المساعد الشخصي الرقمي

مشاهدة النسخة كاملة : اقرب فيضه وربيع يشرح النفس


طحنون
14/01/2006, 12:51 PM
السلام عليكم ورحمه الله وبركاته

اكتب الموضوع بتاريخ

السيت ...الموافق...14...12...1426 هـ

الساعه 12,45 دقيقه

الاخوه الاعزاء كل عام ونتم بخير وعيدكم مبارك

يالربع خلوني ادخل الموضوع على طول

ابي اقرب فيضه في الصمان وقريبه للي جاي من الدمام يعني مار على طريق النعيريه ..الصداوي..السعيره...

القريه العليا....الشيط......مفرق المدينه العسكريه

يالربع وين اقرب مكان يوسع الخاطرويشرح النفس

لان انا معزم مع شخص نبي نتمشى بكره يوم الاحد وقدامنا اجازه 3 ايام فقط والجو مغري جدا

وتراني ماعندي لاجهاز قارمن ولاكنود ما اعترف فيها ((عطوني توصيف مزبوط وازهله ))

وسوال الى اهل الخبره

اذا وصلت الى القريه العليا وخليت الديره خلفي ونا متجه جنوب عن الديره المنطقه هاذيك وش يسمونها

والله يالربع مالكم غير الدعاء

اخوكم طحنون
أبرق الشقيقة
14/01/2006, 01:40 PM
مساك الله بالخير طحنون

وش علوومك انشالله بخير

ياخوي الربيع الزين مالي به علم من يم الحفر لكن انت تسئل عن العليا ...... اسمع ياطويل العمر العليا هذي تمشي لك يمكن 140 كيلو او اقل متجه جنوب شرق الظاهر مافيه غيره طريق واحد سيد وتقطع النفود الدهناء ومن بعدها تجي التنهات هذا الربيع الي انا خابره واعرف



اما المنطقه الي تسئل عنه الي تخلي الديره خلفك ونات متجه جنوب عن الديره المنطقه هاذيك وش يسمونها؟؟


ياطويل العمر قرية صغيرة اسمه الرفيعه وفيها امتداد احد عروق الدهناء ويسى الهامل يمر من جنب الديره عاد الديره هذيك فيها مارد للماء اول ماتدخله تحصله كبير قريب من مسجد الله يجزى المحسنيين خير وجنوبي الديره هذي فيه دحول كثيره ....وحلوه

ارجو اني اكون افدتكولو بالشيء القليل واسف على الأطالة

في امان الله والله يستر عليكم ويحفظكم من كل شر وسوء ومكروووووه


اذا لاحظ احد من الاخوان على وصفي شي غلط او من الكلام ينبهن عشان احتاط واستفيد ونفيد طحنون...
منتصر
14/01/2006, 02:02 PM
السلام عليكم
الطريق الذي يتجة جنوب من قرية العليا يتجة الى قرى الصمان الى ام غور ثم الرفيعة المسافة 85كم
انصح بالتوجة الى ام قليب ثم منها يسار الى فياض الحصبيات حوالي 35كم او التوجة الى حفر الباطن الدبدبة والصفيري شمال الحفر ويذكرون انهم يلقطون الفقع حول شبك الامير مشعل الي بجنب القاعدة وهذا من باب يقولون.او اتجة الى ام عشر سامودة نفود ممطورة الممشى فيها يجيب العافية والارض مربعة الين لينة.
طحنون
14/01/2006, 11:45 PM
الف شكر ياقناص شاب
الف شكر منتصر
وماقصرتو على التوضيح والاقتراحات والنصيحه
وياليت باقي الاخوان يعطونا من خبرتهم لو شوي
أبو ثا بـت
15/01/2006, 12:03 AM
أنا والله ماودي أوصفلك أقرب روضة لأني ماعرف أوصف لأحد صاقط في التعبير مرتين .. من جد أخاف أوصفلك بيتنا .. الإخوان إنشاء الله مايقصرون .. بس عندي نصيحة .. لأني أخاف تمشي وماحد رد عليك لأأكتب الساعة 12,5 ليلة الأحد ..
النصيحة خذ لك خريطة من أقرب مكتبة والا كتيب عن الأماكن القريبة منك تراه مفيد جدا والا إعترف بالماجلان والقارمن .

وفقك ربي
طحنون
15/01/2006, 12:20 AM
فص فص
اذاانت صاقط في التعبيرمكرر
ترا اخوك ماهو بعيد عنك ماخذ تقاعد في اول ثانوي قدمت على ارض وقرض في المدرسه وعيو لايعطوني
هاذا الكلام قبل 10سنوات والى الحين ادرس ليلي اول ثانوي ههههههههههههههههه
مفتون الصمان
15/01/2006, 10:14 AM
اخوى الله يحفظك لازم تعترف بجهاز القارمن لانه سهل على الناس وترى الصمان من يدخلها لولا رحمة الله سبحانه ثم هذا الجهاز وعندك كتب عن الصمان فيها الاحداثيات والصور وتقدر تحدد المسافه 0والسلام عليكم