نزول حقيقي في اسعار تايوتا

[فاقدخوي]

السلام عليكم

يقولون البارح نزل هايلوكس 2012 بـ 55000 ريال

وهو كان بـ60000

وعلى ذمة رجال يقول الشاص نزل 6000
والربع5000

وسلامتكم

[النجم الطائر]

يقولون يقولون يقولون يقولون يقولون يقولون يقولون
اتمنى يكون كلام صحيح

[رسلان الوايلي]

الله يسمع منك

[شعيب فياض]

مايحتاج اخوي يقولون امغط رجلك للنسيم وعطنا الأسعار من هناك ولك كروة اهل سدير

[فاقدخوي]

كلام رجال ثقة شرواكم

[سلفاريو]

الله كريم
الي نعرفه ان الاسعار تطلع ماتنزل

[مشاري22]

وكالة يقولون

[«نجم الخير»]

لا مش معقول عندنا الاسعر طلوع مافيه نزول

[فاقدخوي]

تذكروني بالخير ان شاء الله

الاسعار نزلت فعلا نزلت

[المزيدي4]

نتمنى ذلك
والله يجعله حقيقة
واليوم يقولون فيه مواد غذائية نزلت مثل الدجاج وغيره
والله يحفظ أبو متعب لنا ..

[فاقدخوي]

ايه يالغالي دجاج الوطنيه

مشكووور

[* ابو باسل *]

ياناس السياراة تشتريها مره وحده كل خمس سنين بس والله المشكله المواد الغذائيه من حليب وزيت ورز وسكر وحليب اطفال صارت العلبه الوسط اقل من كيلوا ب 80 ريال وين حن رايحين حسبنا الله عليهم .

[على رمشي تمشي]

والله سمعنا حتى السوق ميت محد يشري - ان شاء الله تنزل كل السيارات وليس فقط تويوتا

[فاقدخوي]

صحيح البارح كلام شريطي
يقول ماحد يسوم

[بو شوق]

اخواني موجود الان ب٢١١ الف
جي اكس ار ٨ سلندر ستيني.
هذا الكلام اليوم في الوكالة وأن شاء الله بينزل أكثر في رمضان
وخل الشريطية يتوهقون بسياراتهم الغالية قال ٢٣٠ الف قال.

[كاشت وحداني]

ادخل موقع تويوتا
اضغط ايقونة التمويل
تلاقي قائمة باسعار السيارات
ولا فيها نزول

[6ariq]

نزول الشاص او الربع او اي سياره خرى 5000 او 6000 مايعتبر نزول

هم ماصينا مص

والسياره تطلع عليهم بارخص من كذا ويبيعونها باضعاف مضاعفه ولا حسيب ولا رقيب

اجل الربع سعره فوق 110

وش هالخباااااااااااااال


لكن مانقول الا الله كريم

[فاقدخوي]

منقول


السلام عليكم ورحمة الله وبركاته
ابشركم ان الاسعار لللاندكروزر بدأت في الهبوط الشديد وان شاء الله تنزل اكثر
من اكثر من عشرة ايام وانا امر معارض النسيم واليكم الاسعار
قبل عشرة ايام
اللكزس 400000
الجكسار الستيني 228000
قبل ثلاثة ايام
اللكزس 390000
الجكسار الستيني 217000
اليوم
اللكزس 370000
الجكسار الستيني 211000
والقادم احلى

[بو شوق]

شركة الكفاح تويوتا
جي اكس ار ٨ سلندر ستيني ٢٠١١ أصفار.
٢٠٨ الف

[فيصل التميمي]

الله يبشرك بالخير وخل الشريطية والتاجر الظالم يتوهق بسياراتة

[فاقدخوي]

النزول حقيقي

اليوم ونيت الدبل نزل من 105000الى 95000

كل عام وانتم بخير

[الوسيطاء]

الاسعار الي كرتوها من الطبيعي لانها على نهايه الموسم تطيح 7000لان الموديل الجديد راح ينزل

يمشون الموديل القديم

[ابوراكان تبوك]

الاسعار الي كرتوها من الطبيعي لانها على نهايه الموسم تطيح 7000لان الموديل الجديد راح ينزل

يمشون الموديل القديم


:good::good::good: اصلاً كل شركات السيارات تسوي عروض وتنزل اسعارها من 7 الى 10 آلاف علشان الموديل القادم

