ملاحظه بسيطه من اخ لإخوانه

[العضياني 1]

الاخوه الكرام كل عام ونتم بخير:نستاذن الاداره في هذا الطرح الجديد :نلاحظ ان الاخوه اللذين يعرضون طيورهم يشرطون ان لاحد يسوم الامن بعد المبلغ الفلاني :او ان الطير سيم العام الماضي بكذا ويرغب الان بنفس المبلغ اواكثر:والكل يعلم ان قيمة الطير هذه السنه غير العام لعدة اسباب ومنها عمر الطير وثانيها ان الطير في المقتاص قيمته غيرانه في المربط: ارجو من الاخوان ان لايزعلون ثم ان الطيور الوحوش إذا نزلت للحراج تبدا بسعر حتى تاصل المبلغ المطلوب من راعيها:هذا ماحبينا ان نوضحه للجميع وكل شخص حر في رايه :واشكركم على الاطلاع كما ان لأدارة المنتدا الحق في شطب الموضوع او تنزيله:وشكرآ للجميع

[محمد النعيمي]

بيض الله وجهك كلامك صحيح 100%

[نبهان الشمري]

بيض الله وجهك يابعدي


وعز الله انك ذيب

[مهوووي]

كلااااااااااامك عين العقل

[أبودغيم]

بيض الله وجهك على هالحكى الزين

[النااااااادر]

انا اشوف مافي مشكله هو حر في حلاله يشترط على كيفه


ليه انت اذا دفعت سعر اقل اهو مايزعل


بعدين انا اخوك انت اذا تشوف شرطه اللي بعد السعر الفلاني وش الي جابرك تدفع اكثر ان شفت الطير مو حق هالسعر


لك مني اجمل تحية

[أبو فيصل]

السلام عليكم و رحمة الله و بركاته موضوعك مهم و واضح ولكن لكل وجهة نظر

اذا السومه جديده من أسبوع الى 10 أيام, أعتقد ما فيها شي أنه يذكر السومه الجديده ويذكر اللي سام الطير أو في أي سوق أو مكتب سيم طيره ومتى للتوثيق ماهو بس سيم بهذه القيمه ولا يندرى وين مصدرها. أعتقد راعي الطير بهذه الطريقه يريد أن يعطي الضوء الأحمر للي ينزلون القيمه بأسعار غير معقوله وبعيد عن أمثاله بالسوق فقط

وكلما صارت اللسته واضحه و موثقه, كلما تذبذب المبلغ حول سعر السوق المعقول +/-

أما من يترك السوم مفتوح لا يزعل من فتحت الباب المعقوله ولكن ليست بمستوى قاع فبراير << قلبناها أسهم سوق المال السعودي!!

العرض و الطلب يحدد سعر أي سلعه تشترى بالمال ولا بد من تذبذب بين القاع و القمه وأنا أشوف أن التخوف من الغش عامل مهم في رفع سعر الطير بين الأصحاب والعكس صحيح عند عرضه في السوق (أقصد البيتيات)

وجهة نظر

[(هزاع)]

وعلى من اتبع الهدى السلام (نعم اوافقك الراي بيض الله وجهك وكان لي مراسلات حول هذا الموضوع )اثابك الله

[مشروخها]

بيض الله وجهك كلامك صحيح

[عيد العازمي]

انا اشوف مافي مشكله هو حر في حلاله يشترط على كيفه


ليه انت اذا دفعت سعر اقل اهو مايزعل


بعدين انا اخوك انت اذا تشوف شرطه اللي بعد السعر الفلاني وش الي جابرك تدفع اكثر ان شفت الطير مو حق هالسعر


لك مني اجمل تحية


السلام عليكم

اخوي الرجال قال رايه ورايه حلوو وماقال عن الرياجيل شي


بس في فرق ان الرجال اللي يقول ويمدح طيره مانعرفه ان كانه صدووق ولا جذووب حشك وحشى اللي يقرون بمشكات

والرياجيل نفسك عارف فيهم الزين وفيهم الشين

واللي ما يعرفك ما يثمنك

اعذرني انت والجميع ان حصل مني قصوور ياخوي العزيز

[عيد العازمي]

الاخوه الكرام كل عام ونتم بخير:نستاذن الاداره في هذا الطرح الجديد :نلاحظ ان الاخوه اللذين يعرضون طيورهم يشرطون ان لاحد يسوم الامن بعد المبلغ الفلاني :او ان الطير سيم العام الماضي بكذا ويرغب الان بنفس المبلغ اواكثر:والكل يعلم ان قيمة الطير هذه السنه غير العام لعدة اسباب ومنها عمر الطير وثانيها ان الطير في المقتاص قيمته غيرانه في المربط: ارجو من الاخوان ان لايزعلون ثم ان الطيور الوحوش إذا نزلت للحراج تبدا بسعر حتى تاصل المبلغ المطلوب من راعيها:هذا ماحبينا ان نوضحه للجميع وكل شخص حر في رايه :واشكركم على الاطلاع كما ان لأدارة المنتدا الحق في شطب الموضوع او تنزيله:وشكرآ للجميع

