المساعد الشخصي الرقمي

مشاهدة النسخة كاملة : قصتي المؤسفة مع توكيلات الحظيرة عفوا الجزيرة Expedition 2011


بحر السويلم
04/08/2011, 10:26 PM
بسم الله الرحمن الرحيم

طبعا انا لي موضوع سابق خبرتكم فيه اني شريت سيارة فورد اكبيديشن 2011 xlt

الفرحة طبعا وقتها لاتوصف لكن لكن !!!! تخيلوا ياشباب ماكملت الساعتين استلمت السيارة

الى اسمع صوت طقطقة غريب في كرسي سواق كيف هالمشكلة والسيارة جديدة وكالة !!!

المهم رجعتها ووديتها عند قسم الصيانة وبدأت المعاناة جاني مهندس بريطاني كشف على السيارة

وقال لي تعال لي اليوم التالي واستلم السيارة عرفنا لها المهم اليوم الثاني استلمتها وهم ماتغير

شئ

اليوم الثاني رجعتها لهم وانا معصب جاني مهندس هندي قال مافي مشكلة وبنسوي لها صيانة

وكلها يومين الا وطلع كلامهم كذب المهم عصبت ورجت نشبت لهم وتهاذرت مع المدير وقام

يرشي فيني ماحصل الا خير وهذا حقك وادوني سيارة اجار فيوجن 2010 ويقول لي يوم

الاحد بالكثر محلولة طبعا معروف انه كذب طبعا انا معطيهم ديد لاين حتى يوم الاحد ساعتها بوريهم

نجوم الليل بالظهر وغير تغيير السيارة ماني براضي

لكن والله بصراحة تعبتني هالوكالة المعفنة حسبي الله عليها
mobe
05/08/2011, 03:01 AM
معليش اخوي طول بالك شوي وعطهم فرصة
اثق ان شاء الله ان المشكلة ستنتهي خاصة وانها بسيطة
المهم الحين روق ترى السيارة سنعة وتستاهل الشرية
عاشق الداخل
05/08/2011, 03:12 AM
الله يعينك ويكون معك

بالتوفيق لك عزيزي وعلمنا وش يصير معك
سعد777
05/08/2011, 04:15 AM
إن شاء الله إن امورك محلوله
ونت صادق انشب لهم نشبه

الوكلات جميعهم ما يمشون إلا بالنقااش الحاد
بحر السويلم
05/08/2011, 05:10 AM
معليش اخوي طول بالك شوي وعطهم فرصة
اثق ان شاء الله ان المشكلة ستنتهي خاصة وانها بسيطة
المهم الحين روق ترى السيارة سنعة وتستاهل الشرية

أول شئ ياأخوي أنا ماتكلمت عن السيارة السيارة مايحتاج نمدحها خوش موتور

بس يا




اخوي هالكلام موبس انت قلته قاله ميكانيكي وضرب على صدره يقول بسيط وبسيط


ورديت عليه قلت له مادام بسيط ليه جلست السيارة 3 ايام واذا بسيط


ورينا شطارتك ياالله انا فاضي وبستناك وفي النهاية انتظرته وطلع خراط !!!


الوكالة اصلا رايحة في امها لو تكلفون روحكم تجلسون في مكتب


مدير الصيانة بفرع الخبر بتشوفون المأسي


عموما انا متوعد فيهم يوم الأحد اذا ماوفوا بكلمتهم شكواي لجرائدنا


الموقرة وطبعا للشركة الأم بتكون جاهزة وبيعرفون أن الله حق






http://www.assayyarat.com/forums/images/style_arabCars/buttons/report.gif (http://www.assayyarat.com/forums/report.php?p=2647211)
jasser
05/08/2011, 01:57 PM
فورد تفرض هيبتها ... وتوكيلات الجزيره تفرض سمعتها

رح دور باقي الوكالات وشف المشاكل اللي فيها .. ماهو صوت في الكرسي ...!!!!!!!
jasser
05/08/2011, 01:59 PM
بس الصراحه قصه مؤسفه جدا جدا ... لا حول ولا قوة الا بالله
بحر السويلم
05/08/2011, 03:57 PM
فورد تفرض هيبتها ... وتوكيلات الجزيره تفرض سمعتها




رح دور باقي الوكالات وشف المشاكل اللي فيها .. ماهو صوت في الكرسي ...!!!!!!!


ااخي مااتكلم عن الشركة Ford شركة عريقة وجبار وحاليا مايحتاج الشركة تمر

بثورة بس ترى على فكرة انت ماكل مقلب في الوكالة بس ما أكذبك يوم قلت أن في أسوء

منها الجميح مثلا
jasser
05/08/2011, 11:20 PM
ااخي مااتكلم عن الشركة Ford شركة عريقة وجبار وحاليا مايحتاج الشركة تمر

