الشعر ياهل الشعر ماهو سواااليف ...!!!

[خالد الوقيت]

مساؤكم / صباحكم سعادة وراااحة بااال



ــــــــــــــــــــــــــــــــــــــ



ــــــــــــــــــــــ



ـــــــــ
.
.




الشـــــــعر ياهل الشــــعر ما هو سواليف
................. يخطـــــّها المطنـوخ في كل صــفــحه



الشعر حبك وسبك .. معنى وتوصيف
................. طـــــراوته تشدى من النود نــفـــــحه



لا ذعذعت ... كل القلوب المواليـف
................. تطــــرب لها من حدّ صــــبيا لرفـــــحه



مثل مذاق الكـــــيف ياشارب الكيف
................. يبري خــــفوقٍ فاض بالكـــيل طفحه



كم شـــاعرٍ هبـــّت عليه العـــــواصيف
................. واحـــــرق طرى قلبه من اللوم لفحه



لاجـــل كذا قبل الندم والتحاسـيف
................. اصبر ولو نفــــــسك على النشر شفحه



وانا لو اني أعشق الشعر يا منيف
................. أوقــــدت نيراني على راس سفــــحه



لكنّـــــها سجـــّه تجـــيني صـــــواديف
................ افتــــح لها لا رقــــت بالـــــنت صفحه
.
.
.
.

[هاوي عبث]

http://www.mm11mm.net/up/uploads/images/mm11mm-f09882ea83.jpg (http://www.mm11mm.net/up/uploads/images/mm11mm-f09882ea83.jpg)


صبحك الله بالنور والرضى اخوي خالد وصح لسانك ملايين
وبيض الله وجهك ..
ياخوك والله ان الساحه امتلت باشباه شعراء ومن يقدر يقول لهم شي؟؟ يادافع البلا
والسبب المجاملات ياخوك
بس لو كلن عارف قدر نفسه وماسك روحه وصاير مثل اخوك هاوي ومتفرج
كان الساحه سلمت ودك ان عندهم ابوان مثل ابوي الله يطول في عمره
كل ماحاولت اكتب وكسرت لي بيت كسر راسي وتأدبني وقال خلك في اللي تعرف

مشكور ياخوي وعسى ها القصيده تحصل صدى يارب
تقبل تحيات اخوك
هاوي

[عيون الاشقر]

صح لسانك
وبيض الله وجهك

[خالد الوقيت]

http://www.mm11mm.net/up/uploads/images/mm11mm-f09882ea83.jpg (http://www.mm11mm.net/up/uploads/images/mm11mm-f09882ea83.jpg)




صبحك الله بالنور والرضى اخوي خالد وصح لسانك ملايين
وبيض الله وجهك ..
ياخوك والله ان الساحه امتلت باشباه شعراء ومن يقدر يقول لهم شي؟؟ يادافع البلا
والسبب المجاملات ياخوك
بس لو كلن عارف قدر نفسه وماسك روحه وصاير مثل اخوك هاوي ومتفرج
كان الساحه سلمت ودك ان عندهم ابوان مثل ابوي الله يطول في عمره
كل ماحاولت اكتب وكسرت لي بيت كسر راسي وتأدبني وقال خلك في اللي تعرف


مشكور ياخوي وعسى ها القصيده تحصل صدى يارب
تقبل تحيات اخوك
هاوي



هاوي

هلا بك يالغالي

مرورك يجمّل ويشرّف

وانا اقصد اللي يستعجلون بالنشر قبل التنقيح

وهم والحمد لله قلّة

تحيتي لك اخوي

[الشاهد1]

الشـــــــعر ياهل الشــــعر ما هو سواليف
................. يخطـــــّها المطنـوخ في كل صــفــحه
صح لسانك ابو صالح
ابيات تكتب بماء الذهب
بيض الله وجهك
وسلم بنانك

[نديم المجره]

