سؤال عن اضافات للشاص صار عليه حادث ارجو المشاركة من الجميع

[هايم بالدهناء]

احد الاصحاب معه شاص 2010 وما شاء الله كل شي مركبه عليه

من شد الفراشة اللي ينفتح على الجوانب وتوانك ومحول كهرباء ممدد افياشة إلى آخر الصندوق ولمبات في داخل الشد وإلى آخره الشاهد ان الاشياء هذي كلفته اكثر من 5 ألاف ريال

وصار عليه حادث قوي من ورى وخربت توانك الماء والشد تفط وخرب وتسليك الكهرب تقطع


المشكلة ان التأمين يقول ما نصلح إلا الاشياء الاساسية في السيارة

يعني بالعربي الاضافات ما نعوضك عليها

ووش رايكم يا يا شباب هل هذا صحيح ولا وش الدبرة؟

[إحساس يتيم]

أخوي هايم بالدهناء
الحمدلله ع السلامه والحديد يتعوض
وبالنسبه للتأمين نعم غير مسؤول عن الأشياء اللي تم ترهيمها بأنواعها
هذا للإفاآاآاده أخوي
وآخر الشر إن شاء الله وأنا أخوك
تقبل مروري
أخوك
إحساس يتيم

[gx-low]

لا تاخذ بكلام التأمين لو فيهم خير ما تعاملوا بالربا

رايي ان كانك تبي حقك ارفعه للشرع

اللي خابرينه ان اللي يتلف شي فعليه ضمانه

[sdgiusdf]

يمكننا أن ننظر! أوصي هنا! http://www.dhgate.com (http://www.dhgate.com/7-quot-touch-screen-2-din-car-player-car/p-ff808081311af19801312493a4b75a84.html?utm_source=m ekshat.com&utm_medium=forum&utm_campaign=ZQL&f=forum%7C%7C112678112%7Cforum%7Cmekshat.com%7C%7C %7CZQL%7C)

[اخو سعود]

الحق لك لا تسكت
وي يخرب شي يصلحه
اشك شركه التامين

[جمره]

الضمان مو مسؤل الا عن السياره فقط

التجهيزات ماهي تبع الضمان

وانت احسبها انك راعي عماره وقالك المستاجر عوضني كذا؟؟؟
العقل والمنطق يقول اعوضك عن الاساسي فقط
الاضافي انت اللي مختارة وانت اللي تتحملها

[ALBDRANE]

تعرف سالفة الي يقول : أذا سلم راسك شرينا لك عقال

الله يعوضك خير

أول مشاركه لك صح ؟ حياك الله

[واطي الجمرة]

طبيعي ان التأمين مايعوضك عن الأضافات التأمين ع المركبه الأساسيه
اجل بركب شد واقول للتأمين قيمته 15 الف ههههه عوضوني


معلمومه مهمه انقلها لكم بخصوص التأمين وهي ان السيارات الي مركبين دعامه اذا صار لهم حادث ماتعطيهم الشركه فلوس لأن الدعامه تلغي التأمين خصوصا الأماميه

[حسن الشمالي]

يحمد ربه انهم بيصلحون الاشياء الاساسية...
ماقلو الشد يلغي التامين بعد...

والحمدلله على كل حال...