يوكون XL وفرقه عن اليوكون العادي ، وعيوب اليوكون بشكل عام

[راعي الدتسن]

السلام عليكم

ياجماعه محتار بين يوكون العادي ويوكون XL

يوكون XL ميزته انه وسيع أكثر

لكن هل هو بالنفود ممتاز ، أم أنه ثقيل بسبب طوله ؟

ياليت من جرب يقولنا عنه سواء من تجربته الخاصه أو من تجربة أحد يعرفه ؟

ومن متابعتي لبعض مواضيع المنتدى ، لاحظت أن اليوكون موديلات 2006 فيها عيوب كثيرة وخاصة مايتعلق بطرمبة البنزين

فهل موديلات 2007 فما فوق تحتوي عيوب بهذه الموديلات ؟


أشكر لكم مقدماً ردودكم

بانتظاركم

.

[الشهابة]

و عليكم السلام ..

ابعلمك باللي اعرفه يا الغالي و العلم عند الله ثم أهل الخبرة ..

في 2010 نوى واحد من اخواني يشتري تاهو و بعد الفرفره في المعارض و الوكالات غير رايه و قال ابي سوبربان طويل و سألته ليش قال و الله الفرق في المساحه الخلفيه للتحميل ماهو بسيط .. و توكل على الله و اخذ سوبربان طويل ( شفروليه تاهو طويل ) ..

في 2011 نويت انا اشتري سياره و كنت بصراحه ابي تاهو و لكن بعد ما قارنت بين الطويل و القصير عزمت على الطويل و كنسلت فكرة القصير نهائياً بسبب مساحة التخزين الخلفيه .. و لكن للاسف مالقيت سوبربان طويل دبل لون زين و مالقيت غير الأبيض .. و اضطريت اخذ يوكون XL طويل مع العلم إن الشفروليه و الجمس زي بعض و لكن فرق السعر حدود 10000 ريال ..

في النفود و الرمل و الكشتات يبيض الوجه و ما عليه و لكن ماهو حق مطامر و طلوع و تفجير و من ها الخرابيط ..

في اليوكون و التاهو موديلات 2007 و 2008 المواصفات العاديه كان القير تماتيك بس و اربع نمر ماعدا الدينالي في الجمس و الـZ71 في الشفروليه كان 6 نمر و قيرين تربتونيك عادي و تماتيك .. و لكن من موديلات 2009 و فوق صار القير في كل المواصفات تربتونيك قيرين عادي و تماتيك 6 نمر ..

فإذا كنت بتاخذ مستخدم احرص على الموديلات من 2009 و فوق الطويل ..

بالتوفيق و مبروك على مانويت مقدماً ..

[سفاري959]

والله ما اقدر افتيك لأني ما جربت اخوي توه ماخذ واحد يوكون طويل بدون دبل بس ما صارله شهر ما يمدي احكم عليه بس حسب ما سمعت من ناس مستخدمين مافيه مشاكل طرمبه بس كان فيه مشاكل بالقير خصوصاً موديلات 2007 و2008 وتلافوها في 2009 الأكيد ان عليها شعبيه ماهي صاحيه انا توني راجع من الجنوب والله ماتشوف الا يوكون وتاهو سواء هناك وحتى بالخط وانا جاي عكس اول انا رايح قبل 3 سنوات كنت غالب الي اشوفه اللاند اما السنه هذي انتشارها فضيع انا اقول توكل على الله وخذ من 2009 وطالع وعسى الله يكتب لك الصالح والخيره

[هاجر الود]

توكل على الله اليوكن أو التاهو كلهن عيال عم ونفس الفصيلة ووجهة نظري خذ القصير مالك بالطويل لواحتجت مساحة للاغراض ركب سلة خلفية أو فوق السيارة وغذا ملزم خذ طويل حجم 2500 الماكينة 6,00 لتر يعني 400 وعموما الجمس أغلى من الشفر ب10,000 ريال .