وتويوتا ماظنيته بينزل من زمان الدنيا وهي مولعه اسعارها

[فاقدخوي]

الحمدلله طلع المصدر موثوق

واللي كان يهايط ماهو مصدق يروح الوكاله ويكحل عيونه

[magd]

طيب اخوي كم النزول في الاند والسكويا والكامري والهايلكس

[قناص بالحارث]

الربع 2011 فل كامل 125.500 ألف
ذلحين كم وصل مع النزول ............؟

[ابولؤي الشريف]

والله الجيوب المستعمل ممليه السوق ومطيرينها ومااحد قادريشتري الله يرحمنا من هالغلا ماقدرنا على المستعمل كيف نطالع للجديد والمشكله اصحاب المعارض والشريطيه مطيرين الاسعار جديد ومستعمل والوكاله مافيها وماندري متى ينزلون 2012

[المدير1]

وكالة يقولون
لكن بدون وكالة

[magd]

يجماعة ما احد عندة علم عن نزول الاسعار
او العروض الرمضانية

[ابولؤي الشريف]

السلام عليكم ورحمة الله وبركاته البارح يااخوان كنت في الوكاله نزلو الهايلوكس والسيارات الصغيره والجيوب يقولون بعد العيد تنزل واسعار الجيوب باقي ماجتهم لكن احتمال الزياده تكون بسيطه او بنفس الاسعار ونصيحه الي بيبيع في هاليومين فرصته لان مافيه جيوب جديده في الوكاله لا11 ولا 12 لكن بعد العيد بينزلون 12 وتنزل معها اسعار المعارض والمستعمل والي بيغى يشتري ويقدر ياجل لبعد العيد عشان تنزل 12 لان الشريطيه مطيرين الجيوب الجديده 11 الي عندهم

[الصقر الحربي]

ان شاء الله انها تنزل

[اس اس اس]

انشاء الله تنزل

[عارف العبدلي]

اقول زادت انت يابو علي مافيه امل تنقص بعد الفيضان اللي جاء في اليابان
لاتكون امعه كل ماسمعت كلام صدقته بعدين اللي بيشتري سياره
مافكر في خمسه الاف نقصة ولا زادت قده دافع دافع

[حبل الوريد]

هذا القانون ما يمشي عندنا ما نعرف الا الزياده والزايده فقط

[ابوعمر2000]

يا شباب ان رحت للوكاله عبد الطيف جميل وابغى اشترى ونيت هيلوكس غمارتين بس بسبب الاحتكاااار يقولون ما نبيعك السيارة حتى تشترى اكسسورات بمبلغ 7الف ريال للسيارة وحسبى الله ونعم الوكيل هذا سببه الاحتكار

[GABER65]

اللهم أجعله خلو سيارات الشريطيه تعفن وتصدي عنده


وااااااااااااااااااااااااااااااااااااااااااااااااا ااااااااااااااصل أيه الشعب الابي

[مخطط 2008]

نزول للاسعار وخاصة السيارات مستحيل لاني من عرفت السيارات مانزل فيها ولا ريال

[هاجد2000]

والله مااضن في شي يرتفع وينزل من راح ماعود ومن طاح ماشيل .


















سبحان الله وبحمده سبحان الله العظيم

[هملول السحاب]

المشكله فينا حنا ماهوب بالشريطية ولا ابو جميل..

ياناس ياجماعة اللي يبي يركب جديد يصبر سنة ولا سنتين لحد ماينزل الاسعار.

انا اعرف اكثر من 6 من الاقارب اخذوا جيوب جديده وقيمتها 210 الاف ليه كلها علشان الفشخرة والمهايط وعندهم فلوس زايدة.

لكن مانقول الا عسى الله يرزقنا رخص الاسعار والامطار اللي منعت عنا بسبب ذنوبنا وتكبرنا على نعم الله تعالى لاحول ولا قوة الا بالله.