بثورة بس ترى على فكرة انت ماكل مقلب في الوكالة بس ما أكذبك يوم قلت أن في أسوء

منها الجميح مثلا


لا ماكل مقلب ولا مطب ... انا ما اتكلم من فراغ
انا مجرب توكيلات الجزيره من اكثرمن عشر سنوات ووالله ما عمرهم سووا ربع اللي تتكلمون عنه ..
واكثرمن فرع للصيانه ماهو واحد بس ...
واخر شي سووه لي غيرو خلاط المكيف قطعه اسمها Blender على الضمان وانا ماشي فوق اللي يغطيه الضمان ماشي 78 الف كيلو ولا دفعت شي والسياره اخذت يوم مع الصيانه المعتاده فقط لاغير ...
وما ابغى ادخل في نقاشات ومفارقات ومقارنات بين توكيلات الجزيره والوكالات الاخرى مثل اللي ذكرت لان هالكلام مكرر وماخوذ خيره
بحر السويلم
06/08/2011, 12:56 AM
مايمدح السوق إلا اللي ربحان فيه

بس تخيل تحط نفسك في موقفي الله لايبلاك
jasser
06/08/2011, 02:36 AM
مايمدح السوق إلا اللي ربحان فيه

بس تخيل تحط نفسك في موقفي الله لايبلاك

اي موقف الله يهديك ... تراك ماخذ الموضوع بجد ومكبره اكثر من حجمه
والله الى الان ماني مصدق انك متعب نفسك ونفسيتك على كلام فاضي واخرتها صوت في الكرسي

لكن مادام الموضوع جد انا اتوقف عن النقاش في مثل هالامور ...

الله يرحم ايامك يا بو وليد .
د.أبوعزوز
06/08/2011, 03:54 AM
اسوأ شركة (( فورد )) سيارتي f150 موديل 2007 .. ما عندهم عامود كردان ؟؟؟؟؟؟؟؟؟؟؟؟؟؟؟؟؟؟


لا و يقول دورنا في امريكا بالشركة الام و لا لقينا معقوووووووووووووووووووووووووووووووله ؟؟؟؟؟؟؟؟؟؟؟؟؟؟؟؟؟؟؟


يا شيخ ما فيه وكاله عندك زي العالم و الناس ... كلهم حرامية

و لا تجي تقول لا تحط بذمتك اذا شي تشوفه بعينك ..
العواد 2
06/08/2011, 04:46 AM
معليش اخوي طول بالك شوي وعطهم فرصة
اثق ان شاء الله ان المشكلة ستنتهي خاصة وانها بسيطة
المهم الحين روق ترى السيارة سنعة وتستاهل الشرية
العواد 2
06/08/2011, 04:48 AM
اسلام عليكم
خذ بنصيحة اذا مصلح المشكلة روح القرفة التجارية وشتكيهم وتخذ حقك منهم
سالم الحبلاني
06/08/2011, 07:04 AM
الله يكون بعونك

وفعلاً ما يمدح السوق اللى رابح فيه

التوكيلات العالميه للسيارت شفر وجمس صراحة الصيانة عندهم شي خرافي عمري ما شفته بحياتي 0% يعني مرة هذا اقل احتمال في بالسالب نسبه بس ما حبيت احطم وغير ذلك المبالغ كبيرة اللى يخذونها في الصيانة

اخوي عليك بالشكوى بالفاكس ولا اتصال على الشركة الام وربي لا يجيك مدير الصيانة للبيت يقول تفضل ويمرك بعد سبوع يقول محتاج شي ولا يمكن محتاج شي
بحر السويلم
07/08/2011, 03:23 AM
اي موقف الله يهديك ... تراك ماخذ الموضوع بجد ومكبره اكثر من حجمه
والله الى الان ماني مصدق انك متعب نفسك ونفسيتك على كلام فاضي واخرتها صوت في الكرسي

لكن مادام الموضوع جد انا اتوقف عن النقاش في مثل هالامور ...

الله يرحم ايامك يا بو وليد .

يارجال وش فيك زعلت اختلاف امتي رحمة انا عموما اصلا ماخذ فكرة سيئة عن الوكالة

لاني عندي احد معارفي مدير مبيعات لأحد الفروع وعلمني عنهم من الألف للباء

عموما الحمدلله تصلحت المشكلة وطلع في السيارة عيب مصنعي في الصدام
T-Tamimi
07/08/2011, 03:29 PM
عوافي

الاخوان في الوكاله يوم شافوك مسوي لهم قصه علشان صوت طقطقه في الكرسي
قالو هذا بيبلشنا كل يوم والثاني طاب علينا
عاد مغطوو فيك شوي ورفعو ضغطك وحومو كبدك
الحين لو تسمع صوت طقه في المكينه اشك انك بتروح لهم قبل ما تخبط السياره وتوقف
بعد الشر عليك وعلى سيارتك بس اضرب لك مثال
هذي سياسه الوكالات لاتصير غثيث وخلك سياسي محنك في التعامل معهم

بالتوفيق كبتن سويلم
ب ق س 4252
17/09/2011, 03:19 AM
:good2:كيف الحال ياشباب ...انا عضو جديد وسجلت حبيت اتعرف اكثر على سيارتي

انا مطلع واحد من 3 شهور xlt 2011 اخذته قبل العروض :(

والموتر وديته للوكاله لان كان فيه 4 مشاكل
1- طقطقة ورا المسجل اذا دقيت سلف
2-كرسي الراكب مب ثابت يهتز
3-فضاوة في القير لما اسقطه
4- مكان النظارة احس انه ماتركب صح مظغوط من جهه

