تريل بليزر (س)

[عاشق سدير]

السلام عليكم ورحمة الله وبركاته
كل عام وأنتم بخير قبل الزحمة:)
يا شباب أخوكم في الله قدر الله عليه ونوى يشتري تريل بليزر موديل 2003 دفع رباعي......

وش رايكم فيه ؟
من ناحية القير والمكينه:good:
من ناحية البر والشعبان والرمال:redcar:
من ناحية هل هو عملي ولا لا؟:alarm:

وجزيتم خيراً
مع فائق الشكر وخالص الدعاء

[عاشق سدير]

http://www.mstaml.com/imagesData/160379.jpg

[غالي]

الي اعرفه أخوي عن البليزر شيئين طبعا بالسلبيات
وهذا كلام راعيه ولد اخوي توه شباب
1- يشرب بانزين بشكل غير متوقع
2- غير مرتفع عن مستوى سطح الارض خصوصا بالرمال على طول يشقص ويتعلق

هذا والله اعلم واتمنى الاخوان كان عندهم شيء يفيدونك

[عاشق سدير]

الله يعطيك العافية يا غالي
بالنسبة للبنزين قالو لي صرفيته معتدلة مثل الهايلوكس تقريباً
ومن جد وجهه نازل شوي

وياليت الشباب يفيدوننا زيادة

[ابوعبدالله9999]

قطعه نار نار لاتقربه واحد شاريه بحول الثمانين 2006 وجاته صدمه من الأمام قدرت الوكالة تصليحه بالقطع ب62000أي شوي وتجي قيمته وكاله.

[anas]

قبل ما تشتريه اذهب واسأل في الوكالة عن قيمة قطع الغيار الاستهلاكية وانا متأكد انك راح تصرف نظر نهائيا

[غضنفر]

قطعه نار نار لاتقربه واحد شاريه بحول الثمانين 2006 وجاته صدمه من الأمام قدرت الوكالة تصليحه بالقطع ب62000أي شوي وتجي قيمته وكاله.

:eek: :eek: وااااااااااااااااااااااااااااااااااااااااااااااااا ااااااو :eek: :eek:
قطع ب 60 الف وجع
اذا كان كلامك دقيق فالي يشتريه اشك في عقله
انا سمعت ان القزازة الخلفية ب عشرة الاف:eek:

[نمر بن حثلين]

خشته ما تنفع للبر ابد ابد
وسمعت مثل ما قال الاخ باث ان قزازة وار فوق العشرة الاف !

اعتقد اليوكن اصرف منه

[عاشق سدير]

الاخ راعي وناسة حقيقة مشكلة كبيرة قطع الغيار اذا كان كذا ,,,

الاخ انس اشكرك على نصيحتك الله لا يهينك
الاخ بلاك باث الحين تصليح صدمة 62 الف؟؟؟ والقزازة الخلفية 10 آلاف .... يمدحون الهايلوكس:)
الاخ نمر ,,, انخفاض الوجه والسيارة عموماً مشكلة.... بالنسبة لي الآن عندي خيارين يوكن أو باث فندر

اشكركم جميعاً بيض الله وجيهكم

[راعي ال 8100]

والله اليوكون ماشاء الله نشيط ويمشي ممشى موب صاحي اما البليزر حلو ممشاه بس طامن وخراباته واجد مع واحد من ربعي ويبي يبيعه

[صاحب مزاج]

انا عندي بليزر 2005 ما انصح فيه ابد ما ينفع والله ولا بشي ما ادري وش اللي اعماني وخلاني اشتريه السياره كلها عيوب

1- صوت الهواء قوي داخل السياره من النوافذ والابواب
2- صرف البنزين غير طبيعي
3- قطع غيار نار
4- ما يصلح للبر رحت فيه بعيد الاضحي للنفوذ كنت في زياره للاهل في حائل علق ويالله بالله بسحب طلع (اذا علق انسى يطلع بسهوله)
5- وجه الموتر نازل بقوه يعني اقل شي تحك السياره
6- الوكاله حقته زفت مررررررررررررررررررررررررررررررررررررررررررررره

من القهر صرت اكتب لا شعوريا

[Trail Blazer]

شف وانا أخوك .
أنا معي بليزر 2005

وكارفه كرف مب صاحي . وبكل صراحة وبدون تحيز لسيارتي بقولك ميزاته وعيوبه :

المميزات :

السعر معقول
المكينة جبارة وعليه نشاط وعزم موب صاحي .. وهذا رابط يعطيك تفاصيل اكثر عن المكينة http://www.aawsat.com/details.asp?section=6&issue=8473&article=86958
مريح جدا وهاديء بالخط وينفع للسفر
إلى الآن ما واجهني خرابات مع اني (كارفه كرف)
شكله الخارجي جميل
المراتب الخلفية تصفط وتصير بنفس مستوى الشنطة هذا إذا بغيت تحمل أغراض واجد ( فادتني هالميزة كتيرا )
جربته بالنفود وممتاز ماشاء الله
البنزين صرفيته معقولة : أعبيه فل ب65 ريال ويمشيني 450 -500 كيلو . لكن انا سواقتي متهورة . فأتوقع إذا كنت سواقتك هادية يصرف أقل :)
السلبيات :
أهم سلبية انه طامن . لكن الحل ان شاء الله بيكون بسيط .( رفعه )
ومن السلبيات الوكالة سيئة التعامل . خصوصا الجميح .
فيه أيضا عندك الدرايش فيه تنسيم هواء
الشكل الداخلي موب إلى ذيك الدرجة .
هذا كل اللي أعرفه عن المشاكل والسلبات .

بالتوفيق أخوي :)

[Trail Blazer]

أما حكاية سمعت .. القزازة توصل مدري كم ..

فأتوقع ان اللي نقل لكم الخبر ما تأكد :)

أحسن شي رح لم الوكالة - مركز قطع الغيار - واسألهم عن الأسعار :)

[متابع]

انا عندي بليزر 2002
سلبيات السيارة كثيرة منها:
1- غلاء قطع الغيار
2- صرف بنزين عالي
3- صوت الهوا
وما ازيد على كلام الاخوان .

[ابوياسرالبلوي]

يعطيكم العافية افدتونا الله يجزاكم خير