لاجـــل كذا قبل الندم والتحاسـيف=اصبر ولو نفسك على النشر شفحه
صح لسانك
عزالله انها ابيات خبير
وهذا البيت يناسبني جدا
دامت لك المسرات
تحياتي

[بنت الباحه]

صح لسانك أبيات رائعه
يعطيك العافيه

[الحزوبر]

الشعر حبك وسبك .. معنى وتوصيف
................. طـــــراوته تشدى من النود نــفـــــحه


خالد الوقيت

عزالله انك جبتها في الصميم

صح لسانك ملايين

[حسيان]

بيض الله وجهك مليون وصح لسانك وفكرك يابو صالح

[أبوعبدالرحمن99]

أنا كنت ناوي أكتب أول قصيدة لي في الخيمة و يوم قريت قصيدتك هونت
و لا عاد اني كاتب !

[وجه الحاشي]

مثل مذاق الكيف ياشارب الكيف يبري خفوق فاض بالكيل طفحه

[رااس القطاه]

صح لسانك وفالك البيرق

[مرقاب الوله]

صح لسانك وطاب فالك وقصيده رائعه
وتحياتي لكـــ

[خالد الوقيت]

عيون الأشقر

صح أبدانك

وشاكر لك تواجدك

كل عام وانت بخير
.

[مكرم الضيف]

ياسلام عليك ياخالد قصيدة لها هدف ومعنى وجمال

الله لايحرمنا منك ومن امثالك

لك تحياتي

[نجم000الشمال]

صح لسانك اخوي خالد
اقف اعجاب وتقدير لكلماتك الرائعة ومضمونها السامي
خليتني اخوي خالد اطالع في المراية واحك راسي بعد...!

احترامي وتقديري.

[برق الجهمه]

عز الله ان الشعر مهوب سوالف
صح الله لسانك ..

[ذراع الذيب]

السلام عليكم ورحمة الله وبركاته,,
مسيت بالخير ياخالد,,

صح لسانك على هالابيات الرائعه وهذا ماتعودناه منك..
تحياتي لك,,

[عويل الذيب]

الله الله عز الله انه مهوووب سوالف مشكوور

[البرغش]

صح لسانك وعيدكم مبارك تقبل الله منا ومنكم صالح الاعمال حخ مغفور وذنب مستور انشاالله

[وفيّة]

أبيات رائعة

صح لسانك أخي خالد

نتمنى لك ( الروقان ) الدائم حتى تبدع

[خالد الوقيت]

الشـــــــعر ياهل الشــــعر ما هو سواليف
................. يخطـــــّها المطنـوخ في كل صــفــحه
صح لسانك ابو صالح
ابيات تكتب بماء الذهب
بيض الله وجهك
وسلم بنانك




صح ابدانك يالشاهد

وكل عام وانت بخير

تحيتي

.

[ال-رايق]

السلام عليكم ورحمة الله وبركاته
وصح لسانك اخوي/خالد
وصدقت على الجزل ..واسمح لي..بهالابيات ؟؟ليس تحدي او انقاص من مستوى قصيدتك كثر ما ودي ان قصيدتي تميلح مع اخيّتها وتدق الزين لعل الله يرزقها ههههه:D

ياحبني للنايدات المشاريف=تشدى التهامي لاشرق فيه صبحه
بيوت لخالد مابها اية تكاليف=يسلم عسى ثوبه تفاصيل صحّه
والشعر ينقد كالذهب بالمصاريف=من مصنع جنيفاعقود وسبحه
والشعر اسرار في وسط المعاكيف=لا تظهر الخافي مع كل كحّه
والشعر قصّة فيها تحلى التواصيف=من سمعها يسلى بليا مصحه
واحذر يجي شعرك سيوف مراهيف= تندم على ذمه ويسليك مدحه
وسلام ربي اعداد هب النفانيف=على الحضور وخاطري قال شرحه

وسلامة الجميع

[عابر سبيل 1]

حياك الله اخوي خالد ...
صح لسانك وطاب فالك ...
وتسلم ويسلم أخونا الرايق ...
تحياتي لكم جميعا...