احسن الكفرات

[mansoor_sa2]

السلام عليكم
ياجماعه انا مسافر انا والعائله خط طويل ابغى اركب كفرات بس ابغى اللي يتحمل وش تنصحوني فيه ولكم الاجر .
الموتر فورد اكسبلورر 2008

[mansoor_sa2]

ياجماعه انا مسافر انا والعائله خط طويل ابغى اركب كفرات بس ابغى اللي يتحمل وش تنصحوني فيه ولكم الاجر .
الموتر فورد اكسبلورر 2008
تكفون ردو علي الخميس مسافر

http://www.mekshat.com/vb/images/misc/progress.gif

[النصار]

كانك قليل الخروج للصحراء ( برجستون ) وكانك تخرج صحراء ( دنلوب )

وتروح وترجع بالسلامة انت والعائلة

ويمكن الشباب يعرفون كفرات ثانيه يفيدونك

[m 20 m]

انا جربت كفرات كورية توني مركبها والله مرتاح معها

وهي كفرات الوكاله الكورية (( كيا )) ونوعها

نكسن

ولك التحية

[T-Tamimi]

دنلوب و تويو زينه
دنلوب عريض شوي ورفيع وزين وسعره 600-700 ريال
تويو مدري كم سعره بس واحد مجربه ويمدحه

عن نفسي بركب كفرات شد بلاده سعرها 550 - 600 ريال

تروح وترجع سااالم ان شالله

[الريموت]

اخوي عند من نلقاهن شد بلده حتى الوكالة ما عندهم

[T-Tamimi]

اخوي عند من نلقاهن شد بلده حتى الوكالة ما عندهم
على طريق خريص ونت متجه للشرق تجيك توكيلات الجزيره على يسارك والمحل يجيك على يمينك بعد كيلو تقريبا قريب من الناغي اتوقع حق البي ام دبليو
لو سالت الوكاله بيدلونك
انا كان عندي مشكله في كفر وارسلوني لوكيل الكفرات حسب الوصف الي ذكرته لك


المهم احرص على تاريخ الكفر يكون جديد

[T-Tamimi]

امس الخميس 28 جولاي الساعه ثمان الصباح عزمت على تغيير طقم الكفرات وهذا ما حصل معي,,
اتمنى يفيدك ويفيد الاخوان جميعا,,

كفرات الموتر شد بلد وضرب عندي كفر بسبب قطعه حديد
الكفرات حالتها جيده نوع ما ولكن لن اغير كفر واترك الباقي خصوصا ان عمرها سنتين ومشمسه شوي

طلعت الغرابي اسال عن الكفرات بنفس المقاس (جنط 17 - ارتفاع وعرض 245-65)
لقيت كفرات كوبر امريكيه سعرها بين 550 و 600 وعيبها نقشه بيضاء ولا بغيتها
لقيت كفرات هانكوك بنفس السعر تقريبا
لقيت كفرات كوري بنفس السعر تقريبا نسيت اسمها
لقيت كفرات قودير سعرها 750 ريال
لقيت كفرات شد البلد سعرها 700-750

بعض انواع الكفرات تكون دعستها ناعمه شوي وهذي عيبها بعد فتره تصير زلقه وتزحف واشوف ان كفرات الوكيل زينه خصوصا ان الاسعار متقاربه.

تركت الغرابي بعد ان عزمت على تركيب كفرات شد البلد
وتوجهت لوكيل الكفرات الاصليه الجفالي ولقيته مقفل محله على طريق خرريص
توجهت لتوكيلات الجزيره وسالتهم عن مكان الجفالي الجديد واخذت تلفونهم

عنوانهم طريق الملك عبد العزيز ونت متجه للجنوب عند اشاره تقاطع شارع الاتصالات "الجوالات"
يجيك المحل على اليمين قبل الزاويه الي فيها محلات تاجير السيارات بحي الملك فهد..واجهه المحل شرقيه

اتصلت على الوكيل الجفالي وافادني انه لايوجد كفرات شد البلد وممكن احصلها عند الموزعين
سعر الكفر حسب كلام الوكيل 600 ريال << لاحظ في الغرابي 700-750

ذهبت لطريق الضباب ووجدت اكثر من محل "موزعين مشلان"
درت عليهم واقل سعر حصلته للكفر 670 ريال مجموع الطقم مع الترصيص 2680 ريال الله يعوض.