[saleh333]

الله يسمع منك ويصير نزول في كل شي

[ذيب حضن]

السلام عليكم



يقولون البارح نزل هايلوكس 2012 بـ 55000 ريال


وهو كان بـ60000


وعلى ذمة رجال يقول الشاص نزل 6000
والربع5000



وسلامتكم



يقولون ماقالو ويردون مادرو & كرماتهم تاتي على غير صايب

[كــايــدهــم]

الله يكسر التجار ونشوف فيهم يووم اسود

[xozxo]

يا اخوان fj سعرة الان 148800 مع عازل حراري لازم تحط عازل من عندهم وين نزل كان 146500 الله يرحمنا برحمتة

[حمد الحربي]

الله يييييسمع منك يالغالي

[آ’بوخالد]

شلون تبي الاسعار تنزل وعندك ناس تشتري لو قالو سعر الجيب وصل 400 الف راح وشراء ..طيب لو سويت مقاطعة راح يخسر راعي المعرض والوكاله وراح تنزل الاسعار وبكذا المشتري هو الكسبان ..بس وين الي يقاطع والشريطيه موجودين ,,
تقبل مروري

[hamo0o0ody]

انا الجمعة اللي راحت تاريخ 19/2 رحت للوكالة
وشفت الـ vxr 5.7 جلد 2011
ستيني طبعاً
بـ 264 ألف وكان سعره قبل بـ 280 الف

[بن عيد1]

نزل الشاص الفل بريمي ب ١٦٠

والحين ب ١٥١

لكن السؤال ليه نزل ب ١٦٠ عشان ينزل ل ١٥٠

سعره العادل ١٢٠ الف بالكثير

والربع الفل نزل ب ١٦٥ وبعدها نزل ل ١٥٥ و ١٥٠ الف. !!

الربع صندقه جواتها مكينه ...


مابه نزووووول .. اللي تتكلمون عنه يصير كل سنه يمحطووونك فوووق ٣٠ الف عن الموديل الي قبله

بعدين ينزلون ١٠ و. ١٥ الف وتسمونه نزوووول


النزول لو صار البيبسي بريال والتميس بنص واجار الشقه ١٠ الاف ومافيه ساهر وضرايب نقووووول الله يجزا ابو متعب بالخير

والله المستعان بس

[سفير الجزيرة]

نصيحة اللي عنده فلوس يشتري ولا يشاور
انا ضحية هالاشاعات الغبية

كان العام الماضي شهر ثلاثة الشاص ب 117 وقال واحد اصبر بينزل وما امداني الا وزلزال اليايان يرفع السعر الى 127 وقلت اصبررررررر وما دريت الا وصل 132 والحين 137

ماسوينا شي وما اقول الا الخيرة في ما اختاره الله

[hamo0o0ody]

والله يا اخوان انا ناوي اشتري vxr 5.7 2011 بس خايف ان 2012 يتغير كامل او تنزل فيه مواصفات ومميزات تختلف عن الـ 2011 بس المشكله انه بيرتفع سعره إذا نزل
وابي المشوره منكم
أخوكم /ابو نواف

[بدر العبدالعزيز]

يا ابو نواف اشتري بس
وش بيغيرون يعني ؟؟ زر المكيف ؟ ولا خط

اشررر بس الحين ماعليك من ٢٠١٢

[الابرق9]

اتمنى ان يكون هذا صحيحا

[ابو محمد السهلي]

ياخوان من اللي بيشتري بس تبوتا..... الين يصلحون المشاكل يمكن نشتريها في 2013 اذ الله عطانا عمر

بعدين يااخوان المشكله ماهيب غلا الاسعارً..... المشكله من الدعسه ونظام الكهرباء او الدوائر الكهربائيه في السيارات
والخلل المصنعي.... يعني لو تنزل 50٪ ماراح احد يشتريها ... ماهي مشكله غلا... يستاهل الموتر الطيب

لكن الخلل والمشكله في الاخطاء المصنعيه... اللي تقتل وتفتك بالناس... ياخوان المساله كبيره جدا ... يقولون مافيه مشكله لها الدرجه ارواح وممتلكات واموال الناس بسيطه في نظر البعض

ياخوان اتقو الله ... وظعو الله نصب اعيونكم... اللي يقول كذب وافتراء علي تيوتا..... ليش الافتراء عليهم بالعكس حنا من محبين تيوتا

الكويت اغلق وكاله الساير لمده 3شهور وغرام 8الف دينار هل هذا كذب ادخل على اليو تيوب شف مسلم البراك يبكي على العائله المتوفاه امام الكميرات في مجلس الامه وعلي الهواء

اللي يقولون مافيها شي::::::::::::::::::::::

تدري يمكن واحد يقراء كتابتك ويروح يشتري تيوتا ويموت وتدخل في التسبب في قتل انسان بري...