بيض الله وجهك

وانا اول من يتفق معاك على الكلام الطيب يالنشمي :good2:

[النداوي909]

بيض الله وجهك كلامك صحيح 100%

[النـادر]

دامك فتحت الموضوع وبدون عصبية خلونا نتكلم بصدق

اذا كانت السومه جديده فمن حقه مايقبل سوم اقل منها والاسوام باقل من سومته لاتخرج عن وحده من ثنتين

اما اتهام للرجل بالكذب في سومة طيره

او لا مؤاخذه استخفاف بعقول الاخرين واعتقاد انك اشطر فالبيع والشراء من الاخرين وهذه اسواء من الاوله لانك تعتبر الاخرين (دلوخ)لامؤاخذه في هذه الكلمه

اما اذا كانت السومه قديمه وذكر راعي الطير انها قديمه فلايمنع من السوم الجديد لكن مايجي واحد سفيه ويسوم بربعها في اعتقاده ان الناس منحده على سوماته

يعني يفرق حق المربط عليه شوي لكن طير يسام بثلاثين ويجيك اخينا في الله ويقول سته والا حتى عشره الاف هذي وين نصرفها . ادري بيجي واحد ويقول يسوم على قد دراهمه ياخي حلال الناس ماهو رخيص عندها حتى تكسر سوقه بسوماتك وعلى قول المثل مد رجلك على قد لحافك ماتقدر على قيمته لاتقربه دور على غيره على قد فلوسك
خصوصا ان اللي يعرض هنا ماهي وحوش تنزل قيمتها بمرور الوقت اللي يعرض هنا طيور تسام على فعلها ماهو على وحاشتها وشكلها وطالما انه مشروطة السلامه والفعل وش اللي ينزل اقيامها .
ادري بعد بتقول لي والا يقول لي غيرك سوم المقناص غير عن سوم الربطه وبجاوبك بنفس الشي سوم المقناص على فعل ماهو على شكل بس وهاللحين على نفس الفعل حتى لو هو في ربطه وش المشكله يطيح من سومته قيمة المربط نقبلها عقلا لكن يطيح من سومته ربعها والا ثلثها ليش

(طبعا هالكلام ماهو لشخصك او لاحد بعينه لكنه كلام العقل والمنطق )

[مكرم الضيف]

بسم الله الرحمن الرحيم
السلام عليكم ورحمة الله وبركاته


انا مع احترامي للجميع اشوف ان الطير قبل مايعرض يحط صاحبه حد ادنى له بعد تثمينه عند اهل الخبرة بالبيع والشراء. او القيمة اللي جابها الطير بالتاريخ واللي بيشتري ياخوان مايشتري على النت والصور. يتعنى ويروح يشوف الطير ولا يوصي رجال كفو يعرف بالطيور.

هذه وجهة نظر خاصة مني

[خلف الفار]

كلام واضح ولا عليه اغبار سوا الاقتراح من الاخ او الردود

[اقدم صقار]

السلام عليكم ورحمة الله وبركاته
اولاً بيض الله وجهك يا راعي الفكره وانا اعتبر كلامك هو عين الصواب وبدون اي تغرضات ويعلم الله ما اعرف في مكشات اي واحد بسلامتكم بس عندي رأي ااااخر
الرأي هو ان الطير اللي يحط بمكشااات يبداء سومه من منتدى مكشاات وتلغااا اي سوومه خارج المنتدى بغض النضر عن ممن كانت او بأي سعر وبتقولون ليش
لان السووم في المنتدى يكوون واضح وصريح للجميع للمصداقيه وليس تكذيب لمن قال ان طيره مسيوم بكذا خاارج المنتدى وغير ذالك
والشي الثاني اي سومه من اي زائر او عضو بدون رقم جوال تكون ملغيه
اما اللي يقول السومه بخسه او ما اعجبته ...... الخ
يتقبلها بصدر وسيع .....
لانك بمنتدى وماهوب قصورفي اصحاب المنتدى ولاكن فيه من جميع الفأت
والشي اللي ابي اوصلكم له ان الزين بياخذ حقه والشوي يجيب الوااجد
وتقبلوو مروري اعضاء المنتدى وزواااره
اخووكم اقدم صقاار

[بو غازي]

السلام عليكم ورحمه الله وبركاته
اولا اشكرك اخي العضياني1 على طرحك للموضوع
واسمحلي اشارك بوجهة نظري مع احترامي لجميع وجهات النظر
الحل طال عمرك وعمر من يقرا
حد الطير يعني اي واحد يعرض طيره يقول ابي فيه القيمة الفلانية بس هذا الحل:)

[ABN-DSHIN]

السلام عليكم ورحمه الله وبركاته,,


تحيه للجميع ومبارك عليكم باقي الشهر الفضيل ,,,


أعاده الله علينا وعليكم باليمن والطاعه ..


