رايكم بفورد إكسبدشن الطويل الله لايهينكم

[عبدالله 102]

السلام عليكم ورحمة الله وبركاته

الشهر عليكم مبارك الله يجعلنا وايياكم من صوامه وقوامه

ودي استفسر من اللي جربوا الاكسبدشن الطويل دبل وش رايهم فيه من جميع النواحي

لأن للأسف الجموس والشفرات هالأيام ما ينوثق فيها وأعرف 3 من ربعي معهم جموس وكلهم عندهم مشاكل في الكهرب

فيا ليت اللي جرب الاكسبدشن يعطيني رايه الله لا يهينه

[عبدالله 102]

للرفع رفع الله قدركم

[بيك اب 4X4]

من بعد تجربة الفورد اكسبلورو و الفوكس الصغيرة و الوانيت F150 و الرنجر ( الحوض الصغير )
كلها 2011 بحكم ان السيارات عندنا في الشركة
الملاحظات :
1- البدي خفيف جداً لو تسكر الباب تشوف الصاج الوسطي يهتز تقول تنك خصوصاً في الوانيت
2- المكيف تعبان جداً جداً ( ما يبرد زين )
3- فتحت كبوت الوانيت و استغربت انها حاطين دينمو الكهرب نازل مره يعني شوي ماء و يغطي الدنمو

انصحك اخي الكريم انك تستأجر واحد و تجرب
و للعلم ان الفورد الجديد تغير كثير على كلام كثير من الناس اللي اعرفهم
و القديم يقولون كان اريح و متماسك اكثر
و اقرب مثال رحيمي كان عنده اكسبدشن موديل بداية الـ 2000 يعني 2001 او 2002
و باعه قبل فتره و اخذ موديل 2010 و يصراحه يقول ان الموديل القديم كان اريح و متماسك اكثر

[عبدالله 102]

الله يعافيك اخوي بيك اب

مشكور على الرد وما قصرت

[أبو فيصل 99]

أنا عندي الإكسبيدشن الطويل 2011 ما شاء الله تبارك الله ما شفت منه إلاّ الراحة

يتميّز بالرساوة بالسفر ... وسيع وينفع العائلة بشكل كبير

ولا يغّرك كبر حجمه .. ما شاء الله تقل تسوقلك صغيره

سيارة رائعة صراحة وأمان بإذن الله

صل الإستخارة وانصحك فيه صراحة

[خير المزن]

لا يفوووووووووووووووووتك
معنا واحد 2008 م
ممتاز ولا أحلى
ماشي 120000كلم
نشيط وقوي وكبير
وسعره رخيص .
خذ لك دبل أفضل وأحسن .

[عبدالله 102]

الله يعطيكم العافية

والله يكتب ما فيه خير وصالح

[سلكي نت]

اعتقدعليه عرض الان
القصير والطويل بنفس السعر

[ضاري الشمري]

اخوي اذا هي على الكهرب < أنا معي وانيت f150 غمارتين 2005 فل كامل .. ولوه سنتين معي الحين وتبهذلت تبهذل معوه من ناحية الكهرب < واللي انضر اكثر شي الاشارة تطفى وتالع . واذا طفت معي علبة فيوزات لامنوه خربط علي وقفت على جال الخط وفتحت علبة الفيوزات وركبت جدد . وعلى حسب انا وحظي بعض الاحيان يصبر معي يوم وبعض الاحيان ساعات ومره من المرات مسك معي لـ5 شهور همن طفن فجأه ؟؟
فيعني الفيوز معي وين ما اروح ووديتوه لكهربائيين كثار ولا احد عرف علتوه ؟! لين وديتوه لم كهربائي سنع بالرياض ( طقطق بوه ) لين لقى ان الظفيرة كله ملتمسه . وليش مادري مع اني من شريتوه من راعيه الاول
ما طبيت البر الا تقريباً 7 مرات ومرتين ابعدت بوه لشعبان لكن على خفيف . المراد انه الكهرب هستر بي وكلفن تصليحه 300 ريال . صارت الظفيرة ملتمسه . والحمدلله تم حل المشكلة هذي .