والسبب حب وتعصب لتيوتا .....بس ياخوان راقبو الله في كل شي

على الا قل قل خير او اصمت


واذ ماتدري قل مادري

[الكامن]

والله اني اعجب من اللي يفكر في تويوتا !!!

[عاشق بانيلي]

السلام عليكم يااخواني الكلام صحيح السيارات في نزول انا واحد من زملائي عنده معرض باالنسم ويقولي بتنزل اسعار السيارات قريب وبقوه والعلم عند الله

[مجنون الجيوب]

يمكن بعد انتشار مقطع الجيب اللي ماشي 210 وقاص التفتيش والمصورين افراد التفتيش والله تقولون طلقة مرة من النقطة شوفو المقطع على اليوتيوب
او على هذا الرابط
http://www.e-mailaat.com/news.php?action=show&id=5918

[أبو عقيل النجدي]

يااخوان شوفو معارض النسيم اسعار الشاص 2009 واصل السماء

2009 فل كامل بدون رفارف بريمي أشهب ماشي 35 ألف بــ 160 ألف !!!!!!!!!!

اسعار ولا بالخيال والعجيب ماتلقى شيء بالسوق يمشي بسرعه

[النوفي 3535]

من قال الاسعار مرتفعه
إلا زادو الاسعار الاف جي جير عايدي السبت الماضي بالوكالة 126200 ريال
امس مريتهم 127200 ويقول احجز ونجيب السيارة من جدة ممكن تزيد
هههههههههههههههههههههههههههههههههههههههههههههههههه هههههه
من غير التظليله الاجبارية والبلوتوث ازيد 2500 ريال يبي يضحك علي البايع ادير لها حسبه خاصه لهم ونسبه في بيع الاكسوارات
تحياتي

[الشيخ900]

خلوكم على البديل وياليت تخصصون موضوع للبديل عن التويوتا ك بديل الكامري سوناتا او ازيرا وبديل الشاص جيب نيسان وبديل الجي اكس ار يوكن لاحد يجيني يقول الفكس ار اطلق من اليوكن صح احسن قبل 10 سنوات اما الحين سيارات تويوتا ماتصبر مثل سياراتها قبل 10 سنوات وبيني وبينكم قبل عشرات السنين كانو يصنعون سيارات تصبر سنين ماتخسرك شي كلنا نعلم ان الوانيتات موديل 76 الى حد الان تعمل صح تجي فيها اعطال بس بسيطه ونادره وفكرو فيها الى قطع الغيار ماتمشي يعني نادر احد تخرب سيارته عودو يصنعون سيارات ما تتحمل علشان يمشي سوق قطع الغيار

[يكفيني نظرة]

يارجال كان معي في اكس ار 2002 وقبله 2001 قير عادي والان معي اكسبديشن 2008 والموتر استخدمه نفس استخدام الفي اكس ار ماشاء الله ومانقدت عليه شي بالعكس قطع غياره رخيص جدا عندما سويت له تصفيه من بواجي وفرامل وزيت قير وفلتر وفلتر هواء ومصفي بنزين لأني شاريه مستعمل ماشي 100 الف وغيرت له هالشغلات لأنها استهلاكيه وبالعكس وجدت انه اريح من الفي اكس ار واوسع وافخم وللعلم بيتنا كله تويوتا ولكن خلاص انا مليت من كثر ما ادفع دراهم على قطع غالي والسيارات واحد كلها تودي وتجيب وكلها تعبى بنزين وكلها يبي لها تغيير زيت وكلها لو تصدم بتصلحها لكن الفرق بكم تدفع بهذي وكم تدفع بهذيك والعاقل خصيم نفسه..

