سحبت سيارة متعلقة بالباث وارتفعت الحرارة الى ثلاث ارباع...عادي؟

[وش احط]

السلام عليكم يااخوان معي باث جديد 2005 ولقيت ددسن غمارتين محملة ومتعلقة وحطيت الموتر بالخفيف والقير على 2 ودعست وسحبته مسافه وانا داعس اعلى دعسة وفجأة وانا اسحب ارتفعت الحرارة بسرعة ووقفت شوي وانخفظت ثم كملت سحب وابشركم طلعته وبيض وجهي الباث والله مع اني اول مرة اسحب فحياتي.........

السؤال هل طريقتي في السحب صحيحة....وهل ارتفاع الحرارة عادي....وياليت وش طريقة السحب المثلى؟

وشكرا

[gasomi]

عند السحب استخدم الدبل الثقيل مع النمرة الثانية أو الثالثة سوف يكون العزم هائل و تحافظ على موترك أما الطريقة التي استخدمتها حملت على الماكينة وأعتقد شممت رائحة الكلتش _______________________________ بالتوفيق أخوك أبوعلي

[نمر بن حثلين]

قالها لك اخوي قسومي

السحب يكون بالثقيل
واياك ثم ايك من النتل يقوه
اسحب على شوي شوي

[غضنفر]

لا والله مهب عادي
هل انت كنت منسم الكفرات ؟؟؟؟؟؟؟

[وش احط]

موتري توماتيك والكفرات كانت 30 ولكن هل فيه اجراء اسويه عشان اشيك اذا شي خرب مع اني مسكت خط ولا فيه مشكلة واللي راح راح بس لاتخوفوني موتري جديد.

[هاوي البر]

اخوي وش احط ان شاء الله مافي موترك الا العافية ولا تنسى ان صنائع المعروف تقي مصارع السوء وصدقني ان الله لا يضيع اجر من احسن عملا ولاراح تحصل الا كل خير في الدنيا و الاخرة باذن الله وبيض الله وجهة على فزعتك

[المواكب]

اخوي وش احط السلام عليكم نصيحة اول شي حط الموتر بالدبل الثقيل بالنسبه القير العادي والتماتيك بس التماتيك لازم القير على رقم واحد علشان ما يبدل وهو في مكانة والقير يصير في نمرة قويه ونصيحة ثانية اذا حصل وغرز الموتر والقير تماتيك أول شي حطة بالثقيل بعدين نسم الكفرات والقير على واحد لحد ما يطلع وغير النمرة الثانية والموتر يمشي بعدين النمرة الثالثه بعد والموتر يمشي هذا والله اعلم اللهم اغثنا يارب العالمين ........... اخواك المواكب عنيزة

[وش احط]

اسأل الله أن يثيبكم على كل ما قدمتموه من معلومات واسأله سبحانه أن يجمعني بكم في الفردوس الأعلى وكل من نحب وجزاكم الله خيرا.

[غضنفر]

وش احط:
يا حبيبي
سبب ارتفاع الحرارة هو عدم تنسيمك للكفرات لأن كفرات الباث برجستون وهي من الكفرات القاسية اللي ما
تمشي في الرملة الا بالتنسيم والتنسيم الشديد الى 10 فما بالك اذا كنت ساحب سيارة لا ومحملة بعد
انا اذا ما كنت منسم الكفرات السيارة ياله تمشي بالدبل