[باوزير]

الفرق بين الطويل و القصير 51.8 سم

يعني حوالي نص متر

[سلطان_الهديبي]

أخوي إذا عددكم بحدود الـ 5 - 6 أشخاص القصير يشيلكم بإذن الله تعالى.

وتقدر تسفط أو تشيل مراتب الصف الثالث وتصير عندك مساحة مثل مساحة التخزين بالطويل.

ميزة القصير أنه بالبر أخف وأنشط من الطويل.

والله يوفقك للي فيه خير لك ولعائلتك...

[راعي الدتسن]

و عليكم السلام ..

ابعلمك باللي اعرفه يا الغالي و العلم عند الله ثم أهل الخبرة ..

في 2010 نوى واحد من اخواني يشتري تاهو و بعد الفرفره في المعارض و الوكالات غير رايه و قال ابي سوبربان طويل و سألته ليش قال و الله الفرق في المساحه الخلفيه للتحميل ماهو بسيط .. و توكل على الله و اخذ سوبربان طويل ( شفروليه تاهو طويل ) ..

في 2011 نويت انا اشتري سياره و كنت بصراحه ابي تاهو و لكن بعد ما قارنت بين الطويل و القصير عزمت على الطويل و كنسلت فكرة القصير نهائياً بسبب مساحة التخزين الخلفيه .. و لكن للاسف مالقيت سوبربان طويل دبل لون زين و مالقيت غير الأبيض .. و اضطريت اخذ يوكون XL طويل مع العلم إن الشفروليه و الجمس زي بعض و لكن فرق السعر حدود 10000 ريال ..

في النفود و الرمل و الكشتات يبيض الوجه و ما عليه و لكن ماهو حق مطامر و طلوع و تفجير و من ها الخرابيط ..

في اليوكون و التاهو موديلات 2007 و 2008 المواصفات العاديه كان القير تماتيك بس و اربع نمر ماعدا الدينالي في الجمس و الـZ71 في الشفروليه كان 6 نمر و قيرين تربتونيك عادي و تماتيك .. و لكن من موديلات 2009 و فوق صار القير في كل المواصفات تربتونيك قيرين عادي و تماتيك 6 نمر ..

فإذا كنت بتاخذ مستخدم احرص على الموديلات من 2009 و فوق الطويل ..

بالتوفيق و مبروك على مانويت مقدماً ..
الله يجزالك خير

اللي اقصده أنه هل اليوكون الطويل زين بالبر ومناوراته حليله ، ولا أنه من عادة الجموس ( سريع التغريز والنشب ) بسبب طوله ؟

[راعي الدتسن]

توكل على الله اليوكن أو التاهو كلهن عيال عم ونفس الفصيلة ووجهة نظري خذ القصير مالك بالطويل لواحتجت مساحة للاغراض ركب سلة خلفية أو فوق السيارة وغذا ملزم خذ طويل حجم 2500 الماكينة 6,00 لتر يعني 400 وعموما الجمس أغلى من الشفر ب10,000 ريال .
الله يعطيك العافيه

لكن وصرفية البنزين عسا ماهو بواجد صرفه ؟

والسؤال للجميع

[راعي الدتسن]

الفرق بين الطويل و القصير 51.8 سم

يعني حوالي نص متر
ونص متر سهل بالسياره؟ ، أنواع النشبات بالمواقف وبالروحات ، واذا بغيت تسقط على أحد بخط - سيد واحد- تلقاك قد سقطت والسياره توها ماسقطت الين الحين

[راعي الدتسن]

أخوي إذا عددكم بحدود الـ 5 - 6 أشخاص القصير يشيلكم بإذن الله تعالى.

وتقدر تسفط أو تشيل مراتب الصف الثالث وتصير عندك مساحة مثل مساحة التخزين بالطويل.

ميزة القصير أنه بالبر أخف وأنشط من الطويل.

