المساعد الشخصي الرقمي

مشاهدة النسخة كاملة : استفسار للمجربين عن الفيلم الشفاف لحماية وجه السيارة


ليالي حلوة
28/07/2011, 04:22 AM
السلام عليكم ورحمة الله وبركاته
الفيلم الشفاف لحماية وجه السيارة ظهر في آخر سنتين وهو بلاستيك شفاف اللون يركب على الكبوت والرفرفين الأمامية وعلى المرآيا ويقوم بحماية وجه السيارة أثناء السفر .
ويأتي منه أنواع وصناعات وقد يصل إلى 2000 ريال للتركيب وضمان عشرة سنوات
ولكن أتمنى من المجربين إفادتي عن إيجابياته وسلبياته على المدى القريب أو البعيد ؟
ودمتم بود ,,,
عبدالعزيز بن احمد
28/07/2011, 04:57 AM
اذا كان اصلي ارقد وآمن


اما اذا كان تقليد وصناعه رديئه


لا تاخذه لانه يذهب اللمعه الخارجيه للسياره


وانت تشوف بعض السيارات اللي عليها حمايه غير اصلي


يصير لون الحمايه اصفر


واذا شالها بعد فتره تروح اللمعه نوعا ما


الله يوفقك يارب واتمنى اني افدتك :good2:
ليالي حلوة
28/07/2011, 05:18 AM
اذا كان اصلي ارقد وآمن



اما اذا كان تقليد وصناعه رديئه


لا تاخذه لانه يذهب اللمعه الخارجيه للسياره


وانت تشوف بعض السيارات اللي عليها حمايه غير اصلي


يصير لون الحمايهاصفر


واذا شالها بعد فتره تروح اللمعه نوعا ما



الله يوفقك يارب واتمنى اني افدتك :good2:


جزاك الله خير وباركـ الله فيك
والله يوفقنا وإياك ما قصرت
ولكن هل إذا ركب مدة سنتين أو اكثر
لا يضر البدي إذا كان طبعاً أصلي
وما هو الأصلي هل هو الأمريكي
وشاكراً لكـ إفادتي .
ليالي حلوة
28/07/2011, 01:52 PM
للرفع أتمنى من المجربين إفادتي
وباركـ الله فيكم
أبلج
28/07/2011, 04:35 PM
انا مركبه على سيارتي قبل سنة أصلي أمريكي وعليه كفالة عشر سنوات وما ركبته إلا عقب ما شفته راكب على سيارتين من سيارات ربعي مركبينه قبلي بسنه يعني صار لهم سنتين مركبينه الآن ولا شفنا منه مشاكل الحمد لله ولا تغير لونه والشركة بعد مايركبونه لك يقولون لك ثلاثة أيام ما تغسل السيارة أبد وبعدها ترجع لهم يشيكون عليها وإذا شافو فيها أي انتفاخ أو أحد الأطراف غير ملتصق يعيدون تركيبه من جديد وانا سألتهم ما يصوفر مع الوقت ولو بشيله بعد خمس سنوات ما يفرق لون السياره قالولي يإذن الله ما راح يتغير شي بس بشرط تكون السيارة وقت تركيب الفلم غير مصبوغه في ورشه يعني لازم تكون صبغ بلادها في هذه الحاله يضمنون عدم تغير اللون أما إذا كانت مصبوغه يمكن يتأثر الصبغ
طبعا الأنواع الأمريكيه كثيرة منها
3m
في كول
زيبارت
لومار
سولار قارد وهذا اللي أن مركب منه واللي أيضا يتعامل معاهم الساير وكيل تويوتا في الكويت
طبعا بالنسبة للأسعار من 150 دينار كويتي إلى 200 دينار
يعني بالريال من 2000 إلى 2700 ريال تقريباً
هذا اللي أعرفه والله أعلم والشباب اللي جربوا إن شاء الله يفيدونك
عبدالعزيز بن احمد
28/07/2011, 06:12 PM
جزاك الله خير وباركـ الله فيك
والله يوفقنا وإياك ما قصرت
ولكن هل إذا ركب مدة سنتين أو اكثر
لا يضر البدي إذا كان طبعاً أصلي
وما هو الأصلي هل هو الأمريكي
وشاكراً لكـ إفادتي .

