معي موتر غماره وابي رايكمـ ..!! ( ضرووووري )

[عضو خاص]

السلام عليكم ..

وآآضح من العنوان انا معي موتر من نوع غماره وابي اطقطق واشتغل والرزق من الله ولكن هذا سبب واللي يبي الرزق لايكتف يديه وينتظر الرزق يجيه ..

ما اطول عليكم انا عندي دوآم صباحي وابي افضل شغل على الموتر لأني فآآآضي ..!!

ابي ناس جربت او عندها خبره اي شي اللي عنده لا يستحي ..
بالعربي ابي على ماقالوا شغيله ( طقطقه ) ..
اطرح كل ماعندك بالجعبه .. ابي شغل لاهنتو مايكون فيه رآس مال وآآجد او بدون رآآس مال ..!

بنتظاركمــ ...

[دلهميز]

اذا انت بالرياض : عندك اسواق العويس او ابن دايل او الحراج ,, التحميلة اخبرها بخمسين ريال ما ادري الحين قد ايش وصلت

او خذ لك مع الفجر حمولة بطيخ او جراو او طماط واتفق مع زميل يتولى البيع وينزلك للدوام ويروح يبسط وبالنسبة بينكم

ويفيدونك الاخوان

والله يفتح علينا وعليك ويرزقنا جميع

[عضو خاص]

الله الله انا بالرياض ..
بالنسبه للتحميل من الأسواق متى خبرك به ؟

كيف طريقة التحميل ؟

اذا عندك خلفيه ..
......................
آمين وياكـ .. اعذرنا ع الإطاله ..

[«نجم الخير»]

الان وقت البترول بس ماهو النفط التمر


بصراحة أهنيك على اتخاذك هالقرار ..
ومن خلال عملي سابقا بـ تسويق التمور .. ابي أفيدك باللي اقدر عليه ..


بالنسبة لشرائك بمبلغ وقدره .. تقدر تشتري يوميـا بحدود 20000 وتصرفه بشكل سهل وسلس .. وأنت جالس بالسوق لا حملت ولا نزلت ولا مصاريف نقل وبالاخير .. مكسبك عندك
وخذ مني هالكلمة : صحيح يجيك بعض النـاس مايقدر سعر التمر ولا يعرفه ..
لكن النوعيات الممتازة والشغل النظيف .. يفرض نفسه

[عضو خاص]

الان وقت البترول بس ماهو النفط التمر


بصراحة أهنيك على اتخاذك هالقرار ..
ومن خلال عملي سابقا بـ تسويق التمور .. ابي أفيدك باللي اقدر عليه ..


بالنسبة لشرائك بمبلغ وقدره .. تقدر تشتري يوميـا بحدود 20000 وتصرفه بشكل سهل وسلس .. وأنت جالس بالسوق لا حملت ولا نزلت ولا مصاريف نقل وبالاخير .. مكسبك عندك
وخذ مني هالكلمة : صحيح يجيك بعض النـاس مايقدر سعر التمر ولا يعرفه ..
لكن النوعيات الممتازة والشغل النظيف .. يفرض نفسه

الله يسلمكـ .. انت تقصد 20 الف ولا 2000 ؟

و وش افضل سوق بريده ولا عنيزة ؟ ( بالنسبه للبيع )

لاهنت ومشكوور ع ردك .. بنتظاركـ ...

[«نجم الخير»]

الله يسلمكـ .. انت تقصد 20 الف ولا 2000 ؟

و وش افضل سوق بريده ولا عنيزة ؟ ( بالنسبه للبيع )

لاهنت ومشكوور ع ردك .. بنتظاركـ ...

نعم اقصد 20 الف :)
بالنسبة لشرائك بمبلغ وقدره هذا تحدده انت .. اما السوق بريده لان العرض والطلب مرتفع بحكم كبر السوق

[عضو خاص]

التمر ممتاز جدا وانا جربت الموسم اللي راح ..

بس الموسم ذا مشكله ليه ..؟

صار عندي دوآم الصبح من السبت الى الأربعاء .. ولاني مخلص الا قبل نهايه رمضان ..

