المساعد الشخصي الرقمي

مشاهدة النسخة كاملة : .لاند جي 2007. او ربع 2009 . ياهل مكشات والجيوب الفزعه .


صياد الجبل
21/07/2011, 01:12 AM
بسم الله الرحمن الرحيم


والصلاة والسلام على اشرف خلق الله نبينا محمد وعلى اله وصحبه اجمعين


اما بعد


اخواني انا محتار
ومن احتار وقابل مثل هالموقع موقع مكشات واعضائه عز الله توفق بالاختيار


اخواني
صراحه دماغي حاس


بين ربع 2009 .


وبين لاندكروزر جي 2007


صراحه محتار بين هالسيارتين


انا ابي لي سيارة بر وسيارة ضلع


سيارة مقانيص وعلوم غانمه
وسياره تبيض وجهي قدام ربعي


وابيها تنوز للغرازات والوعور


بحثت في قوقل عن السيارتين وقريت بعض المواضفات


لاكن لم اجد الجواب الكافي عن الفروقات والافضل


مثل افضل وكيل للسياراتين والمواصفات
الخليجي والسعودي وقوة المكينه والدبل ..والصلابه والتحمل .


انا مالي غنى عنكم ياهل البر وياهل مكشات


ونبي الجواب من الخبراء والمجربين وذوي الخبره



الربع الـ 2010 و الـ 2011 مارتحت لها وماخشت دماغي



تقبلو تحياتي وخالص ودي وتقديري
صياد الجبل
21/07/2011, 10:45 PM
معقوله ولا رد
رسلان الوايلي
21/07/2011, 10:58 PM
الجي لاند اكبر ويخذ غرضك كله والربع يجمل بالطعوس والغرزت والجي ليلق سواق مو ردي بس مفيه موصفات
صياد الجبل
21/07/2011, 10:59 PM
يخوي تنصحني اي سياره اتمنى تحدد لي بالضبط انا ابي لي موتر بر
أبوعابد 22
21/07/2011, 11:12 PM
هدد ولا تشاور أوسع في العزب والتوانك وأفضل من ناحيت العزم
والرساوه وش تبي بالربع الربع حق تطعيس ورفع وما يصلح للبر والصيد
ونقول مبروك للهدد مقدما
صياد الجبل
21/07/2011, 11:55 PM
مشكور اخوي واتمنى من الاخوان الافاده اكثر
رسلان الوايلي
21/07/2011, 11:57 PM
خذ جي اكس احسن من الجي موصفات وتقبل مروري
نسيم المطر
22/07/2011, 12:07 AM
والله شف وانا اخوك ان كانك راعي ضلع لاتاخذ الار ربع و2009 اختيار موفق لان الجي لوتركبله بالون وياي استرالي رايحن بطنه عليك مع الضلع وهذي انا مجربها يعني حاك حاك الله لايعوق بشر ولا هو كل درب يمشيه بعكس الربع لا يحتاج شي من الترهيمات وطالع طالع وليا غسلته تحلف انه مطب الصحراء
ان كانك راعي ضلع دايم لا تاخذ الا ربع والخليجي مواصفاته احلى من السعودي
وان كانك للضع تروح بالسنه حسنه خذ جي اوسع وتانكيين بنزين واريح وممتاز للبر نفود وغيرها والسعودي مواصفات الجي افضل من الخليجي
ارجو اني افدتك ولو بالقليل
صياد الجبل
22/07/2011, 12:40 AM
مشكورين وماقصرتم بيض الله وجيهكم
على رمشي تمشي
23/07/2011, 10:34 AM
والله كانك ناويه للبر وتقول ماني مركب احد من العائله وتبي تقنص به وراعي ضلعان انا اقول الربع - انا معي 2008 بوليسي والله ماشاء الله بكل مكان اروح له ويبيض الوجه لادبلات ولاقوه - بس يعيبه مركبه والا ممتاز اذا انت من اهل الباحة
صياد الجبل
23/07/2011, 03:56 PM
ايه والله انا لارحت البر والمقناص في الديره عندنا بالباحه ولا هنا بالساحل ماخذ احد من العائله ابد ماغير الشايب وده يفك عن نفسه اخذته معي

ولا بعض الاحيان اخذ معي واحد من الشباب ولا اثنين فقط

مشكور اخوي عالنصيحه
زيــآدِ
25/07/2011, 01:05 PM
خذ لاند جي
ابونبيل
26/07/2011, 05:27 AM
لند يطربك بالبر والديره

الربع سريع الانقلاب وماعندك مكان للتوانك والعزبه
صياد الجبل
31/07/2011, 03:38 AM
تسلم ومشكورين وبيض الله وجيهكم
ابوراكان تبوك
02/08/2011, 06:11 PM
اضافه لكلام اخي نسيم المطر
الربع التويوتا لا يقارن بأي سيارة في الصحراء نهائياً وما يتضرر بالصحراء مهما طامرت فيه لكن عيوبه :-
1 - مافيه مكان وسيع للعزبه ويضايقك بزياده اذا معك اكثر من شخصين الاشخاص الباقيين يركبون فوق العزبه مثل حالتنا:D ونص اخوياك تتركهم وهذا اللي كرهني فيه وخلاني ابدله بلاند
2 - غير مريح في الخطوط الطويله ويقطع الظهر لان مطبه قاسي خصوصاً اذا بغيت تسافر اكثر من 300كيلو
3- الموتر يمسك قيمه ماهي قليله وفيه سيارات بنفس السعر واوسع وتؤدي تقريباً نفس الغرض ( اقصد اللاند الهدد )
4- سريع الانقلاب واذا جاه شيء لا سمح الله يكلف قيمه ماهي قليله ويطيح سعره

اللاند كروزر الهدد ميزته وسيع وسيارة عائله وبر ومريح جداً في البر والخطوط واكثر رساوه وهدوء مقارنه بالربع وفيه ميزة اللثلاجه والتانكيين مهم بالنسبه لراعي البر ولكن عيوبه :-
1- بطن الموتر قريب من الارض ومع العقوم يحك احيانا
2-مافيه ذيك الخفه زي الربع في الصحراء
3- كثره الديكورات في السيارة تشغلك بالتربيط كل فتره

هذا اللي اتذكره من واقع تجربه وبالنسبه لي بعت الربع وشريت جي اكس ومرتاح جداً من ناحيه السيارة

وتقبل مروري
صياد الجبل
03/08/2011, 04:56 AM
بيض الله وجهك يابو راكان
ابوراكان تبوك
03/08/2011, 06:14 AM
بيض الله وجهك يابو راكان

ووجهك ابيض وكل عام وانتم بخير
صياد الجبل
03/08/2011, 06:19 AM
وانت طيب وبصحه وسلامه