تكفون يا ملاك الفورتشنر

[جمس دينالي]

السلام عليكم

تكفون يا ملاك الفورتشنر ابي

واحد منكم اذا ما كان عنده مشكله يصور

الدبل حق الفورتشنر ويقلي وين الثقيل والخفيف لاني ما قد استخدمته

وابيه يوريني الدف لوك وينه

[جمس دينالي]

ياعالم 8 مشاهدات ولا واحد رد

[جمس دينالي]

يا اخوان انا والله ما طلبت شئ

صعب مايحتاج صور بس علمني عالمكان

[أبو عزّيز]

الظاهر ما فيه الا انا وانت بالرابطة ههه

لايصير بايعينها

انا مبطي عنه وعجزت احفظه

لاكن اذكر انه طافي ثم ترفعه درجه الثقيل ثم ( إن ) وهذا فاضي الدبل والقير

ثم الدبل الخفيف اللي فوق لاكن تراني ما ني متأكد

تحياتي

[أبو عزّيز]

يا اخوان انا والله ما طلبت شئ

صعب مايحتاج صور بس علمني عالمكان

لا يضيق صدرك يا الحبيب حتى انا اسئل وما عندك احد

الظاهر لازم تقدم ملف علاقي اخضر وفيه السؤال

بس المشكله وين موقع التقديم !!!

[aborajwa]

حياك الله اخوي تصوير بصراحة ما اقدر انزلها في الموقع .. لكن الدف لوك زر تلقاه في يسار الدركسون مرسوم عليه الاربع عجلات واكس على الخلفية يعني يقفل الخلفي والامامي يعمل فقط .. وهذا ما تقدر تشغله الا اذا كانت السيارة واقفة تماما والدبل محطوط في الثقيل .. ولتشغيل الدبل في الثقيل لابد تكون السيارة في الفاضي للعادي او حرف N في التماتيك .. بالنسبة لقير الدبل تجد فيه حرف H هذا للطريق العادي بدون دبل وتجد ان لمبة الدبل غير شغاله .. بعدها يجيك تحريكه بسيطة الى الامام ثم يدخل في HL وهذا الدبل الخفيف تقدر تشبكة والسيارة تمشي حتى لو كانت سرعتك فوق 80 كم في الساعة وتلقى اذا لقم فيها لمبة الدبل تشتغل في طبلون السيارة لونها برتقالي وفيها حرف اكس في وسط العجلات دليل ان الاربع كفرات تعمل بنفس القوة ..
بعدها تجد تحريكة بسيطة يمين ثم الى الامام تجد حرف N وهذا فاضي ومستحيل السيارة تمشي فيه وهذا يصلح لو اردت انك تقطر السيارة يعني تسحبها مع خط الافضل انك تحطها فيه لانه يسهل حركة السيارة وتصير خفيفة في سحبها من قبل سيارة اخرى على الطريق .
بعد حرف N تدف قير الدبل للأمام شوي تجد حرف LL وهذا هو الثقيل اللي ما يشتغل الا والسيارة واقفة والقير في الفاضي .. وسلامتكم .

[ساهر حايل]

اخوي مايبي له صور زي ماقال لك اخوي وانا بسهل لك ..

طبعاً أسفل شي مش شغال ؟؟


طقه فوق دبل خفيف وطقه فوق ثانيه مع يمين فاضي ماراح يمشي الموتر وطقه ثالثه فوق ثقيل وبسسسسس


الدفلوك شفه يسار عند التحكم بالانوار بس ملاحظه لاتشغله الا مع الثقيل ولا تسرع فقط اذا احتجته للظروره , وراح تشوف لمبة دبل جديده عندك بالطبلون اذا تأشر معناته ماشتغل انتظر او اتحرك شوي ووقف حتى تثبت والله يوفقك