السيارات الامريكية لا تبلى و اطول عمراً من اليابانة [الأرشيف]

XML FLASH

06/08/2011, 09:36 AM

السلااااام.

ملاحظة شخصية حبيت اخذ رايكم فيها بخصوص السيارات الاميركية الاحظ جمال البدي و الديكور و ايضاً المحرك ما شاء الله حتى في السيارات القديمة لا تبلى _ ايش السر؟؟!!!؟؟؟

الياباني تهربد بسرعة 3 سنوات بالكثير و الهيكل يبدا يتفكك و الرجه في السيارة و الدركسون ما تروح اضف الى مشاكل البخاخات و الانسدادات و انواع التقطيع!!!

من يوافقني الرأي؟ :)

Abo gssar

06/08/2011, 09:44 AM

السيارات الامريكية معروفة بالمتانة ومن ناحية المحركات وتحملها حدث ولا حرج

ABSS

06/08/2011, 10:50 AM

طيب انت لاحظة هالشي ولكن هل يستحق انك تفتح
موضوع وبعدين ياخي كل مواضيع فيه مقارنات وملاحظات
وهذا الشي ممنوع ...

*******************

و لد ملهم

06/08/2011, 11:01 AM

و أنا اخوك كلامك في محله و الدليل شف الشروكي موديل 91 إلى 96 و موديل 97 إلى 2001 مليان بشوارع الرياض و معروف إن مكاين الأمريكي أكثر تحمل .

ذهب صافي

06/08/2011, 11:07 AM

طيب انت لاحظة هالشي ولكن هل يستحق انك تفتح
موضوع وبعدين ياخي كل مواضيع فيه مقارنات وملاحظات
وهذا الشي ممنوع ...

ا***********************

يا أخي قل خير أو أصمت

((يعني الخير مامن خير والشر عجلن به ))
....................

السيارات الأمريكية لا زالت عريقة وتحمل صناعة وجودة عالية وأتوقع لأن مصانعها لا زالت في أمريكا ولم تنتقل إلى الصين وأندونيسيا وأستراليا كما فعلت أشهر الشركات ( تويوتا _ نيسان _ شفر )

عموما بارك الله فيه موضوع يستحق الرد (( معي فورد ))

escape_man

06/08/2011, 12:14 PM

السيارات الامريكية السبعينية من جموس وكابرسات لازالت تجوب الاراضي .. وماعندها الا الزين ..

لكن بالنادر تلاقي ياباني بهالموديلات الا عند الهواة مثل اخوانا الشرقاوية .. تلاقي النياسين القديمة (خل حقين

النيسان ينبسطون ) .. الجي تي و الزد والـسي و الـ 200L ولكنها نوادر.

الامريكي مع اني ما استخدمه سيارة للعائلة او للبر الا انه حبيبي الاولي ..

ابن علوان

06/08/2011, 12:54 PM

طيب انت لاحظة هالشي ولكن هل يستحق انك تفتح
موضوع وبعدين ياخي كل مواضيع فيه مقارنات وملاحظات
وهذا الشي ممنوع ...

الله يعين المنتدى على الاشكال
الحين انت سيء لانك لاانك رديت بادب ولا انك انثبرت

صبي غلباء

06/08/2011, 04:17 PM

طيب انت لاحظة هالشي ولكن هل يستحق انك تفتح
موضوع وبعدين ياخي كل مواضيع فيه مقارنات وملاحظات
وهذا الشي ممنوع ...

الله يعين المنتدى على الاشكال

السلام على الجميع
زين أني ما دخلت الا متأخر فكن الله ما جان كفين مع الظهريه
الله يهديك وش فيك معصب

كم كيلو باقي

06/08/2011, 04:20 PM

ههههههههههههههههههه

اقول صوموا وتعوذوا من الشيطان بس

عبد الله 99

06/08/2011, 05:01 PM

^^^^
هههههههههههههه

بديت استغرب
كان عندي هايلكس 96 و شروكي 92 صح الشروكي كان نشاط بس مبهذلني بالخرابات و كان راسي على الخط بعكس الهايلكس الي كان ما به عزم بس ما فيه خرابات و ما فيه رساوه على الخط مثل الشروكي
استنتجت < متعوب عليها > ان اليابان ما فيه حيل بس بدون خرابات اما الامريكي نشاط يحبه قلبك بس يدبل سبدك بالخرابات
على اني بعت الشروكي ماشي 245 الف و الهايلكس ماشي 350 الف و شف الفرق بالخرابات
و الحين مردنا للأمريكي فورد ماونتنير

