مساعدة لاهنتو

[عاشق بوظبى]

احتاج ارقام و عناوين افضل ورش في حفر الباطن، لاني بجي من الكويت، عندي لاند كروزر، اخو الربع بس اربع ابواب، احتاج اركب بطارية اظافية،تانكي ماء و تانكي بنزين.

بصراحه قاعد اواجه صعوبة كيف انزل صور حق موتري قبل وبعد التعديل.احتاج مساعدة.

شكرا للجميع، ربي يتقبل صيامكم و قيامكم

[asksh78]

يا هلابك يالغالي منور الديرة

أفضل الورش بالنسبة لي اذا ما عندك مشكلة بالتكلفة فأشوف ان ورشة الاصيل و المحمود هم افضل الورش

لكن بما انك تبي تركب بطارية اضافية و تانكي ماء و بنزين فمهو اي احد يسويها يبيلها واحد متخصص و ما اتوقع ان الاصيل و المحمود يسوونها

لكن أشوف الافضل انك تروح للصناعية و تسال و راح يدلونك على الورش الي متخصصة بهالشي

ووصف الصناعية اذا ما تدلها يا طويل العمر و انت جاي على طريق الكويت ابد اول اشارة تصادفها خذ يسار و بعدها بـ 500 متر راح تشوف الصناعية على يمينك

و اي استفسار او طلب لا يردك الا الكيبورد

[عاشق بوظبى]

الله يرحم والدينك انشاالله، الله لايهينك مشكور ماقصرت، (ورشة الاصيل و المحمود) شنو تخصصهم؟ واذا عندك ارقامهم ماعليك امر.

يتقبل الله طاعتك انشاالله