القلب عيا يطيع الشور ..

[asksh78]

بسم الله الرحمن الرحيم


يقول المثل من شاور ما خاب , لكن و الله انا شاورت و بلشت

كل ما اسال لي واحد يعطيني علم و يقنعني فية , حتى هندي البقالة شاورتة و اشار علي و اقنعني :D و لي هالحين شهر كل يوم طالع لي بسيارة , حتى جوجل سكر ما عاد يفتح دبلت تسبدة :D

المواصفات الي ابيها بالسيارة أنة يكون موتر قوي يعني يا جيب او حوض , لان كان معي كورلا و عقدتني بسبة الدقشات يعني ابي موتر يتحمل الكرف

و انا ماني راعي بر يعني ممكن بالشهر اطلع للبر مرة مرتين لكن على الغالب سيارة ديرة

و المبلغ الي معي هالحين ما بين 70 الى 75 الف

و بالنسبة للسيارات الي ببالي و حاس اني مقتنع فيهم هم :

1 :جمس سييرا
2 : باترول ربع



فالي عنده شور الله لا يهينة يعطينياة

[يحب البر]

احسن شيء توكل علي الله

[رسلان الوايلي]

خذ سييرا قطع عشره دبل 2006 تلقه اقل من 70 الف
اسال مجرب ولتسال طبيب اذبغيته بر موتر بر اذ بغيته سفر ولفيه احسن منه اذ بغيته ممشى محديلحقك

[وبل نجد]

آه بس خذ ولا تشاور

الربع موتر بر وموتر ديرة وموتر مقاضي البيت وموتر المدام يعني بتاع كلو

كرف في كرف خذ حقك منه وعطه حقه

مجرد وجهة نظر فقط لاغير

وقبل كل شيء توضأ وصل لك ركعتين واستخر الله سبحانه

[أبو صالح0]

خذلك ربع افضل لا تنسى السييرا امريكي

[VTC 2002]

اولاً : عليك بالاستخاره
ثانياً : انصحك بالجيب الربع نيسان طبعاً او اذا بغيت سياره شبابية وقويه وتصلح للبر والمدينه عليك بال FJ بس المشكله سعره غالي
اتمنى لك التوفيق

[التعـ King ـديل]

بعد الاستخاره اشور عليك بالباترول ربع او اكستيرا

[شاص نيسان 93]

وش استخداماتك

هل طلعاتك للنفود اكثر ام الوعر

تمسك خطوط واجد

راعي جور على الموتر ولا حبيب

[خالد777]

الباترول الربع اذا الدعوا ما تشيل الا قليل و لا تشاور بين الربع والسييرا الربع أفضل

[Aقناص الجنوبA]

الله يكتب لك اللي فيه خير
انا اختارلك الباترول
واستخر والله يوفقنا وياك

[سما الهاوي]

على حسب اللي يركب معك وكلهن زينات ويحتار الواحد بينهن بس عشان ما اكون قليل خاتمة مع موتري باترول واستخر قبل كل شي والله يوفقك للي فيه الخيره لك
وتقبل مروري وشكرا

[مواسي الطعوس]

اذا تحتاج الصندوق خذ سييرا . واذا ماتبغاه خذ باترول

[أميرالعشاق]

اكيد>>>الربع افضل

[فتك ب ص ع]

بفضل الله أنا املك السيارتين لكن انصحك بالسييراافضل من الباترول ولك تحياتي

[رااس القطاه]

ربع نيسان متانه ووقوه

[عبدالعزيز بن احمد]

شف المقطع ذا وقرر
77777


7777


777


77


7
DtS6J4BDlU0




استخر ربك والله يكتب لك اللي فيه الخير

[Al Rasee]

تبي نصيحتي تزوج بهن حتى لو متزوج خذلك ثانية :)

[رهيب الرهيب]

والله انا لو بمكانك كان اخذت نيفارا او ددسن جديد

[asksh78]

احسن شيء توكل علي الله

و نعم النصيحة أخوي بحب البر , و لا هنت على المرور

خذ سييرا قطع عشره دبل 2006 تلقه اقل من 70 الف
اسال مجرب ولتسال طبيب اذبغيته بر موتر بر اذ بغيته سفر ولفيه احسن منه اذ بغيته ممشى محديلحقك

و الله بالنسبة للموديلات القديمة ما ودي فيها , ودي من الـ 2008 و بعد , و الدبل الصراحة ما يفيدني لاني ماني راعي بر

و شاكر لك مرورك و ابدا الراي


آه بس خذ ولا تشاور

الربع موتر بر وموتر ديرة وموتر مقاضي البيت وموتر المدام يعني بتاع كلو

كرف في كرف خذ حقك منه وعطه حقه

مجرد وجهة نظر فقط لاغير

وقبل كل شيء توضأ وصل لك ركعتين واستخر الله سبحانه

لا تقولي موتر مدام و تاجج مشاعري اروح اعرس بهن :D

و لا هنت على النصيحة , و صلاة الاستخارة لا بد منها

[asksh78]

خذلك ربع افضل لا تنسى السييرا امريكي

و هذا الي مخوفني لان كل ما اسال واحد يقولي امريكي ما يصلح , لكن على عكس الي مجربين يقولون خذ و لا تشاور :D

لا هنت على المرور أبو صالح


اولاً : عليك بالاستخاره
ثانياً : انصحك بالجيب الربع نيسان طبعاً او اذا بغيت سياره شبابية وقويه وتصلح للبر والمدينه عليك بال FJ بس المشكله سعره غالي
اتمنى لك التوفيق

الـ FJ ما علية كلام خصوصا انه تويوتا لكن اسعارة خيالية

و شاكر لك مرورك يا راعي الفتك



بعد الاستخاره اشور عليك بالباترول ربع او اكستيرا




الله لا يهينك أخوي صراحة من بعد ما قريت ردك و قلت لي اكستيرا , و انا ما عمري سمعت فية , رحت بحثت عنه بشكل عنيف و دخل مزاجي بقوة :good2:

و الصراحة صار هو خياري الاول لكن على االله القى نظيف و بسعر معقول ..

