المساعد الشخصي الرقمي

مشاهدة النسخة كاملة : ويـن أفضـــل مـكــان لـ التخيـيـــم فـي العيـــد ؟؟


محــــمد
08/01/2006, 03:52 PM
اخواني الاعضاء

اتمنى فزعتكم في انكم تدلوني على مكان ممكن تقضي فيه العائله وقت ممتع <<< مقطع الفصحى :D

الدعوه مهيب تخييم كم يوم لكن طلعه من فجر ربي لين اخر اليوم و اذا اعجبنا الوضع نجلس كم يوم ماعندنا مشكله

بس مشكلتي اني منيب من اهل الرياض و لا ادل زين يعني كان عندكم روضة زينه و الا ربيع يشرح الصدر فـ اتمنى منكم تقولون لي عنها و تقولون الوصف بالتفصيل عشان ما اضيع :D


و بيض الله و جيهكم :o
رسلان
08/01/2006, 06:13 PM
أهلاً بكم أخي ...
سؤال يتكرر :) ...
موقعك أين ؟ البلد ؟
حتى يمكن الأخوة إفادتك ! ....
حييتم أهلاً ...
خالد2001
08/01/2006, 06:19 PM
أخوي محمد/
للطلعة العائلية عندك روضة خريم مكانها ما هو بعيد وربيعها زين وفيها ناس واجد يعني تصلح للي معه عائيلة ,
وطريقها ما دامك تقول انك منتب من أهل الرياض : تأخذ طريق الدمام السريع لين يجيك مفرق (رماح) تأخذه وبعد حوالي 70 كيلو يجيك مفرق روضة خريم على اليمين , والطريق مزفلت وزين.
محــــمد
08/01/2006, 07:59 PM
أهلاً بكم أخي ...
سؤال يتكرر :) ...
موقعك أين ؟ البلد ؟
حتى يمكن الأخوة إفادتك ! ....
حييتم أهلاً ...


هلا اخوي رسلان

يمكن مرورك كان سريع و لا قريت الموضوع عشان كذا تسئل موقعي وين :D

و الا انا قلت


بس مشكلتي اني منيب من اهل الرياض و لا ادل زين يعني كان عندكم روضة زينه و الا ربيع يشرح الصدر فـ اتمنى منكم تقولون لي عنها و تقولون الوصف بالتفصيل عشان ما اضيع

يعني واضح اني ابي حول الرياض و الاخ الي رد بعدك فهمها :rolleyes:

شكراا لك على ردك مره ثانيه :o
محــــمد
08/01/2006, 08:00 PM
أخوي محمد/
للطلعة العائلية عندك روضة خريم مكانها ما هو بعيد وربيعها زين وفيها ناس واجد يعني تصلح للي معه عائيلة ,
وطريقها ما دامك تقول انك منتب من أهل الرياض : تأخذ طريق الدمام السريع لين يجيك مفرق (رماح) تأخذه وبعد حوالي 70 كيلو يجيك مفرق روضة خريم على اليمين , والطريق مزفلت وزين.


طيب الوصف واضح بالنسبه لي لكن السؤال هل فيه لوحات ؟؟

يعني لو رحت هل ممكن أضيع و الا الدعووه تساااهيل :D
خلوها
09/01/2006, 10:04 AM
انا خابرلك استاد الملك فهد فيه ربيع طيب ولا انت ضايع انشاء الله

............................امزح معك

فيه اذا تبي روضه التنهات (امسك خط الثمامه وفرق منه على طريق الصمان لين ينتهي فيك الطريق طبعا بتمر بكم دوار)
تحياتي