فيه "زر" في GXR ما عرفت وشهو له !!!؟؟؟

[GXR_2005]

السلام عليكم ورحمة الله وبركاته

البارحة يوم الخلايق نيام ..:p .... آسف... البارحة نويت أغير فيوز ضرب عندي منذ مبطي

طبعا ما ضرب عندي أنا .. :no2: لكن ضرب في السيارة GXR 2005 قير اوتوماتيك

مكان الفيوزات اذا كنت في مكان القيادة تكون الفيوزات في يسار أسفل قدمك اليسرى "أجلكم الله".

لما نزلت رأسي لأنظر في هذا المكان وجدت الدواسة التي تضع عليها الرجل اليسرى للراحة

خلف هذه الدواسة البلاستيكية تماما هناك "زر" قصير وغريب :confused:

هذا الزر من الممكن أن تحركه للداخل والخارج بالضغط عليه

لكني لم أعرف وضيفته الى الآن ؟!!

حفظكم الله

:D

[وحيد الصحراء]

Gxr2005

انتبة لا ترص الزر الا وانت مغمض عيونك الله يستر كلش يخوف اخاف يطلع لك مارد ويغرف فليبك والزر هذا والله العالم انه ما جا من فراغ يمكن ناوين يصممون جنحان في المستقبل عشان اذا غرزت بالجيب او ثولث فوق طعيس ترص الزر ويقلع الموتر وكذا يكون انتهوا من مشكلة الغراز ولا يحتاج من يدفك او يعلق مويترك بقلص ويعدم الفيبر عليك 0 تدري وشلون قلب في الكتلوج وتعرف وشو له هالزرار اللي مشغلك والسلام ختام اخوك مارد الصحراء اقصد وحيد الصحراء

[نمر بن حثلين]

اخوي وحيد الصحراء الله يصلحك اذا ما تعرف وشهوله الزر اترك المجال للخبراء مثلي الي يعرفون وش وظيفة الزر عشان يردون :no2:




اخوي GXR-2005 الزر هذا اسمه زر نظام الملتي سيستم ABBW

وطريقته تعتمد على النيه
يعني تنوي اي شي تبيه وتغمض عيونك وترعص الزر ويطلع لك
مثلا انت بالبر وجعت واشتهيت مندي انو النيه وارعص الزر خمس ثواني وهوووووووبه تلقى التبسي على الكبوت :D

[هاوي البر]

الله العالم ان كانك شريت الموتر مستعمل فاكيد راعية مركب له فاصل ضد السرقه ومخفيه عن الكلتس هذا و الله اعلم
هذا توقع مني وليس جزم ونشوف رائ الاخوان

[مساوا]

الزر لونه أحمر ؟

[يوسف عبدالله]

أنا معي برادو

وعندي نفس الزر هذا

وعجزت أعرف وظيفته

حتى بالكتيب دورت على أي شيء يدل عليه مالقيت ولا شيء

علشان كذا أعتقد أن ابو جميل حاط هالزر ,,,

لكن السؤال لايضل قائماً

(( ماهي وظيفته ))

[همّام]

هوجست شوي وطلعت بهالفكرة


معي جيب باثفندر قير تماتيك طبعا القير ما يطلع من وضع الـ p إلا بضغط الفرامل


وفيه زر أحمر جنب القير يقوم بالمهمة بدل ضغط الفرامل لو خربت


وأظن والله العالم ان زر خوينا GXR_2005 (http://www.mekshat.com/vb/member.php?u=15212) من نفس النمونة


جرب وأفدنا


أخوكم // همّام

[مصيول]

اخوي وحيد الصحراء الله يصلحك اذا ما تعرف وشهوله الزر اترك المجال للخبراء مثلي الي يعرفون وش وظيفة الزر عشان يردون :no2:




