شوفو هالسياره لن تصدق حتى ترى بعينك [الأرشيف]

مشاهدة النسخة كاملة : شوفو هالسياره لن تصدق حتى ترى بعينك

رقبة حاشي

29/07/2011, 03:49 AM

شوفو هالسياره لن تصدق حتى ترى بعينك سيارة جباره لاقصى درجات التحمل
ملاحظه فيه موسيقى

http://www.youtube.com/watch?v=v2jDzXsAwz8&feature=related

Abo gssar

29/07/2011, 04:45 AM

شوفو هالسياره لن تصدق حتى ترى بعينك سيارة جباره لاقصى درجات التحمل
ملاحظه فيه موسيقى

http://www.youtube.com/watch?v=v2jDzXsAwz8&feature=related

هههههههه
عادي جدا جدا
انا قلت الحين ابشوف سيارة تطيح من راس جبل وترجع تمشي من جديد..

كم كيلو باقي

29/07/2011, 04:48 AM

الباجيرو ملك بلا منازع .. (( كلام من واقع تجربة ))

لكن يعيبه غلاء قطع غياره بسبب الوكيل خذني جيتك ..

كم كيلو باقي

29/07/2011, 04:52 AM

هههههههه
عادي جدا جدا
انا قلت الحين ابشوف سيارة تطيح من راس جبل وترجع تمشي من جديد..

عزيزي صادق الوعود .. الطين ماينلعب معه (( مقوله مشهورة عند ملاك التويوتا والنيسان ))

لكن الباجيرو يتفووق عليهم في الطين والأماكن الزلقة بسبب أنظمة التراكشن الموجودة فيه

اتذكر قبل فترة طالعين نفود سعد .. وفيه البركة المعروفة الكبيرة .. دخلت طرفها ماكنتتمتوقع خطورتها ويغطس موتري ومحمل واجد .. شبكت الثقيل وبالريوس والحمدلله ماعاقت معه و والله ان اخوياي مديورين يبي يسحبوني ماتوقعوا اطلع
(( ماشاء الله تبارك الرحمن ))

نفس البركة هذي يذكرون فيها جيب في اكس ار جلس 3 ايام آخر شيء طلع بسحب 3 سيارات بوقت واحد

مع الأعتذار لصاحب الموضوع على التطفل

كم كيلو باقي

29/07/2011, 04:57 AM

دل البحار

29/07/2011, 05:25 AM

موتر موتر ماشاء الله
مواصفات فخامه
حتى في شكله والله اشوفه عندنا بجده مميز
هل تعلمون ان فيه طلعه بال لمدينه المنوره
صار فيه تحدي بين صاحب
جيب لاند كروزر موديل يمكن 99
وبين صاحب باترول سفاري
وصاحب لاند روفر
من يطلع الطلعه ويوقف في اعلا الطلعه ويديور ويرجع
التويوتا جيب جاي مسرع وماقدر تفحط الكفرات ويلعب يمين ويسار
الباترول نفس الشيء ، وأكثر من تجربه للطلوع للمتحدين
برضه ال لاند روفر
جاء صاحب الباجيروا
تصدقون طلع من غير ما يدعس في بداية الطلعه ، والطلعه وعره وشينه وكلها جرفان وفيها ميلات تقول بيقلب
وطلع عادي ودور ورجع ..
هذا الباجيروا كافر في التحدي اي مكان ولا تظرب لشيء حساب
وممكن تسوي بحث طلعة يمكنأسمها العيص بالمدينه وتشوف اليوتيوب
لكن عيييييييييبه قطعه نااااااار
والوكيل مييييت

اشكرك صاحب الموضوع

قدر مكتوب

29/07/2011, 05:46 AM

الباجيرو سياره مهضوم حقها , واللي يقول غلا باسعار القطع يشوف النيسان الحين وقبل ويدري الغلاء بقطع الغيار غزى نيسان وتويوتا وكل ياباني صحيح التويوتا يعتبر ارحم شوي لكن انا اشهد ان فيه قطع بالنيسان شرط انها اغلاء من الباجيرو لكن الناس كاسراب القطا

عموما يكفيك الباجيرو فل كامل سعره بكم وشف الباترول وشف التويوتا وكلهن يابانيات

Abo gssar

29/07/2011, 05:59 AM

ودليل كلامي هذا المقطع وركز في الثانية 4 والثانية 27

ولا يغرك اسم الموتر وهياط وقصايد اللي انت خابر خلك منطقي بتفكيرك أعلا فئة المكينة الكبيرة ومواصفات لايعلى عليها مايتجاوز سعره 135 الف

مع الإعتذار من صاحب الموضوع مره آخرى .. بس لمس الجرح وش اسوي له :)

لاوالله وانا اخوك الا الجروح الله لايجيبها
كل اللي في الموضوع اني توقعت اشوف شي خارج عن العادة ولقيت شي دايم اشوفه في اليوتيوب وبكثره
علما اني مقتنع سلفا ان الباجيرو سيارة طيبة
لكن مثل ماقلت مالها شعبية عندنا .
وفي الاخير الله يوفقنا وياك للخير.

