ترضى يصير بك كذاااااا

[مكشاتي 2011]

ياخي أنا ما أدري وش يحسون فيه ذولي اللي ينوفرون على السيارات المغرزة..

إذا نزل الواحد وجلده وألا تكلم عليه قالوا ياخي إنت ماعندك روح رياضي:pه وحنا قصدنا الوناسه :mad:بس..

وإن بلعها وسكت:) نزلوا المقاطع من وراه وقالوا إهانة ودفن وما أدري أيش::mad::mad:..

فعلا حركات صبيانية..:mad::f:f:f
_H-euQQWLGA

[المهند القاطع]

هوف والله ملين ظهرهم لان يعرفون ان الله حق

[ديفون]

ياخي السيارة نعمة من الله . فهي وسيلة نقل . وليس للتسلية ومضيعة الوقت .

[شمالي طي]

هذولا اطفال مسكت سيارات وصدقن لو دافع فيها ريال واحد مالعب فيها هاللعب

[بوراشد]

ليت ربي ينعم عليه ويشتري لكزس من حلاله ويصير فيه مثل ما عمل فالناس

[الشهابة]

مبزره و لا يمكن يسويها رجال متعلم و متربي

[abo_hoor]

: (ان لم تستح فافعل ما شئت))
ومشكور اخوي مكشات على الموضوع الطيب واللي فيه يطول النقاش

[Abo gssar]

اللي يسوي مثل كذا قليل ذوق ..لكن ندعليهم بالهداية

[جمس z71]

اخوي مكشاتي وش الله حادك ومخليك تطعس معهم اوعند طعسهم..؟؟

ابعد عنهم ووسع صدرك بلحالك....لان غالبا يسون هالحركة اذا كنت عند طعس تحدي وقدام العالم...

بالتوفيق يالغالي,,,

[عبدالله7777]

ابعد عن الشر وغن له

[رامي ع الموت]

طفل وبيده لعبة وش تتوقع يسوي بها غير كذا

[حسن الشمالي]

تطب وسطهم وتقول ليش ينوفرون علي؟؟

ابعد عن هالاشكال المريضة
ومن عوفي فليحمد الله...

[ابونبيل]

ابعدو عن هالاشكل الي يبي بر يروح نفود مافيها مثل هالاشكال الي تضيق الصدر

[ابن عكاش]

ابعد عنهم ولاناظرهم من بعيد وهم يكسرون موترهم وانت مرتاح

[ابوعقل]

اللي وصل عند المهبل


فوق


يتحمل اللي يجيه

[FORD1969]

الشرهه على اللي يروح لهالمناطق المزحومه بالمهبل واللي ما يعرفون التطعيس الا اسمه فقط

اللي يبي ينبسط يروح بعيد عنهم وعن خطرهم بلاوي وتحرشات كنهم في حرب مادرو ان الواحد يطلع للترفيه لاللتخريب والمشاكل

اتحداك يمر يوم عليهم بدون مضاربه او حوادث شنيعه

يا رجل مرت علينا ايام كنا نشوفهم يموتون قدام بعض ولا فيه عبره

الله يهدي شباب المسلمين

بردت علينا بهالمقاطع البارده الله يعجل بالشتا ويجيب المطر

[التعـ King ـديل]

المشكله لو غلطت عليهم ولا تطاقيت معهم بتطلع انت الغلطان وصدقني هالمبزره كف واحد ينزل دمعته ويروح لاهله

مره كنت بالثمامه وكان فيه ددسن غماره من الاشكال القديمه من 85 وتحت المهم راعيه غرز وجاه بزر بهايلكس جديده

وقام ينوفر عليه راعي الددسن مب مراهق يعني ابو 35 على الاقل ومعه ولد صغير ابو 20 تقريبا الظاهر انهم اخوان

المهم اول مره سكتو لراعي الهايلكس ثاني مره اشر له الولد عيب ورح مكان ثاني المره الثالثه سكتو له ويوم جاء رابع مره

الا والكبير مستقبله بقدر على باب الموتر المهم راعي الهايلكس ماتاب راح ورجع مره ثانيه الا والرجال مستقبله بالقدر بالقزازه

تدرون وش سوا راعي الهايلكس ههههههههه شر البليه مايضحك راح نادى الشرطه لهم اذكر ان الشرطه ضفت راعي الهايلكس

بس وش النتيجه لعب واخرتها سجن وتكسير موتر هل من متعظ ؟

[ابو ريان1881]

الحمدالله على العافية

[عاشق السيل]

المشكله لو غلطت عليهم ولا تطاقيت معهم بتطلع انت الغلطان وصدقني هالمبزره كف واحد ينزل دمعته ويروح لاهله




مره كنت بالثمامه وكان فيه ددسن غماره من الاشكال القديمه من 85 وتحت المهم راعيه غرز وجاه بزر بهايلكس جديده


