايقافها بمسافة طويلة عن موقع سقوط الصندوق.
اما الموقف الطريف في الحادث هو ما حدث للمعاون الذي كان يركب في صندوق اللوري فكنا نسمع صوته ولا ندري أين مكانه، وفي الأخير تبين لنا انه وسط كومة من التمور التي سقطت عليه في الحادث وعند البحث في كومة التمور وجدناه بحالة جيدة وتم اسعافنا بسيارة أخرى كانت تسير خلفنا إلى مكة المكرمة.
ومن القصائد التي تردد وتحمس قائد السيارة والمعاون
راكب اللي لا مشى يسهى سهياني = ما يداني رجل سواقه تنوشه
وان عطا له مع بيان ومع طماني = والدريول في دركسونه يهوشه
ويقول مناحي بن علي السبيعي: ان للمعاون دورا كبيرا مع السواق فهو العضد الأيمن له في رحلاته ومن مهامه اصلاح البنشر وصيانة السيارة وتهيئتها للسواق وتربيط العفش وترتيب أماكن الركاب واصلاح الوجبات فهو عضد فعال ومهم في السفر ومن مفارقات السفر قديما كنا نتسابق على الركوب في "السلة" وهي المكان الممتد من صندوق السيارة على الغمارة وهو مكان صغير ولكنه يتيح مزيدا من الرؤية والاستمتاع بالمناظر والتحدث مع السواق وغالبا يضع بها المعاون والسواق فرشهم وأدوات الطبخ في حالة عدم وجود الركاب.
ويقول محمد بن عبيد الدوسري: كان السواق عضوا مميزا في المجتمع ذلك الوقت ويحظى باحترام الجميع ويساهم في تنقلهم مقابل أجور رمزية. ومن مسميات السيارات الهاف والفرت واللوري وغيرها. وللمعاون دور كبير مع السواق ومهامه كثيرة، لذا يلازم السواق ويتحمل معه المشاق والتعب مقابل أجر بسيط يقول أحد الشعراء:
يوم التفت المعاون يمهم لدي = ثم قال بالعون سواق الخفر ساقي
هادي

وسلامتــــــــــــكم

[التعـ King ـديل]

انا سفري كثير ودايما خطوط طويله لاتقل عن 800 كيلو اما الكويت ولا الامارات وعليها .. دايما اسافر والمعاون معي واحد من اخوياي

انا احب المعاون اللي معي خفيف نفس واخلاقه رياضيه لان السواق يعصب وبتنرفز من الخط واكره شي عندي النفسيه المهم كان عندي واحد

من الشباب اعتبره راكب اساسي في اي سفر الين جاء اللي يغطي عليه ولو قلت لكم اعمار اللي غطو عليه ماتصدقون اصغر واحد فيهم

انا لي اربع سنوات كل سفراتي مع واحد كبير بالعمر بس ماشاء الله تبارك الله شبابي درجه اولى ومعاون درجه اولى ان بغيت سوالف

ولا طرب ولا ضحك ولا قهوه وشاهي وبارد على الخط مافي مثله امسك الخط معه واتمنى يطول وانتظر الرجعه بفارغ الصبر لان الخط معه حلو

[عاشق السيل]

وعليكم السلام ورحمة الله وبركاته ،،

والله قصتك حلوة وطلع الرجال غير توقعاتك ،،،

أولا : أنا مستحيل يركب معي أحد إلا أنا مختاره وأعرفه زين وجربته كثير بالسفر علشان مايغثن بالطريق بأي أسلوب كان ،، حتى لو قال لي أعز الناس ترى فلان بيخاويك وأنا ما أعرفه مستحيل أوافق إلا إذا كان معي أحد غيره !!

ثانيا : أحرص أنا برضو إني أريح خويي وأخليه على راحته إذا بغى ينام مثلا ،، أقول خذ راحتك لو بغيت الطريق كله لأن بعض الناس يقول وش جابك معي إذا كنت بتنام !!!

ثالثا : بالنسبة لأبونورة الله يشفيه ويشفي مرضى المسلمين تراي أنصحك إنه مايخاويك لأنه مهب نافعك ،، خذ معك من هالسيديات أو الأشرطة اللي تسوى وتوسع الصدر إما سوالف أو قصايد أو أنا شيد أو محاظرات أو قرآن ،، ترانا جربنا أبونورة وغيره والله إنك تصير مغتث طول الطريق وتوصل والنفسية خايسة ،، لكن الإسلاميات تشرح الصدر وتوصل وأنت مسفهل وجرب منت خسران شي يالنشمي .....