مالقيت احد يشتري كفراتي القديمه وتركتهن عند راعي المحل
في الغرابي ممكن تلقا احد يشتري منك الكفرات

غيرت البطاريه الاصليه حقت الوكاله "موتركرافت" بسعر 260 ريال

اتمنى مشاركتي تفيدكم

[T-Tamimi]

ايضا هذي معلومات مهمه حول ضغط الهواء في الكفر اتعامل بها واتمنى تفيدكم

اول ما تركب كفر جديد مهم زياده الفيري شوي على اطراف الكفر قبل نفخه بالهواء
وهذا الشي يساعد على تقليل الحاجه للرصاص في الترصيص
يعني الكفر الي يحتاج 100 جرام رصاص لو زدنا الفيري بيركب الكفر على الجنط بشكل افضل وبتكون الحاجه للرصاص بنسبه 30 جرام تقريبا .. ( طبعا مهم تكون الجنوط اصليه ولا الله يعينك على التجاري ورجته)

الامر الثاني مهم اول ماتركب كفر وقبل الترصيص تنفخ الهواء الى 55 وتتركه شوي 5 دقايق تقريبا وبعد كذا تنقص الهواء تدريجا الى 35. وبعد كذا ترصص الكفر.

فكره ترصيص الكفرات الارضي ( ترصيص الكفر وهو راكب في السياره ) اشوف انه مايفرق ابد وممكن يكون ترصيص الكفر برا السياره ممكن يكون ادق وافضل ولكن حركات ورشش وتسويق ع الفاضي يبي يلهف منك 100 ريال وبس.

الكفرات الجديده مهم ماينقص الهواء فيها عن 35 لمده اسبوع تقريبا

في الاجواء الحاره الافضل تنقيص الهواء من 35 الى 32 والسبب ان الحراره تسوي تمدد في الهواء
في الاجواء البارده 35 ممتازه .

في داخل المدن 30 زينه خصوصا للي يبي يحافظ على موتره من الرجه ومشاكل شوار المدن المحفره والمكسره .

في السفر يكون الهواء بين 32 و 35 حسب الجو من ناحيه الحراره والبروده .
اذا كان فيه احمال زايده في السياره ممكن نرفع ضغط الكفرات الخلفيه الى 37 -40 مع مراعاه حراره الجو.

المشي في الطرق الوعره غير المزفلته يكون فيها الهواء بين 25 - 28 لتجنب الرجه والبطانيج

في الطرق الطينيه ايضا يكون الضغط بين 25- 28 للتماسك

في الطرق الصخريه ولتجنب شق الكفر او انفجاره نخفف الضغط قليلا الى 28-30

في الطرق الرمليه والناعمه نخفض الهواء بين 13 - 17 على حسب نوعيه الرمال..


ايضا انتبه من الوقوف على حجر او طرف رصيف فهذا سبب لصعرره الكفر (التحبيل)

الكفرات الي ارتفاعها قلييل (تكون المسافه بين الجند والارض قليله) مثل الكفرات الرياضيه
هذا النوع من الكفرات مهم ماينقص هواه لانه ممكن بسبب اي حفره بسيطه ينشق الكفر او يسبب طعج في الجنط او كسر لاقدر الله او تحبيل للكفر
وهذا يحصل كثير مع اصحاب سيارات كراون فكتوريا الجديده 2008-2009 وغيرها الي جنوطها رياضيه


ايضا مهم جدا التركيز على تاريخ الكفر ان يكون جديد التصنيع
مثل ا يكون في وقتنا هذا 2011 الاسبوع 18-19-20 وهذي هي الاسابيع المتوفره في وسط السنه
مع العلم ان عدد اسابيع السنه 52 اسبوع وفي الغالب تنزل الكفرات الجديده للسوق بعد شهرين او ثلاثه من التصنيع


يعني علشان تعرف التاريخ المفترض انك تشتريه تقوم بعمليه حسابيه
4.3 ( عدد الاسابيع في الشهر)
اذا انت في شهر 8 مثلا تنقص 3 شهور ويكون الشهر معك 5
اي انك تبحث عن كفرات في شهر خمسه
تضرب 5 في عدد اسابيع الشهر 4.3 ويعطيك عدد الاسابيع المناسبه للشراء
5*4.3= 21 اسبوع
يعني 2011 الاسبوع 21
ولكن صعب انك تجد كفر جديد تاريخه فما فيه مشكله تاخذ اقل بثلاث او اربع اسابيع يعني 17-18 كذا
المعذره الافكار غير مرتبه
ان شالله يكون كلامي صحيح ويفيدكم اخواني