اذا كانت اصلية فهي بتعيش ولا عليها ضرر للبدي لكن اكثر السركات الموجودة عندك صناعة كوريه
ما عندك الا شركة وحده بس اللي انا اعرفها* تجيب صناعة امريكيه وهي 3M واذا تبيني اكلمهم لك من عيوني . واذا تبي وصفها بعد من عيوني

*قد يكون فية شركات تجيب صناعة امريكيه انا ما اعرفها
المحترف800
28/07/2011, 09:34 PM
حياك الله اخوي ليالي حلوة الله يجعل ايامنا وليالينا حللللوة
أنا مركبها تقريباً قبل ثلاث سنوات والحمدلله ممتازه لافيري ولاخرابيط
لكن لونها بادي يميل للاصفر طبعا من الشموس وعليهاضمان خمس سنوات
سعرها تقريباً 1400 ريال على الرفرف والكبوت والشمعات والكشفات اللي
تحت لان معي باثفيندر يجي كشفات تحت وعلى الزوايا..
واي خدمه اناحاضر ..×
يارب عفوك23
28/07/2011, 10:03 PM
ابو عمعوم لاهنت

ياليت توصفهم لنا

ولاهنت ياصاحب الموضوع
عبدالعزيز بن احمد
28/07/2011, 10:43 PM
ابو عمعوم لاهنت

ياليت توصفهم لنا

ولاهنت ياصاحب الموضوع


ابشر بعزك طال عمرك

عندك فرعين الله يسلمك واحد على طريق خريص وواحد في العليا وانا افضل اللي على طريق خريص

وانا افضل اللي في خريص افضل بسبب التنظيم :good2:

اللي على طريق خرريص واضح مرره

* اذا خليت كبري الخليج وراك متجه للمعارض والنسيم يصير رئاسة الحرس الوطني على يدك اليمين يجيك مخرج على اليمين يوديك للدائري اتركه وخذ يسار يجيك بعده بـ300 متر تقربيا مخرج اللي يودك لوكالة جنرال موترز كدلك وشفر وجي ام سي ادخل مع المخرج يمين اذا دخلت مع المخرج امش مسافه تجيك اشاره بعد الاشاره تلقى درايف7 ومحلات التظليل والخطوط السعوديه هو من ضمنهم وترا على لوحته صورة دوريه واي شئ انا حاضر بابذل كل جهدي لخدمتكم


الظاهر انه بعد محل العليان يجيك على اليمين.............>>>غير متاكد من المعلومه بشكل صحيح
عبدالعزيز بن احمد
28/07/2011, 11:15 PM
معليش اخواني على الازعاج على الدخول المتكرر للموضوع وانا اسف على ذلك

لكن توصلت لرقم احد الموظفين اللي يشتغلون في فرع خريص ;) واذا تبون رقمه ارسله لكم على الخاص لان اذا وضعته هنا بيكون مخالف للشروط :D

وانا شديد الاسف على الازعاج يا صاحب الموضوع:)
ليالي حلوة
29/07/2011, 02:13 AM
أبلج
أبو عمعوم
المحترف
يا رب عفوك
مشكورين على المرور وجزاكم الله خير على الإفادة وما قصرتوا بيض الله وجيهكم وجعل ما قمتُ به في موازيين أعمالكم كفيتوا ووفيتوا
وأتمنى منك أبو عمعوم ترسل لي رقمه وشكراً وآسف على الازعاج
دمتم بود ,,,
عبدالعزيز بن احمد
29/07/2011, 03:11 AM
ارسلت لك الرقم الله يحيك والاتصال من الساعه 4 الى 9:30

اتمنى لك التوفيق