اخوي GXR-2005 الزر هذا اسمه زر نظام الملتي سيستم ABBW

وطريقته تعتمد على النيه
يعني تنوي اي شي تبيه وتغمض عيونك وترعص الزر ويطلع لك
مثلا انت بالبر وجعت واشتهيت مندي انو النيه وارعص الزر خمس ثواني وهوووووووبه تلقى التبسي على الكبوت :D

هههههههههههههههههههههههههههههههههههههههههههههههه
هو بس صدقو ابن حثلين ولا يهونون الربع هههههههه:D

[بواسامه]

كانه تحت دعسةالفرامل
فتراه وانا اخوك ساعة الفرامل
اضغط الدعسه اذا وصلته فهو حساس النور حسب علمي البسيط

وعلمنا اذا هو غير ذلك

[GXR_2005]

:)

الله يصلح حالي وحالكم يالمقلعيييييييييييييين

وحيد الصحراء
أنا خايف ان ضغطت على الزر يطلع لي مارد الصحراء اللي تقول عنه..:j .ثم عاد نبلش به...من وين اجيب له غدا وعشاء وأهمّز ارجوله...:)

نمر بن حثلين
ذكرتني بولدي راكان "اللي في التوقيع" الله يصلحه ويصلحك
تقول أجل النظام اسمه Abbw :p أنا صراحة كنت ماشي معاك نمام وناوي أطبق الكلام بحذافيره..:D
بس كان عندي سؤال....اذا جيت أنوي النية أكون متوضي ولا عادي بدووون ;)

هاوي البر
جزاك الله خير
والموتر شاريه وكالة غير مستعمل

مساوا
ايه لون راسه احمر والله العالم
تسلم يالحبيب

يوسف عبدالله
:D
الله يعينا واياك على طاعته

همّام
بارك الله فيك
الزر هذا بعيد عن الرجل...اقصد مش من السهل انك تضغط عليه وانت جالس على الكرسي
وانا بعد عندي زر جنب القير الاوتوماتيك...لكن أظن ان استخدامه هو لتحريك القير من P اذا كانت السيارة لا تعمل وتبي مثلا تحطها في N علشان تدفها...يعني فايدة انك تحرك القير والسيارة طافية بدون استخدام المفتاح...وأظنه نفس عمل الزر اللي عندك والله أعلم

مصيول
:D

بواسامه
جزاك الله خير
والزر بعيد عن دعسة الفرامل

ولا يزال البحث جاااااااااااااااري...................

[بو خليفه]

هذا الزر في الكروزر الخليفي و البرادو هذا يبدأ تعشيق الغير من الثاني و ليس من الأول هذا إذا كنت في طين أو طريق منزلق لأن التويوتا لا يجل مانع الانزلاق أثناء السير حتى جيب لكزس غير موجود فيه الميزه فقط هذه الميزه في الجيبات الأوروبية لا يمكن أن تفحط

[ابوحماد]

ياأخوان الظاهر هذي من طلعات أبوجميل السحرية
وهذي موجوده بس في مواصفات ابو جميل 2004 و2005 و2006
(تلفيق جده)

[حر اليدين]

هل على الزر كتابة معينة او رمز
هل جريت وضغته وشفت الفوارق يعني وش صار وش ماصار
ما عندك حب استطلاع يعني تضغطه وانت مسرع ووانت واقف ووانت مغرز ووانت في البيت

جرب وعطنا الخبر

[anas]

الظاهر زي ما قال اخونا ابو حماد من طلعات ابو جميل الله يحمينا من جشعه

[طارق الحربي]

الزر هذا هو فاصل لنظام الانذار بالسيارة فقط

[الربذي]