[riyadh5113]

ماء شاءالله كلام صح :good2:
الله يجعلها في موزين اعمالك
وراعي الموضوع الله يكتبلك الي فيه خير وبركه
وتروح بحفظ الله وترجع بالسلامه

[ماون ماركز]

T-Tamimi (http://www.mekshat.com/vb/member.php?u=156983)

أنت رايح لتوكيلات الجزيره ؟؟
وش هي سيارتك الفورد اللي عليها كفرات ميشلان ؟؟؟؟








ايضا هذي معلومات مهمه حول ضغط الهواء في الكفر اتعامل بها واتمنى تفيدكم




اول ما تركب كفر جديد مهم زياده الفيري شوي على اطراف الكفر قبل نفخه بالهواء
وهذا الشي يساعد على تقليل الحاجه للرصاص في الترصيص
يعني الكفر الي يحتاج 100 جرام رصاص لو زدنا الفيري بيركب الكفر على الجنط بشكل افضل وبتكون الحاجه للرصاص بنسبه 30 جرام تقريبا ..


كل اللي ذكرته أعرفه وشكرا لك
لكن سالفة الفيري وش علاقتها بالترصيص


اللي قرأنا عنه في تصنيع الكفرات أن النقطة الصفراء هي اللي توزن مع بلف الهواء حتى يخفف الترصيص أن وجد

http://www.shrpic.com/photos/84/preview/SidewallDots.jpg

yellow circle index the tire to the wheel's valve stem in an attempt to minimize balance weights during that portion of tire mounting


ما أدري من وين جتك فكرة أن الفيري يساعد على تقليل الترصيص

الفيري + الزيت + وغيره من المواد اللزجه
تسمح فقط بسهولة حركة ذراع مكينة مع طرف الكفر الداخلي عند تركيب الكفر

تحياتي

[T-Tamimi]

ماء شاءالله كلام صح :good2:
الله يجعلها في موزين اعمالك
وراعي الموضوع الله يكتبلك الي فيه خير وبركه
وتروح بحفظ الله وترجع بالسلامه

آمين الله يتقبل دعاك ويرزقك مثله ان شاء الله



T-Tamimi (http://www.mekshat.com/vb/member.php?u=156983)

أنت رايح لتوكيلات الجزيره ؟؟
وش هي سيارتك الفورد اللي عليها كفرات ميشلان ؟؟؟؟



كل اللي ذكرته أعرفه وشكرا لك
لكن سالفة الفيري وش علاقتها بالترصيص

اللي قرأنا عنه في تصنيع الكفرات أن النقطة الصفراء هي اللي توزن مع بلف الهواء حتى يخفف الترصيص أن وجد
http://www.shrpic.com/photos/84/preview/SidewallDots.jpg

yellow circle index the tire to the wheel's valve stem in an attempt to minimize balance weights during that portion of tire mounting

ما أدري من وين جتك فكرة أن الفيري يساعد على تقليل الترصيص
الفيري + الزيت + وغيره من المواد اللزجه
تسمح فقط بسهولة حركة ذراع مكينة مع طرف الكفر الداخلي عند تركيب الكفر

تحياتي [/CENTER]

حياك الله

نعم ذهبت لتوكيلات الجزيره حيث كنت قريب منهم
السبب اني وجدت وكيل الكفرات الجفالي على طريق خريص مغلق وتم نقله لمكان اخر
وذهبت لتوكيلات الجزيره لسؤالهم عن مكان وكيل كفراتهم .

سيارتي اكسبلور 2009 وكفراتها قودريتش
وهي من نفس وكيل ميشلان وسوف تجد لوحه ميشلان على موزعين القودريتش ووكيله الجفالي.
ذكرت ميشلان لانها واضحه على لوحه المحلات الموزعه لكفرات الوكيل الجفالي.

بالنسبه للفيري ..
اعلم اخي الحبيب ان الفيري يساعد على عدم تقطع اطراف الكفر في الفك والتركيب

ولكن حصل معي مشكله رجه في الكفرات وذهبت للجفالي قبل سنتين تقريبا والسياره جديده
فك واحد من الكفرات لانه لاحظ الترصيص عالي بحدود 140جرام
فرغ الكفر من الهواء وزاد الفيري في اطراف الكفر بين الكفر والجنط وبعدين نفخ الكفر من جديد
بعد كذا رصص الكفر بـ60جرام فقط يعني نقص تقريبا 50%
سالت العامل في وكاله الجفالي للكفرات عن حركه الفيري الي سواها
وقالي الفيري يساعد على تساوي وتطابق اطراف الكفر مع الجنط
والشي هذا يساعد ان تكون دعسه الكفر على الارض متساويه ولا تتطلب ترصيص عالي.

