مشروع تجديد ددسن 85 غمارة

[fahdhaf]

السلام عليكم ورحمة الله وبركاتة

مع التحية والتقدير لاعضاء وزوار منتديات مكشات

بإذن الله انا الان اعمل على مشروع ددسن موديل 85 غمارة راجياً من الله ان يوفقني على انجازة على اكمل وجة .

وسوف اعرض لكم المشروع كاملاً وبالتفصيل خلال مدة لا تتجاوز شهر ان شاء الله

حيث ان السيارة حالياً في الورشة لرش البوية وتم تأمين كافة قطع الغيار ما عدا العلامة الموجودة على الشبك ( علامة 85 ) وارجو منكم التكرم بالمساعدة فقد تعبت من البحث حتى ولو كانت مستعملة .

بانتظار فزعتكم يا شباب

وللتواصل

fahdhaf@hotmail.com (fahdhaf@hotmail.com)

او في الموضوع

وتقبلو تحياتي وتقديري

اخوكم
فهد

[عبدالرحمن السالم]

الله يسهل عليك ويسهل آمرك
ان شاء الله تلقى مبتغاك ، ولاتنسى التقرير
طيب حاولت تشوفها وتطلبها من برا المملكة ممكن تحصلها

[fahdhaf]

امين يارب ويسهل امرك وكل مسلم
ما خليت موقع اخوي ما دورت فيه ما لقيت
ابشر بالتقرير الطيب ودعاك انها تطلع زي ما رسمت لها

[حديب الضميان]

موفق اخوي
لكن العلامة لابد تكون اصلية ولا مستعمله

[ابومحيميد]

بانتظار الصور يالغالي وان شا ءالله تلقى مبتغاك وعليك تبحث في موقع علي بابا

[turkiq]

السلام عليكم ورحمة الله وبركاتة

مع التحية والتقدير لاعضاء وزوار منتديات مكشات

بإذن الله انا الان اعمل على مشروع ددسن موديل 85 غمارة راجياً من الله ان يوفقني على انجازة على اكمل وجة .

وسوف اعرض لكم المشروع كاملاً وبالتفصيل خلال مدة لا تتجاوز شهر ان شاء الله

حيث ان السيارة حالياً في الورشة لرش البوية وتم تأمين كافة قطع الغيار ما عدا العلامة الموجودة على الشبك ( علامة 85 ) وارجو منكم التكرم بالمساعدة فقد تعبت من البحث حتى ولو كانت مستعملة .

بانتظار فزعتكم يا شباب

وللتواصل

fahdhaf@hotmail.com (fahdhaf@hotmail.com)

او في الموضوع

وتقبلو تحياتي وتقديري

اخوكم
فهد

الله يوفقك ياخوي فهد في مشروعك
لو تعطينا صورة للقطعة او تفصل في وصفها علشان تكون واضحة
لمن اراد المساعدة.

والله يعينك على السمكرية ... تراهم عجولين ويسلمون السيارة للزبون
وفيها 100 ملاحظة وملاحظة ... فتح عيونك زين.

هذا من تجربة لي في تجديد سيارتي .. غثوني الله يكفينا الشر

[FORD1969]

85 الله يا زمن ذكريات لا تنسى والله يا جا له عز هالموديل


والحين والله اني انقهر وانا اشوفه مع الباكستانيه حقين محلات التبريد


من افضل الموديلات اهنيك على تجديده يستاهل


مره شفت 82 اخو الجديد ف يالعضيب راعيه مضبطه وتعبان عليه الله لا يضره

[fahdhaf]

الاخ حديب الضميان
عادي اهم شي العلامة اصلي ولا تجاري

الاخ ابومحيميد
دورت وما لقيت

الاخ turkiq
وصف القطع علامة دائرية بالشبك الامامي بشكل شعار ومكتوب في النصف 85 بالذهبي والباقي احمر ويوجد كلمة نيسان بالازرق

ان شاء الله بجلس على روسهم ومهتم بأدق التفاصيل

دعائكم

وللجميع التحية والتقدير

[FORD1969]

http://img503.imageshack.us/img503/5344/36dd570b0afe2.jpg




هذا شكل الشعار جمب علامه نيسان

http://img520.imageshack.us/img520/1127/e4f118918aov4.jpg

ماشاء الله ورده

[ابو خالد 1992]

ادخل رابطة ملاك الددسن يفيدونك

[turkiq]

ارسلت لك على الخاص رابط مفيد

[ابو عبود565]

اخوي فهد

الظاهر وكان مانيب موهم

إنها في الوكاله
وسعرها حول 280 او 180
وإنشالله تحصلها



وتراني زبون الددسن




موفق باحلا مشروع ترميم

لاتنسى المكيف

مر على محل اقاصي البحار في الصناعيه القديمه
حق مكيفات بيعجبك




والسلام عليكم

[هاوي]

