المساعد الشخصي الرقمي

مشاهدة النسخة كاملة : وش هي المشكلة و الحل إذا لقيت زيت في الراديتر


أبو فيصل
09/01/2006, 04:10 PM
السلام عليكم و رحمة الله و بركاته

عندي تويوتا لاند كروزر 97 اوتوماتيك و لقيت الزيت في ماء الراديتر أول خطوة سويتها بدلت الراديتر بأصلي جديد و لا راحت المشكلة وديته الوكالة و قالوا مبرد الزيت في الماكينة و طلع ما هو السبب و قلنا لهم زيت الجير ناقص 5 ليتر يمكن من الراديتر الجديد قالو مالك لوا هذا جديد و أصلي من الوكالة و مشكلتك في الماكينة
قلنا طيب اعملو اختبار لمبرد الزيت داخل الراديتر و افحصوه بالهواء و قالو زين هم يقولون لازم نشوف ال short block و هالحين نبي الشور من الخبراء و على فكرة الحرارة مع الثرموستات مابه أزين منها و اللي يحلها الله يجزيه خير.
هاوي الشمال
09/01/2006, 04:32 PM
الله أعلم على كلامك
أن المشكلة من رأس المكينة ممكن وجه الراس تأكد منه
حسب خبرتي وخاصة في السيارات القديمة أن المشكلة من راس المكينة
الواهج
09/01/2006, 04:37 PM
والله كلام اخوي هاوي الشمال صحيح السيارة تخلط ماي وزيت اسحب عيار زيت المكينة وشوف . وانشالله يكون الحل بسيط والله يعينك
أبو فيصل
09/01/2006, 08:17 PM
الله يعطيكم العافيه هاوي الشمال و الواهج

نبي بعد نتأكد أكثر من الخبراء والله العالم في النهايه بنوضب المكينه
على طاري التوضيب وين أفضل ورشه في الشرقيه لتوضيب مكينة اللاندكروزر
asd00100
10/01/2006, 03:33 AM
كان في السابق
السبب الوحيد لوجود الزيت في الرديتر هو وجه راس المكينه

بعد ذلك
أصبحت الشركات تبرد زيت القير الأتوماتيك في الرديتر
لذا فإن وجد زيت في الرديتر فإنه يكون لسببين
1- إما أن يكنون من وجه راس المكينه
2- أو يكون من وصلات القير داخل الرديتر

وبما أنك تقول إن زيت القير ناقص 4 لتر إذاً 40% الزيت من القير
وإذا زودت زيت القير ثم بعد فترة تدوير كافيه وجدته ناقص وفي الرديتر زيت فإنه يكون 80% الزيت من القير
طيب كيف تتأكد ويكون 100% الزيت من وصلات القير
1- فك الوصلتين الي داخله للردتر من القير وحاول أن توصلهم مع بعض ( لتكتمل دورة الزيت وبدون تبريد ) طبعاً لفترة التجربه فقط وبعد ذلك نظف الزيت المودود داخل الرديتر بالهواء المظغوط
2- غير الرديتر الحالي بآخر تكون متأكد بأن الرديتر الثاني ممتاز وليس مشكوك فيه

وتقبل تحياتي
أبو فيصل
10/01/2006, 11:37 PM
يعطيك العافيه asd00100 وبيض الله وجهك على التحليل الطيب

و أنتظر مزيد من التحليل الفني من ياقي الأعضاء الطيبين لعلهم يبدون رأيهم بأشياء يمكن ما طرت على البال قبل التنفيذ لتقليص الوقت و التأكد من اكتشاف السبب الجذري بأقل تكلفه

تحياتي
ابو سليم
12/01/2006, 12:03 AM
اخوي ابو فيصل مساك الله بالخير

بالنسبه لموضوع سيارتك اسحب عيار الزيت (المكينة) والسياره يكون لها فتره ما اشتغلت مثل بعد ما

تصلي الفجر فإن كان الزيت بالعيار لونه شاهي بالحليب فالله يعينك قول قدر الله وما شآء فعل

راس المكينه به شعر يخرج منه الماء للزيت فنفس مشكلتك مرت معي ووظبت المكينه من جديد وغيرت

راس نظيف الله يعينك وكل شئ بقدرت الله سبحانه .


الله اكبر الله اكبر الله اكبر لا إله إلا الله الله اكبر الله اكبر ولله الحمد
LAND PIRATE
12/01/2006, 02:53 AM
هذا يخوي شكلك حاط ماي بارد في الريدتر والسيارة مسخنة وانشعر راس المكينة