كم كيلو باقي

29/07/2011, 06:16 AM

آآآمين يارب الله لايجيب الجروح لي ولا لك ولا لمسلم.. شاكر لك كريم اخلاقك ودعوتك الطبية

ماون ماركز

29/07/2011, 07:39 AM

هذا الباجيرو 3.2 DI-D
يجي منه ديزل GLX

وللمعلومية .. أكثره قطع غياره تركب على النيسان والتويوتا

وهو سيارة جبارة لكن .. الوكيل سيء
والتبعية عند الناس تويوتا ونيسان ..

الشهابة

29/07/2011, 02:18 PM

من افضل السيارات اللي جربتها الميتسوبيشي باجيرو مكينه 3600 / 6 سلندر ..

و لكن اكبر عيب فيه الوكيل بقطع الغيار الغاليه و ماهي متوفره و الا مرايه خارجيه يسار قيمتها 1450 ريال و تجي بعد 3 اسابيع ..

اتمنى يتغير الوكيل العيسائي ..

سلكي نت

29/07/2011, 03:04 PM

فيه سيارات طيبة جدا وعمليه لكن دائما ابحث عن الوكيل تجد المشكلة به
خذ مثلا المتسوبيشي والايسوزو وجميع السيارات الفرنسية ولا ننسى كبيرهم الذي علمهم السحر الحاج حسين المدمر لمازدا
شركات ناجحة بكل العالم إلا عندنا
فالعيسائي ظهر في مؤتمر صحفي قبل تقريبا اربع او خمس سنوات مع افتتاح صالة اعتقد بالمدينة ووعد بتخفيض الاسعار ولكن الواقع يشهد بانها ارتفعت كثيرا، ارسلني طبيب سوداني يوم كنت بالقرية وصاني اشتري له عمود تيمن لسيارة جلنت موديل 84 ويوم اسأل السوداني حق القطع ويقول 1300ريال وارجع انتظر صباح بكرة حتى يداوم الطبيب بالمستشفى واتصل عليه واكلمة من داخل الوكاله ويرد على حق القطع ويقولي ياخي قول من اول انك من طرف (السر) واخذه منه ب 700 ريال ؟؟؟؟؟؟
اما باخشب وكيل سوزو فهذا حراااااااااام يطلق عليه لفظ وكيل لعل الله يرزقه بشرارة
وكيل ليس لديه ورشة متخصصة في البلد تخيل ورشة المركز الرئيسي عبارة عن هنقرين لتغيير الزيت والتوضيب اما سمكرة او تركيب قزاز انسى والكهربائي فني سوداني ما اعتقد تلقى اكسل منه بالعالم واعتقد يوم امه ولدته كان منسدح، يومين حتى يغير مراية فقط فك وتركيب وهي ثلاث مسامير والله لونها ماهي على التامين ماكان انتظرته لخذتها وركبتها انا وياليته مشغول كان اعذرناه
اما بقية ورش باخشب فهي عبارة عن بنشر فقط لاغير مثل بقية البناشر يعني تجي تايوتا تغير زيت ويجي النيسان يغير ويوزن هواء مافيه مشكله
الان ابتدا يضيف شوية تحسينات مثل ملابس العمال بلون واحد (توها وصلتهم) وميزان بستم حتى يستغني عن الحفرة
المشكلة انه نكب شركتين من اروع الشركات هي ستروين وسوزو
ومنزل فقط نوعين ستروين من انواع كثيرة وهذي قول مانستخدمها لكن سوزو ماهو منزل غير دينات وونيتات اما جيوب وسيارات صغار شاطفها
اما الحاج حسين فهذا بالله تاجر له 120 سنه خبرة
تدخل فرع جدة تقول ماشاء الله تشوف بقية الفروع تفكر نفسك في هنقر مندي اذكر الشباب سافرو سوريا وصار عليهم حادث وانعدمت الواجهه الامامية وسعروها بسوريا لقوها تكلف في حدود 2100 من شمعات وشبك وكبوت وصدام فغيروها وكلفتهم الشغله كلها 2400ريال ,ولما وصلو قال صاحب السيارة بروح اكشف عليها واشوف القطع اصليه او لا ويوم رجع وهو يحمد ربه يقول القطع تكلف في حدود 4300ريال فقط يعني فوق الضعف
وين الحكومة وين وزارة التجارة وين حماية المستهلك وين مكافحة التسول

وكلاء العالم الحرمية 99% منهم عندنا و 1% موزعين على بقية العالم

رقبة حاشي

30/07/2011, 03:12 AM

اخواني مشكورين على ردودكم
ومبارك عليكم الشهر