وقام ينوفر عليه راعي الددسن مب مراهق يعني ابو 35 على الاقل ومعه ولد صغير ابو 20 تقريبا الظاهر انهم اخوان


المهم اول مره سكتو لراعي الهايلكس ثاني مره اشر له الولد عيب ورح مكان ثاني المره الثالثه سكتو له ويوم جاء رابع مره


الا والكبير مستقبله بقدر على باب الموتر المهم راعي الهايلكس ماتاب راح ورجع مره ثانيه الا والرجال مستقبله بالقدر بالقزازه


تدرون وش سوا راعي الهايلكس ههههههههه شر البليه مايضحك راح نادى الشرطه لهم اذكر ان الشرطه ضفت راعي الهايلكس


بس وش النتيجه لعب واخرتها سجن وتكسير موتر هل من متعظ ؟


ليتهم ماسكينه وحاطين خشته عند كفر الهايلكس وينوفرون بخشمه علشان يشبع رمل !!!!

مشكلة أماكن المراهقين مهب واقفة على النوفرة والرمل .... أحيانا يجيك مطفوق وغشيم ويدخل بيبان سيارتك ويهج وابلش بعمرك عاد !!

أحسن شي اللي وده يتفرج على هبالهم يصير بعيييييييد .....

[بيك اب 4X4]

انا احسبهم ينوفرون على بعض لانهم يعرفون بعض
بس من الردود اشوف ان السالفه مو معرفه
يعني لعانه
اي واحد مغرز او حتى واقف او يتمشى على خفيف مصيره الدفن !!!!

الحمدلله مليون مره اني من سكان الشرقية و لا عندنا من هذي الاشكال
و إن كان فيه فهم محدودين

[رااس القطاه]

ابعد عن الداب وشجرته

[رسلان الوايلي]

يرجال هذول ورعن متعرف قيمت الموتر

[مكشاتي 2011]

متخلفين ....

[ابونورة15]

ابعد عن الشر وغن له

[مكشاتي 2011]

8888888

ونت صادق والله

[بناخي عتيبه]

خخخخخخخخخ ناس مو طبيعيه

[mr_red]

طفل وبيده لعبة وش تتوقع يسوي بها غير كذا


صدقت والله

والله من الدفرنشات الصاحيه :eek:

[زيــآدِ]

وشوله تحرق رزك ابعد عن الشر وغني له

بصراحة اشوفهم كثير عند الثمامة وما نروح ابد نبتعد عنهم

[DeltaMax]

الله يهدينا ويهديهم

[مكشاتي 2011]

والله ياخوان يقهرون قسم بالله


تشري لك موتر وق ال 300 واخرته يجيك بزر معاه هايلكس ولا ربع وينوفر عليك


قسم بالله اني انغبنت

[خليفان]

وين فيه المقطع

[بندق العمى]

ابعد عن الداب وشجرته

[مكشاتي 2011]

مادري والله شكله بالثمامه

الوكاد انهم مبزره لو يفحطون علي قسم بالله اقشه بصدام الاند


عاد انا مركب دعامه الي مثل الصبه


ودك تجربعهم واحد واحد

[ابو نعمه]

والله ما ادري وش اقول
لكن الي يروح هــ الاماكن يتحمل ما يجيه و لا يزعل و يقول بسوي و بفعل لان الكثره تغلب الشجاعه
انا من ناحيتي ما اروح مثل هــ الاماكن هذي
و اذا رحت اتفرج من بعييييييييد و بدربيل بعد

[الجندي2005]

هذولا مرصصين الله لا يبلانا


،

[بركاني حربي]

مهبل و مبزر

و ربي فعلاً شىء يقهر

المشكلة مثل هالأشكال هي اللى شوهت صورة التويوتا و ربي يا أهل الألماني تحصل الروقان عندهم و فن القيادة

و متعته

أدخل منتدى تويوتا و منتدى مرسيدس و شوف الفرق بين الإثنين

تويوتا تفحيط دفرات دفن مدري وش هو إلا من رحم ربي

المرسيدس ذوق و أخلاق القيادة و طرق المحافظة على السيارة

[V 8]

حسد وحقد وقلوب سوداء علشان الرجال ربي منعم عليه ورازقه لكزس

هذا ما يجري بين الاطفال

[مكشاتي 2011]

ونت صادق:good2::good2::good2:

[أبو فروة]

العقل نعمة

يسوي بواحد ما يعرفه كذا ... والله بجاحة مالها حد

[VIP-503]

ابعد عن الشر


واقر عليه المعوذات


والله قعدبها راعي اللكزز المفروض مايجي عند هالخمه بس هذي الدنيا دواره

[مكشاتي 2011]

صجيح...........

