المساعد الشخصي الرقمي

مشاهدة النسخة كاملة : موضوع مهم عن تقليل صرفية السفاري للبنزين


ابواليزيد
15/01/2006, 05:05 AM
السلام عليكم ورحمة الله وبركاته

اخواني بلغني عن احد الاصدقاء ان هناك حل لصرفية السفاري
الا وهو بعد ان يصفر التانكي:eek: تعبيه بعلبة زيت فرامل وحده
وهمن تعبيه بنزين .يقول ان فيه ناس مجربينها وسالكه معهم وانخفض صرف البنزين وانه ما يضر الماكينه ويقولون :confused:
انه زاد عزم الموتر بعد .طبعا اللي مجربينها هم اللي قالوا له
اتمنى من اللي جرب او عنده خبر يفيدنا وجزاه الله خيرا
مترالبران
15/01/2006, 09:31 AM
ماعندي علم تنفع للمواتركلها ولا لا وشكرا
عيناوي اصيل
15/01/2006, 10:16 AM
السلام عليكم ورحمة الله وبركاته

اخواني بلغني عن احد الاصدقاء ان هناك حل لصرفية السفاري
الا وهو بعد ان يصفر التانكي:eek: تعبيه بعلبة زيت فرامل وحده
وهمن تعبيه بنزين .يقول ان فيه ناس مجربينها وسالكه معهم وانخفض صرف البنزين وانه ما يضر الماكينه ويقولون :confused:
انه زاد عزم الموتر بعد .طبعا اللي مجربينها هم اللي قالوا له
اتمنى من اللي جرب او عنده خبر يفيدنا وجزاه الله خيرا

اسمح لي ماروم افيدك ، بس ماعتقد تضر المكينة ، ممكن تسوي دخنه
او تحرق البلاكات ( شمعات الاحتراق )

والسموحة
كوكو بلقاري
15/01/2006, 10:44 AM
خطا وتخرب البخاخات إذا كان الباترول موديل جديد وإذا كان كلبليتور أيضاً تخر إبر الكلبليتور إسأل مجرب وتث:no2: عور أدخنة
عيناوي اصيل
15/01/2006, 10:53 AM
خطا وتخرب البخاخات إذا كان الباترول موديل جديد وإذا كان كلبليتور أيضاً تخر إبر الكلبليتور إسأل مجرب وتث:no2: عور أدخنة

مشكور على التصحيح المعلومة ، انا اعتقد ذلك
لاني شفت مكانيكية يضعوا زيت المحرك في الكاربوريتر
يقولوا انه ينظف الكاربوريتر ، بس مادري عن البخاخات

ومنكم نستفيد
ابو سمر
15/01/2006, 11:13 AM
لكن زيت الفرامل يتلف الربلات والليات ، حيث أن ليات الفرامل تختلف نوعيتها عن ليات نقل البنزين .

لكن لعل يفيدنا من جرب .

وشكرا لك أخي إثارتك هذا الموضوع ..
ابواليزيد
15/01/2006, 10:43 PM
شكرا لمشاركتكم بالموضوع Uae4x4 شكرا على الرمسه;)
يعني الطريقه ممكن تسبب اضرار للسيارة
طيب هل فية طريقه اخري افيدوانا افادكم الله
العروق
15/01/2006, 11:00 PM
والله ما عندي علم بس تكفون اللي عنده حل يبلغنا نعنبوه مشاركن اعيالنا بالراتب وجزاكم الله خير
عاشق الزعيم
15/01/2006, 11:01 PM
نفس السوال ولكن شاص 2000عجزت عنه ايش حله !!
اما بنسبه لسفاري ابره الأتيما وسلامتك
القناص
15/01/2006, 11:32 PM
يا خوي سوبر سفاري 2005 صرفيته زينه
بل ممتازه مقارنةً باداءه الجبار كسيارة دفع رباعي وكبيره
ومقارنةً بالجيوب الاخرى المماثلة.

عموما نصيحه خذ موترك لاقرب فرع للوكاله اورشه معتمده وسو له تصفية
غير بواجي واسلاك بواجي وفلتر بنزين وفلتر هواء واوزن الكهرب وما الى ذلك.

