محتاااااار بين باترول او فورتشنر

[عباااس]

السلام عليكم ورحمة الله ...



رايكم في باترول 2009 ابيض اربع ابواب العادي زي حق الادارات الحكوميه

http://store3.up-00.com/Jun11/FG804171.jpg (http://www.up-00.com/)


او فورتشنر 2011 6سلندر قير اوتماتيك

http://store3.up-00.com/Jun11/CD604171.jpg (http://www.up-00.com/)


طبعا كلهن جدد بقراطيسهن :D ع الزيروو :good2:


علما بأن الباترول بـ 120000


والفورتشنر بـ 119000


وسلامتكم

[مواسي الطعوس]

اذا تبي تطاعس فقط خذ فورتشنر .......والا الباقي كله من صالح الباترول

[عباااس]

اذا تبي تطاعس فقط خذ فورتشنر .......والا الباقي كله من صالح الباترول

هلا اخوي مواسي

انت تشوف ان الباترول افضل مع العلم انه موديل 2009 وسياحي ( ستاندر )

[التعـ King ـديل]

اذا ما تبي فخامه بس موتر مريح بالخطوط .. خذ باترول

خاصه مكينته 4500 يعني انسى شي اسمه ورشه

واذا تبي هايلكس فخم بس مب مريح بالخطوط .. خذ فورتشنر

[الباثفندر 3.5]

والله انا افضل الباترول لانه الفورتنر سريع الانقلاب و فيه مشكله بالبريك و القير و لا تنسى الاستخاره

[عباااس]

ياشباب

نسيت اقولكم ان المصري حق وكالة تويوتا يقول ان الفورتشنر راح يتغير شكله 2012

اللي عنده علم لايبخل علينا

بعدين يا اخوان انا اللي محيرني اكثر ان الباترول 2009 والفورتشنر 2011

يعني فيه فرق بالموديل

وبعدين وش رايكم في اسعارهن هي كذا او لأ

[عاشق الربع313]

اذا تبي نصيحتي خذ باترول ومثل ماقالولك الشباب الباترول اريح وانسى الورشه ومريح ولا يهمك الموديل كلها جديده

[أبوالمثنى]

في رأيي الفورتشنر أفضل قير تماتيك

بشرط وجود اي بي اس يعني فل كامل

أفخم وأفضل في القوة وايضا التحمل بالنسبه للفوتشنر جدا ممتاز

[عباااس]

كلكم مؤيدين الباترول

الا ابوالمثنى

لازلت حيران

[كم كيلو باقي]

صل استخارة ..

وصوتي للباترول .. بس أهم شيء مكيف ورا .. والسبب صح انه سياحي بس كل ما مليت منه .. زود لك شيء بالمواصفات .. مره جنوط ومره لبسه جلد وكذا وكذا لين يطلع فل الفل ومركوووب العافية يالغالي

[عبدالعزيز بن احمد]

It was actually rattling wow gold (http://www.uorpg.com/) couple Fangguan can not get started, he gave the suspicion to propose him Nvdao Shi nun. Because it There is slender monastery in the canvass of Qin Xiang, and Nvdao Shi crane cents in the wow gold (http://www.uorpg.com/) man titled to do, lank, it was rattling enchanting, Guqin it and The two men crooked up, we learn author leisure Sequence, sing a got the modify choke. Upright then, in mid-October, Gu Qin to Anzhong those who perceive the money on wow gold (http://www.uorpg.com/) cases they conceive of laws on children, to narrate the open Grouping: "I undergo on your money, not into the port, where they had to intermit again.


هههههههههههههههههههههههههههههههه


هذا وش يبي في السالفه الرجال ماسك موضوع ثاني ؟؟


بالنسبة للمواتر استخر ربك واسال

ومن رايي الباترول مع واحد من اخويايي سياحي سياحي مررره
موديل 2003
ماشي 310.000
وهذاهو ما اشتكى منه

لكن استخر اهم شيء الاستخاره

[Abo gssar]

اولا استخير الله .........ومن ناحية السياراتين متقاربه في الجودة والاداء لكن الباترول الين شوي

[بدوي جنوبي]

اذا بغيت السعه والراحه والرساوه
خذ الباترول

[وليد 5]

السلام عليكم
فورتشنر 2012
http://dc10.arabsh.com/i/03170/1ab1sh2337jm.jpg
http://dc08.arabsh.com/i/03171/x3hl03rp0c2d.jpg

http://up.z7mh.com/upfiles/meo36777.jpg

[بروق ساق]

تبي نصيحيتي خذ فورتنر 2011 بـ 113 ألف فل كامل ماعدا الجد
لا تقرب الباترول بقره مادمه 4500 وسعره غالي بعد 120 ألف
الفورتنر
دفلك
فخم من الداخل بيج
قير تماتيك
سعره أفضل عند البيع
قل صرفية بنزين
شكل عصري
خفيف ومريح



الباترول
بدون دفلك
أسود
قير عادي
ينشب بحلقك خصوصا حق الشركات ذى
يشرب شرب
شكل قديم
ثقيل وعزمه ضعيف

[ابرق نثيل]

حسب استخدامك اذا انت عايش بالبر او في هجره مالك الا الباترول هالنوع بالذات
مكينه ٤٥٠٠ هفي ديوتي وبرضه الموتر سلقه مافيه مواصفات ومايخرب يبطي مايخرب