ايقاع المطر

06/08/2011, 05:11 PM

صح كلامكـ السيارات الاميركيه اكثر تحمل والبدي
يكون امتن من السيارات الاميركيه حقت الوكلاء
وانا سويت مقارنه بين فورد استعمال امريكي
وفورد استعمال خليجي البدي حق الامريكي اقوى من الخليجي
وزد عليها المواصفات من ايرباق واكسسوارات تحسب للمستورد من امريكا
,الوكلاء الي عندنا ذبحهم الطمع والشجع
الين وصلت انهم مايهتمون في وسائل الامن والسلامه للسيارات
وهذا اهم شيء
غلاء في اسعار سياراتهم بلا جودة

حسن الشمالي

06/08/2011, 05:16 PM

اخي الكريم...

الظاهر انك تشوف الياباني وتحسبة امريكي...

وبالنسبة لانتشار السيارت الامريكة القديمة
لانها رخيصة وغالبا ماتجدها مع اجانب
لكن مع الباكستانية حقين السكراب والمقاولات والجبس...
هل سبق وان شاهدت معهم جمس؟
غالبا ددسن او هايلكس...

وجهه نظر حبيت ان ابديها...

تحياتي

لاتكب البيالة

06/08/2011, 05:23 PM

والله يالحبيب ودي اصدقك لكن الواقع يعيي
لان عندنا الامريكي وعندنا الياباني

أبوغيث 2003

06/08/2011, 07:52 PM

والله يا خيي جمال البدي والديكور ماله دخل بصناعة السياره

أحيانا تلقى كامري موديل 2000 تقل جديده من النظافه

وتلقى كابرس 2000 بعد تقل جديده

وأحيانا تلقى مواتر جديده ماله سنتين وشكله معفول تقل موديل 77

العمدهـ على الاستخدام والمحافظة

إحساس يتيم

06/08/2011, 08:15 PM

الكل له ذائقته
وأخوي حب يطرح رأي من وجهة نظره

وأنا أعلق ع موضوع أخوي وأقول
فعلاً الأمريكي أو غيره مع المحافظه والصيانة راح يعيش
وأنا عندي جمس موديل 83 ولا بإذن الله راح افرط فيه ليش؟
لأنه قوي ونشيط ومكيف وبدي وكاله ومرتاح منه بالحيل
فالأمريكي كجوده ونعم وكمضمون ونعمين لكن لابد من الصيانه ....!
تقبل مروري أخوي
إحساس يتيم

ناصر

06/08/2011, 08:36 PM

الولايات المتحده الامريكيه قارة كبيره وعشان تقطعها من الشرق للغرب تحتاج ايام
غير كذا جميع الفصول الاربعه راح تراها هناك تنوع مناخي
بحيرات وانهار وصحاري حارة وجبال جليديه

لاجل هذا حرص الامريكان على ان تكون سيارتهم مريحه في المقام الاول لقطع هذه المسافات الشاسعه
وتتحمل في نفس الوقت الجو الحار والبارد معا

عكس اليابان كلها براكين وغابات وجبال
لذلك تم التركيز في اليابان على الدفع الرباعي والقوه
ومن النادر تجد الياباني مريح في الخط

رهيب الرهيب

06/08/2011, 08:38 PM

نعم صحيح اصبر اذا كان الكلام عن الامريكي المصنع والمجمع في امريكا لاكن اذا كان الكلام عن الكابريس الجديد او الومينا المجمع في استراليا فلا الياباني اصبر بس الامريكي اذا فتح فمه خلاص قل عليه السلام بعكس اليباني الي قابل لتصليح

بدوي جنوبي

06/08/2011, 08:58 PM

طيب انت لاحظة هالشي ولكن هل يستحق انك تفتح
موضوع وبعدين ياخي كل مواضيع فيه مقارنات وملاحظات
وهذا الشي ممنوع ...