وستجد فرقا واضحاً لمعدل الاستهلاك
تمنياتي لك بالتوفيق
طخيمان
15/01/2006, 11:35 PM
اما بنسبه لسفاري ابره الأتيما وسلامتك
للأسف مافهمت وش معنى الكلام.
tomas73
15/01/2006, 11:37 PM
سلام يا الاخو فية علب ومكتوب عليها مثبت الوقود تباع في محطات البنزين على طريق دبي واظن انها موجودة في محطات البنزين في الدمام
البرحه
16/01/2006, 02:55 AM
والله ما ضنيت ولا وحده من هالطرق بتنقص شي الا وخربت شين اعظم

الي ناوي يخلي الموتر ولاعنده نية بيع يقلبه ديرزل او يشري ديزل

والله انه حليو
نجمة سهيل
16/01/2006, 03:08 AM
اخوي نصيحتي لك خل الموتر شد بلد أحسن له .. وان بغيت تركب لاتركب الا فرارات وراح يقل معك الصرف تقريبا 60 الى 80 كيلو .. بعدين الي يقولك انه السفاري الجديد يصرف .. صدقني ماعنده علم .. ياخوك معي سفاري 2005 توب ترونيك (( عادي و أوتوماتيك )) وصرفيته ممتازه مره بالنسبه لمكينته ..

يعني مكينه 4800 .. 280 حصان .. 6 سلندر .. يمشيك التانكي الأول خطوط حدود ال550 الى 600 ..

انا طالع عليه معبي فل التانكيين .. طلعت للبر عصر الجمعه ولارجعت الا السبت المغرب .. ولعت علي اللمبة الصفرا قبل اوصل للبيت بتقريبا 5 كيلو .. وعلى فكره قاطع 38 كيلو نفود ..

وأول ماوقفت عند باب الكراج .. ناظرت العداد .. وطلعت ماشي 599 كيلو بالظبط:)

يعني صرفيته ممتازه جدا . 600 كيلو ب72 ريال ؟؟


لايغرك الي يقولك ازين لك صرفيته خله على شد بلده احسن له ..


شهد الكون بما امتلك .. بأن الباترول من روائع الفلك
طــــويـــق
16/01/2006, 03:13 AM
الباترول الكالبوليتر ماله الى طريقتين للتقليل من صرفية البانزين اما البخاخ طريقة واحده وهي :


1- تركيب فرارات ( للبخاخ والكلبلتر )

2- تركيب ابره للكالبليتر صغيره اصغر من اللي فيه حقت وكالته مثل ابره الاتيما زيم ماقال اخوي عاشق الزعيم .

اما طريقة الفرارات انا جربتها وفرقت معي في حدود 60 كيلومتر .

اما تغيير ابره الكلبليتر ماجربتها لانها حسب ماسمعت انا تقلل من عزم السيارة والنفود يبغالها عزم . وشكراً
عيناوي اصيل
16/01/2006, 08:33 AM
نفس السوال ولكن شاص 2000عجزت عنه ايش حله !!
اما بنسبه لسفاري ابره الأتيما وسلامتك

اخوي مشكور على المعلومة ، بس تصغير الابر ما تصلح للرمول والطعوس
وهي زينه للشوارع والسيوح

وتسلم اخوي
الفيافي
16/01/2006, 11:36 AM
مالك ياخوي غير أبر الألتيما تراها مجربه

سبان الله وبحمده
عيناوي اصيل
16/01/2006, 12:14 PM
مالك ياخوي غير أبر الألتيما تراها مجربه

سبان الله وبحمده
باك الله فيك اخوي
بس شو العزم في صعود الطعوس
gx555
16/01/2006, 03:15 PM
السلام عليكم

ياشباب لاتنسون مراوح الكهرب تراها تخفف الصرفيه و تزيد العزم خاصه إذا سخن الموتر (في الطعوس مثلاً) او في الصيف .

وتصلح للنيسان والتويوتا .

انا كنت مركبها على فتك وعلى جي اكس ومابقى مكان مارحت له وما شفت منها الا كل خير.

