سؤال بالنسبة لللاستماره

[ابو صقر99]

السلام عليكم

بالنسبة للاستماره حبيث استفسر بالنسبة للفحص قيمته وش اغلب ما يركزون علية ؟
وتامين اي شركة ولا التعاونية ضد الغير من عنده علم باسعارهم ؟
و بالنسبة تسديد الرسوم كيف استخراج الرقم عن طريق الرساله و هل صحيح ان الرسوم 150 ريال ولا 300؟
الاستماره منتهية من شهرين هل عليها غرامه ؟ وهل اذا تاخرت قبل السنة ما عليها قسيمة من المرور ؟

اعتذر عن الاطاله
وشكرا لكم

[ابو الجوهره 2]

وعليكم السلام

بالنسبة / للفحص 75 ريال للسياره الصغيره والكبيره 96 ريال ويركزون على النوار والمسحات وتهريب الزيت

والتربيط مثل العكوس والأذرعه والرجه والكفرات والكربون

بالنسبة / للتأمين التعاونية أفضل بــ 375 ريال

بالنسبة / لرسوم السداد 150 ريال كيف أستخراج الرقم عن طريق الرساله بس ماني متذكر الرقم

بالنسبة / الاستماره الغرامه فيك فيك 100 ريال دافعه دافعه

وبالتوفيق.... لحظ لحظ لحظ أهم شي لاتنس تروح الفحص بدري لان راح يكون زحمه وتصور الاستماره والتامين والبطاقة وملف شفاف أهم شي الملف ماتقبل المعامله ألا بالملف :D:D:D

[ابودهران]

وعليكم السلام
اخوي الفحص يفتح الساعه 5 الصباح ونصيحه لا تروح الا من الساعه السابعه الا ربع لانك اذا خلصت مثلا الساعه الخامسه والنصف راح تتنظر لين يجي عسكري المرور والعسكري الله يحفظه مايجي الا الساعه سبع الاربع

[التعـ King ـديل]

انا بقولك وش تسوي ..

اول شي تصلي الفجر ثم تطلع من البيت وعلى اقرب فوال لان مشوارك طويل وتكون 6 ونص بالكثير وانت بالفحص

بعدين تتاكد ان انوارك زينه ومساحاتك تشتغل وفراملك زينه والجلنط مشدود .. ثم توقف مع السرا وتوصل للصندقه حقتهم

وتعطيه الاستماره والفلوس ويعطيك ورقه .. طبعا لاتفرح واجد لانك ساقط ساقط حتى لو موترك مافيه الا العافيه

طبعا بتوصل وتسقط وش تسوي بهاللحظه ؟؟ ترجع مره ثانيه للسرا ومعك 23 ريال رسوم اعاده اختبار وانتبه ترجع لنفس المسار

حاول تروح للي جنبه او اللي جنبه وبتنجح .. بعد كذا تروح للمرور وتلاقي شركات التامين جنبه اختر اي وحده منهم وب 300 ريال

تامن وقبل تدخل عليهم مر على صراف الراجحي وسدد 150 ريال وقدم اوراقك تامين وفحص واستماره وخذ صوره من كل وحده

مع صوره بطاقه الاحوال .. وسلمها للعسكري .. لاتنسى غرامه 100 ريال على التاخير شهرين

[ابوالولد]

رسوم البلدية 75 ريال الان قبل كانت ب150 ريال مثل ماقالوو الاخوان

[AxR979]

وعليكم السلام

بالنسبة / للفحص 75 ريال للسياره الصغيره والكبيره 96 ريال ويركزون على النوار والمسحات وتهريب الزيت

والتربيط مثل العكوس والأذرعه والرجه والكفرات والكربون

بالنسبة / للتأمين التعاونية أفضل بــ 375 ريال

بالنسبة / لرسوم السداد 150 ريال كيف أستخراج الرقم عن طريق الرساله بس ماني متذكر الرقم

بالنسبة / الاستماره الغرامه فيك فيك 100 ريال دافعه دافعه

وبالتوفيق.... لحظ لحظ لحظ أهم شي لاتنس تروح الفحص بدري لان راح يكون زحمه وتصور الاستماره والتامين والبطاقة وملف شفاف أهم شي الملف ماتقبل المعامله ألا بالملف :D:D:D



هذا الكلام السليم ..

فحصت قبل شهر و سقطون عشان الاذرعة قال اوزنه على 7 و عشان احد مسامير الكفر منكسر ..