[لهذام]

وعليكم السلام ورحمة الله وبركاته ،،

والله قصتك حلوة وطلع الرجال غير توقعاتك ،،،

أولا : أنا مستحيل يركب معي أحد إلا أنا مختاره وأعرفه زين وجربته كثير بالسفر علشان مايغثن بالطريق بأي أسلوب كان ،، حتى لو قال لي أعز الناس ترى فلان بيخاويك وأنا ما أعرفه مستحيل أوافق إلا إذا كان معي أحد غيره !!

ثانيا : أحرص أنا برضو إني أريح خويي وأخليه على راحته إذا بغى ينام مثلا ،، أقول خذ راحتك لو بغيت الطريق كله لأن بعض الناس يقول وش جابك معي إذا كنت بتنام !!!

ثالثا : بالنسبة لأبونورة الله يشفيه ويشفي مرضى المسلمين تراي أنصحك إنه مايخاويك لأنه مهب نافعك ،، خذ معك من هالسيديات أو الأشرطة اللي تسوى وتوسع الصدر إما سوالف أو قصايد أو أنا شيد أو محاظرات أو قرآن ،، ترانا جربنا أبونورة وغيره والله إنك تصير مغتث طول الطريق وتوصل والنفسية خايسة ،، لكن الإسلاميات تشرح الصدر وتوصل وأنت مسفهل وجرب منت خسران شي يالنشمي .....

بيض الله وجهك على النصيحه الطيبه .

[قناص*07]

ان بغيت تخاوي فحاول انك تختار خويك وان كان إجباري فلابد من حرصك على راحته الين تتفارقون بالديره المطلوبه.
وان كنت معاون احرص على ارضاء وراحت السواق مثلا: صبله الشاهي و القهوه افتحله سوالف وشوف ويش يحب من سوالف وامسخ خط. اذا كان مدخن ولعله سجاره ومدها له حاول ان شفت شيء خطاء امامكم بالخط انك ما تفجعه وتقول انتبه بصوت عالي..... حذره بصوت منخفض وبإسلوب. ان جيت نازل البقاله اسئله ويش يحب يشرب او ياكل ولا تبخل عليه. ان جيت المحطه حاول تدفع قبله وان رفض خلوها قطه بينكم.

ان شفته تعبان قوله اريحك بالسواقه وراح امشي على مزاجك وزي ما تحب 100 او 120 او 140
وان رفض اقترح عليه انكم تأخذون تعسيله وكسرة سم النوم ولو لنصف ساعه



وغيرها كثير وكل من يدلو دلوه ولاكن هذا ما اتعامل به مع معاوني او سواقي

[قناص*07]

سوالف زمان في المعاوني

يحكي بخيت بن عبدالله موقفا كبيرا ونادرا من نوعه لاخيه وهو قائد سيارة قديم ومهندس نادر
في وقته فيقول: كان أخي في رحلة سفر على سيارة فورد من نوع لوري
يحمل معه بعض الركاب وفي منتصف الطريق تعطلت السيارة
وتبين الخلل انه في داخل الماتور عندها طلب من الركاب اعداد الغداء والاستراحة ريثما يحل مشكلة السيارة التي تعطلت بهم في منطقة صحراوية فقام بفك رأس الماطور وكرتيل السيارة ووجد ان أحد البساتم به كسر ولم يجد حلا له فقام بقفل فتحة الرأس التي يدخل منها البستم بقطعة من أحد سيقان الاشجار واحكم اغلاقه وفك عمود المحرك لهذا البستم ثم أعاد تطبيق الماتور مرة أخرى وعندما انتهى الركاب من الغداء والاستراحة قام بتشغيل السيارة وفوجىء بأنها تشتغل على بقية البساتم وسط احتفال وفرحة الركاب وكان انبهار المعاون والركاب من براعة قائد السيارة ومهندسها في نفس الوقت.