المراوح اللي على الموتر لـ كابرس اس اس 2004 لاحراره ولاحنه ولا ما يحزنون

والله العالم
ال تي
16/01/2006, 08:19 PM
السلام عليكم

بالنسبه لوضع زيت الفرامل داخل تانكي البنزين يضر لنه ينظف التانكي والرواسب تذهب الى الكالبريتر او البخاخ ويتسدد وانا جربت تلاحظ فرق فتره ويرجع الموتر اسوء من قبل
أنتيكه
16/01/2006, 09:40 PM
بخاخ الألتيما يقلل من صرف الباترول بس المشكه أن عزم الباترول يضعف انا مجرب الطريقه بس يوم جاء الشتاء وجت طلعات البر الموتر مايجملك بالبر وبالذات إذا بغيت مطامر النفد ويقولون ان البوجي الشمعتين مع بخاخ التيما مايغير من عزم السفاري
هويدي
17/01/2006, 06:01 PM
السلام عليكم

ياجماعه الربع انا معي سلقه 2001 كلبليتر 4500 ماخليت شي ما سويته فيه

ركبت مراوح كهرب وفرارات وبواجي كامري راسين واسلاك 10ملي

خفت صرفيته بعض الشي زي ما تفضلو الاخوان من 60 الى 80 كيلو

وبالنسبه لأبر الالتيما لا تقربكم

ركبت كلبليتر التيما كامل وبدا يقطع الموتر ويدخن وعزمه دمار

آخر شي سويته وحسيت بفرق غيرت اصلاح كلبليتر بـ 200 ريال وتركيبه بـ 100 عاد انت وشطارتك بالمكاسر

بس لازم يصير الميكانيكي مضبوط لان موب كل من هب ودب يلعب بالكلبيتر

وصار التانكي يمشين 450 كيلو وزود على كذا الموتر مرفوع ومركبله بالون ومعروفه بالثقل

فابنظري انا 450 نعمه من الله والصرفيه بسلامته لا صار الموتر بيطربك ويبردسبدك لا اقبلتلك على عرق
التكريتي
19/01/2006, 08:24 PM
طيب واللي يقولك وكبله بخاخ
يقوال الصرفيه تقل والعزم يزود بس ما أدري كم يكلف؟
لأن أنا معي سفاري موديل 99 ما يمشين 390 كيلو بالخط
أبومناحي
19/01/2006, 11:34 PM
شكرا أخوي

وجزاك الله الف خير
التكريتي
20/01/2006, 09:07 PM
محد عطانا خبر؟
أنتيكه
21/01/2006, 12:16 AM
أحسن حل لصرف السفاري أن تركب بخاخات ألتيما بس المشكله ان العزم يضعف شوي اللى جرب السفاري قبل وركب بخاخ ألتيما يفرق عزم الموتر معه أما اللى أول مره يجرب السفاري ماتفرق لأن عزم الموتر يختلف بالبر أما بلأزفلت ماتفرقه وإذا ركبت بخاخ ألتيما ركب معها بوجي شمعتين تراني مجرب الطريقه بس الموتر لك عليه بنطح النفود إذا فيه بخاخ ألتيما بس ممكن تسأل الوكاله عن بلف الألتيما الجديد ممكن تكون فتحات ضخ الوقود أكبر فإذا كانت أكبرتكون أفضل لأن السفاري يحتاج كمية وقود كبيره لكي يعطيك القوه المناسبه أما إذا قل الوقود يضعف العزم لأن كفاة الهواء مع الوقود غير متزنه
أنتيكه
21/01/2006, 12:20 AM
للأسف يوجد خطأ في العباره السابق عبارة أخوكم أنتيكه ممكن تسأل الوكاله عن بخاخ وليس (بلف) الألتيما الجديد
غيّام
21/01/2006, 12:48 AM
الى الحين مافيه حل يريح الراس الا انا نكتب لولاة الامر بخفض سعر البنزين وهذا احسن حل وابومتعب ان شاء الله انه يحرص على راحة المواطن
التكريتي
21/01/2006, 03:49 AM
طيب ما يصلح أركب بخاخ سفاري جديد؟؟
هويدي
21/01/2006, 10:01 AM
البخاخ لحاله غالي وتركيبه صعب وماكلن يضبطه لانه يجي معه كمبيوتر وكومه اسلاك وحوسه


فأفضل حل بنظري انك تروح للتشليح وتبدل مكينتك بمكينه بخاخ وتدفع الفرق


اتمنى اني افدتك
كويس
15/10/2011, 10:01 PM
هل زيت الفرامل ينظف البخاخات


اذا وضعته في التانكي