و شاكر لك مرورك و اضافتك :good2:

[asksh78]

وش استخداماتك

هل طلعاتك للنفود اكثر ام الوعر

تمسك خطوط واجد

راعي جور على الموتر ولا حبيب

لا و الله طلعاتي للنفود شبة معدومة لكن مرات تعر معي و ودي اطلع بسيارتي للبر لكن كالعادة لبق الكورلا بالمحطة و يمرك واحد من العيال <~ متعقد من هالحركة :D

فـ عشان كذا قلت ابي لي جيب او موتر حوض , و بالنسبة لمسكة الخطوط فتقريبا مهو واجد يعني اذا كثرت مرة بالشهر , و لاني راعي جورحبيب على الموتر <~ قل من شهدلك يابا حصين قال ...... :D


الباترول الربع اذا الدعوا ما تشيل الا قليل و لا تشاور بين الربع والسييرا الربع أفضل

الله لا يهينك أخوي خالد :good2:

الله يكتب لك اللي فيه خير
انا اختارلك الباترول
واستخر والله يوفقنا وياك

الله يجزاك خير و لك بمثل دعوتك


على حسب اللي يركب معك وكلهن زينات ويحتار الواحد بينهن بس عشان ما اكون قليل خاتمة مع موتري باترول واستخر قبل كل شي والله يوفقك للي فيه الخيره لك
وتقبل مروري وشكرا


شاكر لك انا مرورك الحلو :good2:

[asksh78]

اذا تحتاج الصندوق خذ سييرا . واذا ماتبغاه خذ باترول

لا و الله بالنسبة للصندوق ما احتاجة لكن شكل السييرا و صوتة طرب :D


اكيد>>>الربع افضل

لا هنت يا أمير ;)


بفضل الله أنا املك السيارتين لكن انصحك بالسييراافضل من الباترول ولك تحياتي

خير الكلام ما قل و دل لكن جابك الله ما من فكة ;)

وش رايك بالسييرا بشكل عام و اسعار قطع الغيار و عزل الهواء و الراحة ؟

و لو عندك علم باسعارة بالمعارض اكون شاكر لك كثير

و لا هنت على مرورك و رفعك للموضوع :good2:


ربع نيسان متانه ووقوه


ما يحتاج , و حتى شكلة احلا من ربع التويوتا :good2:

[asksh78]

شف المقطع ذا وقرر
77777


7777


777


77


7
DtS6J4BDlU0




استخر ربك والله يكتب لك اللي فيه الخير


أقول يالبى صوتة و الله أنة طرب :D

و المقطع يهيض عشان كذا ما راح افتحة ثاني مرة عشان ما ابتل للمعارض و اشترية :D

لا هنت على المرور :good2:


تبي نصيحتي تزوج بهن حتى لو متزوج خذلك ثانية :)

و الله الميزانية كل شوي الظاهر كلها كم يوم و تشوف الدعوة عندك بالخاص ههههههههههه

و الله يوفقك ان شاء الله ببنت الحلال شكلك مقطع :D

شاكر لك مرورك و تعليقك :good2:


والله انا لو بمكانك كان اخذت نيفارا او ددسن جديد


ولو انك شطحت شوي هههههههههه بس ماش لو هن من ضمن خياراتي كان الهلي اولا :good2:

[عفط]

تبي شوري أشتر أف جي أي موديل وربي راح تدعي لي

[كوكب منير]

:s
السلام عليكم ورحمة الله وبركاته
أخي موفق خير أن شاء الله وأقول لك:-
أولاً:-من استشار الرجال أخذ عقولهم :-وأرى أن تأخذ الباترول ((فهو مشعاب قناة)).
ثانياً:- إذا شاورة وكان لديك أكثر من رغبة بعد المشاورة:-
صل ركعتين واستخر فيهما ربك فهو المعين .
وإذا عزمت لا تستشير أحد حيث ينتهي الأمر بما يبدوا لك في الاستخاره.
وفقني الله وإياك لما يحب ويرضى.
:sيشرفني قبول التحية منك وممن شارك وسوف يشارك وشاهد وسوف يشاهد:s

[مريقب العيفار]

دامك تقول انك منت راعي بر

والصندوق ما تحتاجه

ويش اللي حادك على الربع والسييرا

كلها ما تناسب وضعك

اخوي السييرا موتر كبير الحجم والغمارة ما تشيل ودامك

ما تحتاج الصندوق فما انصحك فيه

والربع لو تشيل اهلك تفشلت غير انه غير مريح ودافع فيه زود

فلوس لانه دفع رباعي وانت منت راعي بر


نصيحة

لا تاخذ موتر علشان الناس = اقصد بس تكشخ فيه


ولكن خذ موتر على قد احتياجك

[يريور عيمان]

انا انصحك بنصيحة اخوي كنق التعديل
و هي الاكستيرا
سعره مناسب و قوة و عزم
ان بغيته للبر ما خيب ظنك
و ان بغيته للمشاوير و السفر هم ما خيب ظنك
توكل عى الله و لا تنسى الاستخارة