ماخاب من استشار ..رأيكم مهم في اتخاذ القرار (يوكن عادي +دينللي +تاهو+...دبل أو عادي

[زمن عابر]

السلام عليكم ورحمة الله وبركاته

قررت شراء سيارة بإذن الله تعالى وصدمت بين هذه الخيارات , ولا أملك الخبرة الكافية في هذه الأنواع ( يوكن عادي + دينللي + تاهو+ ..دبل أو بدون دبل (بالنسبة للسيارات المذكورة ) ..

* البعض قال لي أن الدبل في السيارات الأمريكية غير مجدي ومشاكله أكثر من فوائدة ..

أنا إنسان ماأحب شيء أسمه صناعة لو على تركيب قطعة فيوز



* فيه بعض الناس نصحنيي بالبرادو ؟؟؟ وش رأيكم ياأهل الخبرة ؟؟



اتحدث عن موديلات الوكالة 2011

انتظر رأيكم لأني بأخذها إذا الله راد و ييسر هالأسبوع


تحياتي لكم جمعيا

[النمرالأليف]

خذ تاهو دبل هذا رأيي والرأي لك

[رسلان الوايلي]

خذ دينالي صغير

[زمن عابر]

مشكور أخوي النمر الأليف , وأخوي راعي الجيب ..


نبي نسمع آراء أكثر وخاصة من أصحاب التجارب والي طاحوا في نفس الحيرة عند الشراء


بالتوفيق للجميع

[كاشت وحداني]

الدينالي ابعد عنه
صحيح فخامه ولكن حساسات وبلاوي لليل
وقطع غياره غاليه جدا
التاهو او اليوكون زينات ومعقوله ولا فرق بينهم الا العلامه وبعض الديكورات
الدبل او بدون دبل حسب احتياجك اذا انت راعي بر وبحاجة الدبل خذ دبل واذا منت بحاجته وفر على نفسك القيمه والصيانه ايضا تعرف الدبل قدام عكوس ورمانات وصوف وتحتاج صيانه مع الوقت
البرادو ممتاز واصبر من الامريكي ولكن غااالي واليوكون اوسع واريح للعائلة
والاستخاره اهم من كل شئ وموفق خير

[زمن عابر]

الدينالي ابعد عنه
صحيح فخامه ولكن حساسات وبلاوي لليل
وقطع غياره غاليه جدا
التاهو او اليوكون زينات ومعقوله ولا فرق بينهم الا العلامه وبعض الديكورات
الدبل او بدون دبل حسب احتياجك اذا انت راعي بر وبحاجة الدبل خذ دبل واذا منت بحاجته وفر على نفسك القيمه والصيانه ايضا تعرف الدبل قدام عكوس ورمانات وصوف وتحتاج صيانه مع الوقت
البرادو ممتاز واصبر من الامريكي ولكن غااالي واليوكون اوسع واريح للعائلة
والاستخاره اهم من كل شئ وموفق خير

مشكور أخوي كاشت على المعلومات الواضحة والنصائح الهامة ...من كلامك عرفت أن البرادو أفضل من الأمريكي , لأن سعره ماهو بغالي ومافيه فرق قيمته فل كامل المواصفات بـ 143 ألف ريال ..

أكثر استقراري على البرادو وإن شاءالله إني باخذه


لك كل الإحترام والتقدير

تحياتي

[أبو غدي1432]

يا أخي الكريم

أنا نفس المشكلة محتار
بس البرادو ضيق مرررررررررررررة مع قريب لي وسقته ما عجبني

بصراحة أحد سيارتين:

يوكن دبل

تاهو دبل

غير لا تدور سيارة عائلية.

أنا هذا الأسبوع بإذن الله سأشتري إحدى السيارتين السابقتين

[علي2010]

أخوي ..
بالنسبه للدينالي ما أنصحك فيه ( مع أني أستخدمه ) مشاكله كثيره مع أنه أفضل موتر بالنسبه للراحه .
اليوكن والتاهو أخويا .. مع أني أفضل التاهو . وهو أفضل أختيار .
أما البرادو فهو ممتاز إلا إنه يعيبه الصغر نوعا ما ..

ويعتمد بشكل كبير على استخدامك وحاجتك .. مثلا :
عدد أفراد الأسره ، راعي بر ولا لا ، تهتم بالسياره من ناحيه الصيانه أو لا ..... الخ .

وبالتوفيق .

[زمن عابر]

يا أخي الكريم

أنا نفس المشكلة محتار
بس البرادو ضيق مرررررررررررررة مع قريب لي وسقته ما عجبني

بصراحة أحد سيارتين:

يوكن دبل

تاهو دبل

غير لا تدور سيارة عائلية.

أنا هذا الأسبوع بإذن الله سأشتري إحدى السيارتين السابقتين


هلا فيك أخوي أبو غدي , إن شاءالله تشتريها ويبارك لك الله فيها , يعطيك خيرها ويكفيك شرها مقدما.. ولاتنس الإستخارة مثل ماقالوا الشباب ..

بالنسبة لي ماعندي عائلة كبيرة, عندي طفلة صغيرة ( تونا في سنوات العسل ) :good2: , لكن أحتاج سيارة واسعة شوي لأوقات السفر ..

اشكرك على تشريفك ومشاركتنا خبرتك وآراءك .


لك مني كل المحبة والتقدير

تحياتي

[زمن عابر]

أخوي ..
بالنسبه للدينالي ما أنصحك فيه ( مع أني أستخدمه ) مشاكله كثيره مع أنه أفضل موتر بالنسبه للراحه .
اليوكن والتاهو أخويا .. مع أني أفضل التاهو . وهو أفضل أختيار .
أما البرادو فهو ممتاز إلا إنه يعيبه الصغر نوعا ما ..

ويعتمد بشكل كبير على استخدامك وحاجتك .. مثلا :
عدد أفراد الأسره ، راعي بر ولا لا ، تهتم بالسياره من ناحيه الصيانه أو لا ..... الخ .

وبالتوفيق .

هلا فيك أخوي أبو علي الله يبارك لك بسيارتك ويعطيك خيرها ويكفيك شرها , واشكرك على تواجدك وتشريفك

بالنسبة لي عدد الأفراد مثل ماذكرت بردي في الاعلى صغير ( ثلاثة أفراد ) ,والبر مالي صحبة معه أبد ..

وأكثر ميولي واستقراري حاليا , للبرادو , والله يكتب مايريد


لك مني كل الود والتقدير

تحياتي

[المساجدي]

البرادو صغير

واليوكن والتاهو كلهن خوات بس اليوكن ارغب في البيع وعموما كلها تمسك سعرها ماتطيح واجد

والدبل بلعكس مامنه اى مشاكل وافضلك ماتدري ممكن يجي له حاجة

بس نصيحتي خذ يوكن slt

او تاهو ltz

واللون اللؤلؤي لا يفوتك وراح تدعيلي