ويحكي موقف آخر يوضح معاناة الركاب وقائد السيارة قديما على الطرق البرية فكنا في رحلة بين الطائف ومكة على السيارة لوري موديل 48محملة بالتمر والركاب ونسير على طريق كثير المطبات ويركب في الغمارة برفقة القائد راكبان وفوجئت أثناء المسير بسيارة قادمة مسرعة.
وعندما شعرت باقتراب السيارة المسرعة حاولت تلافيها بوضع رجلي على الكابح ومن شدة الفرامل وكثرة الحمولة على السيارة انفصل صندوق اللوري عنه ووقع على الجهة اليمنى ولم استطع التحكم في غمارة السيارة حيث كانت تسير بسرعة بعد سقوط الصندوق بالركاب والتمر. واستطعت بحمدالله ايقافها بمسافة طويلة عن موقع سقوط الصندوق.
اما الموقف الطريف في الحادث هو ما حدث للمعاون الذي كان يركب في صندوق اللوري فكنا نسمع صوته ولا ندري أين مكانه، وفي الأخير تبين لنا انه وسط كومة من التمور التي سقطت عليه في الحادث وعند البحث في كومة التمور وجدناه بحالة جيدة وتم اسعافنا بسيارة أخرى كانت تسير خلفنا إلى مكة المكرمة.
ومن القصائد التي تردد وتحمس قائد السيارة والمعاون
راكب اللي لا مشى يسهى سهياني = ما يداني رجل سواقه تنوشه
وان عطا له مع بيان ومع طماني = والدريول في دركسونه يهوشه
ويقول مناحي بن علي السبيعي: ان للمعاون دورا كبيرا مع السواق فهو العضد الأيمن له في رحلاته ومن مهامه اصلاح البنشر وصيانة السيارة وتهيئتها للسواق وتربيط العفش وترتيب أماكن الركاب واصلاح الوجبات فهو عضد فعال ومهم في السفر ومن مفارقات السفر قديما كنا نتسابق على الركوب في "السلة" وهي المكان الممتد من صندوق السيارة على الغمارة وهو مكان صغير ولكنه يتيح مزيدا من الرؤية والاستمتاع بالمناظر والتحدث مع السواق وغالبا يضع بها المعاون والسواق فرشهم وأدوات الطبخ في حالة عدم وجود الركاب.
ويقول محمد بن عبيد الدوسري: كان السواق عضوا مميزا في المجتمع ذلك الوقت ويحظى باحترام الجميع ويساهم في تنقلهم مقابل أجور رمزية. ومن مسميات السيارات الهاف والفرت واللوري وغيرها. وللمعاون دور كبير مع السواق ومهامه كثيرة، لذا يلازم السواق ويتحمل معه المشاق والتعب مقابل أجر بسيط يقول أحد الشعراء:
يوم التفت المعاون يمهم لدي = ثم قال بالعون سواق الخفر ساقي
هادي

وسلامتــــــــــــكم


هذي القصه الولى مرت علي.
والحدث سار لولد واحد من اخوياي على خط الطائف الرياض ونفس القصه
ومره مع نفس الشخص في وادي الدواسر بس وضبوا مكينة فورد لوري وغيرها كثير


الله يرد زمان اول ورجاله

[دروب العارض]

اذا كان السفر قطع من العذاب كما قال رسول الله صلى الله عليه وسلم ...
فإن المعاوني هو بحد ذاته قصة اخر ...فإما ان يزيد من لهيب هذا العذاب في السفر او ان يكون مونسا لك ومساعدا ..

[ملك الفكتوريا]

تسلمون على المرور يالغالين


بس ما اشوف قصص نبغى نقراء ونستفيد

[_TOYOTA_]

تسلمون على المرور يالغالين


بس ما اشوف قصص نبغى نقراء ونستفيد
يوم ان كلن من خويه تبرا**** حطيت الاجرب لي خوي(ن) يباري
الامام تركي بن عبدالله
هذه قصيدة للامام تركي بن عبدالله المؤسس الثاني للدوله السعوديه التي يسندها على ابن عمه مشاري الذي كان مسجون في مصر من الاتراك مع مجموعه من اقربائه وغيرهم من اتباعه.


طار الكرى عن موق عيني وفرا****وفزيت من نومي طرالي طواري
وابديت من جاش الحشى ما تدرا****واسهرت من حولي بكثر الهذاري
خط (ن) لفاني زاد قلبي بحرا****من شاكي(ن) ضيم النيا والعزاري
سر يا قلم واكتب على ماتورا**** ازكا سلام(ن) لابن عمي مشاري
شيخ (ن) على درب الشجاعه مضرا(ن)****من لابه يوم الملاقا ضواري
ياما سهرنا حاكم(ن) مايطرا****واليوم دنيا ضاع فيها افتكاري
اشكي لمن تشكي له الجود طرا****ضراب هامات العدا ما يداري
ياحيف ياخطوا الشجاع المضرا****في مصر مملوك(ن) لحمر العتاري
من الزاد غادي له سنام وسرا****من الذل شبعان(ن) ومن العز عاري
وش عاد لو تلبس حريرن يجرا**** ومتوجا تاج الذهب بالزراري
فدنياك يبن العم هذي مغرا****ولا خير في دنيا تورى النكاري
تسقيك حلو(ن) ثم تسقيك مرا****ولذاتها بين البريا عواري
اكفخ بجنحان السعد لا تدرا ****فالعمر مايقاه كثر المداري
مافي يد المخلوق نفعا وضرا****ما قدر الباري على العبد جاري
واسلم وسلمي على من تورا****واذكرا لهم حالي وما كان جاري
ان سايلو عني فحالي تسرا****قبقب شراع العز لوكنت داري
يوم ان كلن من خويه تبرا**** حطيت الاجرب لي خوي(ن) يباري
نعم الرفيق اللي صطا ثم جرا****يودع مناعير النشاما حباري
رميت عني برقع الذل برا****ولا خير في من لا يدوس المحاري
يبقى الفخر وانا بقبري معرا****وافعال تركي مثل شمس النهاري
احصنت نجد عقب ماهي تطرا**** مصيونه عن حر لفح الهذاري
نزلتها غصب(ن) بخير وشرا****وجمعت شمل(ن) بالقرايا وقاري
والشرع فيها قد مشى واستمرا****ويقرى بها درس الضحى كل قاري
زال الهوى والغي عنها وفرا****ويقضي بها القاضي بليا مصاري
وان سلت عن من قالي لي لا تزرا****نجد غدت باب(ن) بليا سواري
ومن امن الجاني كفا ماتحرا****وتازي جريمه بالقريا وقاري
واجهدت في طلب العلا لين قرا****وطاب الكرى مع لاسعات الخزاري
ومن غاص غبات البحر جاب درا****واضوت مصابيح السرى كل ساري
وانا احمد اللي جاب لي ماتحرى****واذهب غبار الذل عني وطاري
والعمر مايزداد مثقال ذرا****عمر الفتى والرزق في كف باري
وصلاه ربي عد ماخط بالرا****على النبي ما طاف بالبيت عاري

