بواجـــــي شفروليت Avalanche

[جيب ربع2011]

السلام عليكم و رحمة الله وبركاته ....

مبارك عليكم الشهر حبايبي ...

أنا عندي ونيت شفروليت (Avalanche) موديل 2007 وارد أمريكا..

يمكن سمعتوا زي ما سمعت إن البواجي حقت الوكالة مو هي الأفضل لمحركات الشفر..

السؤال: إذا كانت هذي المعلومة صحيحة طيب ليش؟

و ماهي أفضل بواجي للشفر؟؟ بحيث ما تسبب تقطيع في المحرك و لا تؤثر على أداء المحرك..

علماً بأن حجم الماكينة عندي 6.2 مو 5.3

فزعتكم يالنشاما...:(

[جيب ربع2011]

أفاااااااااااااا 34 مشاهدة ولافيه ولا رد!!

وين النشااما تكفون...

[بدوي جنوبي]

عليكم السلام
صحيح بعض الشركات اللى تصنع البواجى
تكون بجودة عاليه وأحسن من بواجى الوكاله
لان المواد المصنعه للبوجي تكون من أفل المواد
فيه انواع مصنوعه من البلاتين وسعرها غالى
جودة شمعة الاشتعال تعتمد على نوعية المادة الخزفيه
وايضا على مقاومة الحرارة ،،، وتوفير الشرارة الجيد

والشركات الجيدة مثل بوش وNGK http://www.sparkplugs.co.uk/graphics/backgrounds/ngkfull.gif

وهذا الجدول يبين لك فك رموز البوجي
http://www.spark-plugs.co.uk/graphics/tech/partcode.gif

[جيب ربع2011]

طيب وش النوعية الي تنصحني فيها انت اركبها على موتري؟

[مسير عليهم]

انا شريت سييرا 2009 وغيرت البواجي وركبت اي سي ديلكو من شهر 5 هجري وسافرت على الموتر ومشاويري والحمدلله الموتر صافي

للعلم موتري 6لتر

[جيب ربع2011]

أنا موتري 6 لتر برضو لكن لاحظت كثير ما يمدحون الأي سي ديلكو مدري ليش؟؟

و يمدحون نوعية محددة من NGK اسمها IR


أتمنى من الخبراء يفيدونا بعد الفطور هههههههههه

[stranger]

كلام اخوي بدوي جنوبي صحيح
بإمكانك تغير بواجي موترك بالدخول على موقع الشركة وادخال رقم الهيكل وراح يعطيك رقم البواجي الي تركب على موترك

[جيب ربع2011]

كيف حالكم حبايبي ...

بصراحة تجربة البواجي هذي فتحت لي آفاق جديدة للاكتشاف... :good2:

راح أعلمكم وش صار معي...

طبعاً بعد استشارات في عدة مواقع توكلت على الله و ركبت بواجي NGK الموضحة في الصورة

http://store3.up-00.com/Jun11/AL810203.jpg (http://www.up-00.com/)

و هذي صورة البوجي و واضح عليه كتابة IRIDIUM وهو أفضل بوجي موجود في السوق

http://store3.up-00.com/Jun11/Cv910203.jpg (http://www.up-00.com/)

طبعاً بتسألوني كيف حددت نوع البوجي المناسب لسيارتي ؟؟

الإجابة سهلة .. عن طريق هذا الموقع http://www.ngksparkplugs.com/

و طريقته سهله و منظمة مو زي شغل ربعنا أخ بس أخ :no2:

هذي الواجهة الرئيسية للموقع

http://store3.up-00.com/Jun11/NX511270.jpg (http://www.up-00.com/)

تروح عند Part Finder راح تنحدر لك قائمة
تختار أول خيار في القائمة الي هو Car, Truck & SUV's مثل ماهو موضح في الصورة :)

http://store3.up-00.com/Jun11/zMG11741.jpg (http://www.up-00.com/)

بعدين سلمكم الله راح يطلب منك تحدد الشركة المصنعة للسيارة و موديلها و تضغط NEXT

http://store3.up-00.com/Jun11/yoi12210.jpg (http://www.up-00.com/)

طبعاً أنا اخترت شفروليت و موديل 2007

http://store3.up-00.com/Jun11/MEs12446.jpg (http://www.up-00.com/)

الخطوة التالية نحدد فيها نوع السيارة و طبعاً أنا اخترت أفالانش يا لبيه يالأفالانش:heart:

ولاحظو انه الأول في القائمة <<<< طول عمره كبيـــــــر

http://store3.up-00.com/Jun11/4gZ12794.jpg (http://www.up-00.com/)

بعدها سلمكم الله نحدد حجم الماكينة مثلاً 5.3 أو 6 و كذلك فئة السيارة مثلاً LT أو LTZ مثل ماهو موضح في الصورة
و طبعاً أنا حجم ماكينة موتري 6 لتر من فئة LT قولوا ماشاء الله تبارك الله يا قماعة:D

http://store3.up-00.com/Jun11/sXv13191.jpg (http://www.up-00.com/)