مبروك والله وانا مرمم هايلكس 83 غمارة كلفتني حدود العشرين الف بمشتراها 1200

والقيمة الاكثر في قطع المكينة كاملة من الوكاله وهي سيارات جبارة بس لو فيها مكيف والا احد يشور علينا بطريقة مكيف فيها ولكم الشكر

[fahdhaf]

الاخ FORD1969
اشكرك على التوضيح بإرفاق الصور

الاخ ابو خالد 1992
اشكر اهتمامك

الاخ turkiq
شكرا على الرابط وصدقني ما خليت موقع بالانترنت

الاخ ابو عبود565
حتى بالوكالة ما هي موجودة
وابشرك المكيف بارد قبل التجديد
واشكرك

الاخ هاوي
فيه محلات بالصناعية تركب لك مكيف ولا احلى بشارع الجمعية
ومحل اقاصي البحار على قولة الاخ ابو عبود

اشكر كل من رد على المشاركة ودعااااااااااائكم يا اخون تطلع زي ما خططت لها

[العرض داري]

في التشليح بتحصل انشالله

[ذئب اليل]

الله يوفقك وينجح المشروع

[عبدالله حماد]

فيه ددسن موديل 84 أعرف راعيها ، ما أتوقع ان فيه انظف منها تخيلوا كم ماشية ؟؟؟؟ ماشية حول الـ 30000 ثلاثين الف فقط بس واقفة تحت الشجرة ماشاء الله نظيفة جدا يطلع عليها بلأسبوعين مرة وقريب بس علشان ماتخرب من الوقفة

[fahdhaf]

الاخ العرض داري
دوامت بالتشليح وما لقيت وموزع ارقامي على كل التشاليح

الاخ ذئب اليل
اشكرك على دعائك ويارب يسهل الباقي يارب

الاخ عبدالله حماد
ياريت تصور السيارة لان شوفتها توسع الصدر

فزعتكم يا شباب دورو معي ابيها حتى لو كانت مستعملة

ودعائكم

[ابوصالح77]

الله ييسر أمرك

[من انت]

ان شاء الله ادورها لك واجيبها

[fahdhaf]

الاخ ابو صالح
وامرك وكل مسلم

الاخ من انت
اشكرك والله يجزاك كل خير ويسعدك

[من انت]

اخوي هذي اللي تقصدها صح اللي على اليمين


http://store3.up-00.com/Jun11/VNc60980.jpg

[fahdhaf]

ما شاء الله تبارك الله الموتر جديد



اخوي من انت
نعم هي المطلوبه الي على اليمين الحمراء



ولو تكرمت اذا عندك صور لهذا الموتر تكفى ارسلها على الايميل fahdhaf@hotmail.com

[من انت]

^^

ابشر بعزك ياخوي

[من انت]

فيه ددسن موديل 84 أعرف راعيها ، ما أتوقع ان فيه انظف منها تخيلوا كم ماشية ؟؟؟؟ ماشية حول الـ 30000 ثلاثين الف فقط بس واقفة تحت الشجرة ماشاء الله نظيفة جدا يطلع عليها بلأسبوعين مرة وقريب بس علشان ماتخرب من الوقفة



للبيع والا مو للبيع وياليت لو تعطيني رقم راعيها

لاهنت اخوي

[ذيب النير]

ما شاء الله ناس يحبون الموروث

[الطرس ممدوح]

الله يسهل عليك ويسهل آمرك

ان شاء الله تلقى مبتغاك ، ولاتنسى التقرير

طيب حاولت تشوفها وتطلبها من برا المملكة ممكن تحصلها

:good2::good2::good2::good2::good2::good2:

[دمع القلب]

الله يوفقك أخوي ... وسجلني متابع معاك

أنا عندي ددسن الوالد الله يحفظه موديل 85 متهرقلة من الاهمال :(

أتمنى تسجل كل شي عندك من قطع واسعارها واماكن الاصلاح وكل شي

إن شاء الله بنجددها بس تتيسر الامور باذن الله ...

