المساعد الشخصي الرقمي

مشاهدة النسخة كاملة : سؤال عن جمس الحوض الرفرف القديم؟؟


مخاوي العشه
27/07/2011, 05:40 PM
بسم الله الرحمن الرحيم

السلام عليكم ورحمة الله وبركاته


الجمس الرفرف القديم مكينة 454 ابو عبارتين الدبل

هل يفرق من ناحية الثقل عن اللي بدون دبل يعني يفرق واااجد؟؟؟

والحين الجمس الرفرف بدون دبل ياصل الى 220 كيلو

والدبل هل ياصل الى 220؟؟؟؟ وأذا ماياصل 220 كم أخر شي ياصل؟؟؟


واللي بدون دبل وشلونه بالبر وبالنفود؟
والدبل بعد وشلونه بالنفوود؟

وأهم شي هل الجمس الرفرف سواء دبل ولا بدون كثير خرابات او يتحمل الكرف؟؟؟؟؟؟؟؟

أسئلتي عن موديل من 78 إلى 87
مكينة 454 عبارتين

بارك الله فيكم

وأعذروني على كثرة الاسئله

في أمان الله
Abo gssar
27/07/2011, 07:24 PM
يفدونك الاخوان
لكن بصفة عامة الموتر اللي تسأل عنه موتر تقدر تعتمد عليه خصوصا المكاين 350
بدوي جنوبي
27/07/2011, 11:36 PM
اللى بدون دبل يكون أخف
ويفرق معك في الخط

لان الدفرنس الامامى جرم كامل وحجمه كبير
مو مثل السيارات الجديده عكوس ويكون أخف على السياره
كثير السؤال
28/07/2011, 06:02 AM
هذه المواتر اكل الزمان عليها وشرب
هج عن الخربات ياولد الا اذاكانت ديرك مليانه قطع غيار وعندك استعداد تصاليه ولاتخليه واقف دايم
مخاوي العشه
28/07/2011, 09:28 PM
بارك الله فيكم أخواني على المرور

والافاده

جزاكم الله خير
جمس z71
28/07/2011, 10:45 PM
بسم الله الرحمن الرحيم

السلام عليكم ورحمة الله وبركاته
وعليكم السلام ورحمة الله وبركاته

الجمس الرفرف القديم مكينة 454 ابو عبارتين الدبل

هل يفرق من ناحية الثقل عن اللي بدون دبل يعني يفرق واااجد؟؟؟
اكيد يفرق ولكن ليس بالفرق الكبير...
والحين الجمس الرفرف بدون دبل ياصل الى 220 كيلو

والدبل هل ياصل الى 220؟؟؟؟ وأذا ماياصل 220 كم أخر شي ياصل؟؟؟
والله ماادري ولكن اتوقع ياصل بالراحة لان المكينة لها الدور الكبير
و454 ماعليها كلام ..

واللي بدون دبل وشلونه بالبر وبالنفود؟
في البر خذ ولد موتر يشيل ويتحمل واريح من بعض السيارات...اما في النفود فهي ترجع للسواق وتنسيم الكفرات ومسايسة النفود بس المشكلة تبقى خايف لانك في اي وقت بتغرز...لكن مهما صار مايقارن بالدبل ((الدبل خوي ثاني))...

والدبل بعد وشلونه بالنفوود؟
الدبل عز وانا اخوك اي مكان تبيه يوصلك وميزة الجمس او الامريكي بشكل عام مايحفر في النفود (( ماتقعد تدور كفراته)) والميزة الثانية ان توقف في اي مكان وتمشي يمشي معك ولايحفر..

وأهم شي هل الجمس الرفرف سواء دبل ولا بدون كثير خرابات او يتحمل الكرف؟؟؟؟؟؟؟؟
هو صراحة يتحمل الكرف لكن لازم تصير تعرف تفك وتربط لانه في اي وقت يمكن يخرب عليك
لان القديم ماينضمن...
أسئلتي عن موديل من 78 إلى 87
مكينة 454 عبارتين

بارك الله فيكم
وفيك يالغالي...
وأعذروني على كثرة الاسئله
في أمان الله
ملاحظة :مكينة 454 مكينة قوية وجبارة لكن مشكلتها ارتفاع حرارتها وكثرة خرباتها
دور لك جمس 350 دبل افضل بكثير لان مكينته تتحمل وتقبل بعض التعديلات البسيطة..

بالتوفيق يالغالي واسف على الاطالة
صيادالجبيل
28/07/2011, 11:18 PM
اخوي جمسz71 ماقصر بالمعلومات الي عندةوالي بضيفة ان الجمس بشكل عام اذا كان قديم تكثر خراباتة اذا كان مبطي واقف واذا كان نظيف ومكينة صافية سرعتة تتعدى260و350صرفيتة قليلة للوقود وامابقوة العزم مايقارن ب454اذا كان صافي وفي البر مواتر ممتازة جداو الدبل في الطريق مهوب ريح مرة مع الأسفلت يأخذ مطبات خفيفة مع العلم ان الجمس الرفرف بشكل عام ريح خصوصااذاكان بدون دبل ومع النفود اذا نسمت كفراتة بيطلع محلات تصعب على السيارات الاخرى وصول مناطق ياصل لها بس اذا غرزووقف وانت منزم كفراتة طلوعة يصعب شوي الاواحد عندة خبرة في التغاريز والله يوفقك في السيارة الي ترضيك .