هلا من العايدين الفايزين اي انذار ياطارق لاتنسى اذا مو مركب بالوكاله في اليابان شد بلد اقصد الانذار فهو ضحكه من شركة تويوتا بجده يركبون صيني وخصوصا الكامري والهلي ويخرب من اول شهر قال زر لفصل جهاز الانذار لا ترا كله سلكين انذارهم انا شفته فيه بالسوق اطلق منه اعتقد ذلك ياخيي صار وش فايدة الانذار يجي لص ويفصله وبعدين ترا انذارهم بس خمخمه وصيني يركب اللسعوديه مايسوى ريال ((الا اذا وكاله فيمكن ذلك بس بعد ماعتقد ذلك !!!)
اخوي جي اكس ار الله يهديك بس عريت ربعنا مايعرفون بالسيارات شي انا احب الحربثه بالسياره وتلقاني اسكن به اول ماشريه لو هي قرمبع ويمكن افطر وتغداء جواؤ السياره حربوث ماخلي شي ماافكه

[طارق الحربي]

هلا الربذي

من العايدين ومن الفايزين

اجل وش رايك باللي يقولي هذا زر ( تيربو ) ؟؟


ياخي انا عارف ان الانذار يركب هنا بالسعودية من قبل ابو جميل

مثل ما أنت عارف ان الكامري والهايلوكس وغيره ممن تحتوي على هذا الانذار اذا فتحت السيارة بالمفتاح وانت مقفلها بالرموت تبدا تأشر وتطلع اصوات فهذا هو الحل لتوقيف الاصوات عند فتح السيارة


وقد أكون مخطأ

شكرا لك

[الطير الأبرق]

جرب اضغط وشف

وشوله كل هالكلام ......اضغطه وعلمنا وش طلع لك


تحياتي

[غالي]

السلام عليكم ورحمة الله وبركاته
وكل عام وانتم بصحه وسلامه واعاده الله علينا وعليكم باليسر والغفران
اخوي توني نازل بهالبرد حمستني ابي اشوف موتري فيه او لا
طبعا معي Gxr خليجي وراد البازعي 2003
ان كنت تقصد فوق الدعاسه الي تريح فيها الرجل اليسرى وتكون شوي وراها
فا مالقيت فيها الا قطعه سوداء كبيره ووظيفتها تمسك الديكور والفرش الداخلي
واتوقع مثل ماقالوا الاخوان حركات ولد جميل
والله اعلم حبيت ادلو بدلوي بالسيارات الخليجيه
والباقي على الاخوان يكتشفون لنا وش له حاطينه :)

[GXR_2005]

:D

جزاكم الله خير جميعا على الزيارة والمحاولة والمعاونة والتجربة واللزي منّه :p

الزر هذا كما فهمتم هو أسفل يسار قدم السائق ولكن الرِجِل "أعزكم الله" لا تصل اليه بسهوله

ورأسه أحمر

وقد قمت بتجربة قفل السيارة بالريموت وفتحها باليد وقد بدأت الانذارات من كل حدب وصوب

لكن للأسف ضغطت على الزر السحري (صاحبنا) ولا سوى شي يعني الزر ما طلع يوقف الانذار ولا شي

هاه وشقلتوااا من عنده فكرة ثانية يا جماعة الربع

حفظكم الله
:)

[مسافر1]

والله صار شغلة هالزر .. العالم تصنع ونحن لا نعرف لما صنع .. عطونى الخبر ..

[عاشق البران99]

الزر هذا سألت عنه في الوكالة قبل أكثر من شهر قالو لي أنه خاص بجهاز الريموت والسواق ماله علاقة فيه (بس عند الصيانة) ومكانه يختلف من سيارة لسيارة (2005).

(لو تدور عليه في الكتالوج سنه ماتلقاه لأنه من تلفيقات أبو جميل الله يحفظه)

أتمنى أني أفدتك.

والله أعلم..

[GXR_2005]

أبشركم عرفت سر هذا الزر العجيب


الزر فعلا لابطال مفعول انذار السيارة :eek:

نعم

حاول أن تشغل الانذار الذاتي بواسطة الريموت مثلا

ثم (وهذا اللذي كان ينقصني في تجربتي الاولى)

ثم ضع مفتاح السيارة في مكان التشغيل

ثم اضغط على الزر العجيب

وستطفأ الانذارات كلها

وتقدر هنا تسرق السيارة وانت مرتاح :no2:

حفظكم الله ورعاكم ;)