والفورنتشر مايعيبه الا انه
هايلكس مطور
صناعه تايلندي
البدي تنك
وسريع الانقلاب

وذا انت مدمن ديره ترا الباترول السلقه ذا بتمل منه

[كاشت وحداني]

على الرغم من اني لم امتلك سيارة نيسان ابدا
لكن كمقارنة بين الخيارين المطروحه انا اقول الباترول وتوكل على الله
الفورتشنر
ضيق
تانكي صغير يعني في السفر كل شوي توقف تعبي
سريع انقلاب
بالاضافة الى ارتفاع اسعار قطع غيار تويوتا الغير معقول

[التعـ King ـديل]

تبي نصيحيتي خذ فورتنر 2011 بـ 113 ألف فل كامل ماعدا الجد
لا تقرب الباترول بقره مادمه 4500 وسعره غالي بعد 120 ألف
الفورتنر
دفلك
فخم من الداخل بيج
قير تماتيك
سعره أفضل عند البيع
قل صرفية بنزين
شكل عصري
خفيف ومريح



الباترول
بدون دفلك
أسود
قير عادي
ينشب بحلقك خصوصا حق الشركات ذى
يشرب شرب
شكل قديم
ثقيل وعزمه ضعيف

السؤال اللي يطرح نفسه هل جربت السيارتين لان الواضح من ردك ماجربتها

[جوستن]

للممعلوميه ترى الباترول من ا٢٠٠٥الاربع بيبان مكينة فتك والربع٤٥٠٠
وانا معي باترول ربع الباترل راحه مكيف ثلاجه بس عيبوه البانزين يلهم لهم يعني
افللوه ٩١بربعين يالله يالله يمشي داخل الديره اربمية كيلو بس بالسفر التانكي يمشيك٦٠٠اذا ماتعديت ١٢٠

[مغرم بالفتك]

اذا ما تبي فخامه بس موتر مريح بالخطوط .. خذ باترول



خاصه مكينته 4500 يعني انسى شي اسمه ورشه


واذا تبي هايلكس فخم بس مب مريح بالخطوط .. خذ فورتشنر




انا اضيف رائيي مع اخوي التعديل king

[ذيب اللابه]

يبوي والله مافيها مقارنه وحيران بعد باتروووول والله يطرح فيه البركه

[مغرم بالفتك]

اخوي شف الي ترتاح له انت الناس تقول الي تحبه من نيسان اوتويوتا

[مغرم بالفتك]

الفورتشنر هايلوكس مصندق

[رجل ما يهاب]

تبي نصيحه خذ الباترول اذا تبي سيارة قويه وراسيه بالخط .. وكدها خطوط ما تقول لا بس اترسها بنزين ودز عالدرب علطول .. وجه نظر راعي خطوط :D

اوما فورشينر ما عجبني مرره خفيف لو يجيك عج بالخط يلعب فيه الهواء ...

وما خاب من استخاار ... الراي الاول والاخير لك

الله يكتب لك الخير ويكفيك شر السيارات

[سلكي نت]

انا ارشح فور تشنر موديل+قير اتوماتيك وخفيف
لان الباترول استندر+2009

[سفاري959]

والله اذا تبي شوري لاتاخذ هذا ولا ذاك اذا وصلت 120 وحولها يا خذ جيب كبير لو مستخدم ورايح عليه سنتين هذا اذا كنت راعي بر والا طق بها عطي الله تاهو والا يوكون اذا سافرت ما تحس بالخط وموتر رزه ماهو موتر سياحي والا الفورتشنر الي ما يفرق عن الهلي الا ان ما فيه صندوق والله حرام 120 على ايش الله يرزقك الي في بالك

[ابو سلطان س]

خذلك 4500 سلق لون ذهبي وانسي اذا انت من هوات الكشتات وقيمته فيه

[ابو سلطان س]

وآخر ملاحظة عندي علي الباترول السلق 4500 يجي الي 2009

[ذيب النجيل]

لو اني مكانك اشتري gxr 2 ليميتد 2007 بريمي خليجي

[omar 3]

١٢٠الف



خذ هدد ٢٠٠٨

[عباااس]

للجميع انا اشهد انكم ماقصرتوا ابدا

الله يكتب لي ولكم كل خير
ويبعد عنا كل شر

[jeep 2001]

السلام عليكم يا الغالي
حبيت اسألك عن الباترول
هل هو موجود الى الان ؟ ووين فيه لاني ادوور باترول Gl 4500

[شلشكو2011]

من شاور ما خااااااااب
بس بعض الاخوان متعصب براااايه للنيسان والباترول بالذات

الله يوفقك

[ابوضيف الله]

بالنسبة لي انا كل واحد منهم له ميزة
النيسان اوسع اريح في المركب وفي البر مريح بس مشكلتة بدون مكيف خلفي قير عادي
الفورتشنر اصغر حجم اوذف داخ المدينة وقير اتوماتيك ومكيف خلفي
السؤال لك ياصاحب الموضوع انت تشوف ان الفورتشنر يكفيك انت وعائلتك يعني يشيلك انت وعيالك الله يحفظهم لك وعفشك بالسفر او لامنك كشت انت وربعك او تقول ان الباترول كبير مرة
بالاخير هي ترجع لك انت وش اللي تبية في السيارة يعني وش هي احتياجاتك منها ووش اللي تبيه فيها وفي الاخير الله يقسم لك اللي فيه الخير