[ابوسلطان911]

هههههههههههههههههههههههه
انت وش يوديك للمراهقين منت مجبور
تحط نفسك بمثل المواقف البايخهـ

[مخاوي دابذريع]

السعه مووسعه يا خوي وش جابك للمسكن ..............

[الطرس ممدوح]

ومشكور اخوي مكشات على الموضوع

[gx-low]

جيب الربع مخصص لصيانة و اعمال الطرق (تحذير : سريع الانقلاب)

[مكشاتي 2011]

جيب الربع مخصص لصيانة و اعمال الطرق (تحذير : سريع الانقلاب)


صج انه سريع ينقلب بس بالبر مامثله
بالنفود
1 الربع

2 الفتك

3 الاند من 97 وتحت


4 الشاص

[مكشاتي 2011]

الله حيهم........................

[صلللوح]

مجمع مبزرررر

[مكشاتي 2011]

888888888888 ههههههههههههههههههههههههههه

[مكشاتي 2011]

الله حيهم .................

[مكشاتي 2011]

hhhhhhhhhhhhhhh

[الله يزينها]

عطني مثله وارضى ياشيخ
ماشاء الله تبارك الله

[أبوصالح9]

من بغى الدح ماقال أح
يازين التفرج من بعيد مع دلة وقدوع وتمدد أحلى كلااااااااااااااااااااااام

[ابو عيسى2009]

على شان نوفر
ياحبيبي خويي يطردن على ربع وانا كعابي مغير تشوف شوشتي هههههههه مع العجاج من الركض اظاهر طاح نص وزن وا

[مكشاتي 2011]

ههههههههههههه

[ماجد الشمال 1]

الحمد لله على النعمه
وعمل ذولا كفر بنعمة الله
اقسم بالله وعلى ما أقول شهيد اني اعرف شياب اثنين
في نفس الحي الى انا ساكن فيه
انو كل صباح وانا طالع اوصل عيالي للمدرسه
القاهم يمشون على رجولهم يوصلون بناتهم للمدارس
تقاعدهم على قدهم مايقدرون يشترون لو قرمبع
وحد منهم عنده 12نفس بالبيت والثانى 9 أنفس
لا ولاحتاجوا احد يوديهم لمستشفى بعض ناس تذلهم الله يكفينا شرهم
وذولا تفحيط وتطعيس وكفر بما انعم الله عليهم
بركوب سيارات جديدة

[ولدعبدالرحمن]

معك حق جلست تهاوشه يقولك وسعت صدر وماتدري الا منزل المقطع
الله يعطيك العافيه

[ابوناهض.]

يخوي وش حارق رزك انت وياه موترك ولا موتره
خله يفلها وياخذ راحته
مظيقين عليه بالديره وبالبر ماتبونه يطلع الي في خاطره
والله ناس غريبه
الي يشوفكم فالديره موفره كل سبل الراحه وسبل وناسة الشباب
ان فحطو وطلعو مواهبهم قلتو انتحار ومدري وش
ون رحنا لاي مكان عوايل
ياعمي عساك سالم
ع الاقل تبنو هالمواهب ذي
زي التفحيط وحطو ساحات لها وشوارع والله ن تنشهر وتصير افضل مسابقه
خلوكم زي باقي الدول ؟؟
ون كان تصور الناس هذا انتحار ومدري وش
اجل سباق السيارات الفورملا والقفز من وفق الجبال وحبلن يربطك ذا مب انتحار


وبعدين ترا ذولي اخويا كل ينوفر ع الثاني
اقسم بالله ناس ماتدري راسها من قفاها

[ألخشيبي]

ايوله شبابنا مضيعين الطاسه يجيك توشوف شكله مثل العير من الكيماوي
ولا هرج ودك يسكت ولا يسمعه احد ومقارنه بلى في اعمارهم من دول العالم
نقول الله يخلف على جيل جاينا همه مايتعدى ماطى رجليه وان ان هرفى وبلبط

[المرتاع]

هذا مشكلة الاجار منتهي بالتمليك والتامين الوكالات

[مكشاتي 2011]

نورتو الموضوع يعطيكم العافيه

[فتكاوي الرياض]

صحيح انه موتره وحر فيه لو يشب فيه ببنزين

بس مسألة انه يحارش خلق الله ويستبثر عالعالم كنه طعس ابوه هنا معليش

لأن لو جاه واحد ولمخه بيقول وسع صدرك تراها وناسه

لانه بالحركه هاذي يحس انه بطل واحسن سواق وموتره اقوى موتر

لكن مانقول الا الله يهديهم ويشفيهم

[حبل الوريد]

يعني الحين ذولا ما يعرفون بعض !!