المشكلة الثانيه بحساس طرمبة البنزين !! يغدر بك غدر ؟ وانت تمشي بحال سبيلك يترتر عليك فجأه بدون سابق انذار !! وتبدآ تدعس البنزين ووما كأنك تسوي شي ويبدا بالرجه والترتره . هذي من الحساس حق الطرمبة الله لا يعيد الشر . وهذا يا بعدي سببوه انوه اذا احتمت الطرمبة يقفل تلقائياً من الحساس همن تبدا السيارة تلعب بك < وتحسب الموتر خبط !! لكن انت علطول فض القير اذا حصل لك اي شي ولا تدعس بنزين وحاول تقزروه على جال الخط وانزل وخل الموتر شغال ويمكن يطفى عليك لكن خله وشف علبة الفيوز عند جهة الراكب تحت يمين من وراه تلقى بوه زر الحساس < ابد اضغطوه ضغطه وحده وبتلاحظ ان الموتر بدا يستعيد عافيته ـهههـ .. لكن هالمشلكة اذا جت تكرر اكثر من مره وتبي تلزمك انك تغير يا الطرمبة يا الحساس واظن سعر الحساس من 150 - 250 وطبعاً كل الشغل ترهيم سواء للطرمبة ولا الحساس . < انا هذي معاناتي بهالمشكلتين اللي عزرن بي !! وهذاي ناوين ابيعوه وافتك منوه وابشري سييرا ان شاء الله 1500 غماره < عز الله انوه موتر شفته وتكيت عليه لين مخمخت وجزمت عليه ان شاء الله قريب . << هذا من ناحية كهرب الفورد والاكسبدشن ما يخلا والفورد الكراون بعد مكيفه خرابه كثير وانا بعد خرب علي فترة . مير ان كان لك رغبه بموتر ثاني خذوه ولا تشاور احد اهم شي ابععععد عن الفورد < مهوب لنا وغدااار درجة اولى .
واذا انت جازم على الاكسبدشن انا مالي خبرة بوه لكنه نفس مكينة اللي معي 5.4 310 حصان . والمكينه ما عليه كلام قويه ولا تخرب وتصبر وبالبر لا إله إلا الله جبارة . بس اللي يخلين ابيع الموتر خرابات الكهرب والحساس حق الطرمبة < وموديله بعد ودي اجدد قبل لا يطيح سعره مره (2005)

[رسيس نجد]

استخر الله قبل ما تشتري

[كاشت وحداني]

استخر طول الله عمرك وترا الطويل بلشه لكن استخر على القصير دبل
وتبقى السيارات حظوظ
فيه ناس معاهم جموس ولا شكو منها وناس معاهم اكسبديشن ولا شكو منه
بالنسبة لي ارشح الاكسبديشن على الجمس
راحه وركاده في الخط وتكييفه روعه وعزله الخارجي افضل من الجمس
والله يدلك

[.أبوعبدالرحمن]

وعليكم السلام ورحمة الله وبركاته


الله يوفقك باللي يرضيك ،، والصراحة الوالد معه 2007 وشاريه مستعمل والان السيارة ماشية تقريبا 140 الف كم

والحمدلله ما شكينا منه أبدا ، والسيارة متماسكة بشكل كبير جدا ،، ووكيله ممتاز إلى حد كبير لا من ناحية القطع ولا من ناحية الخدمة

وأنصحك فيه وبقوة وأرى أنه أفضل من التاهو واليوكن والسكويا

[بن نويشر]

في الواقع السيارة خاشة مزاجي ، وعسى يرزقنا من فضله ونشتري وحده
والسيارة مميزاتها كثير رائعها وحسب معلوماتي تخلو من المشاكل الفنية
بس عيبها شي بسيط وليس ببسيط .. تدرون ما هو ؟؟؟

فتحات الشبك كثير واسعة ، يعني ممكن تخش أدنى حاجة وتشق لك الشبك

هذا والله اعلم وبالله التوفيق ،،،،،،

[عبدالله 102]

الله يعطيكم العافية ومشكورين على التفاعل

[بن سليمان]

مبارك عليك الشهر اولا
وباختصار الفورد لعبتها سيارات trucks
والفورد الاكسبدشن مبني على قاعدة ومحركات التراك " trucks " وهذه الفئه من اقوى السيارات عالميا في مسائل الجر والتحميل والكرف
http://files.conceptcarz.com/img/Ford/2011-Ford-Super-Duty-F-Series-Truck-07-800.jpg

http://files.conceptcarz.com/img/Ford/2011-Ford-Super-Duty-F-Series-Truck-06-800.jpg
http://image.internetautoguide.com/f/auto-news/2011-ford-f450-f550-super-duty-trucks-introduce-new-cng-lpg-engines-details/29469187/2011-ford-f450-super-duty.jpg
http://3.bp.blogspot.com/_FoXyvaPSnVk/SrvY9djgoLI/AAAAAAACFpk/tWHAYSrXvD8/s800/2011-Ford-F-Series-Super-Duty-0.jpg
http://www.carfab.com/wp-content/uploads/2010/08/2011-Ford-Harley-Davidson-F-150.2.jpg
http://www.hodgeford.com/ford/wp-content/uploads/2010/10/2011-F150-Farm-Hay.jpg

http://www.4x4-vehicles.info/wp-content/uploads/2010/07/Ford_Expedition_2011-560x280.jpg

بعد لو تشوف اختبارات الثبات الرساوة وأمان الركاب اللي تسويها فورد على الاكسبدشن كان تنهبل شفها في اليوتيوب
استخر ربك والخيرة فيما اختاره الله

[محمد الأركاني]

الرد بعد سنتين
بعد قرائتي للردود
يا اخوي السيارة لا يعلى عليها من كل النواحي
بس اخوي انصحك تدخل منتدى فورد العربية وهناك قسم الاكسبيدشن وهناك امور مهولة بشأن قطع الغيار
وخذ قرارك