[بن سالم2008]

ان شاء الله تنزل كل السيارات وتنز المواد الغذائية معها

[شاهين12]

ياخوان من اللي بيشتري بس تبوتا..... الين يصلحون المشاكل يمكن نشتريها في 2013 اذ الله عطانا عمر

بعدين يااخوان المشكله ماهيب غلا الاسعارً..... المشكله من الدعسه ونظام الكهرباء او الدوائر الكهربائيه في السيارات
والخلل المصنعي.... يعني لو تنزل 50٪ ماراح احد يشتريها ... ماهي مشكله غلا... يستاهل الموتر الطيب

لكن الخلل والمشكله في الاخطاء المصنعيه... اللي تقتل وتفتك بالناس... ياخوان المساله كبيره جدا ... يقولون مافيه مشكله لها الدرجه ارواح وممتلكات واموال الناس بسيطه في نظر البعض

ياخوان اتقو الله ... وظعو الله نصب اعيونكم... اللي يقول كذب وافتراء علي تيوتا..... ليش الافتراء عليهم بالعكس حنا من محبين تيوتا

الكويت اغلق وكاله الساير لمده 3شهور وغرام 8الف دينار هل هذا كذب ادخل على اليو تيوب شف مسلم البراك يبكي على العائله المتوفاه امام الكميرات في مجلس الامه وعلي الهواء

اللي يقولون مافيها شي::::::::::::::::::::::

تدري يمكن واحد يقراء كتابتك ويروح يشتري تيوتا ويموت وتدخل في التسبب في قتل انسان بري...

والسبب حب وتعصب لتيوتا .....بس ياخوان راقبو الله في كل شي

على الا قل قل خير او اصمت


واذ ماتدري قل مادري



كلامك صحيح100%.



وشوفو على قناة الصحراء الفضائيه ...

ومعانات القحطاني مع الاندكروزر الذي اوشك ان يودي بحيات عائلة الى الموت .على طريق الرياض -الطائف.

وصاحب الكامري الذي لم تتوقف المتجهه من الخرج الى الرياض.الا على طريق الدمام ....

تخيلو لو الطريق مزدحم ...بالسيارت .....لاتعليق؟

وسمعنا بصاحب جيب الكزس المتجه من حايل الى الرياض....



مانقول غير /للسالمين الحمد لله على السلامه...والميت من اخوانا المسلمين نقول الله يرحمه...

وقفة تامل :

على ماذا نشتريها ؟؟

على الامان اللي فيها ....لايوجد فيها امان مثل الاماني ....والحافظ الله.

للجوده:لايوجد فيها من الجوده شي تستحق الشراء...القديمه افضل منها...

القوه :جيوب لاندكروزر الان قوته4000الاف عكس القديم 4500..


لماذا ارتفعت اسعارها ؟؟؟؟عشان نشتري ونقول ماجت غاليه الا انها طيبه ......
هذا حركة عبداللطيف جميل وامثاله ....

ولا لقاء قناة الصحراء ليش اعتذر عنه ؟؟؟

مايقدر يعترف وتخسر الشركه ...

ولا بالولايات الامريكيه سحبو تويوها رئس شركة تويوتا الام بأليابان ..

مع راسه بالمحكمه وحاكموه ......

عندنا الوكيل عبداللطيف جميل .حرامي كبير ..ليش ماتكلم ولاموت المسلم عادي عنده....


اتمنى من ولاة الامر ....اتخاذ الاومر الصارمه بحقه ....

[غريب المدينة]

هذا عبد اللطيف لاهو حاسب لحد حساب وصدقوني لو تقلون عن تايوتا اي شي رايح تطلع بريئه من القتل حتى لو قتلت على الهواء مباشره تايوتا هي اساس الدمار وهلاك الارواح بس مين المتعظ وكمان لانخفيكم ان تايوتا سابقا الافضل اما الان الاسواء ماكد سمعنا عيوب بشركه بقدر ماسمعنا هذي السنه عن تايوتا

[قناص العرج]

اجل فيها عيب مايبان الى بعد الاستخدام

[قناص العرج]

اجل فيها عيب مايبان الى بعد الاستخدام/

[DahoOom]

اي تنزل

اللاند كروزر قبل ثلاثة ايام ارتفع 7 الاف بمعارض النسيم وخاصة الخليجي

الدنيا كل ماله فوق

[الشيخ900]

وانا شاك ان اغلب حوادث السرعه من زمان هو تعليق المثبت وربعنا دوبهم فتحو

[accentkool]

طلوع طلوع طلوع طلوع
مافي نزول ابدا الكامري ال12
مئة الف و600 ريال

[abu ziyad]

وصلنا لـ 2012

والأسعار للهايلكس 10000 ريال

الكامري جي ال 84000 ريال خارج الوكالة طبعاً

والجي ال اكس بـ 104000 ريال

تويوتا بلا رقيب ولا حسيب

[العسيري 2007]

