سسسسسسسسسسسسسسسسسسوأل ؟؟؟؟؟؟

[صقر العثمور]

بسم الله الرحمن الرحيم
السلام عليكم ورحمة الله وبركاته
اخواني الكرام بهذا المنتدى الطيب
اسعد الله مساكم بكل خير واسعد الله صباحكم بكل خير
انا عندي جيب gxr 2002 قير عادي ودي احول القير تماتيك
1- فهل من الممكن تحويله ؟؟؟
2- فيه احد من الاخوان حول ؟؟؟
3- هل توجد عيوب او خربات ؟؟؟
4- اين يكون التحويل بالشركه او ورشه؟؟
5- كم التكلفه تقريبا؟؟؟
من لديه الخبره من الاخوان يفيدنا والله يكتبله الاجر والصلاح والفلاح والفوز بالجنه وجميع المسلمين

[سلكي نت]

اخوي نعم من الممكن تحويلة لكن هل فيه خرابات بعد التحويل هذا يرجع للفني
انا اسمع الناس تمدح تشليح الصمعاني ببريدة مر عليهم وشوف شغلهم
اما عن التكلفة فتختلف بحسب الموديل انا اعرف واحد حول موديل 97 كلفة بحدود 8000 ريال مع رجيع القير القديم وهذا الكلام من فترة ليست بقصيرة
والاخوان اكيد لهم تجاربهم الخاصة وبيفيدونك اكثر

[صقر العثمور]

الله يعافيك اخي سلكي نت وتسلم يالطيب

[صقر العثمور]

الله يعافيك اخي سلكي نت وتسلم يالطيب

[كم كيلو باقي]

مالي علم نهائيا والله .. لكن ليه ماتفكر تبيعه وتزيد تكلفة التصليح وتشتري نفس موديلة تماتيك طبع بعد ماتكشف عليه كمبيوتر

ولو ملزم مره تبدله القير على نفس السيارة .. الصمعاني يمدحون شغلة واخلاقة

[صقر العثمور]

والله كلامك طيب ياخي كم كيلو باقي ولكن الموتر الي عندي مشالله طيب اخاف ابدله واطيح بواحد ملعوب فيه

[ابوصالح77]

مبارك عليكم الشهر
أخي الكريم نصيحة أخو خله بلده قير عادي
والجكس ثقيل بالتوماتيك
الله يوفقك

[الشهابة]

اذا كان GX-R 6 سلندر نصيحه خله قير عادي لا تحوله تماتيك و لا تفكر اصلاً تشتري لاندكروزر 6 سلندر تماتيك

[التعـ King ـديل]

احلا شي القير العادي ولكن اذا ملزوم بالتماتيك اقولك كل شي بالترهيم يجي ولكن بيكون متعب مع الوقت

انصحك تخليه شد بلاده لانه اقوى وافضل .. او تبادله بقير تماتيك

[مدمن مكاشيت]

اسمع نصيحة الاخوان ماتندم خله قير عادي لاتلعب في الموتر ترى بينفتح لك الف باب للخسارة والمشاكل.

[صقر العثمور]

الله يجزاكم خير ومن استشار ماخاب وكيف وهي نصيحة هالوجيه الفالحه وانا قبلت النصيحه والحمدلله على كل حال وجزاكم الله خير وجمعنا وياكم بجنة الفردوس الاعلى مع النبيين والصديقين وجعلكم من غفر الله لهم بهذا الشهر الفضيل وجميع المسلمين

[السلمان2010]

خله شد بلد واذا تبي تماتيك حط قيمه التكلفه على قيمه السياره وخذ تماتيك شد بلد وريح راسك من ممشاكل الترهيم

[صقر العثمور]

الله يجزاكم خير ومن استشار ماخاب وكيف وهي نصيحة هالوجيه الفالحه وانا قبلت النصيحه والحمدلله على كل حال وجزاكم الله خير وجمعنا وياكم بجنة الفردوس الاعلى مع النبيين والصديقين وجعلكم من غفر الله لهم بهذا الشهر الفضيل وجميع المسلمين

[برق البروق]

هلا اخوي صقر العثمور طلبك موجود فيه واحد توه ماخذ سيارة والده 2001 قير تماتيك ويفكر يحوله عادي ارسلي رقمك على الخاص واخليه يتواصل معك وشكرا لك

[مقلع الرمث]

تبي شوري هج عن القير التماتيك اعطاله واجد