وديته للوكاله يوم الخميس وطلعوة يوم الاحد:mad:
صلحوا كل المشاكل ماعدا الاخيرة يقول رح لفرع خريص يمكن يفيدونك

بس بشكل عام اشوف انها افضل وكاله عندنا :good2:
الوكيل
17/09/2011, 07:42 AM
تجربة لواحد صديق اعرفة حق المعرفة معاه اكسبلورا
ودا سيارته للوكالة عندة مشكلة في المساعدات ويومين وطلعوها قالو خلاص غيرنا المساعدات على الضمان وبعد ما طلع نس الصوت ما تغير شي وراح لورشة يتأكد من المساعدات قاله المكيكانكي ان مساعداتك لم تغير قديمة ورجع للوكالة وقالهم ارتبكو وغيروها له في ساعتين

التجربة الثانية لنفس الشخص
سوى صيانة يكون منضمنها تغير الزيت وجميع الفلاتر
وبعد مدة راح يغير زيت في احد المحطات بعد ما مل من تأخير الوكالة في تسليم السيارة بعد الصيانة
وطلع العامل حق الزيت فلتر الهوى ولقا بلاوي الفلتر عمره ما تغير وصخ لاخر درجة والبلوى الكبيرة لقا قطعة قماش داخل القربة الشباب ناسينها
وفي الاخير اقول هذا من سبب اولا غياب كامل للرقيب وثانياً تخاذلنا في المطالبة في حقوقنا
w4x4
17/09/2011, 05:00 PM
عاااااد مثل مايقول المثل
مااااااااااااااااالك الا الصبر
انا قبل شهرين في توكيلات جده صارلي موقف غريب؟
رحت لهم ابي اغير زيت القير ولما رحت لهم قاااا لو لي ان القير منتهي واكيد يحتاج توظيب بحكم اني ماسبق وغيرته عندهم من قبل والموتر جديد موديل 2008انا المالك الاول
والسيارة مامشت الا85000
وقالوا لي يكلف 20000
طلعت الموتر من عندهم وغيرته في صناعية الشمال بـ 400 وماشالله تبارك الله ما فيه اي اختلاف
الوكااااااااااااااااله حراميه ومافيهااااااااااااااا امانه الامن رحم ربي
الف وميم
17/09/2011, 06:31 PM
والله ياخوي مو من باب التحيز للشركة لا والله ماني كسبان منهم شئ لكن الجزيرة افضل من غيرهم بكثير لكن انشب لهم لين يحلونها

انا قبلك يوم طلعتها كان في صوت طقطقة في الطبلون من اول يوم ورجعتها لهم وبالفعل اكتشفوا كلبس من الكلبسات ماهو مركب زين في الطبلون وصلحوه والحمد لله

وان شاء الله يحصلون الصوت ويعدلونه ولو تتفقدها بنفسك برضو يمكن تحصل الصوت بنفسك لان العمال كل شوي يبي يروح يجربها

ذكرتني بخوي طلع له فورد وكان في صوت في المقعده يوم روح لهم حصلوا صاموله طايحه من خويي تحت كرسي المقعدة وهي اللي تطلع الصوت تروح يمين ويسار جرب مانت خسران شئ وتفقدها بنفسك
al7eran
17/09/2011, 07:07 PM
عاااااد مثل مايقول المثل
مااااااااااااااااالك الا الصبر
انا قبل شهرين في توكيلات جده صارلي موقف غريب؟
رحت لهم ابي اغير زيت القير ولما رحت لهم قاااا لو لي ان القير منتهي واكيد يحتاج توظيب بحكم اني ماسبق وغيرته عندهم من قبل والموتر جديد موديل 2008انا المالك الاول
والسيارة مامشت الا85000
وقالوا لي يكلف 20000
طلعت الموتر من عندهم وغيرته في صناعية الشمال بـ 400 وماشالله تبارك الله ما فيه اي اختلاف
الوكااااااااااااااااله حراميه ومافيهااااااااااااااا امانه الامن رحم ربي

انا اذكر مره وديت لهم فورد 98 والقير مافيه شي

اخذ لفه بالسيارة الفني وقالي القير تعشيقاته متأخره وهو نصاب

مافيه شي والسيارة سليمة احبطني وخلاني اخاف من السيارة خلاني اكره السيارة :(

سحبت عليه وجلست السيارة معاي اكثر من سنتين واسافر فيها والقير زي الساعه

حتى بعتها
سفاري959
17/09/2011, 07:23 PM
المشكله عندنا ماهي بالسيارات المشكله بالوكلاء الفاشلين اذا جيت بتشتري شف المعامله والوعود بس خذ السياره وقابلني ان شفت من وعودهم شي والبركه في وزاره الخساره الي ساكته عنهم
ابوياسر1971
17/09/2011, 08:41 PM
طع شوري وبع اذا كان الكرسي خربان ؟ والله يعينك بتتعب اذا كان مشكله زي هذي ازعجتك ؟؟