مشاورة لتغيير قير جمس

[منصورالشمري]

السلام عليكم ورحمه الله وبركاته
اخواني استشيركم بشغله


عندي جمس حوض 82 قير عادي مكينه 350 هل استطيع تحويله الى قير اتوماتيك وكم يكلف اذا كان يقبل
وهل هناك ورشه متخصصه بهذا المجال

[rpk]

وعليكم السلام
نعم تستطيع او شئ يلزم لك 1- دركسون قير تماتيك يكلف بالكثير350 ريال 2-قير تماتيك مع وايره مدري كم السعر 3- ميكانيكي شاطر وسلامك

[منصورالشمري]

وعليكم السلام
نعم تستطيع او شئ يلزم لك 1- دركسون قير تماتيك يكلف بالكثير350 ريال 2-قير تماتيك مع وايره مدري كم السعر 3- ميكانيكي شاطر وسلامك

الف شكر لك

[الشهابة]

اخوي منصور .. على حد علمي العكس ممكن من القير التماتيك إلى العادي و أحد الزملاء كان عنده مكسيما 99 صار لها حادث قوي و من الأمور اللي غيرها تعديل القير من تماتيك إلى عادي ..

و لكن من القير العادي إلى تماتيك أعتقد - و الله أعلم - صعب و مكلف جداً و لكن بالدراهم كل شي ممكن ..

[rpk]

مكلف ونا خوك في سياره ثانيه لاكن الجموس القديمه تحويل القير العايدي الى تماتيك اسهل من تحويل التماتيك الى عايدي

[منصورالشمري]

الله يجزاكم خير هل هناك ورشة مشهوره في بريده فيها ميكانيكين محترفين

[التعـ King ـديل]

اذا كنت من اهل الرياض فيه ورشه راعيها سعودي شايب يقاله الظاهر ابو حمد بالصناعيه القديمه .. تخصصه جموس وخاصه القديم منها .. اذا بغيت وصفه علمني

[قمة افرست]

يركب اخوي ولاهو بذاك الصعوبة لو بتركب مكينة فورتيك تركب
اهم شي الميكانيكي الشاطر واشور عليك تروح التشليح تاليح بريده وتطلب استبدال القير وتتفق معهم يعطونك شغل كامل

[منصورالشمري]

الله يجزاكم خير جميعا

الاخ كينج التعديل

ايوا الله ابي وصفه واذا حصل رقم تلفونه جزاك الله خير

[عزيز395]

ياطويل العمر
يبيلك :
1- دركسون فية ذراع قير التماتيك
2- قير تماتيك
3- دعسة فرامل حقت تماتيك وباكم
4- رديتر يكون فيه مبرد زيت قير الاتماتيك
وسلامتك وبالتوفيق
على فكرة انا استخدمت جمس قير عادي وجمس قير تماتيك
التماتيك احسن من العادي 1000 مرة

[خشير الذيب]

يكلف 3500 كامل شامل في تشليح نجم الشرقيه بالدمام راسلني على الخاص اذا لك رغبه اعطيك وصفه والسعر هذا تحويل بليزر والبليزر فيه دبل يعني اذا موترك بدون دبل يمكن ارخص

[حمدان النشمي]

بسم الله الرحمن الرحيم

السلام عليكم ورحمة الله وبركاته

حياكم الله يااخوان

لكن عندي استفسار وان شاء الله انكم
بتفيدوني بهالموضوع
أنا أمتلك جمس 82 قير عايدي والآن
أريد تحويله ألى تماتيك لأسباب صحية

لكن يااخوان هل هناك من جرب ؟؟؟
وهل تنصحوني بورشة معينة ؟؟؟علما أني من أهل الرياض
وكم التكلفة كاملة شامل القطع وشغل اليد؟؟؟

أتمنى يا اخوان اللي يقدر يفيدني يرد
بأسرع وقت لحاجتي للسيارة

وشكرا ..

[Abosaad55]

يكلف 3500 كامل شامل في تشليح نجم الشرقيه بالدمام راسلني على الخاص اذا لك رغبه اعطيك وصفه والسعر هذا تحويل بليزر والبليزر فيه دبل يعني اذا موترك بدون دبل يمكن ارخص
اخوي الكريم عندك تحويل من تماتيك الى عايدي ممكن تفيدني الله يجزاك خير

[Abosaad55]

بليزر 1993 وكم التكلفه لاهنت

[sport.ltz78]

اخوي ابو سعد انا عندي كابرس صابونة موديل 1992 و دايم تحرق كلتشات القير و الحين ابي احوله لقير عادي ,وصفلي واحد من الشباب ورشة في صناعية الشفا وبروح اليوم ان شاء الله و بشوف وش يصير معي و بحاول اني افيدك ان شاء الله.

[sport.ltz78]

السلام عليكم و رحمة الله و بركاته , رحت للورشة و قالي يحولها لعادي بس شغل يده 600 ريال و هو سعر جدا مناسب صراحة لاني رحت للصناعية القديمة و قالوا لي ب 1500 ريال , طبعا هذا شغل يده بس لكن القطع عليك و المخرطة عنده بنفس الورشة بس ما سألت هل ب 600 مع المخرطة و الا بدون .

[ماzن]

السلام عليكم و رحمة الله و بركاته , رحت للورشة و قالي يحولها لعادي بس شغل يده 600 ريال و هو سعر جدا مناسب صراحة لاني رحت للصناعية القديمة و قالوا لي ب 1500 ريال , طبعا هذا شغل يده بس لكن القطع عليك و المخرطة عنده بنفس الورشة بس ما سألت هل ب 600 مع المخرطة و الا بدون .



السلام عليكم ورحمة الله وبركاته
اخي الكريم وين موقع الورشة
انا عندي بليزر او تاهو 94 باب واحد قير تماتيك
ابي اقلبه قير عايدي
واحتاج من الاخوان نصائح ايش الأفضل هل أغير المكينه كذلك او ما يحتاج.
وشكرا

[YUKON_GMC]

اول شي الموضوع من سنة السبله مدري من طلعه من الارشيف ..

ثاني شي الناس تحول من تماتيك الى عادي
لأنه اقل صيانه واقل اعطال وافضل في الصحراء والرمل وتقدر تشد على السياره بالنمره عكس التماتيك ومستغرب من اللي يبي يحول عادي الى تماتيك ..


ثالث شي 90% من الورش يعرفون يحولون التماتيك الى عادي لانها مرررت عليهم كثير لكن يحولون العادي الى تمايك قليله وصعب تلاقي احد يضبطه

رابع شي التحويل الى عادي او العكس نفس القيور تركب على بعض ان بغيت عادي والاتماتيك كلها تركب لنفس الموديل

خامس شي وشكلنا مطولين للتحويل من تماتيك الى عادي تحتاج قيرعادي وعصاء القير وفتحه للعصاء بالنص ودعسة كلتش وبرضه لازم فتحة للعصى وعلبة كلتش وبرضه لازم تخريم للعلبه ومواصير بين العلبه والقير وهذي تحصلها بالتشليح من اي جمس والا سوبرمان عطلان قديم قير عادي وماتكلف كثير