كلامك سليم يا صاحب الموضوع واتفق مع الاخوان في آرائهم ... ولكن ؟؟؟


من المفترض ..


1- السلعه اللي تعرض في المنتدى من الصفر الى أن تصل لآخر سومه يكوون السوم على المنتدى فقط مع وضع رقم هاتف .
** للتوضيح : أذا احد سامه بالتلفون يقوله سجل سومتك بالمنتدى مع رقم تلفونك **
لاني ملاحظ بعض البيعات عشر سومات بالمنتدى وعشرين برى المنتدى ..


2- يجوز السوم بأي سعر بس من غير بخس السلعه ..

(والشوي يجيب الواجد)


3- يجوز للبايع ان يضع الحد الأدنى لبدايه المزاد كما يحق للشاري ترك السلعه على جنب تستريح شوي ..


4- ان تكون الصور بالحد الأدنى 3 صور (نحر الطير , ظهر الطير , وعلى جنب) كاشف الرأس ..


5- أن يراعي شروط منتدانا منتدى الجميع منتدى مكشات وقوانينه ..


طولت عليكم وشكرا جزيلا .

[اقدم صقار]

بيض الله وجهك يا ابن دشن وهذا الكلااام اللي ثمرته فيه
وتحياتي لك ولكل اعضاء وزوار المنتدى العريق

[ABN-DSHIN]

بيض الله وجهك يا ابن دشن وهذا الكلااام اللي ثمرته فيه


وتحياتي لك ولكل اعضاء وزوار المنتدى العريق



ووجهك أبيض ومن يقرا

[طير الهقاوي]

السلام عليك ورحمة الله وبركاته
العضياني
بالنسبه لموضوعك
انا بقربلك الخطى فيه الحين
اولاااا لنفرض انك شاري سله وسيمت منك 20 الف
وبعدين تبي تبيع وتقول في خاطرك دون العشرين مانيب بايع
وجاك واحد وقالك 3 الاف يعني بتبيع
الشباب الي يعرضون السلعه ويقولون دون القيمه الفلانيه لا احد يسوم يبون يريحونك
من كلمت الف ولفين وميه وخمس وغيرها
وفي الاول والاخير حلاله يا ابن الاجواد ان شاء الله يعرضه بمليون
هذا الي انا اشوفه
ولا ابيك تقول اني ماكتبتلك هذا الموضوع اني واحد منهم
من عام 2007 مسجل في هذا المنتدى ولا بعد حديت او كتبت من القيمه هذي وفوق
لاكن هذي سلع وحلال ناس والبايع والشاري في خيار
تحياتي لك اخوك طير الهقاوي

[alkhaldi8855]

العضياني1 اانا ادورك بسما ولقيتك بالارض وادري الموضوع هذا مانزلته الي على شاني انا وانت الي جبت اسالفه والموضوع انت عارفني وانا عارفك انت جيتني وقلبت طيري وعلمتك بسوم الي عليه قبل لاتجيني بثلاث ايام مسيوم 23 الف وانت تسوم 17الف
وش تبيني اقول تبيني اقلد على سومتك واقول ابومشاري سايمه 17 واتمنى تعلموني برايكم ياجماعه

[العضياني 1]

لكل الاخوان اللي علقوا على الموضوع الشكر الجزيل:ثم ان هذا الموضوع مانزل من شان الاخ الخالدي ولايوجد خلاف بيننا يتطلب ذالك:اما لسومت طيرك اتمنى ان تتاكد منها لان الكلام اللي وصلني غير ومصدر الكلام قريب منك: ولك الشكر وسلملي على :عبد الله: وعلي :وترى الموضوع بسيط يا سعود انا عندك في الجبيل لاتروح للسمأ :اتمنى ان تتقبل كلامي بصدر رحب وكل عام ونت بخير:

[هاوي بر و صيد]

ربي يوفقكم جميعا

[أبو أمين]

يا أخوان

اللي يشوف ان الطير سومته المذكوره بعرضه كايده لا يسوم , يعني بيموت لو ما سام .

لا يكلف الله نفساً الا وسعها , اما انك تجي وتفرض رايك وتكسر السلعه لا ياحبيبي ماهو على كيفك

والناس حره بسلعتها وان كان تشوف العارض كذوب ولا مشكوك في امره خلوه

منت محدودين على طيره .

والطير الطيب ماخذن حقه كان باقي صقاقير يشوفون امهات خمس طير