سؤال هل انتم مثلي ياهل الصيد

[راعي العجراء]

اخواني اعضاء هذا المنتدى المحبب الى نفوسنا
مكشات
السلام عليكم ورحمة الله وبركاته
يالربع انا اذا صيدت دخل اوقميري
اوقصيت اثر حبارى
اوهديت الطير اونفجت الارنب للسلق
وجيت ابغى انام عقب التعب اشوف امامي مثل الفلم السينمائي
عن صيدي اليوم
اتخيل الدخله وانا ارميها على شكل ماكانت عليها يوم اصيدها
او شفت فرق قميري بطلحه او بالارض
اشاهده في حزة نومي كما شاهدته اليوم
سؤالي
فهل انتم مثلي
اوتشاهدون شي اخر او تنامون على طول
ارجوا المشاركه

[محمد الظاهري]

اكيد يعرض امام خيالك فلم
وثائقي جميل
وما اجمل عندما تتذكر شي جميل جدا
تحياتي لك
اخوك

[أبوعابد 22]

شي طبيعي أنا عني لين ريحت يعني خلاص مقناص
وتكيت أتذكر القنيص الي قنصته

[صيد2009]

هذا طبيعي اخوي

[التفق]

هذا اتوقع كل اللي يقنصون مجرد انك تنسدح تبي تنام وتغمض عيونك تكرر الصور اللي مرت عليك في هذا اليوم العقل الباطني مع التركيز مع الحماس من زمان ما اشتغلن وشغلتهن كلهن بيوم واحد ههههههههههههه الله يسعدك

[راعي العجراء]

اكيد يعرض امام خيالك فلم

وثائقي جميل
وما اجمل عندما تتذكر شي جميل جدا
تحياتي لك

اخوك


اشكرك على حضورك وعلى ردك الطيب

[شقاوي الديرة]

اخواني اعضاء هذا المنتدى المحبب الى نفوسنا
مكشات
السلام عليكم ورحمة الله وبركاته
يالربع انا اذا صيدت دخل اوقميري
اوقصيت اثر حبارى
اوهديت الطير اونفجت الارنب للسلق
وجيت ابغى انام عقب التعب اشوف امامي مثل الفلم السينمائي
عن صيدي اليوم
اتخيل الدخله وانا ارميها على شكل ماكانت عليها يوم اصيدها
او شفت فرق قميري بطلحه او بالارض
اشاهده في حزة نومي كما شاهدته اليوم
سؤالي
فهل انتم مثلي
اوتشاهدون شي اخر او تنامون على طول
ارجوا المشاركه



وعليكم السلام ورحمة الله وبركاته
هلا وغلا والله باخو منيفة
بالنسبة لي وانا اخوك خاصة إذا كان المقناص بعيد ومتعب مثلا نازل لك من راس ضلع أحيانا ما اكمل الأدعية إلا وتلقاني نايم
لاكن إذا الواحد ما جاه نوم يقعد يلف الفلم ويفكر ويخطط ومع شئ من الأماني:)

[النبهاني]

وعليكم السلام ورحمة الله وبركاته
الله يسعد اوقاتك بكل خير ياراعي العجراء
صدقت ياخوي وانا يحصلي الشي هذا خاصة وقت تدوير الزبيدي الفقع
لا بغيت انام وغمضت جاء هالفلم لا واضح بعد هذي مصلعه وهذي مفلقعه وخذ
بس عاد تدري ليش
حللته بفهمي المتواضع ان الواحد منا لابغا المطراش للامور هذي
يقوم ويبقش هالدنيا ومابه ويجود حزام البقشه ويجدعه تحت الدرجه ويهج بسيارته مامعه الا العزبه
ومفرغ نفسه لهالامر اللي ما براسه الا هو ومركز فيه ويستمتع بالمقناص ولاغيره وبنهاية اليوم وعند النوم يفل الشريط لاغمض
وعلى شان كذا يصير هالفلم
ومشكور اخوي على طرح هذا الموضوع

[zulfi]

الاوقات الجميله والكئيبه لا تنسى..الكل زيك طبعا.

[ابو ياسر11]

راعي العجراء
انت شكلك مولّع بالصيد
لأبعد الحدود
وهذا شيء طبيعي
أن كل لحظة بحياتك حلوة
لاتمر مرور الكرام
بل ستتردد في خيالك مرات المرات

تحياتي لك

[الحر الموحد]

انت رومنسي صيد هههههههههههه

[نحال الجبال]

السلام عليكم يوم شفت اسمك الله يكفينا شر المشاكل ويوم شفت شكلك قلت يا الله الخراج انا وش جابنى هنيا اهج من ديرة المشاكل امزح معاك وترى هاذا الى تشوفه عادى اجل لو ترميلك بدن وتخطيه لذكرته من الغبن يطير النوم من عينك وتبلش

[O.S.7]

هذا اتوقع كل اللي يقنصون مجرد انك تنسدح تبي تنام وتغمض عيونك تكرر الصور اللي مرت عليك في هذا اليوم العقل الباطني مع التركيز مع الحماس من زمان ما اشتغلن وشغلتهن كلهن بيوم واحد ههههههههههههه الله يسعدك

[راعي العجراء]

اشكركم على تواجدكم ومشاركاتكم
واذكر مره غرز الدستن وقعدت انا وياه حوالي ثلاث ساعات
اتعبني بالحيل لين طلع
ويوم نمت بالليل الا والغراز في منامي ماغار احفر ودفن حتى في نومي تعبت من التبريح
ورفع الموتر ووضع شجر تحت الكفرات
يعني ست ساعات تغريزه ثلاث على الحقيقه وثلاث بالحلم
لاوالله شقا

[الشقردي 999]

هههه كلنا مثلك

[الجش]

هههههههههههههههههههههههههههههه
اكيد كلنا مثلك

[مطنوخ قطر]

انت رومنسي صيد هههههههههههه
ههههههههه ياحلو هالتعليق,,,,,انت يا راعي العجرا محد يسوي سواتك! الناس بعد يوم كامل من القنص والمطارد والمطامر من تحط الراس على المخده وهي نايمه:)وانت منسدح وتعيد يومك,,,على كل حال اذا جيت ترمي او تهد سم بالرحمن.

[لهب النفود]

لا ماحنا زيك بس انت هذي بداية النهايه خلاص انت انتهيت...ههههههه
هههههه يمكن انك تتابع افلام هندي كثير

[تلميذ]

ممكن من شدة حبك في المقناص بتسيير معك ها الامور
ويسمونها احلام البقظه
روح للعم قوقل واكتب احلام اليقظه
فقد تجد سبب لما يحدث معك
طرح جميل وصراحه أجمل في طرحك

[أميرالعشاق]

وعليكم السلام ورحمة الله وبركاته
ياحبي لسواليفك أخي الفاضل/راعي العجراء:)
والله أحياناً تحصل معي..

[**عاشق الشواهين**]

بعد انا مثلك حزة النوم لابد يعرض فلم اليوم كامل واستخراج السلبيات وتجنبها اليوم الثانى مع تعديل على اسلوب المقناص

[صاحب حي]

شي طبيعي يعطيك العافية