المساعد الشخصي الرقمي

مشاهدة النسخة كاملة : دعوه لتعارف


ذيب الصمان
15/09/2001, 06:22 PM
السلااام عليكم جميعا

انا ودي اذا احبيتو انا نتعرف اكثر على بعض علشان الاغلبيه في هذا المنتدى هوايتهم وحده

ودي انعرف منكم منطقه الي تسكن فيها

ندائك في اجهزت المراسله ..(الكنود)

العمر

الماسنجر حقك

ابو وش انت ؟؟؟!

الوضيفه


رقم الاحوال المدنيه ( لا تصدقون امزح):D


السياره الي معك


السياره الي تحب تشتريها في المستقبل


لمذا تحب هذا النوع من السيارت



الهوايه غير البر والصيد


احب انواع الصيد لك


الكفرات الي تستخدمها بسيارتك ( داخله عرض هذي بس عادي تحملو)



......واذا كان ودك تزود فخذ راحتك

اكتبو انتم وانا بعدكم على طول:D :D
أيمن
15/09/2001, 10:11 PM
هلا والله بذيب الصمان ..

موضوع يستحق الرفع، والاهتمام، فعلا نريد التعارف أكثر وخصوصا من الذين نحبهم أمثالك ..
لكن أسئلتك تقول أنك من ربع FBI الفيدرالية .. الله يستر ..
لكن إذا هدئت الأمور انشاء الله أجاوبك .. :confused: :confused:
;) ;) ;) ;)
:D :D :D :D
السمح
15/09/2001, 10:20 PM
والله الفكرة زينة يا ذيب بس ليش ما تخفف شوي كأن يكون النداء والكنية والمنطقة، وأحب أنواع الصيد مثلاً. مجرد اقتراح ... وأرى أن تبدأ بنفسك ...
ذيب الصمان
20/09/2001, 08:50 AM
هلا فيك اخوي مسامح شف خذ راحتك الي ودك تكتبه اكتبه ولي ما ودك لا تكتبه
شباااااب الموضوع له اكثر من ثلاث ايام ولا شفت ولا واحد كتب شي عن نفسه وش فيكم ما ودكم نتعارف,,,, وينكم كاشتين ولا نايمين والله انتم يا رعين البر ما ينعرفلكم

aiman لا تخاف ولله اني طالب على قد حالي

انا ساكن في الرياض
نداي في الالجهاز داخل الديره كل يوم ندى ( وقليل جدا اشغله )
بس في البر ابو مزيد اذا كنت رسمي وامبلقم ( هذا اسم الهندي الي عندنا في المزرعه ) وهذا النتدى للستهبال والوناسه

عمري ولله يقولون25 وانا اقول اني 25 سنه ( لا تقولون ورع )
:mad: :mad: :mad: :mad: :mad:



وانا ابو محمد ( هذا الصدق ) ويعيروني ؟؟؟؟ بعدين اقولكم تفشل ولله


انا طالب وموضف على قد حاله ( تعرفون المكافئه يله تسد البنزين ) انشالله بالمستقبل اوريكم
اصير مدير قوي في الداخليه واعطيكم تصاريح لكل الي في المنتدى لرشاشتهم والشوازن ....
والي تبون وبن ام احد يصادره بس اتصل علي و قل انا مشترك في المنتدى وما عليك ولله لفصله
(ما تلاحضون اني مسكت خط مكه وصدقت عمري اني مدير )

السياره الي معي عندي لند روفر وكرسيدا داخل ديره


وانا امنيتي اني اشتري في المستقبل VX_R وشاص وهايلكس غماره ولكزز جي اس

وعندي هوايه غير البر الي هي النت و متابعت الراليات


وانا احب كفرات برجستون لانها تتحمل في الرمل والحصاء بس في الرمل لحاله احب البلون

والحصاء لحاله احب مشلان وعلشان كذا واخذ راحتي اكثر فضلت برجستون


واحب انواع الصيد الغزلان والضباء ( ياليت يحصل في السعوديه)





هذا الي عندي وعلموووووون وش عندكم من علوم
الطرقي
20/09/2001, 04:13 PM
يا ذيب باقي رقم بطاقة الأحوال ما ذكرته
والحالة الإجتماعية "متزوج ولا أعزب"
والمناطق اللي تطلعلها:D الضاهر الثمامة وتخب:D
وتحياتي لك
ذيب الصمان
20/09/2001, 06:55 PM
هلا فيك الطريقي ولله بلله طالب في الرياض وتبيني متزوج الظاهر ان فيك قل صح


والثمامه وش فيها ولله انا منيب مثل الي يقولون الربع الخالي والسودان ووو وهو ما قد طبها

ولحمد لله انا رحت ولا افتخر وتصدق ان الثما مه بعض الاحيان تصير افضل من مليون سودان

والحمدلله اهم شي اطلع مع ناس شرواك ويوسعون الصدر وما تلقى الحقد النغاله هذا اهم شي

وعلى فكره ترى حدي اذا رحت اول الثمامه عند المزرعه حقت طويل العمر وذا خربتها قبل

ما انسم اتصل على امي استائذن واذا ما اذنت رجعت بس شف اخوي الطريقي اذا بغيت اي شي في الصمان او احداثيه او مواقع حلووه هنا ك في الشتى ما يردك الا الكيبورد

يلله نحتريك اخوي الطرقي اكتب خلنا نتعرف زياده عليك والرجال الي مثلك معرفتهم تشترى بالذهب يا ذهب

تحياتي ذ يــــ الصمان ــــــب
الطرقي
20/09/2001, 09:25 PM
:) واللــــــــــــــــــــــه إنك أحرجتني أخوي ذيب الصمان بذوقك

وتسلم يالغالي والله الرجاجيل شرواك هم اللي يخلون الواحد يدخل للمنتديات

ولا فيه ناس اللهم يا كافي

وأسف إذا كان ردي السابق علي موضوعك جاف شوي بس اللي ما يعرفك ما يثمنك

أخوي ذيب ولا عليك أمر إن كان عندك أي معلومة عن موضوع الكفرات اللي أنا كتبته لا تبخل

علي فيها

ووالله إنك صادق يالغالي في المنتديات يختلطون عليك الناس ونص اللي يقوللك السودان ومدري

أيش تلقاه حدة براحة ورا بيتهم بس الواحد ليه يكبر مكوته بالخرّق"مفردها خرقة عشان تفهمون"

وياليت تدلني علي أماكن زينة حول التنهاة أو علي طريق القصيم وهو الأفضل

وتسلم لي يالغالي ويا مرحبا فيك أخ وصديق

وتري إسمي الطرقي موب الطريقي

تحــــــــــــــــــــــــــــــــــــــياتي لك :D :D :D
ذيب الصمان
20/09/2001, 10:40 PM
وش دعوه اخوي الطرقي تنحرج الدعوه مزح وانا مخذها كذا وردك ولله بالعكس فيه ضحك يدل على انك وسيع صدر وعادي والكفرات كتبت في موضوعك
أيمن
21/09/2001, 01:28 AM
:rolleyes:.... !
ammar111
16/01/2007, 01:17 PM
مرحبا أنا أخوكم عمار من العراق
ammar111
16/01/2007, 01:20 PM
ممكن أحد يحكي معايا
منصور 1
16/01/2007, 01:49 PM
السلام عليكم ورحمة الله وبركاته حيا الله اخوي الذيب ابو محمد وتشجيع وتفعيل لموضوعك
عرفك على نفسي
الكنية ابو عمر
السكن الرياض
النداء بالبر السحاب
السياره يوكن
امر وش تبي تعرف اكثر وانا اخوك