((( اللومينا ))) خربت علي وش الحل

[كبريت]

سالفتي هي كنت ما شي على طريق وكنت مسرع شوي وانا مشغل المكيف شوي وانا مدري الا الكمبيوتر حق اللومينا يطلعلي صوت انذار وعلامة الحرارة تحت عداد السرعه وطالعت في الحرارة اللي هي على الاخيييير

طبعا على طول وقفت وطفيت السيارة وفتحت الكبوت واشوف السيارة تدخن دخان ابيض قلت ايه امكن الرديتر مافيه مويه وعبيته مويه لييييين خر من تحت يوم خر قلت شكله الريتر انكسر من تحت علما اني على خط سريع ولست في بر ؟؟

المهم سرت امشي بالسيارة في الي بدون بنزين والحرارة صارت عاديه لكن مع الدعسه الحرارة على طووول تصير على الاخير فصرت ممشيها على الدي بدون ما ادعس للبنزين شوي طفى الموتر طفى

طفبعا بعد فتر صار يشتغل الموتر لكن ويمشي لكن حرارته على طول تولع


فما ادري وش الخراب الحين ؟؟
افيدوني لاني مابي يجيني واحد هندي يلعب علي؟؟

[الدليمية]

انا في رأيي المتواضع غير الوكالة اذا كانت في الضمان لا يشوفها أحد بلا هندي بلا يمني ولا غيره صحيح ان الوكالة حراميه لكن ((عط الخباز خبزك حتى لو أكل نصفه ))

[صنهات]

اخوى عندك المكينه حابسه هواء لازم طريقه وحده لا اخراج الهوا من الراس
افتح الخرطوش العلوي من ناحية الاديتر (الخارج من المكينه)
جيب لي ماء ظغط عالي ودخل الي بغطاء الاديتر واظغط عليه بقوه عشان مايتسرب مويه
شغل السياره والماء حتي يفتح البلف ويدخل الماء بقوه وتلاحظ بخار وهواء قوي يخرج من الخرطوش العلوي
ملاحظه اخيره افحص الزيت لايكون وجه الراس احترق عليك وصار يخلط الزيت والماء

[راعي الخمايل]

سلام عليكم
اسحب الحساس في اعلى المكينه ثم شغل السيارة انشا الله ترجع لحالها الاول
بعدين لاتشتري حساس من المحلات كلها تقليد خليها بدون حساس مثلي

[بـــوحــــنان]

كان معي لومينا خراباتها كثيره لا كن قويه مره بعتها وشريت كامري

[راعي الكيف]

تبي الشور ؟؟ بعها وافتك .... الظاهر انها بدت تطلب ... ولو انها مالها معك سنة هذا الامريكي وهذي عيوبه .... يعني ضاااقت مافيه إلا لومينا ... بصراحة ولاتزعل يابوي ... اللومينا اصلا على حجمها وجمالها وفخامتها .. لاهيب اللي مريحة في مركبها ... ولا هي اللي تفكك من غثى هالتصاليح ...واي سيارة عادية تتفوق عليها بالجودة ... عندك طال عمرك طيور آآسيا... اما كامري ولا اكورد ...

غيره لا تفكر .... ان كانك تبي راحة البال !!!