ماهو مصير الجمس البرازيلي

[اسبيدر مان]

السلام عليكم

بغيت اسئل عن هذا الجمس


http://up.arab-x.com/Nov10/CoF69610.jpg

اسمه جمس برازيلي ولا ادري وش سبب التسمبه ومن اي فئه يصنف هو

اذكر قديم كان عند جارنا واحد زيه وكان الفجر هوشه هو وياه على شان يشتغل مشاكل في الشتاء

[التعـ King ـديل]

مصيره النسيان :)

موتر كان له عز فتره وانقطع ولا احد سئل عنه

[محمد القصر]

المزبله <<<<<< تكـــرم

[المنيعي1]

الله يذكره بالخير كان عندنا ونا صغير موديل 86 أشتراه أخوي جديد ومن بكراء خرب عداد السرعة ويصلحه ويرجع يخرب وبعد أسبوع يبي يفتح القزاز وينخرط بيده وطرمبة الماء يوم تخر ماء وأذا جاء يغيره تزين الوكاد أنواع الخرابات قعد عندنا ست شهور كل يوم خربان ويوديه اخوي ويبيعه بخسارة خمس ألاف ويشتري ددسن 87 وتكد عندنا عشر سنين وتعوض بهذلته كله .
بس فيه شي واحد يحسب له بديه قوي اما الباقي خياس لا والممشاء بالخط أذا نطحك الهواء يوقف على 110 يعني يصلح لساهر.

[جمس z71]

للاسف اخوي ماعندي علم عنه..
يفيدونك الاخوان ان شاء الله..

بس الظاهر انه غلطة GMC

[كلاسيك 777]

ازين مافيه جنوطه يركبن على الباترول 97 وانت نازل من الموديلات يطلع حلو بهن

[أبو محمد 3113]

الله المستعان وش جابه على الطاري
منول الوالد مايعرف يسوق إلاهي جاء معه اربعة زيه او اكثر اخر موديل لتذكرة ٩٠
كنت اتمصع عشان اربط جلنطة. جلنطة عذاب
بس أنا اشهد انه موتر قوي وحديد قوي
×

[أبوعابد 22]

أحسن مافيه جنوطه

[رسيس نجد]

شر ونزاح وخرابات بالجمله

[FORD1969]

بديه قويه ويجي 6 سلندر مكينته بالطول ولونها حمر

3 غيار

وعر جدا سواقته يبيله عضلات
الناس انغرت بصوته كانه عبارتين وتوقعت انه قوي وهو حق تحميل ومزرعه وكان وقتها نقله نوعيه في الوانيتات وشي جديد على الناس عقب ما ملو الددس والجموس والهلكسات


اتوقع تجميع البرازيل

وللعلم لازلنا نشوفه في الشوارع لحد الآن

شكرا لكم

[الخبير88]

خربات لو توزع على لكفتهم ياله ياله بعد

[abobashair]

فاضي ولا محمل مايتعدا ١٥٠ بكل حال من الأحوال بسبة ان الكرونة تبع تحميل
اكثر مشاكله التشغيل في الشتاء
والجلنط سلك واير ماهو زيت وياكثر ما ينقطع
اخر موديل الظاهر كان ١٩٩٢م

[الشهابة]

اللي يشتري او يستعمل جمس برازيلي يعتبر تكفير ذنوب ..

مكيف ( اذا جاء بمكيف ) و انت بكرامه زباله .. قير انواع القعقعه و تجلس تضرب فيه لين يلقم بالقوه .. القزاز عادي مهوب كهرباء و يخرب و يطيح !! .. و كله كوم و الجلنط كوم و اذكر الجلنط في موديل 88 كان على يسار السواق او ماتفتح باب السواق تلقى الجلنط جنب المرتبه و ياما خرب و انقطع .. هذا غير قطع الغيار نصفها ماتلقاها و الباقي توليف من تويوتا و نيسان .. ذكرى و راحت الله لا يعيدها ..

[اسبيدر مان]

لكن هل هو مقاس 1500

[بيك اب 4X4]

مثله مثل الديلوكس من تويوتا
غلطه

[الجندي2005]

هذا كرمك الله لحيتن فسله




,

[الخفاره]

لا والريوس فوق واحسن مافيه قزازته اللي ورا فصل تركب على الجموس - كل ماجيت السكراب ابغي قزاز فصل للجمس قالوا ب500 وحقت البرازيلي ب 70 ريال ومايدرون انها تركب على بعض

[خالد777]

احسن مافيه جنوطه للباترول والتايوتا الأولات كنا نتهاوش عليهن واذا شفناه أول مانشوف الجنوط مختوم والا مفتوح

[سلكي نت]

يوووووووووووووووهـ ... ذكرتنا بحياتنا وحنا اصغار
اشتراه الوالد الله يرحمه كررررررررررررت اصفار
واول مشوار للمزرعة ويخرب مارضي يشتغل
حاول يمين يسار قال هذا محلي
ويحط ابوي الله يغفر له حرته فالعمال يالله يديكم دفو السيارة ... والظاهر دفوها حول الكيلو ولا اشتغل
سحبناهـ بسيارة مازدا 929 موديل 81 ويالله تسحبه
المهم طفش الوالد الله يرحمه وقهره قهر
والحمد لله انا ماكنا نسوق ولا كان صفقنا الوالد لانه يخرب بدون سبب كذا مززززززززززززاج
بكل مشوار انت وحظك يمكن يمشي 15ك او 50ك وتوقف عند المحطة بتشتري شيء ويفقع قلبك
الزبدة انا تعلمنا الدف والسحب على يديه
افشل سيارة ممكن تلاقيها
ثقيل وخراباته واجد
وما ارتاح الوالد إلا يوم باعه

[no fear 78]

مصيرة الأنقراض عن وجه الأرض

[اسبيدر مان]

صحيح لكل شركه زله مثل ما لكل حصان كبوه