[رهيب الرهيب]

بارك الله فيك على الموضوع الجميل بالنسبه للخوي
الخوي الي يصلح لك وانت رايح قنص يختلف عن الخوي الي يصلح لك وانت مسافر وكذالك الخوي داخل الديره يختلف عن الخوي برا الديره كذالك يمكن فيه احد تصلح لي خوته انت مايضبط معك انا بالنسبه لي اشوف ان الاسايات بالخوي يكون راعي سوالف يعني طول الطريق قصص ومايشغلني كل شوي والثانيه ابسوق عنك والا كل ماشاف له سياره انتبه وقعد يصايح ولاهو من النوع الي يقلب غير كذا يكون خدوم ولا يتحسس ولا يقعد يهايط على خلق الله وينشبني مع الناس وبالنسبه لدفع ماني من الناس الي يهتم له لاني كذا كذا اخذ حسابي وانا من النوع الي انبسط على خوة الشيبان السولفجيه الزكرتيه لانه يجيك طول الطريق يعطيك منها السوالف الزينه لون بعضها فيه تمليح بس مايضر
وفيه حاجه حبيت انبهك عنها الي هي ابو نوره وطقته افتك منهم والله ماوراهم الاضيقة الصدر والذنوب

[رسلان الوايلي]

الله يعطيك العافيه جميعن

[ابو نايف 111]

السلام عليكم
س / اللي عنده قصه عن المعاون بالزين والشين يعطينا ؟
الخوي لازم يكون هب ريح
مثال خاواني واحد من الشباب لا صيد الطيور
و صارت الدعوه شبه اسبوعي
الصراحه انا ماشفة منه الى النوم في الروحه ووصط البر و الرجعه سوا يكون الموقع قريب او بعيد مااااااافيه الى النوم
وذ قلتله يا ابو فلان تعال سق بدالي قال
ابي انام
ونا با اللحضه هذي اخاف زياده
و نعسااااااااان
ما ذكر انه عزازني في قرار سوا في البر
او خط
وهذ الرجل اول مره اقابل من نوعه
وان شاء الله اخر مره
نخليها طلعة مخطاطات احسن :good2:
اما هذي
ثالثا : بالنسبة لأبونورة الله يشفيه ويشفي مرضى المسلمين تراي أنصحك إنه مايخاويك لأنه مهب نافعك ،، خذ معك من هالسيديات أو الأشرطة اللي تسوى وتوسع الصدر إما سوالف أو قصايد أو أنا شيد أو محاظرات أو قرآن ،، ترانا جربنا أبونورة وغيره والله إنك تصير مغتث طول الطريق وتوصل والنفسية خايسة ،، لكن الإسلاميات تشرح الصدر وتوصل وأنت مسفهل وجرب منت خسران شي يالنشمي .
تراني ااايدها و بقوه

[ماون ماركز]

السوالف زينة لا صارت بعيدة عن كل ما يغضب الله
والله يستر عليك دوووم



وبيني وبينكم حاط في بالي أمسك الخط لوحدي ما يخاويني غير صوت أبو نورة الله يشفيه

لكن هذه ما يجب أن تكون !! لأن العمل يكون بالخاتمة
تصور لو الله ختم عملك وأنت تسمع لهذا الشخص ..
خصوصا وأنت بطريق سفر .. او في اي مكان !

سماع الذكر والأستغفار .. أفضل

والله يستر عليك ويحفظك من كل شر

تحياتي