والله يوفقك للي فيه خير لك ولعائلتك...
هل هناك فرق واضح بالخفه أو لا ؟

[راعي الدتسن]

لمن جرب ياجماعه ، ماهي عيوب اليوكون الموديل الجديد بشكل عام ؟

سواء كان تاهو أو يوكون ماتفرق

لكن أقصد العيوب التقنية أو المصنعيه

[راعي الدتسن]

وسعره أيضا؟

[عبدالله 102]

يعيب اليوكن والتاهو بشكل عام مشاكل الكهرب فيه كثيييييرة

[راعي الدتسن]

يعيب اليوكن والتاهو بشكل عام مشاكل الكهرب فيه كثيييييرة


تقصد الموديلات الجديده ؟ أو القديمه ؟

[ابو ريان1881]

بالنسبه للبر ممتاز جدا
معي انا يوكن 2008 قصير يبي يكمل معي ثلاث سنوات ولله الحمد غير زيوت وفحمات ماغيرات او فتحت كبوته
وللمعلومية المرتبه الخلفية لم استعملها من يوم هو جديد حطيت طبق وخزان للموية 80 لتر عدة البر كاملة تحت الطبق والعيال الله يصلحهم وهديهم فوق جالسين مبسوطين يتابعون بالشاشة ومرتاح جدا معه .
سويت اضافات ولكن للاسف كانت متأخره جدا وهي بطارية اضافية وثلاجة الطمرة مكان الفاصل بين السائق والراكب وافياش كهرباء وطلعت لي الموية على تحت ومعي سلة اللامنيوم استخدمها عند السفر او ان طلبوا العيال السياكل للرحلة الداخلية .
تقريبا كل اسبوع اطلع للبر وما شاهدة الا الطيب وعسى ربي يسر امرك وامر اخواني المسلمين والاعضاء بالمنتدى وتقبل تحياتي ....

[ابوعقل]

الله يجزالك خير

اللي اقصده أنه هل اليوكون الطويل زين بالبر ومناوراته حليله ، ولا أنه من عادة الجموس ( سريع التغريز والنشب ) بسبب طوله ؟


راعي الدتسن

الخيل من خيالها

واكثر مشكله مرت على اليوكون او التاهو بالكهرب

هي دقمة الباب

ولا الباقي

الحمد لله ما عليه خلاف

[راعي الدتسن]

بالنسبه للبر ممتاز جدا
معي انا يوكن 2008 قصير يبي يكمل معي ثلاث سنوات ولله الحمد غير زيوت وفحمات ماغيرات او فتحت كبوته
وللمعلومية المرتبه الخلفية لم استعملها من يوم هو جديد حطيت طبق وخزان للموية 80 لتر عدة البر كاملة تحت الطبق والعيال الله يصلحهم وهديهم فوق جالسين مبسوطين يتابعون بالشاشة ومرتاح جدا معه .
سويت اضافات ولكن للاسف كانت متأخره جدا وهي بطارية اضافية وثلاجة الطمرة مكان الفاصل بين السائق والراكب وافياش كهرباء وطلعت لي الموية على تحت ومعي سلة اللامنيوم استخدمها عند السفر او ان طلبوا العيال السياكل للرحلة الداخلية .
تقريبا كل اسبوع اطلع للبر وما شاهدة الا الطيب وعسى ربي يسر امرك وامر اخواني المسلمين والاعضاء بالمنتدى وتقبل تحياتي ....

يعطيك العافيه

لكن ودي اعرف وشي ثلاجة الطمره ؟

وطلعتك للبر هل هي طلعه عادية ولا طلعة فيها مناورات وطلوع ونزول وو....الخ؟

[راعي الدتسن]

ياجماعه كيف صرفية اليوكون للبنزين ، وهل فيه فرق بين يوكون القصير والطويل من ناحية سعة خزان البنزين والصرفية ؟

[ابو ريان1881]

الطلعات كثيرةللبروالرحلات الطويله والسفر
وثلاجة الطمرة تم تركيبها بين السائق والراكب بدل الفاصل وهي موجوده بمحلات الرحلات

[راعي الدتسن]

ياجماعه كيف صرفية اليوكون للبنزين ، وهل فيه فرق بين يوكون القصير والطويل من ناحية سعة خزان البنزين والصرفية ؟


