فيه مشكله محيرتني ....

[الصافي2]

السلام عليكم
معليش فيه موضوع حساس شوي احيانا الواحد يبي يشري له جيب مثلا سيكويا دبل فتحة 150 الف ويجيه واحد يقول وش تبي فيه حرام عليك تشريه ما هو حق بر ، ويشور عليك تشري باترول الجديد 400 حصان ولما تشريه وبالقسط بعد يجوك الناس ويقولون يا اخي حرام عليك كسرته بالطعوس وفجرت مكينته وانت شاريه 245 الف اشتر لك ربع قديم حول 20 الف وخل هذا للسفر وللبر بس على خفيف ، وتطالع في نفسك الا وانت خسران فوق 260 الف ، واجي واقول آآآآآآآآآه لو اني شاري لي سكويا دبل كان وفرت وووو........
قصر الكلام الناس تأثر في آرائك واختياراتك في سيارتك وبيتك حتى وان كان عكس هواك
والله حووووووووووسه
وش رايكم ؟؟؟

[patrol vtc]

صدقت أخوي الصآفي ,,

لكن الواحد اذا اقتنع بشئ اقتنآآع تااام ,, ما يهتم بآراء الناس ,, إلا المتخصصين , والناس الفاهمة ,,

لأن العالم , تنقلل كلام من غير تجربة ,,

ووالله يرزقنآ بحلاله عن حرامه ,, وبفضله عمن سوآه ,, ومن قرأ والمسلمين ,,


مجرد رأي ,, يحتمل الخطأ و الصوآب ,,

:)

[لاتكب البيالة]

لا يالحبيب اطنخ نفسك واشتر اللي براسك لكن طبعا لا بد الجيب يكون يتحمل
اما اللي يقول كسرت بالطعوس وفجرت مكينته فهذا غير صحيح يا ما طلعنا للبر واستانسنا وسياراتنا اخت الجديدة
الواحد اذا طلع للبر ما هو لازم ما يمر طعس الا طلعه ولا شعيب الا قطعه يا خي خذ السيارة اللي تبي بس حافظ عليه

[التعـ King ـديل]

انا من الناس اللي ماافكر بكلام غيري .. كثير نصحوني عن الباترول قبل سنوات وقالو يتهربد ومهوب زين وقطع غيار وخرابيط واجد

والحمدلله جربته ومن ذاك اليوم وحتى اليوم وهو سيارتي الخاصه اشتري جميع موديلاته ولا ابي غيره .. موتر طرب ويبيض الوجه بر وديره

[قدر مكتوب]

رضا الناس غايه لاتدرك , وسع صدرك وخذ مايرضيك ففي الاول والاخير انت اللي تبي تستعمل السياره

ونصيحة ياغالي لي ولك ولكل فرد لا تناظر للناس وكلامهم تتعب وعش حياتك الناس في تناحر في ارائهم من قديم العصور


تخالف الناس حتى لا اتفاق لهم*** إلا على شجب والخلف في الشجب
فقيل تخلص نفس المرء سالمه*** وقيل تشرك جسم المرء في العطب

[جي اكس ار2000]

لاتحتار اشتر2007 في اكس ار 130 وارتاح ووفر بعض الفلوس
اوفتك 2009

الله يكتب لك الخير اينما اتجهت وكل مسلم

[ابومشخص]

يرجال الموتر اللي معك مبروك لا تتحسف انا عندي سكويا وكلها زينه بالعكس البترول الجديد افخم واقوى واحلا

الله يبارك لك فيه ويعطيك خيره ويكفيك شره

وماعليك من احد كده كددد عليك بالعافيه وموتر رزه ومصمم للبر والبلد

[هويدي]

اللي بيسمع كلام الناس بيتعب لو تشتري مكنسه قالو وشوله وش تبيبه ؟!!
تقل شاريها من دراهمه ولا متسلف منه

وصحيح ان السكويا موتر ولا عليه كلام بس بالرياض ما اشوفه الا مع سواقين !!
(وبرأيي الشخصي ) الباترول الجديد ابوجنوط 20 رزه ماشالله ونشيط

[V 8]

كل واحد وقناعته واستخدامه


يوم جيت اشتري اللاندكروزر نشب لي خويي يبيني اشتري جمس حوض للبر وموتر صغير لي وعائلتي


قلت له لا أنا اللي كشت مع اهلي ولا كشخت قدام الناس فما له داعي


وقالوا لي الشيبان اشتر موتر صغير رخيص استخدمه ووفر ذا للسفر


قلت التوفير اللي تقولون بيضيع بشراء الصغير ومصاريفه ويصير تخسرت ولا استانست بحلالي


بعدين اللي يتحسف على استخدام الجديد والمكشات عليه
تبيني انتظر الين يقدم ثم ما يمشي للمكاشيت أو يبدأ يطلب


تراه مصنوع للامور هذي وانا ما شريته اتفرج عليه او يستانس فيه اللي يشتريه مني وانا محروم


بعدين فيه فرق بين المكشات والتكسير مثل ما يسوون اهل التطعيس او الطرد


واهم شي القناعة ووسع صدرك بحلالك بليا جور عليه

[مستر جمس]

الناس ما يعجبهم العجب ولا الصيام في رجب

يعني لو رحت للحج وحجيت قالوا لك ليش ما حجيت في رمضان الاجر اكثر!!!!!!!!!!!

[كاشت وحداني]

يارجال اسختر واقدح الموتر اللي براسك والله يعطيك خيره ويكفيك شره

[bader_max]

من شاور الناس شاركهم عقولهم

انت وش في راسك

سكويا : العصر على الوكاله وطقه ماعليك من كلام الناس

اذا تتبعت كلام الناس لاشريت ولا بعت

لكن استخر الله وتوكل على الله وان بغيت تفجر مكينته بالطعس افجرها وان بغيت تطق سياره ثانيه تخدمه طق

يعني لاتشاور احد نهائي