هذا شي جربته وسمعته من وكيل الكفرات نفسه وشفته بعيني يسويها ونزل الترصيص بنسبه كبيره.

الله العالم اذا كان الكلام صحيح او دقيق او خطاء ولكن حبيت اطرحه لكم ممكن يفيد
ومافيه مشكله او خساره لو نطلب من البنشري يزود شوي فيري على اطراف الكفر ما اتوقع يرفض.

موضوع النقطه الصفرا اول مره اسمع فيه ولا عندي نقطه صفرا في الكفرات الي ركبتها ولا الاحظ البناشر يدققون في منطقه تركيب الكفر بالنسبه للبلف .. معلومه جديده وبحاول استفيد منها.

بالتوفيق يالغالي ..[/CENTER]

[فتاح الجواد]

معلومات مفيدة وحلوة
الله يجزاكم خير
الكفر يوخذ من الوكيل افضل
وانا افضل الشركات المعروفة والقديمة
من الياباني والامريكي وبالنسبة للكوري ارتاح لهانكوك فقك
وعندك الغالي مثل بريلي
وانا اايد ان الكفر من سنة ونص الى سنتين وبدل
وكل ما قدم الكفر زود الهواء في السفر امن
والله يوفق كل مسلم ويحفظنا واياكم

[فتاح الجواد]

فقك = فقط
وافضل ان الواحد يغير الكفرات طقم
ويغيرهم في غير الموسم مشان ماينصلخ بالسعر
وسمعت من بعض الشباب يغيرون كفراتهم في الكويت والخليج ارخص
والله يوفق

[ماون ماركز]

جزاك الله خير
شكرا للرد يالطيب



سيارتي اكسبلور 2009 وكفراتها قودريتش


شكرا .. لك





وقالي الفيري يساعد على تساوي وتطابق اطراف الكفر مع الجنط
والشي هذا يساعد ان تكون دعسه الكفر على الارض متساويه ولا تتطلب ترصيص عالي.



أهااا قصدك ما تتقطع أطراف الكفرات
فكرتك أنه يضيف وزن للكفر عشان يخف الترصيص


مكينة البنشري فيها حوض للزيت بجانبها الأيمن وفيه فرشة مخصصة مع المكينة
من نفس الشركة الصانعة للمكينة عشان تستخدم لتزيت أطراف الكفر عشان ما يتقطع
من قبل يطلع شيء أسمه فيري :good2:


ولا كل كفر يوضع فيه فيري او زيت
حسب الرم للكفر يتم تركيبه بطريقة معينة



موضوع النقطه الصفرا اول مره اسمع فيه ولا عندي نقطه صفرا في الكفرات الي ركبتها ولا الاحظ البناشر يدققون في منطقه تركيب الكفر بالنسبه للبلف .. معلومه جديده وبحاول استفيد منها.



بالتوفيق يالغالي ..


والبناشر متخرجين من جامعات والأ خبراء من مصانع الكفرات :D
حدهم يفتح محل ويتسغفل الناس اللي ما تدري .. عن التواريخ والحرارة والحمل ..

بالنسبة للعلامات .. الصفراء والحمراء بأقرب فرصة بكتب عن الكفرات وترصصيها
و وأضح مهمتها وأيش علاقتها بالجودة والفحص من المصنع


http://www.shrpic.com/photos/84/preview/tire3.gif


++++++++++++++++++++

http://www.shrpic.com/photos/84/preview/tire2.gif


++++++++++++++++++++

http://www.shrpic.com/photos/84/preview/tire1.gif

براجعها وأشوف لأني من زمان عنها ..

ومشكور لأهتمامك .. ودمت بخير

موفق .. وربي يستر عليك ويبعد عنك شرور الكفرات والسيارات

تحياتي

[ولدحموله]

جزاكم الله خيراً

[هاوي الامريكي]

ماااشاء الله تباارك الله افادوك الاخوان وجزاهم الله خيير لكن عندي معلومه وممكن تعرفها انت بعدالكفرات لها عده فئات هي : - A و B و E وعلى كلامك تبي الكفر يستحمل عليك بالفئه A الافضل يتحمل الحراره والخطوط والبر يعيش اكثر من الفئتين و الله يسهل دربك