للرفع انتظارا للأجوبة

[alrajhi]

السلام عليكم عن تجربه اليوكن الطويل افضل بكثير للي عنه اطفال اكثر من 3 وخاصة وقت السفر ووقت نومهم ما فيه مشاكل مثل زحمة اليوكن الصغير
ومن ناحية صرفية البنزين في الحقيقة ما جربت اليوكن الصغير بس اليوكن الطويل يمشيك التانكي اكثر من 600 الى 650 كيلوا بسرعة لا تزيد عن 130 كيلوا

رحت عليه للدهنا اكثر من مرة ولحرض اكثر من مرة وللشرقية ومن ناحية النفود والطعوس لا تحمل هم
في البر خذ ولد يبيض الوجه والموتر للرجل الثقيل وما يصلح للمطفوق ابدا ابدا

السيارة يوكن اكس ال 2000 امريكي دبل فل كامل
ولي عوده انشاءالله
تحياتي

[كم كيلو باقي]

راعي الدتسن .. نصيحة لوجه الله

مر محلات التأجير واستأجر اليوم يوكن قصير وادخل فيه الزحمات ولا أوصيك في طعوس الثمامة
وباكر رجعه وخذ يوكن طويل .. ونفس الشيء ادخل زحمات ورح للطعوس

مالك ومال كلام الناس .. التجربة خير برهان وانا اخوك

وعالبركة مقدما

[Vortech]

مشكلة الطرمبه عادها موجوده.... سواء اليوكن ولا البيكم ( السيرا ) والشفر أخوهم الثاني.

ويعيب المواتر ذي . كثر خراباتها ... لكثرة الحساسات...

يعني لو اخترب حساس الهوا وانت وعايلتك بالبر.؟ ما ينتظرك توصل الشارع أو توديه قرآج... الا بيوقف عليك وخلاص. خراباته كثيره لكثرة حساساته... حاطين حساس لكل شئ... وما تعمر معآك.. وهذي المشكله.

لو يتفادون هذي المشكله . أعتقد بيضربون التويوتا والنيسان في مقتل.

في أما الله

[ملك الفكتوريا]

للرفع انتظارا للأجوبة


بجاوبك على اليوكن الطويل فل يمشي 650 كيلوا بالراحه


وما أظن فيه اختلاف كبير بين الاثنين

[ديفون]

احذر من اليوكن : اخي اشترى يوكن 2010 من العيسى وهو مسافر على طريق مكة ويخرب عليه الجير وحمل سيارته بالسطحة . وعلى الوكالة ويوم دخل السيارة الصيانة رفضوا يغيرون الجير جديد قالوا بنصلحه . وكان العداد 12 الف يعني موتر جديد . وبعد حسره وندم باع الموتر بخسارة 18 الف . وادخل على التيوب وشوف اخوي مصور الحدث . وسالت اكثر من واحد عن التاهو فيه اللى يذمون وفيه اللى يمدحون . واكثر خرابات في الدينالي . وشكرا

[هاجر الود]

كلام غيييييييييييييييير صحيح أطلاقا مع أحترامي للاخ بخصوص قير 2010 هذي حالة شاذة الصحيح اليوكن سيارة جبارة مافيها أي كلام وشوف الان انتشارها الرهيب جدا وهي اصبحت البديل عن الاند كروز بسبب غلاء سعره والله ونصيحة محب ومجرب اليوكن من 2009 -2011 أشتر وأنت مغمض كلام من خلال تجربة وأرجوا أن لايكتب أحد الا من شرى السيارة وجربها لاتكون الكتابات مجرد انطباعات وكلام منقول هذا للامانة لان المستشار مؤتمن بعد ذلك الاستخارة وشكرا

[صاحب مبدا]

يغالي اذا كان عدد الاهل كبير مررة يعني فوق 7 خذ الطويل اما اذا كان اقل خذ الصغيرر وب النسبة للعفش عادي ما يفرق ابداان ركب سلة ورااااء اذا كان تبي قصير او طويل بس على معلومة القصير اقوء بطعوس من الطويل وانت موفق الي يحكم بطويل والقصير هم عدد افراد العائلة