************************

من حق اى عضو يفتح موضوع دام ما يخالف قوانين القسم
الفتره السابقه تم منع مواضيع المقارنه

والان سمحنا بذلك الا أذا أضطرينا الى المنع من جديد

البدائع 2010

06/08/2011, 09:42 PM

السلام عليكم ورحمة الله
من وجه نظري (الخـــــــــــــــــــــــــــاصـــــــــــــــــ ه) الياباني افضل من الامريكي بمراحل خصوصا الموديلات من 92 الي الآن سواء تايوتا او نيسان
السيارات القديمة الي موديل 96 الامريكي افضل سواء الكابرس والسوبرمان

الذيب 502

06/08/2011, 11:10 PM

بعض الناس فيه قصور في فهمه

وتسرع في حكمه للأمور

أخي أحترم وجهة ونظرك , ولك الحق في حكمك لوجهة نظرك , أسأل المولى أن يحفظك من كل مكروه

من وجهة نظرى القاصرة الامريكي تهيمن وتربع على قمة السيارات ايام الثمانينات واوائل التسعينات وانحدر في بداية الالفين حتى نهض في اوائل عام 2007

مجرد وجهة نظر

ديفون

07/08/2011, 01:45 AM

السيارات اصبحت صناعة تجارية كلها ربل وبلاستك وفيبر جلاس مهما كانت الماركة . بعكس اول السيارة من اولها لاخرها حديد في حديد وعلى سبيل المثال شف الهمر الجيشي واللاندكروزر مابه مثيل . ولكن من دخلوا هلتقنية والكاميرات والشاشات . صار ت السيارة بدل ما تريحك تتعبك . وصرف فلوس . ( الاول فيه خير والتالي هم وشفط فلوس )

قازان

07/08/2011, 01:55 AM

هاذي معلومة يمكن لأول مرة تسمعوها

سمعت من أحد أساتذة الجامعات المتخصصين في مجالات التقنية والصناعات أن مصانع السيارات حالياً في أمريكا وغيرها تصنع سياراتها من مواد تتلف أو تهترئ مع نهاية فترة الضمان

ويتم اختبار هذه المواد في معامل خاصة حتى يضمنوا تجديد المستهلك للسيارة كل فترة

وعلى فكرة لما نقول مواد يعني ينطبق على جميع المعادن والبلاستيك الموجود في السيارة يعني من الشاسيه حتى الربلات

ولذلك ربما تكون بعض الموديلات القديمة أفضل من السيارت الحديثة وأقوى وأكثر تحملاً وإن احتاجت لبعض قطع الغيار

تحياتي للجميع

ديفون

07/08/2011, 02:00 AM

ياحبيبي الناس بتموت من خفت وزن السيارة بعكس اول حديد وقوة ما تنقلب السيارة الا في الحالات الصعبة . لكن الحين تدعس والموتر يريتفع من محله ريشة

XML FLASH

07/08/2011, 08:39 AM

في حياتي ما قنيت سيارة امريكية و لكن اللي اشوفه في الشارع!! الامريكي اجمل و اكثر انتشار بالتأكيد هالناس عندهم بصيرة

عموما ...اليوم باذن الله راح استلم سيارتي السيكويا دبل فتحه و لكن الاختيار حصل بعد صراع داخلي كبير في اختيار التاهو او السيكويا (التاهو ارخص و اجمل من الخارج و من الداخل و قطع غيار متوفر) و بعد استخارات عديدة و زيارات للوكلات كثيييرة وقع الاختيار سبحان الله ما كنت متوقع اختار السكويا _ اسال الله العظيم رب العرش العظيم ان يبارك لنا فيها.

كتبت الموضوع كمشاركة لما يدور في ذهني و كالعادة لا تأتي ردود اعضاء مكشات الا بكل جديد و مفيد كل يوم نتعلم شي في هالمنتدى العامر باهله

Lover gmc

07/08/2011, 09:47 AM

بالفعل
الامريكي يعيش طويلا , ومقوله اذا فتح فمه مايسكره
هذي ماتوا اللي يقولونها ,, يخرب وكل سياره تخرب
تصلحها ترجع مثل ماكانت واكرف ومد فيها
وملاحظ الامريكي دائما تجد امريكي ماشي فوق النص مليون
الياباني نادر تلقى والكوري ايضا
شي ثاني
السيارات الامريكه القديمه لو شفتها بالشارع تعرفها ولاتستغرب انها عايشه وتذكر الله
لكن اذا شفت ياباني قديم تقول وش هي السياره ذي ؟ واذا دققت بالاسم تنهبل
مثلا الكامري 2002 ماعاد نشوفها
جيب الربع , الهلي , الحوض من 99 وتحت نادر تشوفه
والكثير الكثير
حتى الاند من 99 وتحت قليل تشوفه

في حياتي ما قنيت سيارة امريكية و لكن اللي اشوفه في الشارع!! الامريكي اجمل و اكثر انتشار بالتأكيد هالناس عندهم بصيرة

عموما ...اليوم باذن الله راح استلم سيارتي السيكويا دبل فتحه و لكن الاختيار حصل بعد صراع داخلي كبير في اختيار التاهو او السيكويا (التاهو ارخص و اجمل من الخارج و من الداخل و قطع غيار متوفر) و بعد استخارات عديدة و زيارات للوكلات كثيييرة وقع الاختيار سبحان الله ما كنت متوقع اختار السكويا _ اسال الله العظيم رب العرش العظيم ان يبارك لنا فيها.