الصرآآحه حيره ..!!
................

ولاهنت ياحبيلك ..

[«نجم الخير»]

اللحين التمر حق القصيم تحصله بسوق عتيقة بالجملة وبنفس اسعار القصيم .
اذا كنت ناوي تبيع بالرياض مايحتاج تروح للقصيم , التمر يجيك للرياض
لاصار العصر اطلع طقطق والرزق على الله

[عضو خاص]

الله لا يهينك .. ويكتب اجركـ ..

كفيت و وفيت ..

دعوآآتكـ ..

[ابو نايف 111]

انا من راي انك تروح لم سوق الخضره
الي في الرياض ( الجمله )
وتوصل لهم
فيه واحد عمر بيته من ها الشغله ذي
الله يوفقنا وياك

[عضو خاص]

انا من راي انك تروح لم سوق الخضره
الي في الرياض ( الجمله )
وتوصل لهم
فيه واحد عمر بيته من ها الشغله ذي
الله يوفقنا وياك

ماعندكـ مشكله فكره كويسه ..

بس ولا عليك امر ممكن تشرح لي الطريقه ؟

بنتظاركـ ..

[عنودالصيد]

عن النبي صلى الله عليه وسلم قال:
(ما أكل أحد طعاماً قط خيراً من أن يأكُل من عمل يديه، وإن نبي الله داود صلى الله عليه وسلم كان يأكل من عمل يده) رواه البخاري
مبادره رائعه وإنشالله يارب
من سيارة الغماره تملك أحلى عماره
ومادام عندك عزيمه وطموح لكسب المال الحلال فالله معك
وحتى يكون عندك مكسب حلو
لازم تعرف نفسك أول لتعرف دوافعك
وأهم حاجه يكون عندك نظره بعيييييييييييدة المدى للمستقبل
وان تخطط للعمل كما تخطط لرحلاتك ومتطلباتك اليوميه
ولاتستعجل الحصول على المال في الحال
وأن تتحلى بالصبر والأسلوب اللّطيف في عملك
وإذا حصلت على المال ليكن الإدخار من أوليات عملك
بمعنى أن تضع بنود لمصروفاتك الضروريه
ولا تلتفت لمن يقول لك:
أنفق مافي الجيب يأتيك مافي الغيب...
وتفتح جيبك وبيتك...:D(إرحبوووووو)
وتيت تيت زي مارحت جيت:eek:
خلك وسط ولاتصير يدك مخرومه إنفق وأكرم:) بس بحدود
لأن الحياة ليست كما يفهم البعض فلها وربك يحلها
هذه قاعدة أناس فوضويون ليس لهم هدف
هناك عمل بالأسباب!!!إعقلها وتوكل
استمتع بحياتك كما تريد بكسب يدك ومن مالك الخااااص
وعلى ماقيل:
إذا ما جاء الفتى يشرب بيمينه..فشربه على يد الرجاجيل هماج
حدد اهدافك وسر إلى الأمام ولا تلتفت للوراء ابداً
والمال والثراء والعفاف مطلب كل شخص
وطموحك سيجعلك غني النفس والمال
والأخوان الأفاضل ارشدوك لبعض الاعمال التي تزيد من رصيدك
وليكن شعارك لا للكسل
وفق الله الجميع للخير

[عضو خاص]

ياهلابك ياعنود الصيـد ..

بصراحه ماشاء الله عليك خلصت الهرج ع الباقين .. الله لايضركـ ..

العزيمه موجوده والمبادره اكثر .. لكن اي الطرق اسلك ؟

دعواتي لك بالتوفيق والسداد ..

مــــحـــبـــــكــ ..

[سحابة الخرج]

مالك الا المكده بس في الرياض امكن ماتطلع شي من كثر التكاسي
بس انا في الخرج
من عصر الى المغرب
بس
اطلع 50 او 30 او 54 توصل الى 60

[عضو خاص]

الله يسلمكـ ..

بس انا بالرياض وابي شي بالرياض ..

شاكر لك رأيكـ ..

[كهربان]

اخوي عضو خاص ..

