بالنسبة للشيروكي

[هاه..؟]

السلام عليكم ورحمة الله وبركاته ...........
عندي استفسارين للشيروكي:
1:ودي أغير الرديتر الأمريكي بسعودي فهل أروح للتشليح أو أشري جديد؟ومن وين ؟(أنا بالرياض)
2:هل فيه مشكلة من عدم تركيب صاجة تحت تانكي البنزين؟


وسلامتكم يا بعد حيي......

[جيب ربع]

أخوي ليش تغيير الرديتر إذا كانت الحرارة على النص يعني على 212 فهرنهايت(أمريكي) ما يحتاج تغيير

بخصوص محلات قطع الغيار طبعاً في شارع الأمير سلمان أكثر من محل + فرع للوكالة

بخصوص الصاجة لااعتقد إن فيه ضروره لها والله يستر عليك

[رهف2006]

اذا الأديتر خربان اشتر جديد وامريكي وبالنسبه لمحل قطع الغيار

رح لدوار الخرج لمحلات باجحرز واسأل عن رياض واعرض عليه مشكلة سيارتك

وشهاده لله الرجال ونعم فيه وراعي امانه واذا موترك يحتاج تغيير بيجيبلك القطعه المناسبه

وبأرخص سعر واذا مايحتاج بيقولك توكل على الله ...اقول الكلام هذا من كثر مانقذني من

الحراميه الوكاله واماكن التشليح النصابين وخرابات سخيفه قدروا الوكاله تصليحه بالألاف وجيته وصارت بالميات.

[سهيل واحد]

الاخ ........ جيب ربع


عليكم السلام ..

نصيحتي لك انك ما تغير الرديتر الأمريكي بسعودي .. اذا كان الرديتر غير صالح للاستعمال غيره بامريكي لو كان السعر مضاعف .. لان الرديتر السعودي ما يبيض الوجة و خرابه سريع .. اما اذا كان الرديتر ممكن اصلاحة بالتصييخ .. فا فيه واحد يمني ملتحي جنب ورشة الفاو بشارع الجامعية .. رح للوكالة و اشتر موية رديتر اصلية ورح لليمني وخله يصيخ الرديتر تصييخ كامل و يحط الماء حق الوكالة (لان ماء رديتر الوكالة ارقد و آمن) اللي شريت وسوف يظبط الرديتر ان شاء الله.

صاجة تانكي البنزين تحمي التانكي من الحصى و الصخور فاذا انت من الناس اللي يجلدون البران و الحزوم للقنص فالسيارة بحاجة الصاجة اما اذا انت راعي كشتات ربيع فلا حاجة للصاجة .

والسلام ختام.

[هاه..؟]

مشكورين يا أخوان
لكن الرديتر يتحرك عندي أحسب البلا منه طلع ما تركب زين(الموتر مصدوم ولا انسحب مضبوط)
فلحموه وركبوه مضبوط.......
وما تقصرون يا بعد حيي

[anas]

شيروكي ... و بعد مصدوم وما انسحب مضبوط !!!! وش لون شريته الله يهديك بس .
على العموم كان عندي واحد استعمال امريكي وبعته من كثر خراباته وما غيرت الرديتر حقه لكن تتعدى الحرارة النص اذا شغلت المكيف او استمريت بالتطعيس مدة نصف ساعة تقريبا وبعدها تبدأ الموية تفيض من القربة .... والله يا جابلي الهم الى ان بعته .

[قصيمي والهوى شرقي]

اذا كانت الحراره ترتفع ركب مراوح والله مجربها أنا خلت الموتر حقي خفيف والحراره نوم