استفسار عن مسجل النيسان

[عاشق غريب]

السلام عليكم

كيف حالكم شباب مرتاحين ان شاء الله

عندي سؤال انا ودي بمسجل لموتري ربع نيسان

طبعا 2006 وش رايكم اخذ مسجل الوكاله

والا مسجل jvc ؟؟ في انتظااركم ..

[_TOYOTA_]

لا تحجر نفسك انزل السوق وشف مواصفات كل نوع وخذلك اللي يعجبك

[التعـ King ـديل]

زي ماقال اخوي تويوتا .. المسجلات واجد وبكل الاسعار .. انت رح الغرابي وفرفر على كيفك

[عبدالعزيز بن احمد]

اي يوم فاضي رح للغرابي وفرفر

وفيه انواع كثثثيره فيه

الممتاز وفيه الردي

فيه شئ بسيدي وفيه كست وفيه شاشه وفيه بسيدي وكست
وانا انصحك انك تشتري المسجل اللي يكون فيه سيدي وفتحة USB وفتحة موميري (ذاكره):good2:
لانه يخدم اكثر من شيئ ولا هوب حساس بالحيل

والله يوفقك ويكتب لك الخيير يارب ;)

[صحراء الدهناء]

مسجل jvc ....مسجل رائع بمعنى الكلمة كان معي واحد وجلس حوالي 3 سنوات طبعا كست وبعت الموتر وهو فيه ولا خراب ولا شي

[عاشق غريب]

طيب واسعارهن

وابي رايكم وش اخذ jvc والا مسجل فتك وكاله مستعمل ؟؟؟

طبعا jvc جديد و مسجل الفتك مستعمل

هاه وش رايكم ؟؟؟

[عبدالعزيز بن احمد]

طيب واسعارهن

وابي رايكم وش اخذ jvc والا مسجل فتك وكاله مستعمل ؟؟؟

طبعا jvc جديد و مسجل الفتك مستعمل

هاه وش رايكم ؟؟؟


رايي الله يبارك ويحفظك انك تاخذ jvc اكيد بتكون مواصفاته افضل من حق الوكاله

مع اخوي شاص مركب فيه jvc سيدي من 4 سنين وكاد معه ولا اشتكى منه

الله يوفقك يارب

[You Like Me]

انا مركب jvc سيدي & كاست
صار له سنتين ولله الحمد ما اشتكيت منه
يعيبة صغر الازرة وماتقدر ترجع او تقدم بالثواني
طبعاً إنارتة تنفع للمديلات القديمة افضل من مديل سيارتك
انا اخذته قبل سنتين وزود بـ 500 ريال او 550
مسجل البلد قوي ايضاً لكن مشكلته ما يدعم صيغة ام بي 3

وانا رأيي من رأي الشباب المديلات كثير ولو نزلت الغرابي
بتشوف العجب وبنفس سعر الـ JVC تقريباً
بالتوفيق