و الحين الله يرضالي عليكم بتطلع لنا النتيجة
و راح يوريك جميع أنواع البواجي الي تصنعها الشركة و تركب على سيارتك
و أنا طبعاً اخترت أفضلها إلي هو IRADIUM الموجود في آخر اللستة...
و طبعاً يوريك رقم البوجي و تقدر تطابقه مع البوجي الي بتشتريه و تأكد إنه يكون نفس الرقم المذكور هنا ..
و كذلك إذا ودك تشوف صورة البوجي تقدر تضغط على صورة الكاميرا و راح يطلع لك صورة البوجي مثل ماهو موضح:)

http://store3.up-00.com/Jun11/c2Z13582.jpg (http://www.up-00.com/)

[جيب ربع2011]

طبعاً عشان تكمل الحفــــلة كان لازم أغير أسلاك البواجي


و هالمرة وقع اختياري على أسلاك بواجي الرائدة في هذا المجال MSD

http://store3.up-00.com/Jun11/VIk10203.jpg (http://www.up-00.com/)

سماكته 8.5 و من ممسك السلك تعرف إنه سلك سلك مو مهلبية هههههههههه

http://store3.up-00.com/Jun11/o6s10203.jpg (http://www.up-00.com/)

طبعاً أنا مريت على أنواع أسلاك كثيرة
و كلها تحصلها رخوة و جودة تصنيعها مش ذاك الزود
لكن هذا السلك كلاام ثاااااااااني

و هذي صورة بعد فتح كرتونة أسلاك البواجي

http://store3.up-00.com/Jun11/kqI10203.jpg (http://www.up-00.com/)

طبعاً بعد ما غيرتها جربت أمسك فيها خط للدوام اليوم و لاحظت النتيجة الجبارة ،
استهلاك الوقود نقص بنسبة 50% .. يعني أنا كنت أروح للدوام و أرجع كان يطير ربع الخزان:mad:
لكن الحين نقص الاستهلاك للنص :eek::hot:

هذا الشي أسعدني لأني حسيت إن المحرك صار يشتغل بشكل رائع و يحرق الوقود بشكل صحيح
، غير إن العزم فالسيارة زاااااد...

* التكاليف:
البواجي من أوتومول بالدمام بــ45 لكل بوجي معناها 45 * 8=360 ريال
أسلاك البواجي من محل الاخ صلاح على طريق سيهات= 370 ريال
التركيب كامل عند أحد الورش=100 ريال
____________________________________
المجموع= 830 ريال (( لكن بحقها بصراحة ))

أتمنى أكون أفدتكم و لا تنسون تدعون لي إن الله يزوجني الزوجة الصالحة :heart:

:p:burnout2:

[قناص*07]

بواجي ممتازه ومجربه وتوفر في صرفية البنزين بشكل ملحوظ

[yukon2000]

جيب ربع 2011
شكرا على المعلومات الرائعة

[جيب ربع2011]

بواجي ممتازه ومجربه وتوفر في صرفية البنزين بشكل ملحوظ

بالفعل البواجي هذي كلام ثاني :good2:

[جيب ربع2011]

جيب ربع 2011
شكرا على المعلومات الرائعة

حاضرين للطيبين أخوي يوكن2000

[مسير عليهم]

ماشاء الله

طيب نلقاها في الرياض بيني وبينك ذبحتني الصرفيه

[جيب ربع2011]

يمنع وضع ارقام

[قدر مكتوب]

على فكره ياجماعه ترى لابد تاخذ نفس رقم البوجي اللي بموترك, لان اذا ركبت شي مو مناسب خطر يسبب لك مشاكل بالمكينه من تقطيع وضعف وصرف بنزين زياده بعكس لما تاخذ البوجي المخصص بالضبط

لذالك فك البوجي واكتب ارقامه على ورقة كامله عشان اذا اخذت اي بوجي تاخذه وانت مرتاح

[جيب ربع2011]

على فكره ياجماعه ترى لابد تاخذ نفس رقم البوجي اللي بموترك, لان اذا ركبت شي مو مناسب خطر يسبب لك مشاكل بالمكينه من تقطيع وضعف وصرف بنزين زياده بعكس لما تاخذ البوجي المخصص بالضبط

لذالك فك البوجي واكتب ارقامه على ورقة كامله عشان اذا اخذت اي بوجي تاخذه وانت مرتاح

صحيح أخوي عشان كذا أنا شرحت كيف تطلع رقم البوجي حق سيارتك من الموقع

تحدد الشركة المصنعة-نوع السيارة-موديلها-فئتها

وهو على طول بيعطيك البوجي الي يركب على سيارتك