المساعد الشخصي الرقمي

مشاهدة النسخة كاملة : الى اهل الخبره في الفتك والهدد


فتى شنه
15/01/2006, 02:21 PM
بسم الله الرحمن الرحيم


اخواني اهل مكشات بشري سياره للبر ومحتار بين الهدد البريمي فل كامل

وبين الباترول قير عادي اللي جنوطه زي الفل كامل بس يجي قير عادي فقط قيمته

123000 متردد بين الاثنين والهدد سعره 147000 افضل موصفات
لاني طلبت قير عادي فقط فل كامل باترول وقالوا مايجي والهدد فل كامل
ونش وهزاز وزينون واصطب لكزز

فارجوا النصيحه من كل النواحي للسياره من حيث المزايا

والمشاكل للجيبين


والله لا يهينكم


والسلام عليكم ورحمه الله وبركاته
ابو ســــاره
15/01/2006, 03:51 PM
اذا ما يفرق معك المبلغ انصحك بالهدد تراه شيك في جيبك وموتر فيه قيمته لا من ناحية المظهر ولا من ناحية الاستخدام .
beznas
15/01/2006, 09:52 PM
يالغالي .. والله ان سؤال محير..
لكن بقووووولك معلومه يمكن ما تعرفها الي هي ان الباترول يجي فل كامل قير عادي يعني زنن و فتحه و جلد و وو و و لكن وكيلنا الحمراني ما ينزله والموتر موجود بوكالة قطر...
وعندي لك سؤال هل القى الهدد الي تقول عنه بالرياض ولالا ؟؟ وهل يجي بفتحه ولالا؟؟ ياليت تزودني بالمعلومات وهل هو قير عادي ولا لا؟؟؟ اخووووووووك خالد
sultan8861
15/01/2006, 10:02 PM
الصراحه كل واحد يقول للثاني انا ازين
والله يباركلك باللي تشريه ويعطيك من خبره ويكفيك شره
المطلق
15/01/2006, 10:22 PM
يقول الشاعر في ذم النيسان:-
واحذر من النيسان يملاك يغبارة ... لولا غبارة كان مابه عذاريب

إذا كان معك قروش خذ الهدد ولا تفكر وخل عنك هالسلقة
فتى شنه
16/01/2006, 12:43 PM
هلا اخوي ابو ساره

مشكور على ردك وهذا كلام اكثر الناس
والله يجزاك خير





هلا اخوي beznas
مشكور على ردك لكن ميزه الباترول حاجتين الى الان وهي فيه انه دفرنس امامي وقير ومكينه

جباره لكن الباقي موهو الي لكن كم رقم الوكاله اللي لقيته في قطر وبكم سعره اللي يجي فل كامل قير عادي فقط

والهدد اللي اللي اقوله موجود في الرياض افضل من اليحيى اللي الناس مطيرته في العجه ومضمون لك

يجي الله يسلمك هزاز وانوار زينون زي الفكسار وفتحه وارباق يعني فل كامل والكامل وجه الله سبحانه

ان بغيت اصطب لكزز وان بغيت اسبير تعليق تجي والسعر واحد بين النوعين 147000 ريال
وتلقاه الله يسلمك عند معرض المسند عند الاخ عبدالله رقم تلفون 2313661
ويجي قير عادي وتماتيك




هلا اخوي sultan8861

مكشور على هالدعوه الطيبه من الوجه الطيب والله يجزاك خير





هلا اخوي المطلق

مشكور على هالقصيده على قولتهم { العصماء}

مشكور على هالنصيحه والله يجزاك خير لكن شكلك متأثر بالقصيده اللي يمدح التايوتا ومن ضمن قصيده يمدح اليابان اللي صنعته


صناعه عبقرياً لاش ليحه ولا فره ...... ومن زود امتهان العلم عينه تقل مجبوعه



والسلام عليكم ورحمه الله وبركاته