كتبت الموضوع كمشاركة لما يدور في ذهني و كالعادة لا تأتي ردود اعضاء مكشات الا بكل جديد و مفيد كل يوم نتعلم شي في هالمنتدى العامر باهله

اجل التاهو قطع غيار غير متوفر
احلق شنبي !
يارجال بكل جخر تلقاه .. لكن شكلك ماهتويت لان بحياتك خسرت شي
اللي هو اقتناء سياره امريكيه !!

شلشكو2011

15/08/2011, 06:44 AM

الامريكي صبور

ابوضيف الله

15/08/2011, 06:59 AM

الامريكي اذا لقي صيانة وتشيك يعيش ويبقى زي ماهو والياباني بعد نفس الشي بس الاكثر استحمال واريح الامريكي بس الله الله بالتشيك والمحافظ

كثير السؤال

15/08/2011, 07:13 AM

ييا اخوان اذا جا الواحد يقارن لازم يحط عناصر يقارن من خلالهن علشان يخرج بنتيجه بدال النقاش على جزئيه معينه
انا لست خبيرا بالمقارنات لاكن ابحاول اطرح عناصر
الراحه ...الامريكي متفوق
التحمل خص بالبر.....الياباني
قلة الخربات مع عدم وجود صيانه...الياباني اكثر تحمل
الفخامه والشكل الجمالي...الامريكي
وانا افضل الياباني وكل واحد له رغبته وكل موتر له سلبياته وايجابياته
والحين معي ددسن وقبل كان معي باثفندر وقبله كان معي كيا وجيب عشه
وانا افضل الياباني لانه يتحمل لاني جفس على الموتر

تحياتي

sgl2002

15/08/2011, 02:04 PM

ياخوان احسكم قاعدين تقنعون انفسكم بالامريكي وانه احسن من الياباني في التحمل

انا مع الامريكي القديم لكن الحين الياباني دخل بقوة

يعني عندك الباترول الجديد جيب وجمس مع بعض يعني راحة وقوة وفخامة

والامريكي معليش معروف بمشاكله واجد

يعني القير في الموديلات الجديدة دايم خرابات

سلم على وارد اليابان حتئ وهو خربان تشوفه يمشي

وتتوطا في بطنه يقول هل من مزيد

والامريكي القديم فقط

كثير السؤال

15/08/2011, 10:23 PM

خربات الامريكي على مااظن القير والمكينه والدفرنس ولا لي علم بهن
الياباني الله يخليه لنا

mamsdt

15/08/2011, 10:32 PM

Lover gmc

15/08/2011, 10:37 PM

التعـ King ـديل

15/08/2011, 11:00 PM

الامريكي مازال يصنع بنفس الجوده من 50 سنه

اما الياباني كل سنه يدحدر عن السنه اللي قبلها وكل موديل ينزل مستوى الجوده فيه عن اللي قبله

بيق مان

15/08/2011, 11:37 PM

في ديرتنا الحرارة تقضي على الموتر .. الاجواء قاسية جدا
من وجهة نظري ومن واقع تجربة ما يصبر علينا وعلى جونا مثل الياباني
والدليل السيارات اللي تشاف في الصحاري ومع البدو وش هي؟ كلها ياباني.
كد ومد وصيانتها بسيطه.

Lover gmc

16/08/2011, 01:14 AM

^

والجمس الحمر ؟

ابو باااسل

16/08/2011, 01:58 AM

انا جربت الياباني والالماني والكوري ولا عمرت معي احدهم اكثر من سنتين ونص

والحين كابرس 2002 له معي 8 سنوات والله الحمد ما طلب مني شي غير الاشياء الاستهلاكيه

وتاهو 1994 له سنتين ومع راعيه الاول 4 سنوات والحمدلله برضوه قوه ومتانه

hightech

16/08/2011, 02:14 AM

هذا اول ايام الستينات والسبعينات ومن بداية الثمانينات فرضت الحكومة الامريكية شروط على الشركات المصنعه×

شروط ومن ضمنها ان المكاين ماتكون تكلف بانزين علشان ×البترول والبيئه وفعلا اندمرت صناعتهم والحين نشوفهم بدؤ

في اعادة السيارات القديمة والسوبر تشارج الكمارو تشهد على ذالك .....