وين الرخص

بالعكس الا غليت الله لا يوفقهم؟؟؟؟؟؟؟؟؟؟؟؟؟؟؟؟؟؟؟؟؟

السكويا ستاندر كان ب 132 الف

الان ب 140....................؟؟؟؟؟؟؟؟؟؟؟؟؟؟؟؟؟؟؟؟؟

[2008]

انا ماأدري وشلون يرتفع السعر يعني الناس ماتشوف أخبار ماتقراء جرايد ياناس سيارة فيها عيب مصنعي وجودتها تراجعت من سنوات والكل سامع وشايف وفوق هذا النصب والأحتيال من البائعين
البائع يجبرك انك تشتري تضليل قزاز وواحد ثاني يجبرك تشتري اكسسوارات والله لو ان البائع هذا في دولته هو ان يأكلونه الزبائن أكل اتحداه يسوي الحركة هاذي في دولة ثانية بس عند هالشركة كل شي مسموح ياناس والله حرام اللي تسوونه في أنفسكم أتركوهم بس سنه أو بس ستة أشهر وشوفوا العروض ولا تشترون بعد الا من بائع سعودي عاملوهم بالمثل اذا بغيت تشتري قل أنا ابي بائع سعودي واذا رفض اطلع للمدير وطلع الفلوس من جيبك وخله يشوفها وأطلب بائع سعودي خله يجيب لك حارس الأمن ويقولك هذا بائع سعودي يأخي أنت زبون تعرف وش معناة زبون يعني واحد بتعطيهم قروش دراهم ريالات دلع نفسك شوية قبل مايستلمون الفلوس ويخلونك رايح جاي عشان تستلم سيارتك اللي البائع حاط هو مواصفاتها بنفسه ولا عليه من مواصفاتك هو اللي شاري السيارة والفلوس منك يا قهري قهراه ياناس انتم في بلدكم انتبهوا لعماركم
اذا حصل عليك أي خطاء أمسك اللي قدامك وأطلب الشرطة وخلهم يحولونكم علي وزارة التجارة والأمارة والديوان الملكي لين تأخذ حقك عشان أذا جيت ثانية مرة يسوون لك ألف حساب ويسون لعيال بلدك ألفين حساب
حنا ماجبنا كلام العطل المصنعي من الهواء هذا رابط قناة ال BBC العربية شف وش تقول
http://www.youtube.com/watch?v=_g6_xaP47PU&feature=relmfu

[صوت المطرر]

[QUOTE=
ولا بالولايات الامريكيه سحبو تويوها رئس شركة تويوتا الام بأليابان ..

مع راسه بالمحكمه وحاكموه ......

عندنا الوكيل عبداللطيف جميل .حرامي كبير ..ليش ماتكلم ولاموت المسلم عادي عنده....


اتمنى من ولاة الامر ....اتخاذ الاومر الصارمه بحقه ....[/QUOTE]



قبل لاتتمنى من ولاة الامر

اعرف شريك ابوجميل في الارباح ؟؟؟

والله لو تتقطع انت واهلك ماراح يحاسبونة

الله لايوفقة كسر ظهور المسلمين مافية إلا قصف اسعار

ولعب ع المسلمين كلها اكسسوارات اركب في جدة وانت ماشي

والضحية هالمواطن ضاربن لة قرض من الراجحي يقصدة لين يجون عيالة مابعد خلصة

[بن سالم2008]

الله يحفظ أبو متعب لنا إن شاء الله

[خويك على العز]

النزول موجود والسيارات عندي
هايلوكس 2012 غمارتين من 99000 ريال
الى 87500 ريال
والدفرنسين من 113000 الى 100000 ريال
والغمارة جي ال من 74000 الى 86000 ريال
هذي الاسعار حقيقة وانا اجيبها لك

[قدامي البرواز]

النزول موجود والسيارات عندي
هايلوكس 2012 غمارتين من 99000 ريال
الى 87500 ريال
والدفرنسين من 113000 الى 100000 ريال
والغمارة جي ال من 74000 الى 86000 ريال
هذي الاسعار حقيقة وانا اجيبها لك
الغمارة جي ال ارتفع في تضيحك مااااا نزل