[fahdhaf]

الاخ من انت
تسلم يالغالي

الاخ دمع القلب
وياك يالغالي وان شاء الله كل شي مسجل

الاخ الطرس ممدوح
امين يارب وانشاء الله اول ما تخلص راح انزله هنا
ما خليت موقع ما دورت فيه

ان شاء الله نلقاها والله حتى لو مصدية والاخوان ما يقصرون

[رامي النيشان]

الله يوفقك بمشروعك لاكن انا متابع موضوعك من اول مانزلته ولا شفنا صور السياره
حط لنا صور للدسن قبل التجديد واثناء التجديد واذا خلصت نزل لنا صور تراك شوقتنا
<< والله يرزقك بالعلامه *_*

[fahdhaf]

الاخ رامي النيشان (http://www.mekshat.com/vb/member.php?u=182519)

ابشر بالخير ان شاء الله
بس بعد ما ينتهي المشروع بإذن الله بنزل كل الصور من قبل التجديد وحتى نهايته
دعواتك

وارجو من الاخوة مساعدتي عن ما ابحث

[نصب وعينك تصب]

اخوي اذا انت فالرياض اتوقع تحصلها في الصناعيه القديمه

بجانب وكالة الحمراني المحلات الي على اليمين فيه محل صغير فتحه وحده اتوقع اني شفتها عنده


ارجو اني افدتك

والله يوفقك وييسر امورك

[abo.7jab]

اذا تبي نصيحه ركبلها مكينه وقير 2004 كان معي ددسن 85 خليجي ورهمت عليها مكينه وقير 2004 ياشيخ قلبت فتك مو ددسن تبي بر تبي خط تبي تبي تفحيط تبي استخدام
والتكلفه ماتتعدا 6000 اذا بتركبها في الكويت

[من انت]

^^

وليش مايركب مكينه سدرك

6 سلندر واقوى واطلق من مكينة اللدسن 2004

[fahdhaf]

الاخ abo.7jab (http://www.mekshat.com/vb/member.php?u=211810)

الهدف من التجديد اخراج تحفة قديمة كما كانت بالضبط

الاخ من انت
انتظر الصور يالغالي

[fahdhaf]

الاخون اعضاء وزوار المنتدى ارجو المساعدة

[من انت]

الحين ارسل الصور ان شاء الله

والمعذره على التأخير الصور في جهاز البيت ورديت عليك من جهاز المكتب

[من انت]

تم ارسالها يالغالي

واذا تخبر لي ددسن 97 غماره وكاله مكيف عطني خبر لاني ابيها لاهنت

[fahdhaf]

تسلم اخوي من انت وصلت

وان شاء الله ادورك ابشر

[fahdhaf]

للرفع

طلب الفزعة من الاخوه الكرام

[fahdhaf]

مازال البحث جاري

[التعـ King ـديل]

الله يعينك مالك الا طلبيه من الحمراني شبك كامل مع القطعه اللي قلت وتنتظر شهر على ماتتوفر

[عاشق ددسن 85]

السلام عليكم ياخوان بس معليش الددسن الي على اليمين كم موديله الله لايهينكو الي موقف على جمب

[سجين العناء]

الله يوفقك في هالمشروع
لاكن انكان مانيب واهم ان على ال 200L موديل 85 علامه زيها
اتمنا اني افدتك
موفق

[عبدالله حماد]

ياخي مايبيلها كل هالبحث الله يعافيك ، فيه واحد مصور لك وجهية الددسن حقته ومشاركته رقم 22 اذا ماني غلطان وعنده نفس العلامة اللي تبيها صح ،،،!
دق عليه أو أرسلة رساله على الخاص وقابله في أي مكان ، ثم خذ العلامة واطبعها على جبس ابيض تكون توك مسويه يعني لين ورجع علامة الرجال وبعد ماينشف الجبس خذ اي بلاستك ويفضل الهوز الاحمر حق البنايات الجدد وولع راسه بالنار لين يولع الهوز وبعد مايبدى ينقط خله ينقط في نفس المكان المطبوعة فيه العلامة ، وبعد ماينشف بسبب الهواء طلعة واصبغه بنفس الألوان ،،،،،،،،،،،، والحمدلله اولاً وآخراً

[حطب سمر]

الله يوفقك في هالمشروع
وبأنتضار الصور
هالمشروع براسي
وبأذن الله قريبا اباجدد ددسنين
82 و85
تقبل تحياتي

[ولد وايل 2010]

نسأل الله لنا ولك التوفيق والسداد والله يعينك على هالورش والعمالة المماطلين واللعابين

[حديب الضميان]

الله يوفقك يارب
اخوي لازلنا ننتظر فقد انتهت المهلة التي قمت بتحديدها
متشوقين نشوف هالمشروع الرائع

[يالبى الهلا]

نسال الله لك التوفيق في مشروعك وانتظر الابداع علي الواقع

[بيكال MB153]

الله يوفقك خير

اخوي لاتنسى

تعرض لنا كم التكلفة من الالف الى الياء

لان حتى انا عندي ددسن 85 ودي اجدده وياليت اي احد عنده او يحصل الداخلية كاملة اللون ازرق يرد علي خبر برسالة على الخاص

وعداد السرعة