عليك بحراج بن قاسم وقف لك في احد التقاطعات في سوق الاثاث وابشر بالرزق فالتحميله الوحده لاقرب مكان ماتقل عى ثلاثين ريال .. فانا في الشفاء واخذ السياره من الحراج بالاربعين والخمسين ..
واقعد هناك واتك بعد عصر وانت قاعد على باب صندوق الددسن وتتفرج على خلق الله وموسع صدرك ورزقك بيجيك وجرب عشره ايام وعلمنا .. وخصوصا هالايام رمضان مقبل والناس شغالين شيل مكتبات وتحف ودواليب وغيرها .. وجوالك عطه كل زبون وقل حمله عندك مانتب خسران شيء لين بغيتني تراني قريب ..

والله يفتحها في وجهك ..

[ابو نايف 111]

ماعندكـ مشكله فكره كويسه ..

بس ولا عليك امر ممكن تشرح لي الطريقه ؟

بنتظاركـ ..
السلام عليكم
اسف على الاطاله
اول شي انت شجعتني على ها الشغله
ونا ابيت النيه على الديناء
الله يرزقك يا رب
الرجال الي اقولك
هو موظف ويطلع لا السوق قبل الاذان الفجر
ثم يوصل الى يجي وقت دوامه ما شاء الله عليه مع الوقت صارله زباين يوميه
ويجونه زباين يوصلهم
الحوطه \بنبان\ رماح يعني مثل كذا
وفيها دخل ممتاز ما شاء الله
ارجواني افتك ونك ان شاء الله تفيد غيرك
في هل الموضوع
ونا واحد منهم :D

[عصاقيل]

الله يرزقنا واياك من واسع فضله

[عضو خاص]

اخوي عضو خاص ..

عليك بحراج بن قاسم وقف لك في احد التقاطعات في سوق الاثاث وابشر بالرزق فالتحميله الوحده لاقرب مكان ماتقل عى ثلاثين ريال .. فانا في الشفاء واخذ السياره من الحراج بالاربعين والخمسين ..
واقعد هناك واتك بعد عصر وانت قاعد على باب صندوق الددسن وتتفرج على خلق الله وموسع صدرك ورزقك بيجيك وجرب عشره ايام وعلمنا .. وخصوصا هالايام رمضان مقبل والناس شغالين شيل مكتبات وتحف ودواليب وغيرها .. وجوالك عطه كل زبون وقل حمله عندك مانتب خسران شيء لين بغيتني تراني قريب ..

والله يفتحها في وجهك ..


الله يسلمك هذي ممتازة .. بس الحرآآج برمضان متى وقته ؟
الله يتقبل منا ومنك صالح الأعمال ..

[عضو خاص]

السلام عليكم
اسف على الاطاله
اول شي انت شجعتني على ها الشغله
ونا ابيت النيه على الديناء
الله يرزقك يا رب
الرجال الي اقولك
هو موظف ويطلع لا السوق قبل الاذان الفجر
ثم يوصل الى يجي وقت دوامه ما شاء الله عليه مع الوقت صارله زباين يوميه
ويجونه زباين يوصلهم
الحوطه \بنبان\ رماح يعني مثل كذا
وفيها دخل ممتاز ما شاء الله
ارجواني افتك ونك ان شاء الله تفيد غيرك
في هل الموضوع
ونا واحد منهم :D


الله يجزآك خيير .. بس المشكله الوقت ضيق برمضان .. ولاتنس عندي دوآآم صباآآحي ..
ما اخلص الا قبل يذن العصر ..
الله لايهينك وشاكر لك سعيك ..

[عضو خاص]

الله يرزقنا واياك من واسع فضله

آآمين .. الله يتقبل منا ومنك صالح الأعمال ..

[جيبي جايزلي]

الله يرزقك ويوفقك ان شاء الله

[عضو خاص]

الله يرزقك ويوفقك ان شاء الله


آآآمين .. وياكـ .. ولك خالص تقديري ..

[عضو خاص]

^^ للــــــــــشـــــــــــــقـــــــــــــــــل ^^

[O.S.7]

افادوووك الاخواااااااان

[عضو خاص]

الله لا يهينهم ..