[صاحب مبدا]

كلام غيييييييييييييييير صحيح أطلاقا مع أحترامي للاخ بخصوص قير 2010 هذي حالة شاذة الصحيح اليوكن سيارة جبارة مافيها أي كلام وشوف الان انتشارها الرهيب جدا وهي اصبحت البديل عن الاند كروز بسبب غلاء سعره والله ونصيحة محب ومجرب اليوكن من 2009 -2011 أشتر وأنت مغمض كلام من خلال تجربة وأرجوا أن لايكتب أحد الا من شرى السيارة وجربها لاتكون الكتابات مجرد انطباعات وكلام منقول هذا للامانة لان المستشار مؤتمن بعد ذلك الاستخارة وشكرا

على ما قلت زين بس ليس بهذاا الجودة انا استعملت يوكن موديل2008 كل يوم وانا بورشة ولا يصلح للصحراء ابدن مجرب 100%

[gx-low]

اخوي صاحب الموضوع :

وش مناورات ما مناورات .. قعدين في حرب حنا

هههه لا تزعل ترى نمزح معك والله يوفقك وتشري الموتر اللي تكده 20 سنة ما تدخل به لورشة

تبي رايي خذ الطويل ان كانك تحتاج للمساحه تراه يمشي مب ثقيل

وان كان افراد العائله 5 - 6 ابد القصير يأدي الغرض

[no fear 78]

يعطيك العافية ما قصرو الشباب

[fahd999]

الحمد لله رب العالمين
انا معي يوكن قصير دبل 2009 .. ما شاء الله تبارك الله جربته في الطعوس وما يحتاج احمد الله واشكره على نعمه.. واحيانا ادخل الطعوس بدون تنسيم لاكن السيارة تهتز كلها ..

وبالنسبة للبنزين مثل كلام الاخوان يمشيك الى 650كم

بالنسبة لي الحمد لله فقط غيرت طرمبة البنزين في رمضان الماضي على الضمان, وغيرت البطارية على الضمان, وغيرت اقفال الابواب الكهربائية على الضمان ايضا بنوعية افضل منها حسب كلامهم (الله اعلم بكلامهم)..
وسافرت بها من الرياض مكة و الكويت والامارات والشرقية والقصيم .. والحمد لله لم الاحظ عليها اي خلاف الحمد لله رب العالمين ... الله يديمها نعمة..

بالنسبة للانواع الثانية مثل اللاند لم اجربه وكان لي وقت الشراء مقارنة بينه وبين سيارتي الحالية وهذا الموضوع
اخوي
.. أولا وأخيرا استخر الله ..

الحق يقال ولا يزعلون ملاك اللاند كروزر ...
انا مثلك كنت عامل مقارنة بين اليوكون ستاندرد (دبل) و جي اكس ار 6 سلندر (طبعا كلها 2009م)
والحمد لله اخذت يوكون واقولها الحمد لله إلى يوم الدين للأسباب التالية

اسباب فنية :
اليوكون 8 سلندر وفيها ميزة تعمل 4 سلندر حسب ضروف القيادة, يعني توفير بينما التويوتا 6 سلندر واقف ماشي طاير سابح.
اليوكون فيها مزايا مثل معلومات عن ضغط الإطارات , حرارة القير, مدى الوقود, ساعة رحلات, كمية الوقود المستهلك بينما التويوتا لا توجد بها إلا في بفئة في اكس ار!!
رحابة وسعة المراتب الاماية خصوصا اذا اتصلت المراتب (متصل منفصل)

اسباب مادية:
اقل شي في التويوتا ستاندرد 150000 ريال (هيكل حديدي ومكينة ومراتب يعني اشتري حديد) وليس تنقيص في حقها لكن الحق يقال بينما اليوكون بمواصفات قريبة من في اكس ار 140000 ريال بينما في كس ار 250000 الفرق 90000 ريال وقد يصل الفرق اكثر من 100000 ريال اذا كنت تآخذ تاهو(قيمة سيارة وسيارتين وثلاث سيارات !!!) عشان زيادة 2 سلندر ومواصفات فنية زيادة على اليوكون.