عاد لو يعيدون صناعة ابوعبارتين كان تكمل بس الصراحة مع اني من محبين الامريكي لكن الياباني حاليا مامثله×

كنك تسوق مدرعة مايهمة شي واكبر دليل ليبيا شف الشاص قام مقام الدبابه صراحة قمة الاعتمادية صح تحتاج كل مية كيلو تحول وتمغط وتعدل ظهرك×

لكن اخر شي تفكر فيه الصناعية ..

وادي حويره

16/08/2011, 02:24 AM

الامريكي لديه ميزه وخاصة بالفورد ان سيارته ماتشيخ
وب3 الالاف ريال يرجع ورده
والامريكي مكاينه اقوى من الياباني بمراحل
لكن عيبه يهربد ولو اني شايف الان مع ردائة الياباني في السنين الاخيره ان الامريكي يعتبر اقوى السيارات واكثرها سلامه

طحنون

16/08/2011, 02:36 AM

اهم شي العنايه في السياره وكيفيه التعامل مع الصيانه
سواء ياباني او امريكي او اوروبي او اي سياره لاكن من ناحيتي السيارات اللي تخدم هي السيارات الالمانيه
اوالاوربيه عامه
شوف المرسيدس القديم ينافس السيارات الجديده لا في الخطوط ولا في الصيانه

كثير السؤال

16/08/2011, 02:51 AM

البداوين وتعرفون كرفهم للموتر بسوق البل والغنم والبران ومع قل الصيانه بعد
واكثر مواترهم يابانيه
الامريكي حساس الياباني عطية الله
بس من تالي دحدر وصار معقد ولحق بالامريكي ومابقى الا الشاص

سليمان1111

16/08/2011, 03:16 AM

السيارات الامريكية معروفة بالمتانة ومن ناحية المحركات

جمس دينالي

16/08/2011, 03:31 AM

صاحب مبدا

16/08/2011, 04:03 AM

انا عندي كاابرس 2008 وووين التحمل كل يووم وانا بورشة اصلحة خبطة على المكينة مرة وما سلمت من خراباتة الى يووم بعتة اماا القديمااات مدري عنهااا

Hwer

16/08/2011, 05:04 AM

توقعاتك خطاء بان السيارات الامريكية تعمر اكثر
استخدم سيارة يابانيه ثلاث سنوات وبنفس الوقت استخدم سيارة امريكية بتشوف فرق شاسع بين الجودة الامريكية واليابانيه
ولمعلوميتك السيارات الامريكية تصنع لامريكا لعدد سكان 280 مليون نسمه بنسبة 75% وباقي العالم 25% بمعني السيارات الامريكية محصورة على امريكا ودول الخليج فقط حتي انهم صدرور مصانعهم ومنهم مصنع شروكي بمصروالصين بريطانيا وغيره للمحاوله بأخذ حصه من السوق العالمية لاكن للاسف صناعتهم فارهه وليست ذات جودة يعتمد عليها بينما اليابان عدد سكانهم 127 مليون ونسبة صناعتهم للخارج اكثر من داخل اليابان وهذا اكبر دليل على ان صناعتهم ذات جودة عاليه والدليل الاخر سحب البساط من تحت اقدام المصنع الامريكي واصبحت اليابان من اكبر مصنعي السيارات بالعالم
بين

الباثفندر 3.5

16/08/2011, 05:14 AM

اقسم بالله الامريكي ازبل صناعه من بعد الكوري اليوكن و التاهو بس تمر عليه سنه يضبب و البدي ما في اخف منه حتى لو تتسند عليه ينطعج و شوفو الوانيتات الامريكيه كلها مصديا من تحت من الوكاله ههههههههه و غيرها من مصايب الامريكي كهرب و قير و مصايب ثانيه + ضعف المكيف عند الوقوف و الرجفه و غيرها من المصايب
و الياباني الجديد خاصه تيوتا صارت سيئه و صناعتها تجاريه×

ابونبيل

16/08/2011, 06:34 AM

الامريكي فخم وقوي حيل بس يطلب..

الياباني قوته زينه ومايطلب

وبخصوص الامريكي ترا الكابرس ماهو على خبرك الحين استرالي ومايسوى

الامريكي مافيه شي عندهم سوقه ماشي صح الا الجمس الحوض والصالون والاكسبدشن والفكتوريا هذي الي صح يشهد لها

اما غيرها اسمحلي غثا وبلاء