[مستر جمس]

السلام عليكم

انا اشوف اكثر الردود يقولون ابعد عنهم ولا تروح هالمناطق وابعد عن الشر وغني له ومن هالكلام


ليش؟؟؟

على كيفه يحتل المكان

اذا على كذا انا باقوف عند تقاطع بيتنا واي واحد يجي مار بسيارته باصدمه واكسر سيارت او اكب عليه ببسي او اي شي

وباشقق كفراته

على شان بعدين الناس يقولون لا تروح هذيك الحاره على شان ما يصير مثل الي صار لنا (ابعد عن الشر وغني له)


المقصد يا اخوان مو على كيفه ينوفر مدري يدفن خلق الله ومو من حقه بعد

لو انه في دول اخرى تروح تقاضيه وينسجن ويتحمل تغسيل سيارتك واي تبعيات لهالحركه

المفروض لو احد يسوي كذا كل الموجودين في هالمكان ما يعطونه وجه وييقومون عليه ويعلمونه انا هالحركه عيب عيب عيب

واذا عادها مره ثانيه يقومون عليه

هذي وجهه نظري واسف على الاطاله

[التميمي911]

من جد والله كرهوني في النفود
هاذولي بزارين ومسكو سيارات
والله يهديهم ويصلح حالهم ويخليهم لواديهم

[ماجد الشمال 1]

اخ لو يعطوني جيب من جيبهم الجديده
عن روح والديهم انقل بزاريني واهلي
حسبي الله عليهم كفر بنعمه عينك عينك

[عبدالله المطيري]

اللي يجي الاماكن هذي يستاهل مايجيه


ارض الله واسعه


بعدين السيارة وسية نقل مو تطعيس وتفحيط وخرابيط

[طال السكوت]

تخلف وقلة ادب ورجعيه و هياط

[مجنون نحم]

اطفال وبيدهم مواتر

[بن عواض]

رفقاً بالمذنبين...
والله الذي لا إله إلا هو إنهم فيهم خير كثييييير ولوتجيه وتعطيه هديه لو بريال وهي قيمة شريط دعوي
إنه ينبسط منك .. وتنصحه إنه يتقبل منك ويبعد عنك.. الله يصلح حالنا وحالهم

[مكشاتي 2011]

يعطيكم العافيه وكل عام ونتم بخير

[مكشاتي 2011]

لررررفع :f:f:f:f:f

[وحيد الدهر]

الي مايطول العنب حامض عنه يقول

[الرياض111]

وكأن التغريز جريمة تورط المسكين

[sameer_1798]

والله احسبنه خويهم إن مالقى من يربيه الرجال تربيه

[- النشمي -]

السلام عليكم

انا اشوف اكثر الردود يقولون ابعد عنهم ولا تروح هالمناطق وابعد عن الشر وغني له ومن هالكلام


ليش؟؟؟

على كيفه يحتل المكان

اذا على كذا انا باقوف عند تقاطع بيتنا واي واحد يجي مار بسيارته باصدمه واكسر سيارت او اكب عليه ببسي او اي شي

وباشقق كفراته

على شان بعدين الناس يقولون لا تروح هذيك الحاره على شان ما يصير مثل الي صار لنا (ابعد عن الشر وغني له)


المقصد يا اخوان مو على كيفه ينوفر مدري يدفن خلق الله ومو من حقه بعد

لو انه في دول اخرى تروح تقاضيه وينسجن ويتحمل تغسيل سيارتك واي تبعيات لهالحركه

المفروض لو احد يسوي كذا كل الموجودين في هالمكان ما يعطونه وجه وييقومون عليه ويعلمونه انا هالحركه عيب عيب عيب

واذا عادها مره ثانيه يقومون عليه

هذي وجهه نظري واسف على الاطاله






هذا الكلام السنع


بيض الله وجهك

[مكشاتي 2011]

لررررررررررررررررررررفع رفع الله قدركم

[ksa 8888]

الله يهديهم صدق الى قال مدفع ريال فى قيمته:good2::r:l:f:lr:c

[الدبل الثقيل]

والله ما ادري وش اقول
لكن الي يروح هــ الاماكن يتحمل ما يجيه و لا يزعل و يقول بسوي و بفعل لان الكثره تغلب الشجاعه
انا من ناحيتي ما اروح مثل هــ الاماكن هذي
و اذا رحت اتفرج من بعييييييييد و بدربيل بعد

ههههههه بدربيل تتفرج والله معذور من المجنن اللي عندنا

[رجل المرور]

عـآدي جـدداا . الدعوه وناسه يالربع .

[ياسر السليم]

مانقول الا اللهم لك الحمد على نعمة العقل
واللي بلامهم مايبلانا يجي عندنا ورع مثل هالأشكال ننشب به

[فيصل البهيشي]

هههههه شكلك ما شفت الحين الي يسمونهم الدرباويه مافيه الا قووة دعم يعفط ابو الصدام وعااادي ماهمهم