اللوحات الجمركية [الأرشيف]

حر اليدين

11/01/2006, 03:57 AM

السلام عليكم ورحمة الله وبركاته
اخواني المكشاتيين اود ان اسالكم عن السيارات اللي تحمل لوحات جمركية كم تبي تكلف رسومها عشان نقلبها الى نقل وكم المهلة المسموحة من وقت تركيب اللوحات السود الى ان تركب اللوحات الزرق (نقل ) وكم الغرامة عليها اذا طوفت

والله لايهينكم على كل حال
اخوكم حر اليدين والسيارة في الرابط المرفق

http://alshawi.jeeran.com/DATSUN97.jpg

ولكم مني جزيل الشكر

فتى الدهناء

11/01/2006, 04:22 AM

وكذلك أنا عندي نفس السؤال .. وخصوصا اللي يفكر في موتر يجيبه من الخليج.. ياليت أحد يفيدنا ..

حر اليدين

13/01/2006, 04:32 AM

كيف الحال عساكم طيبين هاه وش السوات

جيب ربع

14/01/2006, 01:30 AM

لازم تكون مطلع شهادة مواصفات ومقاييس وهذي تكلف بحدود 500 بعدين تودي السيارة للفحص الدوري وتفحص ويكلف للخصوصي 73 ريال والنقل ماني متأكد ( 94ريال )

بعدين تطلع لوحات وتكلف 100 ريال + استمارة 400 ريال ( النقل اكثر بس مدري بالضبط كم )

أتمنى اكون افدتكم.......تحياتي

حر اليدين

14/01/2006, 05:57 AM

النقل 750 ريال
ويعطيك العافية يا اخ جيب ربع جراك الله خير على الافادة

اخ فتى الدهنا يعطيك العافغية على مرورك الكريم من خلال الموضوع

كوكو بلقاري

14/01/2006, 08:14 AM

أخي الكريم مثل ما تفضلوا أخواني جزاهم الله خيراً ولكن وقت اللوحات 15 يوم تقريباً

كمال6

15/01/2006, 10:14 PM

سقة الموتر بلوحات الامارات ستة شهور وبعدها سافرت لبو ظبي وعندالعوده جمركت الموتر وقعد معي سنه وبعته لمعرض بني شهران في النسيم ولم يذكر اللي شراه ان هناك مخالفه بل كان هناك خطاً في رقم الشاص ولم يذكرلي الشاري وقتها ان المرور طالبه بمخالفه .

حسب علمي وقبل اسنتين.

والسلام

الوافي عزام

15/01/2006, 10:44 PM

عند دخول السيارة للسعودية بلوحات الجمارك والأنتهاء من الرسوم اذا كان لها رسوم لأن النظام الخاص بالجمارك الجديد يأخذون من موديلات الفين واثنين وانت نازل جمركة اما الباقي يعني الفين وثلاثة وانت طالع ماعليها رسوم جمركية ولاكن هناك شي يسمى مقاصة بشرط احضار ورقة تسمى بيان احصائي تئوخذ من الوكيل في دول الخليج ولو كانت مستخدمة اما الرسوم فتؤخذ رسوم الوحات العادية والنقل قرابة التسع مية اما بالنسبة للوحات وابقائها على السيارة فهي 15 يوم فقط ولم يسبق لي ان سمعت ان عليها مخالفة تأخير وارجو اني افدتكم . والسلام

حر اليدين

17/01/2006, 12:57 PM

الاخ كوكو بلقازي
الاخ حمال6
الاخ aziz06
شاكر لكم حسن تعاونكم
ومروركم واجباتكم المفيدة

اخوكم حر اليدين

أنتيكه

18/01/2006, 12:29 AM

إذ كانت اللوحات جمرك يعني اللوحات السود مدتها 15 يوم من تاريخ أصدار بطاقة الجمرك وهي الورقه الصغيره الخضراء التي مكتوب فيها بيانات السياره واسم المستورد ويكون التاريخ مكتوب في زاوية البطاقه اليسرا وإذا طوفت ماعليها غرامه ورسوم المواصفات والمقاييس 500 ريال وأجرأتها أسهل من الساهل لأني أشتغل في المواصفات قسم السيارات وعندي اصدار شهادات المواصفات للسيارات وإذا أحتجت أي شي حاضرين بس أهم شي حضور السياره ويبقى عليك الفحص الدوري والمرور لأستخراج اللوحات السعوديه والأستماره وتكلفك اللوحات والأستماره إذا كانت السياره نقل 700 ريال وإذا كانت خصوصي 450 ريال والله يوفقك ياخوي واللي يبي يجيب سياره من الخليج أول شيئ يسئل عن جمرك السياره اللي يبي يجيبها لأن كثير من الناس يتوهق في الجمرك لأنه يختلف من سياره عن سياره حسب نوع السياره ومديلها والله ولى التوفيق

حر اليدين

20/01/2006, 03:04 AM

الله يعطيك العافية يا ولد انتااا يااا انتيكا

شكرا على مروورك من خلال الموضوع

حر اليدين