اللي يمسك سعره ولا يطيح وبالعكس يزيد (الولد البار) وهو العقار = خلونا صريحين
اما مسئلة ان السيارة ماسكة قيمتها (ليس بصحيح) هذه قد تكون للسيارات القديمة بينما الجديد مجرد تطلع لها استمارة يطيح من قيمتها (عجيب), والقديم مكاسبها افضل من الجديد. ولا اتوقع انك تشتري ونيتك عشان تبيع فهذا يبحث عن الخسارة.

القرار الاول والاخير لك

واستخر الله ..

[أبوالمثنى]

خذ العلم مني

أنا جربت يوكن قصير 2005 والان معي سوبربان 2010

أول شي ندمت على بيعة اليوكن 2005 صراحة وموتر ينشد به الظهر موتر وسيع و وذيف

بعته وشريت السوبر وللاسف ندمت على شريته

الموتر كبير جدا وفي المواقف لا يطاق تبلش فيه وبرضه في المديورات يغثك

لكن الشهاده لله الشنطه وسيعه جدا

زبدة الكلام نصيحة اشتر تاهو أو يوكن قصير

[نفداوي]

انا معي يوكن ٢٠٠٩ (قصير ) دبل السياره مريحه جداً اكثر من الجيب بجميع انواعه
قله استهلاك للبنزين
شنطه لا يوجد (حط شبك )
العيب الي واجهني فرار الدبل في اليسار جنب فرار النور يمكن تغلط بينهم / انا ولكم الكرامه احياناً اذا طال الخط
ارفع رجلي فوق الطبلون مروراً بفرار الدبل واحياناً تجيه شوته توصله لدبل الخفيف والسرعه ١٣٠ او اعلئ
والباقي مافيه اخلاف

[هاجر الود]

بخصوص الاخ الي ذكر مشكلته مع القير 2008 قلنا القير ضبط من 2009-2010-2011 -6- نمر نفس قير الدينالي هذا للاحاطة

[عاشق الvx]

اليوكون ال اكس او او السوبربان
اغلب الي ياخذونها يكون موتر عائلي بحت مايطلع الا اخر الاسبوع او في المناسبات والسفر
يعني ماهو موترك الاساسي وهذا هو الاستخدام الصحيح له
اما التاهو واليوكون فهو الانسب اذا كنت بتخليه موترك الشخصي
لانه قصير وماتحس ان الموتر يحاسبك بسبب حجمه
وبالنسبة للمشاكل ماسمعنا عنه الا كل خير ولكن في الاول والاخير ترجع للاستخدام
يعني لاتستغرب اذا شفت واحد يمدح موتر وموديله 2007
وبنفس الوقت تحصل احد يشتكي من موتره وهو 2010
وبالنسبة للدبل دبله زين ويمشي بالبر لكن عندك الطويل لاتقارنه بالجيب ماهو حق مطامر!!
يعني بتطلع مخيم - بتنزل من الخط - لانه ماهو حق تكسير
ولو بغيت تطامربه نشيط وفيه حقه لكن حرام صراحه تشوف مثل هالموتر يستخدم في شي ماهو بمحله ...
والقصير الي هو التاهو واليوكون افضل بالنسبة للمشي في البر بسبة انه قصير
والمسافه بين الكفرات الامامية والخلفيه اقرب وهذا الشي يساعده بالمشي في البر اكثر
والشي الثاني ميزته عن الطويل انه مايتعلق بسهوله بعكس الطويل الي ماتقدر تغامربه بسبب طوله ...
الله يكتبلك الي فيه الخير وكانك تبي قصير عندك خيارين اليوكون او التاهو
لكن كانك تبي طويل لاتتعدا اليوكون الاكس ال
ماهو قصور بالسوبر بان (الشفر) لكن هيبة الطويل بالجمس ...